रोल्पा– रोल्पाको रोल्पा नगरपालिका–२ को वडाध्यक्षमा नेकपा (माओवादी केन्द्र)का प्रकाश डाँगी गोलाप्रथाबाट विजयी भएका छन् । डाँगी र कांग्रेसका देउचन थापाले बराबरी ५४३ मत ल्याएपछि गोलाप्रथा गरिएको थियो । सुरुवाती चरणमा डाँगीको अग्रता भएपनि अन्तिममा थापाले मतान्तर घटाउँदै बराबरी बनाएका थिए । यहाँ एमालेले ७४ र राप्रपाले ३५ मत ल्याएको छ ।
Author: महेन्द्रनगर पोष्ट
काठमाडौं- काभ्रेको बेथानचोक गाउँपालिका–१ को वडाध्यक्षमा नेपाली कांग्रेसका उम्मेदवार पूर्वपत्रकार मधुसुदन तिमिल्सिना विजयी भएका छन् । कुल खसेको मतको ५०७ मत ल्याउँदै उनले जित हासिल गरेका हुन् । उनका निकटतम प्रतिद्वन्दी नेकपा एमालेका उम्मेदवार दण्डप्रसाद तिमिल्सिनाले ४९८ मत प्राप्त गरे । तिमल्सिना नेपाल प्रेस युनियन काभ्रेका सचिव तथा गोरखापत्र दैनिकमा कार्यरत पत्रकार थिए ।
कैलाली- कैलालीको टीकापुर नगरपालिकामा रेशम चौधरी पत्नी रञ्जिता श्रेष्ठ नेतृत्वको नागरिक उन्मुक्ति पार्टीले दोब्बर मतान्तरले अग्रता लिएको छ । सुरुवाती चरणदेखि नै अग्रता लिएका नागरिक उन्मुक्ति पार्टीका मेयर पदका उम्मेदवार रामलाल डंगौरा थारु निकटतम प्रतिद्वन्द्वी भन्दा दोब्बर बढी मतले अगाडि गएका छन् । थारुले ५८८ मत प्राप्त गरेका छन् भने एमालेका उम्मेदवार श्याम खत्रीले २६७ मत ल्याएका छन् । त्यसैगरि गठबन्धन दलका उम्मेदवार नवराज रावलले १९० मत ल्याएका छन् । यस्तै उपमेयरमा पनि नागरिक उन्मुक्तिका उम्मेदवार उल्कादेवी विकले ५०१ मत प्राप्त गरेकी छन् । एमालेबाट उपमेयर उपमा केसीले १९० र गठबन्धनबाट माओवादी केन्द्रका उपमेयर पदका उम्मेदवार खडक शाहले २१३ मत…
दार्चुला – दार्चुलाको अपि हिमाल गाउँपालिका अध्यक्षमा माओवादी केन्द्रका उम्मेदवार विजयी भएका छन्। एमालेका उम्मेदवार धर्मानन्द सिंह मन्याललाई पारजित गर्दै माओवादीबाट अध्यक्षका उम्मेदवार भक्तसिंह ठेकरे (बोहरा) विजयी भएका हुन्। यो सँगै माओवादी केन्द्रले अहिलेसम्म २ वटा स्थानीय तह जितेको छ।
दार्चुला- दार्चुलाको महाकाली नगरपालिकाको वडा नम्बर १ मा नेकपा एमालेका उम्मेदवार मोहनसिंह महरा विजयी भएका छन् । महराले ७२१ मत प्राप्त गरे भने उका निकटतम प्रतिद्वन्द्वी कांग्रेसका उम्मेदवारले ५९७ मत पाए । नगरप्रमुखमा पनि एमालेले नै अग्रता लिएको छ । एमाले उम्मेदवारले ७२६ मत प्राप्त गर्दा गठबन्धनको तर्फबाट कांग्रेस उम्मेदवारले ६०७ मत प्राप्त गरेको छ । उपप्रमुखमा एमाले ७१४ मत प्राप्त गर्दा गठबन्धनले ६०९ मत प्राप्त भएको छ ।
