कञ्चनपुर- कञ्चनपुरको बेल्डाँडी गाउँपालिकाका आरक्षपीडितका समस्या समाधान पहल गरिदिन माग गर्दै गाउँपालिका अध्यक्षलाई ज्ञापनपत्र बुझाइएको छ । बेलडाँडी गाउँपालिकाका निर्वतमान प्रवक्ता तथा निर्वतमान वडाध्यक्ष अम्मरबहादुर खत्रीको नेतृत्वमा आएको टोलीले नवनिर्वाचित अध्यक्ष हरिचन्द्र रानालाई समस्या समाधान गर्नका लागि पहल गरिदिन आग्रह गर्दै ज्ञापत्र पत्र बुझाएका हुन् । गाउँपालिकाको बेलडाँडी र लालझाडी गाउँपालिकाको ढक्का शिविरमा बस्दै आएका आरक्षपीडितका समस्या समाधानका लागि प्रदेश तथा संघ सरकारसंग समन्वय गरि पहल गरियोस भनि ज्ञापन पत्र बुझाइएको खत्रीले बताए । ज्ञापन पत्र बुझदै अध्यक्ष रानाले आरक्षपीडितको पक्षमा आफू रहेको र यो समस्या समाधान गर्नका लागि प्रदेश र संघ सरकारलाई गुहार माग्ने बताए । उनले आफ्नो पहिलो…
Author: महेन्द्रनगर पोष्ट
कैलाली- कैलालीमा स्थानीय तह निर्वाचनअन्तर्गत कार्यपालिका सदस्य चयनका लागि निर्वाचन प्रक्रिया सुरु भएका छन् । निर्वाचनका लागि पालिकामा मतदाता नामावली प्रकाशन, अन्तिम नामावली प्रकाशन, मनोनयन दर्ताजस्ता कार्य भएका छन् । निर्वाचन आयोगले १५ दिनभित्र कार्यपालिका सदस्यको निर्वाचन गरी सक्न निर्देशन दिएपछि निर्वाचन अधिकृतका कार्यालयले निर्वाचनका गतिविधि सुरु गरेका हुन् । कैलालीको टीकापुरमा आठ जना कार्यपालिका सदस्य चयन गर्न १८ गते निर्वाचन हुने भएको छ । टीकापुर नगरपालिका कार्यपालिका सदस्यका लागि ११ जनाको उम्मेदवारी परेको सहायक निर्वाचन अधिकृत लक्ष्मी ओडले जानकारी दिए । उनका अनुसार तीन पार्टीबाट ११ जनाको उम्मेदवारी परेको छ । अल्पसङ्ख्यकमा भने कुनै पार्टीबाट उम्मेदवारी परेको छैन ।…
काठमाडौं- नेपाल राष्ट्र बैंकले शनिबारका लागि विदेशी मुद्राको विनिमय दर तोकेको छ । जस अनुसार अमेरिकी एक डलरको खरिद दर १२३ रुपैयाँ ८१ पैसा र बिक्री दर १२४ रुपैयाँ ४१ पैसा रहेको छ । यस्तै युरो एकको खरिद दर १३२ रुपैयाँ ५९ पैसा र बिक्री दर १३३ रुपैयाँ २३ पैसा रहेको छ । बेलायती पाउण्ड एकको खरिद दर १५६ रुपैयाँ ०३ पैसा र बिक्री दर १५६ रुपैयाँ ७९ पैसा रहेको छ । कतारी रियालको मूल्य एकको खरिद दर ३३ रुपैयाँ ९२ पैसा र बिक्री दर ३४ रुपैयाँ ०८ पैसा रहेको राष्ट्र बैंकले जनाएको छ ।
