धनगढी : कैलालीमा भन्सार छली गरेर ल्याइएको अवैध सामान बरामद गरिएको छ । मंगलबार साँझ लम्कीचुहा नगरपालिका–१ राजीपुरबाट तीन लाख ८ हजार मूल्य बराबरको अवैध सामान बरामद गरिएको जिल्ला प्रहरी कार्यालयका प्रहरी नायब उपरीक्षक (डीएसपी) कबिन्द्रसिंह बोहोराले जानकारी दिए । उनकाअनुसार विषेश सूचनाका आधारमा ईलाका प्रहरी कार्यालय लम्कीबाट खटिएको टोलीले भारतबाट अवैध रुपमा ल्याइएको उक्त सामान वेवारिसे अवस्थामा फेला पारेको थियो । जसमा १२५ वटा सुट, मेक्सिको कपडा, ५ चादरको कपडा, ५ पिस ब्लाउजको कपडासहितका फेन्सी सामान छन् । बरामद गरिएका सामान आवश्यक कारवाहीका लागि सत्ती भन्सार कार्यालय बुझाइएको प्रहरीले जनाएको छ ।
Author: महेन्द्रनगर पोष्ट
धनगढी : जिल्ला प्रशासन कार्यालय कैलालीमा एक जना सेवाग्राही गर्मीले लाइनमै ढलेका छन् । मंगलबार राष्ट्रिय परिचय पत्र बनाउन आएका एक जना सेवाग्राही गर्मीले लाइनमै बेहोस भएका हुन। जिल्ला प्रशासन कार्यालय, कैलालीका सूचना अधिकारी शिवराज जोशीका अनुसार उनी गर्मीका कारण ढलेका हुन्। उनको सेती प्रादेशिक अस्पताल, धनगढीमा उपचार हुँदैछ। अत्याधिक गर्मीका कारण धनगढीमा बेहोस भएका एक जनाको आजै मृत्यु भएको छ ।
धनगढी : बाजुराको बूढीनन्दा नगरपालिकामा रहेको इलाका प्रहरी कार्यालयको भवन साघुँरो हुँदा केही प्रहरी पालमा बस्न बाध्य छन् । आफ्नै भवन नहुँदा कोल्टी विमानस्थलको घर भाडामा लिएर इलाका प्रहरी कार्यालय सञ्चालन गरिएको छ । कार्यालयमा प्रहरी निरीक्षक (इन्सपेक्टर)को नेतृत्वमा ३५ जना प्रहरी छन् । भवनमा बस्ने ठाउँ नहुँदा केही प्रहरी पालमा बस्ने गरेका छन् भने केही बजारमा घर भाडामा लिएर बस्ने गरेको इलाका प्रहरी कार्यालय बूढीनन्दाका प्रहरी निरीक्षक केशव खड्काले बताए । कार्यालयमा तीन महिला प्रहरी कार्यरत छन् । उनीहरूका लागि छुट्टै कोठाको व्यवस्था नहुँदा बजारमा कोठा भाडा लिएर बस्ने गरेका छन् । भवन नहुँदा नियमित कामदेखि थुनुवा राख्न समस्या…
धनगढी : अत्यधिक गर्मीपछि बेहोस भएका धनगढी उपमहानगरपालिका–१६ का ५३ वर्षीय बलराम मग्राठीको आज अस्पतालमा उपचारको क्रममा मृत्यु भएको छ । जिल्ला प्रहरी कार्यालय कैलालीका प्रवक्ता कविन्द्रसिंह बोहराले अत्यधिक गर्मीका कारण बेहोस भएका ५३ वर्षीय मग्राठीको सेती प्रदेशिक अस्पतालमा उपचारका क्रममा निधन भएको जानकारी दिए । गङ्गादशहरा पर्वको अवसरमा यही असार २ गतेदेखि धनगढीको बेहडाबाबा धाममा लागेको मेलामा सञ्चालित होटेलको स्टलमा काम गरिरहेका मग्राठी गर्मीले बेहोस भएका थिए । उपचारका लागि सेती प्रादेशिक अस्पतालमा भर्ना गरिएकामा चिकित्सकले मृत घोषणा गरेको प्रवक्ता बोहराले जानकारी दिए ।
काठमाडौं : नेपाली सेनाका महासेनानी दिरेन्द्र कुमार मल्ललाई सैनिक अदालतले सैनिक सेवाबाट निष्कासित गरेको छ । जन्ममिति र नाम सच्याएको विवादमा तानिएका मल्ललाई समरी सैनिक जनरल अदालतले सरकारी सेवामा अयोग्य नहुने गरी निष्कासित गरेको छ । यसअघि सेनाले उनलाई हिरासतमा लिएको थियो । विवादित विषयमा उपरथी दिपक बानियाँको नेतृत्वमा बनेको समितिले छानबिन गरेको थियो । अमेरिकाको न्यूयोर्कस्थित राष्ट्रसंघका लागि नेपाली नियोगमा सैनिक सल्लाहकार रहेका मल्ल सैनिक अदालतको निर्णयले निष्कासित भएका छन् । मल्ल झण्डै साढे ४ महिनाअघि सैनिक सल्लाहकारको रूपमा न्यूयोर्क पुगेका थिए । महासेनानी मल्लको नागरिकता र शैक्षिक योग्यतामा कैफियत देखिएपछि प्रधानसेनापति प्रभुराम शर्माको निर्देशनमा उनलाई फिर्ता बोलाएर अनुसन्धान…
