ललितपुर – ललितपुरको भट्टेडाँडामा एमाले उम्मेदवार चढेको गाडी तोडफोड भएको छ । युवा संघ नेपाल बागमती-३ का अध्यक्ष सन्तोष खड्काका अनुसार बागमती गाउँपालिका-३ बुलाका वडासदस्य नारायण भोम्जन उम्मेदवारको गाडी तोडफोड भएको हो । कांग्रेसका कार्यकतार्ताले गाडी तोडफोड गरेको उनले जिकिर गरे । उनले भने, ‘गाडी भिरालो ठाउँमा नभएकाले तत्काल दुर्घटना हुन पाएन । ब्रेकको तार निकालेको थाहा पाएपछि हामी रातभर गाडीमै बस्यौं ।’ खड्काले गाडी झण्डा पनि निकालेर फ्याकिएको बताए । उनले भने,‘साँझ ७बजेर ३० मिनेटमा बुलाकी चौर पुगेका थियौं । राती १० बजेर ३० मिनेटमा फर्कदा गाडी तोडफोड गरेको अवस्था रहेको भेट्टियो ।’ निर्वाचनको क्रममा भोट माग्नका लागि पार्टीका…
Author: महेन्द्रनगर पोष्ट
काठमाडौं – प्रधानमन्त्री शेरबहादुर देउवा डडेलधुराबाट वैशाख ३० गते मात्र काठमाडौं फर्कने भएका छन्। चुनावी अभियानका क्रममा देश दौडाहामा गृहजिल्ला डडेलधुरा पुगेका देउवाले आज हुने चुनावी सभालाई सम्बोधन गर्नेछन्। उनले आज बिहान १० बजे र दिउँसो २ बजे गरेर दुईवटा सभालाई सम्बोधन गर्नेछन्। सम्बोधन पछि देउवा अबको तीन दिन डडेलधुरामै बस्ने र वैशाख ३० गते मतदान गरेर मात्रै काठमाडौं फर्किने प्रधानमन्त्रीका प्रेस संयोजक गोविन्द परियारले जानकारी दिए।
ललितपुर – १३ औं दक्षिण एसियाली खेलकुद (साग) की स्वर्ण पदक विजेता सञ्जु चौधरी मृत अवस्थामा फेला परेकी छन् । एसियाली खेलकुदको तयारीमा रहेकी चौधरी ललितपुरको महालक्ष्मी नगरपालिका ९ लुभुमा बस्दै आएकी थिइन् । प्रशिक्षणका लागि लुभुको एक घरमा नै बस्दै आएकी चौधरी मंगलबार बिहान मृत फेला परेकी प्रहरीले जनाएको छ। भारोत्तोलन प्रशिक्षक सञ्जय महर्जनको घरमा बस्दै आएकी सन्जु झुन्डिएको अवस्थामा कोठामा फेला परेको जनाइएको छ । घटनाबारे थाहा पाएर बिहान साढे ५ बजे घटनास्थलमा पुगेको प्रहरीले अहिले अनुसन्धान सुरु गरेको छ । बाँके घर भएकी सन्जुले १३ औं सागमा भारत्तोलनमा महिला ५९ केजी तौल समूहमा श्रीलंकाका खेलाडीलाई पछि पार्दै…
एजेन्सी – श्रीलंका सरकारविरुद्ध व्यापक प्रदर्शनकाबीच प्रधानमन्त्री महिन्दा राजपक्षेले राजीनामा दिएका छन् । अन्तर्राष्ट्रिय सञ्चारमाध्यमका अनुसार राष्ट्रपति तथा आफ्ना भाइ गोटबय राजपक्षलाई पठाइएको पत्रमा ७६ वर्षीय प्रधानमन्त्रीले नयाँ सरकारका लागि बाटो खोल्न आफूले राजीनामा दिएको बताइएको छ । देशमा आर्थिक संकट देखिएपछि उग्र भएको प्रदर्शनले राष्ट्रपति गोटाबाया र उनको मन्त्रीमण्डलका मन्त्रीहरुलाई राजीनामा दिन निरन्तर दवाब बनाइरहेको छ । सरकार विरोधी प्रदर्शनकारी तथा राजपक्ष दाजुभाइका समर्थकबिच हिंसात्मक झडपहरू भएपछि कर्फ्यु लगाइए लगत्तै उनले राजीनामा दिएका हुन्। यसैबीच सरकार विरोधी र समर्थक बीच कोलम्बोमा हिंसात्मक झडपमा दर्जनौं व्यक्ति धाइते भएका छन् । स्थितिलाई नियन्त्रणमा लिन सेना परिचालन गरिनुका साथै उत्तरी, दक्षिणी र…
डडेल्धुरा- प्रधानमन्त्री एवम् नेपाली कांग्रेसका सभापति शेरबहादुर देउवा मतदान गरेर मात्रै डडेल्धुराबाट राजधानी काठमाडौं फर्किने भएका छन् । उनका प्रेस संयोजक गोविन्द परियारका अनुसार चुनावी सभामा सहभागी हुन सोमबार गृहजिल्ला डडेल्धुरा पुगेका देउवा अब चुनावमा मतदान गरेपछि मात्रै काठमाडौं फर्किने भएका हुन् । देउवाले आज जिल्लाका दुई ठाउँमा हुने चुनावी सभालाई सम्बोधन गर्ने कार्यक्रम रहेको छ ।
