काठमाडौं– दिल्ली क्यापिटल्सले इन्डियन प्रिमियर लिग (आईपीएल) २०२२ मा कोलकाता नाइट राइडर्सलाई ४ विकेटले पराजित गरेको छ। जितको लागि १ सय ४७ रनको विजयी लक्ष्य पछ्याएको दिल्लीले १९ ओभरमा ६ विकेट गुमाउँदै पूरा गर्यो । दिल्लीको जितमा ओपनर डेविड वार्नरले सर्वाधिक ४२ रन बनाए। उनले २६ बलमा ८ चौका प्रहार गरे । यता, रोभम्यान पावेलले १६ बलमा १ चौका र ३ छक्कासहित ३३ रनमा अविजित रहे। तल्लोक्रमका अक्षर पटेल १७ बलमा २ चौका र १ छक्कासहित २४ रनमा रन आउट भए । यता, ललित यादवले २२ तथा मिचेल मार्शले १३ रन जोडे। कोलकाताका उमेश यादवले ४ ओभरमा २४ रन खर्चेर…
Author: महेन्द्रनगर पोष्ट
काठमाडौं- स्थानीय तहको निर्वाचनमा गठबन्धनका उम्मेदवारविरुद्ध भएको उम्मेदवारी फिर्ता लिन आग्रह गरिएको छ । निर्वाचनका लागि गठबन्धनका दलहरूको आन्तरिक तयारी तथा अनुगमन संयन्त्रको बैठकले उम्मेदवारी फिर्ता लिन आग्रह गरेको हो । नेपाली काँग्रेसका वरिष्ठ नेता रामचन्द्र पौडेलको संयोजकत्वमा बिहीबार बसेको संयन्त्रको बैठकले गठबन्धनका उम्मेदवारविरुद्ध जाने व्यक्तिलाई आ–आफ्नो पार्टीले फिर्ता गर्न लगाउने निर्णय गरेको हो । गठबन्धनका उम्मेदवारविरुद्ध बागी भएका सबै उम्मेदवारलाई फिर्ता गर्न लगाउने र फिर्ता नगर्ने उम्मेदवारको सूची बनाएर शीर्ष नेतृत्वसमक्ष कारबाहीका लागि सिफारिस गर्ने निर्णय भएको संयन्त्रका सदस्यसचिव केशवराज जोशीले बताए ।
काठमाडौं- स्थानीय तहको निर्वाचनका लागि दर्ता गरिएका उम्मेदवारी फिर्ता लिन चाहनेहरूले आज अपरान्ह ५ बजेसम्म फिर्ता लिन सक्ने निर्वाचन आयोगले बताएको छ। वैशाख ११ र १२ मा उम्मेदवारी दर्ता गरेकाहरूले केही कारणले उम्मेदवारी फिर्ता लिन चाहे मुख्य निर्वाचन अधिकृत तथा निर्वाचन अधिकृत कार्यालय पुगेर उम्मेदवारी फिर्ता लिन सक्नेछन्। आयोगले आजै उम्मेदवारहरूको अन्तिम नामावली प्रकाशन गर्ने तयारी पनि गरेको छ। यसैबीच नेपाली कांग्रेसका सभापति शेरबहादुर देउवाले बिहीबार अपिल जारी गर्दै पार्टीका आधिकारिक उम्मेदवारबाहेक पार्टीकै कार्यकर्ताले स्वतन्त्र उम्मेदवारी दिएको भए फिर्ता लिन अपिल गरेका छन्। उनले निर्वाचन आयोगले दिएको समयभित्रै बागी उम्मेदवारले उम्मेदवारी फिर्ता लिन आग्रह गरेका हुन्। वैशाख ३० मा हुने…
कैलाली- कैलालीमा एकजना मृत फेला परेका छन् । जिल्लाको जानकी गाउँपालिका ५ अमौराका ५९ वर्षीय हरिराम चौधरी खेलमा मृत फेला परेका हुन् । उनी घरबाट करिब ५ सय मिटर टाढा खेतमा बिहीबार मृत अवस्थामा फेला परेको जिल्ला प्रहरी कार्यालय कैलालीले बताएको छ । घटनाबारे थप अनुसन्धान भइरहेको प्रहरीले जनाएको छ ।