अछाम- मतदान कार्य रोकिएको अछामको साँफेबगर नगरपालिका–१३ बाब्ला र पञ्चदेवल विनायक नगरपालिका–५ लयाँटीमा रहेका मतदान केन्द्रमा पुनः मतदान हुने भएको छ । निर्वाचन आयोगको शनिबार बाब्लास्थित राष्ट्रिय माविको ‘क’ र ‘ख’ केन्द्र र लयाँटीस्थित नवज्योति माविमा रहेका ‘क’ र ‘ख’ मतदान केन्द्रमा पुनः मतदान गर्न आयोगले सम्बन्धित निर्वाचन अधिकृतलाई निर्देशन दिएको छ । स्थानीय तह निर्वाचन ऐन २०७३ को दफा ४० अनुसार पुनः मतदान गर्ने व्यवस्था मिलाउन अधिकृतलाई भनिएको छ । शुक्रबार भएको मतदानका क्रममा दुवै स्थानका मतदान केन्द्रमा झडप हुँदा मतदान कार्य दिउँसोबाट रोकिएको थियो । बाब्लास्थित मतदान केन्द्रमा काँग्रेस–समाजवादी गठबन्धन र नेकपा एमालेबीच शुक्रबार बिहान करिब साढे ९ः००…
धनगढी – बाजुराको हिमाली गाउँपालिकामा मतगणना सुरु गर्ने तयारी भइरहँदा एमाले र कांग्रेस कार्यकर्ताबीच झडप भएको छ । मत पेटिकाको सिल सम्बन्धमा विवाद उत्पन्न भएपछि दुई पक्षबीच झडप भएको हो । दुवै पक्षबीच ढुंगामुढा भएर स्थिति तनावपूर्ण भएपछि त्यसलाई नियन्त्रणमा लिन प्रहरीले १२ राउण्ड हवाई फायर गरेको जिल्ला प्रहरी कार्यालय बाजुराका प्रमुख चतुर्भुज ओझाले बताए । उनका अनुसार सशस्त्र प्रहरी परिचालन गरेर स्थिति नियन्त्रणमा लिने प्रयास सफल भइरहेको छ ।
काभ्रे – काभ्रेको पाँचखाल नगरपालिकाको वडा नम्बर १३ स्थित श्रीराम माध्यमिक विद्यालय मतदान केन्द्रमा स्थगित भएको निर्वाचन आगामी जेठ ३ गते हुने भएको छ । बैशाख ३० गते हुन नसकेको निर्वाचन जेठ ३ गते हुने जिल्ला निर्वाचन कार्यालय प्रमुख उमेश राईले जानकारी दिए । काभ्रेको पाँचखाल १३ मा मात्र मतदान रोकिएको थियो । निर्वाचन अधिकृतको कार्यालयले आज उक्त केन्द्रमा जेठ ३ गते मतदान हुने सूचना सार्वजनिक गरेको छ ।
धनगढी – कैलालीको धनगढी उपमहानगरपालिकामा मेयरका स्वतन्त्र उम्मेदवार गोपाल हमालले सुरुवाती अग्रता कायमै राखेका छन् । ३५३ मतगणना गर्दा हमलाको पक्षमा १४८ मत खसेको छ । उनलाई पछ्याइरहेका गठबन्धनका उम्मेदवार नृपबहादुर सुनारले १०३ मत पाएका छन् । त्यसैगरी एमालेका रणबहादुर चन्दले २० मत पाएका छन् । उपमेयरमा गठबन्धनका शान्ति अधिकारीले ९७, एमालेकी कन्दकला रानाले ४४ र आँप चिन्हका स्वतन्त्र उम्मेदवार प्रभाकर भण्डारीले ५६ मट प्राप्त गरेका छन् ।
कैलाली – कैलालीको गोदावरी नगरपालिकामा कांग्रेसले अग्रता लिएको छ । गोदावरीका २ वडामा १०१८ मतगणना हुँदा कांग्रेसले अग्रता कायमै राखेको हो । वडा नं १ र १२ मा गरिएको मतगणनामा वडा नं १ मा ४ सय १८ मतगणना हुँदा नेपाली कांग्रेसका बिरेन्द्र भट्टले ४ सय ८ मत ल्याएका छन् । उनलाई पच्छ्याइरहेका नेकपा एमालेका गोकर्ण भट्टले ३६३ मत ल्याएका छन् । वडा नं १२ मा ६ सय मत गणना हुँदा कांग्रेसका भट्टले २०४ र एमालेका भट्टले २३७ मत ल्याएका छन् । वडा नम्बर १२ मा भने कांग्रेस एमालेले समान मत पाएका छन्। नेपाली कांग्रेसका उम्मेदवार भिम खड्का ले २०८ मत…