काठमाडौं- हाल स्थानीय वायु, भारतको उत्तर प्रदेश र विहार आसपास रहेको न्यून चापीय रेखा र पश्चिमी वायुको प्रभाव छ । यसले गर्दा देशभरको मौसममा बदली भएको छ। जसअनुसार आज (शनिबार) प्रदेश १, मधेस, बागमती र गण्डकी प्रदेश लगायत देशका पहाडी भू–भागमा आंशिकदेखि सामान्य बदली रही बाँकी भू–भागमा आंशिक बदलीको सम्भावना रहेको छ । मौसम पूर्वाअनुमान महाशाखाकाअनुसार केहि स्थानहरूमा मेघ गर्जन÷चट्याङ र हावाहुरी सहित हल्कादेखि मध्यम वर्षाको सम्भावना रहेको छ ।
काठमाडौं- गणतन्त्र दिवसको अवसरमा सरकारले ८ सय ३४ जनाको कैद सजाय माफी मिनाहा गरेको छ । मन्त्रिपरिषद्को सिफारिसमा राष्ट्रपति विद्यादेवी भण्डारीले खड्ग श्रेङ लिम्बु समेत २७१ जना र नरबहादुर साँवा समेत ५ सय ४७ जनाको बाँकी कैद सजाय मिनाहा भएको राष्ट्रपति कार्यालयले जनाएको छ । राष्ट्रपति कार्यालयका अनुसार वि.सं. २०७९ जेठ १५ देखि माफी मिनाहा गरिएको हो । संविधानको धारा २ सय ७६ र मुलुकी फौजदारी कार्यविधिको दफा १५९ बमोजिम उमाकान्त पराजुलीसहित १६ जनाको कैद सजाय माफी जनाइएको छ ।
काठमाडौं- कुनै एक व्यक्तिलाई फोनमार्फत र भेटघाटमा धम्क्याएर करोडौं रुपैयाँ असुल्न खोज्ने एक समूहलाई प्रहरीले काठमाडौंबाट पक्राउ गरेको छ । चार जना पुरुष र एक जना महिलासहितको समूहले व्यक्तिलाई फोन गर्ने, यदाकदा भेट्ने र धम्क्याएर करोडौं रुपैयाँ माग्ने गरेको सूचनाको आधारमा प्रहरीले उनीहरुलाई समातेको हो । सूचनाको आधारमा जिल्ला प्रहरी परिसर, काठमाडौंबाट खटिएको विशेष अनुसन्धान टोलीले उनीहरुलाई काठमाण्डौ उपत्यकाका विभिन्न स्थानबाट समातेको जनाएको छ । पक्राउ पर्नेमा गोठाटार बस्ने उदयपुरको त्रियुगा–१० का २१ वर्षे सुजन आचार्य, कालिकोटको सान्नित्रिवेणी ८ घर भई हाल बूढानीलकण्ठ बस्ने २९ वर्षे टेक बिक र खप्तडछान्ना ७, बझाङ घर भई हाल कोटेश्वर बस्ने २९ वर्षे धर्मराज…
कैलाली- कैलालीको गेटा मेडिकल कलेज सञ्चालनको लागि दबाव सृजना गर्न अत्तरियामा गठिन संघर्ष समितिले पहिलो दिन पाँच हजार हस्ताक्षर संकलन गरेको छ । अत्तरिया चोकमा संचालन गरिएको उक्त अभियानमा स्वस्फुर्त रुपमा स्थानीयले हस्ताक्षर गरेका हुन् । संघर्ष समितिका सह–संयोजक आनन्द भट्टले सरकारलाई भौतिक रुपमा निर्माण सम्पन्न भएको मेडिकल कलेजलाई संचालनमा ल्याउनको लागि दबाव हस्ताक्षर संकलन गरिएको बताए । उनले २० हजार हस्ताक्षर संकलन गरेर गेटा मेडिकल कलेज छेउमै कार्यक्रम आयोजना गरेर प्रमुख जिल्ला अधिकारी लगायत सरोकारबाला निकायलाई बुझाइने बताए । उनले हस्ताक्षर कार्यक्रममा व्यापक रुपमा जनसहभागिता देखिएको बताए । उनले अस्ताक्षर अभियान आइतबार सम्म जारी रहने बताए । अहिले गेटा…
