धनगढीः धनगढीबाट एक फरार प्रतिवादी पक्राउ परेका छन्। सोमवार धनगढी उपमहानगरपालिका–७ बेलीका ३६ वर्षीय मेलाराम रानालाई पक्राउ गरिएको हो। उनी चेक अनादर लेनदेन मुद्दामा फरार रहेका थिए। उनलाई धनगढी–२ सन्तोषी टोलबाट जिल्ला प्रहरी कार्यालय कैलालीबाट खटिएको प्रहरी टोलीले पक्राउ गरेको प्रहरीले जनाएको छ। कैलाली जिल्ला अदालतले २०७८÷०४÷१० गते रानालाई ५ सय जरीवाना सजाय सुनाएको थियो। आवश्यक कारवाहीका लागि उनलाई कैलाली जिल्ला अदालतमा पठाएको प्रहरीले बताएको छ।
Author: महेन्द्रनगर पोष्ट
काठमाडौँ: धनगढीस्थित निसर्ग अस्पतालमा उपचाररत बैतडीको पुर्चौँडी नगरपालिका ८ मल्लादेहीका ३८ वर्षीय डम्मर सार्कीलाई सांसद जानकी ऐर बमले सहयोग गरेकी छन् । आर्थिक अवस्था कमजोर भएका सार्कीलाई प्रदेश सभा सदस्य बमले सहयोग गरेकी हुन् । यही जेठ ३ गते राति हाटबजारबाट घर फर्कँदै गर्दा धन्तडा तुणकट्याको भीरबाट लडेर उनी घाइते भएका थिए । चार दिन आइसीयूमा राखेर उपचार गरिएका उनलाई जनरल वार्डमा राखिएको र उनी बेहोस अवस्थामा रहेको बताइएको छ । सार्कीलाई बचाउनका लागि आर्थिक सहयोग जुटाउन अभियान पनि सञ्चालन गरिएको छ । उनलाई उत्तम सर्कीको नाममा रहेको ग्लोबल आईएमई बैंकको खाता नम्बर १२४०७०१००००००६ मा पैसा जम्मा गरी सहयोग गरिदिन…
धनगढीः महोत्तरीमा हतियारधारीहरुको एउटा समूहले एनएमबी बैंक लुटेको छ। महोत्तरी गाउँपालिकामा रहेको उक्त बैंकको शाखामा पसेर उनीहरुले नगद लुटेका हुन्। दिउँसोको समयमा बैंक लुटिएको प्रहरीले जनाएको छ। दुई वटा मोटरसाइकलमा आएको समूहमा चार जना थिए। मुख छोपेर बैंक भित्र पसेका लुटेराले सरासर पैसा लिएर गएको बताइन्छ। प्रहरीका अनुसार बैंकभित्र र बाहिरको सीसीटिभी फुटेजमा उनीहरुले सजिलैसँग बैंक लुटेको देखिएको हो। हतियार बोकेका उनीहरु सरासर बैंक काउण्टरमा गएर त्यहाँको रकम झोलामा हालेर सजिलैसँग बाहिरिएका हुन्। लुटिएको रकमबारे यकिन भइनसकेको बताइन्छ। प्रहरीले उनीहरुको खोजी जारी रहेको बताएको छ। यता, बैंकले औपचारिक रुपमा केही बताएको छैन।
काठमाडौँ: प्रधानमन्त्री पुष्पकमल दाहाल प्रचण्डले दरबार हत्याकाण्डको अनुसन्धान गरी निष्कर्षमा पुर्याउने बताएका छन् । मङ्गलवार नेकपा (माओवादी केन्द्र)को पार्टी कार्यालय पेरिसडाँडामा भएको माओवादी सल्लाहकार समिति र ज्येष्ठ कम्युनिष्ट मञ्चको संयुक्त बैठकलाई सम्बोधन गर्दै प्रधानमन्त्री प्रचण्डले यस्तो बताएका हुन् । उनले ठूला हत्याकाण्डका नामले परिचित दरबार हत्याकाण्ड, गौर हत्याकाण्डलगायतका हत्याकाण्डहरूको अुनसन्धान गरी निचोडमा पुग्ने बताए । प्रधानमन्त्रीले २०४६ सालको जनआन्दोलनपछिका सबै उच्च पदस्थ अधिकारीका सम्पत्ति विवरणहरूको बारेमा खोजी गर्ने पनि प्रतिबद्धता व्यक्त गरे । उनले भ्रष्टाचारका काण्ड र ठूला हत्याकाण्डका बारेमा अनुसन्धान गरी निष्कर्षमा पुर्याउनुपर्ने र यसबारेका शङ्काहरूको छिनोफानो गर्नुपर्ने आवश्यकता रहेको बताए । उनले भने, ‘मैले सदनमा पनि भनेको छु,…