हेटौंडा- आसन्न वैशाख ३० गते हुने स्थानीय निर्वाचनका लागि हेटौंडा उपमहानगरपालिकाको सदस्य पदमा मनोनयन दर्ता गराएका नेकपा एकीकृत समाजवादीका एकजना उम्मेदवारको मनोनयन खारेज भएको छ । हेटौंडा उपमहानगरपालिका १ मा खुल्लातर्फको सदस्य पदमा उम्मेदवारी दिएका एकीकृत समाजवादीका पवन थोकरको उम्मेदवारी खारेज भएको मुख्य निर्वाचन अधिकृतको कार्यालय, हेटौंडाले जनाएको छ । दुई सदस्य पदका लागि तीन जनाको उम्मेदवारी परेको र त्यस उपर छानविनको क्रममा थोकरको उम्मेदवारीमा पार्टीको सिफारिस प्रमाणित हुन नसकेपछि उम्मेदवारी खारेज गरिएको कार्यालयले जनाएको छ । त्यस्तै हेटौंडा उपमहानगरपालिकामा मनोनयन दर्ता गरेका २ जना विरुद्ध परेको उजुरी बदर भएको छ । नेकपा एमालेबाट हेटौंडा–४ का वडा अध्यक्षका उम्मेदवार नवीन…
काठमाडौं- कुनै एक दलले स्थानीय तहको प्रमुख र उपप्रमुख वा अध्यक्ष र उपाध्यक्ष दुवै पदमा पुरुष उम्मेदवारलाई मात्र मनोनयन गरेको पाइएमा दुवै पदको उम्मेदवारी खारेज हुने भएको छ । निर्वाचन आयोगले त्यसरी मनोनयन भएका उम्मेदवारी भएर खारेज गराउन निर्देशन दिएको छ। स्थानीय तह निर्वाचन ऐन, २०७३ को दफा १७ को उपदफा (४) दुवैपदमा उम्मेवारी दिने दलले प्रमुख र उपप्रमुख वा अध्यक्ष र उपाध्यक्षमा एक पदमा पुरुष र अर्को पदमा महिला उम्मेदवारी दिनुपर्ने व्यवस्था छ। यही वैशाख ११ र १२ गते प्राप्त उम्मेदवारको मनोनयनपत्र दर्ता सम्बन्धमा विभिन्न स्थानीय तहमा रहेका निकासाका लागि प्राप्त भएका विषयलाई आयोगले सम्बोधन गरी पठाइएको आयोगका प्रवक्ता…
हुम्ला- हुम्लाको सदरमुकाम सिमीकोटमा एक जना म्यादी प्रहरीको मृत्यु भएको छ । मृत्यु हुनेमा सर्केगाड गाउँपालिका– ६ घर भई हाल सिमीकोटमा रहेका अन्दाजी ४५ वर्षिय जस बहादुर रोकाया रहेका छन् । जिल्ला प्रहरी कार्यालय हुम्लाका प्रहरी नायव उपरीक्षक कृष्ण राज ओझाका अनुसार सदरमुकामको माथिल्लो बजारमा आफ्नै साथीको कोठाका उनको मृत्यु भएको हो । साथीको कोठामा झ्याल ढोका बन्द गरेर मृत्यु भएको अवस्थामा उनको शव भेटिएको उनले बताए । मृत्युको कारण खुल्न नसकेको र घटनाबारे अनुसन्धान भइरहेको प्रहरीले जनाएको छ ।