कञ्चनपुर- आसन्न वैशाख ३० गते हुने स्थानीय तह निर्वाचनका लागि कञ्चनपुरमा आजदेखि मदिरा विक्री वितरणमा रोक लगाइएको छ । निर्वाचनलाई स्वच्छ, निष्पक्ष, भयरहित र शान्तिपूर्ण रुपमा सम्पन्न गर्न आजबाट मदिरा विक्री वितरणमा रोक लगाइएको हो । जिल्ला प्रशासन कार्यालयले सोमबार सूचना जारी गर्दै २७ गते (आज) राति १२ बजेदेखि निर्वाचनको अन्तिम परिणाम घोषणा नभएसम्म मादक पदार्थ ओसारपसार, विक्री वितरण र सेवनमा रोक लगाइएको जनाएको छ । सूचनाविपरीत काम गरे वा गराइएको पाइए कानुन बमोजिम कारबाही गरिने सूचनामा उल्लेख छ ।
बाजुरा- आसन्न वैशाख ३० गते हुने निर्वाचनका लागिग बाजुरामा आजदेखि मदिरा विक्री वितरण गर्न रोक लगाइएको छ । जिल्ला प्रशासन कार्यालयले सोमबार सूचना जारी गर्दै आज राति १२ बजेदेखि मदिरा विक्री वितरण गर्न नपाइने जनाएको हो । मतदान कार्य सम्पन्न नभएसम्म जिल्लाभर मादक पदार्थ विक्री वितरण र सेवन गर्न निषेध गरिएको सूचनामा उल्लेख छ । निर्वाचन भयरहित र शान्तिपूर्ण रुपमा सम्पन्न गर्नका लागि मदिरा विक्री वितरणमा रोक लगाइएको जनाइएको प्रशासनले जनाएको छ ।
डडेल्धुरा- गृहजिल्ला डडेल्धुरामा रहेका प्रधानमन्त्री एवं नेपाली कांग्रेसका सभापति शेरबहादुर देउवाले मंगलबार दुई आमसभालाई सम्बोधन गर्ने भएका छन् । उनले बिहान १० बजे जिल्ला सदरमुकामको बसपार्कमा आयोजना हुने चुनावी आमसभा र दिउँसो २ बजे भित्री मधेसको परशुराम नगरपालिकाको लालढुङ्गा बजारको सभालाई सम्बोधन गर्ने कार्यक्रम रहेको कांग्रेस डडेल्धुराले जनाएको छ । प्रधानमन्त्री देउवासँग कांग्रेसका वरिष्ठ नेता रामचन्द्र पौडेललगायत केन्द्रीय नेताहरूले पनि आमसभालाई सम्बोधन गर्ने जनाइएको छ । सोमबार साँझ गृहजिल्ला पुगेका प्रधानमन्त्री देउवाले गृहपालिका गन्यापधुरा–२ बडालको चुनावी सभालाई सम्बोधन गरेका थिए ।
कपिलवस्तु- कपिलवस्तुको महाराजगञ्ज नगरपालिकामा नेपाली कांग्रेसबाट उपप्रमुख उम्मेदवार शुभावती कुर्मीको सोमबार राति निधन भएको छ । निवर्तमान उपप्रमुख समेत रहेकी कुर्मीको तौलिहवास्थित जिल्ला अस्पतालमा उपचारका क्रममा सोमबार राति १ बजेतिर मृत्यु भएको हो । उनको हृदयघातका कारण निधन भएको बताइएको छ । उम्मेदवारको निधन भएपछि महाराजगञ्ज नगरपालिकाको मंगलबारको निर्वाचनका सबै कार्यक्रम स्थगित भएको जिल्ला निर्वाचन अधिकृत ज्ञानुराम पन्थीले बताए । निर्वाचन आयोगबाट अर्को निर्वाचनका कार्यक्रम प्रकाशित भएपछि चुनावका प्रक्रियाअघि बढने उनले बताए ।
कोलम्बो- श्रीलंकामा हिंसात्मक झडप भएका छन् । राजनीतिक तथा आर्थिक संकटबाट गुज्रिएको श्रीलंकामा प्रदर्शनकारीले राष्ट्रपति गोटाबाय राजापाक्षे र उनका दाइ महिन्दा राजापाक्षेका अभिभावकको स्मारक भत्काइदिएका हुन् । प्रदर्शनकारीले राजधानी कोलम्बोबाट करिब २५० किलोमिटर टाढा रहेको राजपाक्षे परिवारको घरमा आगजानी गरेका थिए । तीब्र विरोधबीच यसअघि प्रधानमन्त्री राजापाक्षेले सोमबार दिउसो पदबाट राजीनामा दिएका थिए । प्रदर्शनकारीले तीन पूर्वमन्त्री र दुई जना सांसदको घरमासमेत आगजनी गरेका छन् । झडपमा सत्तारुढ दलका सांसद अमरकिर्थी अथुकोरालाकोसमेत मृत्यु भएको छ ।