कैलाली: कैलाली र कञ्चनपुरका दुई घरमा आगलागी भएको छ । प्रहरीका अनुसार कैलालीको टिकापुर नगरपालिका–२ बन्दीपुरकी ४९ वर्षीया दिपा साउँद र कञ्चनपुरको पुनर्वास नगरपालिका–१ भकुण्डाका वीरबहादुर चौधरीको घरमा आगलागी भएको हो । साउँदको खरले छाएको एककोठे कच्ची घरमा चुलोमा बालेको आगो हावाले उडाई आगलागी भएको बताइएको छ । आगलागीबाट अन्दाजी ३० हजार बराबरको क्षति भएको जिल्ला प्रहरी कार्यालय कैलालीका प्रवक्ता प्रहरी नायब उपरीक्षक कुलदीप चन्दले बताए । त्यस्तै, चौधरीको एकतले इटाले बनेको घरमा बिजुलीको तार सर्ट भई आगलागी भएको जिल्ला प्रहरी कार्यालय कञ्चनपुरका प्रवक्ता तथा प्रहरी नायव उपरीक्षक प्रकाश डाँगीले बताए । आगलागीबाट अन्दाजी एक लाख पचास हजार मूल्य बराबरको…
धनगढीः धनगढीमा एक लाख बढीका भन्सार छलिका समान बरामद गरिएको छ । जिल्ला प्रहरी कार्यालय कैलालीबाट खटिएको प्रहरी टोलीले १ लाख २३ हजार ५ सय ६५ रुपैयाँ बराबरका भन्सार छलिका समान बरामद गरेको हो । चिनी, मिठाई, पास्ता, नमकिन, सोडा, धोती, सुट, सुर्ति लगायतका सामानहरु बेवारिसे अवस्थामा फेला पारी बरामद गरेको प्रहरीले बताएको छ । उपमहागरपालिका–३ मिलनचोकमा भारतबाट भन्सार छलि गरी ल्याएका सामान बेवारिसे अवस्थामा फेला पारि बरामद गरिएको र कानुनी कारबाहीको लागि कैलाली भन्सार कार्यालयमा बुझाइएको प्रहरीले जनाएको छ ।
काठमाडौँ: धादिङमा घाँस काट्न गएका आमा छोराको मृत्यु भएको छ । धादिङको बेनिघाट रोराङ गाउँपालिका–२ की १९ वर्षीया अप्सरा चेपाङ र उनका दुई वर्षीय छोरा साजनको भिरबाट लडेर मृत्यु भएको हो । जिल्ला प्रहरी कार्यालयका अनुसार घर नजिकै जङ्गलमा छोरा बोकेर घाँस काट्न गएकी अप्सरा भिरबाट लडेकी हुन् । दुवै जनाको उपचारको क्रममा मलेखु शिक्षण अस्पतालमा मृत्यु भएको प्रहरीले जनाएको छ ।
एजेन्सी: भारतको जम्मुमा बस दुर्घटना हुँदा ८ जनाको ज्यान गएको छ । बसमा रहेका २० जना यात्रु घाइते भएका छन् । अमृतसरबाट कटराका लागि छुटेको बस जज्जर कोटलीमा पुलबाट चिप्लिएर दुर्घटना भएको भारतीय सञ्चारमाध्यमले जनाएका छन् । बसमा बिहारका बासिन्दा थिए । घाइतेहरुको स्थानीय अस्पतालमा उपचार भइरहेको छ । बसले जम्मु कश्मीरबाहिरका तीर्थयात्रीलाई माता वैष्णोदेवी मन्दिरतर्फ लैजाँदै थियो । कटरा त्रिकुटा पहाडमा रहेको प्रसिद्ध तीर्थस्थलमा जाने तीर्थयात्रीहरूको आधार शिविर मानिन्छ ।
दार्चुला: महाकाली नदीमा बगेर बेपत्ता भएका दार्चुलाका सुदिप धामी अझै फेला परेका छैनन् । जिल्लाको महाकाली नगरपालिका–४ बंगाबगरका अन्दाजी १५ वर्षीय धामी सोमवार पौडी खेल्ने क्रममा बगेर बेपत्ता भएका थिए । उनी अहिलेसम्म पनि नभेटिएका र खोजी कार्य जारी रहेको जिल्ला प्रहरी कार्यालय दार्चुलाले जनाएको छ ।
बझाङ: साइपाल गाउँपालिका–४ धुलीकी सङ्गीता रोकाया ‘छाउपडी प्रथा अन्त्य’को सन्देशसहित सर्वोच्च शिखर सगरमाथाको चुचुरोमा पुग्ने पहिलो बझाङी हुन्। २६ वर्षीया उनले पायोनियर एड्भेन्चर कम्पनीको सहयोगमा तीन भारतीय नागरिकसँगै यही जेठ ३ गते दिउँसो साढे १२ बजे सफल आरोहण गरिन् । सगरमाथा क्षेत्रमा झण्डै एक महिना बसेर लक्ष्य प्राप्त गरेकी रोकायाले सुरुमा बेसक्याम्प पुगेर उचाइ पचाउन क्याम्प–१ र २ मा तलमाथि गर्ने अभ्यास गरिन् । बाल्यकालदेखि नै शिखर चढ्ने हिम्मत जुटाइरहेकी उनी गत महिना नै सगरमाथा क्षेत्र पुगेकी थिइन् । उनी यही जेठ २ गते राति क्याम्प–४ बाट शिखरतर्फ प्रस्थान गरेकी थिइन् । वर्षौँदेखि साँचेको सपना आँखै अगाडि देखेपछि उनका आँखा…