कैलाली- स्थानीय तहको निर्वाचनमा सुदूरपश्चिम प्रदेशमा ५ जना महिला वडा अध्यक्षमा निर्वाचित भएका छन् । ७ सय ३४ वडा रहेको प्रदेशमा ७ सय २४ वडाको नतिजा आउँदा ५ जना महिला वडा अध्यक्षमा निर्वाचित भएका हुन् । कैलालीमा ४ र बझाङमा १ गरी ५ जना महिला वडा अध्यक्षमा विजयी भएको हुन् । कैलालीको गोदावरी नगरपालिका ७ मा एमालेकी कलावती साउँद, जोशीपुर गाउँपालिका ३ मा नागरिक उन्मुक्ति पार्टीकी रेणुकुमारी डगौरा, गौरीगंगा नगरपालिका ८ मा माओवादी केन्द्रकी करुणा चौधरी र लम्कीचुहा नगरपालिका ५ मा माओवादी केन्द्रकी माया विष्ट निर्वाचित भएका हुन् । यस्तै बझाङको खप्तडछान्ना गाउँपालिका २ मा कांग्रेसकी गौरीकुमारी अधिकारी पनि विजयी…
दार्चुला- दार्चुलामा शिक्षकद्वय नरेन्द्र सिंह बडाल र लोकेन्द्रबहादुर बमको संयुक्त लेखनमा प्रकाशित भएको मुक्तक संग्रह शुक्रबार बिमोचन भएको छ । दार्चुला सदरमुकाम खलंगामा जारी बृहत् साहित्य महोत्सवको अवसरमा उक्त मुक्तक संग्रह ‘छुटेका यादहरु’ बिमोचन गरिएको हो । दार्चुला बृहत् साहित्य महोत्सवको अवसरमा महाकाली नगरप्रमुख नरसिंह चैसिरले मुक्तक संग्रहको बिमोचन गर्नुभयो । लेखक बडाल व्याँस गाउँपालिका ४ का स्थायी बासिन्दा हुन् भने बम दुहुँ गाउँपालिका २ का बासिन्दा हुन् । बडालले यसअघि असफल यात्री कथा संग्रह र कुहिरोको काग उपन्यास प्रकाशित गर्नुभएको छ । यस्तै लेखक बमले संसार फेर्ने हाम्रा आवाजहरु कविता संग्रह र को हुन भगवान् निबन्ध संगह प्रकाशित गर्नुभएको…
बैतडी- जिल्ला प्रशासन कार्यालय बैतडीले पहिलोपटक विद्युतीय राहदानी ई–पासपोर्ट सेवा सुरु गरेको छ । एमआरपी राहदानी विस्थापित गरेर विद्युतीय राहदानी शुरू गरिएको जिल्ला प्रशासन कार्यालय बैतडीका सूचना अधिकारी खगेन्द्र भारतीले जानकारी दिए । ई–पासपोर्ट सेवा जिल्लामै सुरु भएपछि धेरै समय पर्खिनुपर्ने र राहदानी बनाउन काठमाडौं जानुपर्ने बाध्यता हटेको छ । अब वैदेशिक रोजगारीमा जानेहरुले जिल्ला प्रशासन कार्यालय बैतडीमा ३ हप्ता भित्र राहदानी पाउने र विद्युतीय राहदानी ई–पासपोर्ट बनाउनेले ५ हजार शुल्क तिर्नुे पर्नेछ । यस्तै विद्युतीय राहदानी ई–पासपोर्टका लागि घरबाटै पनि फर्म भर्न सकिने जनाइएको छ । राहदानी बनाउन तीन महिना लाग्ने गरेकोमा अब भने ३ हप्तामै जिल्लामा राहदानी आइपुग्ने…