कैलाली- नेकपा एमालेले धनगढी नगर प्रतिवद्धता पत्र सार्वजनिक गरेको छ । यही वैशाख ३० गते हुने स्थानीय तहको निर्वाचनलाई लक्षित गर्दै एमालेले संकल्पसहित विभिन्न नीति तथा योजनासहितको प्रतिवद्धता पत्र सार्वजनिक गरेको हो । जनप्रतिनिधि शासक नभई जनताका सेवक बन्ने संकल्पसहितको प्रतिबद्धतापत्र धनगढी उपमहानगरपालिकाका नगर प्रमुखका उम्मेदवार रणबहादुर चन्द, उपप्रमुख कन्दकला राना, जिल्ला इन्चार्ज नारदमुनि रानालगायतले संयूक्त रुपमा सार्वजनिक गरेका थिए । सामाजिक जागरण र विकासका अभियन्ता हुने, पालिकाहरु सुशासनमा नमुना बन्ने, सदाचारमा दृष्टान्त स्थगित गर्ने, कुनै भ्रष्टाचार नगर्ने र कडाईका साथ भ्रष्टाचार नियन्त्रण गर्ने, जनप्रतिनिधिहरुले भ्रष्टाचार, अनियमितता र सार्वजनिक सम्पतिको दोहन गर्नेहरुलाई कानुनी कारबाहीको दायरामा पुर्याउन अग्रणी भूमिका खेल्ने पार्टीको…
डडेल्धुरा- सुदूरपश्चिम प्रदेशसभाका पूर्व सदस्य कर्णबहादुर मल्लले नेपाली कांग्रेसका महामन्त्री गगन थापालाई ‘ट्युसन’ पढाउने सक्ने बताएका छन् । बिहीबार जिल्ला सदरमुकाममा आयोजित पत्रकार सम्मेलनमा बोल्दै उनले बिपीले स्थापना गरेको घोषणापत्र र अहिलेको घोषणापत्र कहाँ मिल्छ भनेर थापालाई ट्युसन पढाउने सक्ने बताएका हुन् । उनले नेपाली कांग्रेससँग बिपी कोइरालाले स्थापना गरेको ‘मेनिफस्टो’ अर्थात घोषणापत्र नै नभएको बताए । काठमाडौंमा आयोजित एक कार्यक्रममा महामन्त्री थापाले नेकपा एमालेका अध्यक्ष केपी ओलीलाई बालकोट नै पुगेर ट्युसन पढाउनुपर्ने बताएका थिए । ‘कांग्रेस यस्तो पार्टी हो, जोसँग बिपी कोइरालाले स्थापना गरेको मेनिफस्टो नै छैन । केपी ओलीलाई बालकोटमा गएर ट्युसन पढाउँछु भन्ने महामन्त्रीजीलाई म ट्युसन पढाउन…
कैलाली- रात्रिकालीन उडानयोग्य पूर्व भद्रपुरदेखि सुदूरपश्चिम धनगढीसम्मका विमानस्थलमा अब राति १२ बजेसम्म सेवा सञ्चालन हुने भएको छ। नियामक प्राधिकरणले आजबाट भद्रपुर, विराटनगर, जनकपुर, सिमरा, भैरहवा, नेपालगञ्ज र धनगढी विमानस्थललाई दैनिक १८ घन्टा सञ्चालनमा ल्याउने निर्णय गरेको हो। हालसम्म १२ घण्टा मात्र सञ्चालन हुँदै आएका यी विमानस्थलहरू आजबाट बिहान ६ देखि राति १२ बजेसम्म सञ्चालन हुने भएका हन्। यसले काठमाडौँ विमानस्थलको विद्यमान उडान चाप पनि व्यवस्थापन हुने तथा कोभिड कहरपछि जुर्मुराउँदै गरेको पर्यटन क्षेत्रलाई राहत पुग्ने प्राधिकरणको विश्वास छ। प्रादेशिक रूपमा आर्थिक गतिविधि बढ्नेछन्। उडान चापले यात्रा डिले हुँदा घन्टौंसम्म यात्रुले विमानस्थलमा निकै सास्ती व्यहोर्दै आएका छन्। उडान ढिलाइ भएकै कारण…