धनगढी : कैलालीको घोडाघोडी नगरपालिका-१२ नकफोडुवामा अवैध रुपमा राखिएको बन्दुकसहित एक जना पक्राउ परेका छन्। आज (मंगलबार) साँझ ५ बजेको समयमा इलाका प्रहरी कार्यालय सुखडबाट प्रहरी नायव उपरिक्षक दिपेन्द्र कुमार पालको कमाण्डमा खटिएको प्रहरी टोलीले ३७ वर्षीय मोहन बहादुर खत्रीलाई पक्राउ गरेको हो। प्रहरी टोलीले खत्रीको घरमा लुकाइ छिपाई राखिएको अवस्थामा तीन नाल भरुवा बन्दुक फेला पारेको थियो। उक्त बन्दुकहरू बरामद गरिसकेपछि खत्रीलाई नियन्त्रणमा लिई थप अनुसन्धानको लागि इलाका प्रहरी कार्यालय सुखडमा राखिएको छ।
काठमाडौं : जिल्ला प्रहरी कार्यालय सिराहाको शौचालयमा प्रहरी जवान मृत फेला परेको घटनामा एक जना पक्राउ परेका छन्। जेठ ३१ गते २५ वर्षीया प्रहरी जवान करिश्मा सुनार जिल्ला प्रहरी कार्यालयको महिला बालबालिका तथा जेष्ठ नागरिक सेवा केन्द्र भवनको दोस्रो तलामा रहेको शौचालयमा मृत फेला परेकी थिइन्। उनी शौचालयमा झुन्डिएको अवस्थामा फेला परेकी थिइन्।यस घटनामा प्रहरीले एक जना पुरूषलाई आत्महत्या दुरूत्साहनको कसुरमा पक्राउ गरेको हो। पक्राउ पर्नेमा दैलेख घर भई बाँके बैदनाथ गाउँपालिका वडा नम्बर २ बस्ने २७ वर्षीय पुष्कर थापा मगर छन्। जिल्ला प्रहरी कार्यालय ,सिराहामा ल्याएर उनीविरूद्ध आत्महत्या दुरूत्साहन मुद्दामा प्रहरीले अनुसन्धान अघि बढाएको छ। अनुसन्धानका निम्ति सिराहा जिल्ला…
धनगढी : धनगढी उपमहानगरपालिकाले पुनः गर्मी बिदा दिएको छ । अत्याधिक गर्मी बढेका कारण धनगढीका सामुदायिक तथा संस्थागत विद्यालयहरुमा भोलि असार ५ गतेदेखी ७ गतेसम्म बिदा दिएको हो । यसअघि उपमहानगरपालिकाले जेठ १८ देखि २४ गतेसम्म बिदा दिएको थियो । उपमहानगरपालिकाले जारी गरेको सूचनामा अत्यधिक गर्मी बढेकाले वर्षे बिदाबाट कट्टा हुने गरी सात दिन सम्पूर्ण विद्यालय बन्द गर्ने निर्णय गरेको जनाइएको छ । प्रमुख प्रशासकीय अधिकृत नरेन्द्र बहादुर खातीले जारी गरेको विज्ञप्तिमा बढ्दो अत्यधिक गर्मीले बालबालिका तथा विद्यार्थीको स्वास्थ्यमा प्रतिकूल असर पर्ने हुँदा बिदा दिने निर्णय गरिएको उल्लेख गरिएको छ ।
धनगढी : बझाङको बित्थडचिर गाउँपालिका अध्यक्ष अमर महरकी श्रीमतीलाई दोहोरो सुविधा लिएको खुलेको छ । देउलेख प्राथमिक स्वास्थ्य केन्द्रमा कार्यरत अनमी शारदा बमसहित ९ जनाले दोहोरो सुविधा लिएका हुन । उनिहरु कार्यालयमा उपस्थित नभएरै ३ लाख ५६ हजार ९२४ रुपैयाँ बुझेका छन् । यसरी बुझेको दोहोरो सुविधा अशुल गर्नु भन्दै महालेखा परीक्षकको कार्यालयले निर्देशन दिएको छ । कार्यालयमा उपस्थित नभएरै दोहोरो सुविधा लिने कर्मचारीहरु निम्नअनुसार रहेका छन् ।
धनगढी : धनगढी उपमहानगरपालिकाले स्वीकृत दरबन्दी बिना कर्मचारी भर्ना गरि बजेट खर्च गरेको भन्दै प्रश्न उठाइएको छ । महालेखापरीक्षकको कार्यालयले सार्वजनिक गरेको आर्थिक वर्ष २०७९/८० को लेखापरीक्षण प्रतिवेदनमा उपमहानगरपालिकाले स्वीकृत दरबन्दी नभएको अवस्थामा पदाधिकार कायम गरि एक करोड ९३ लाख ६३ हजार भुक्तानी गरेको उल्लेख गरेको छ । उपमहानगरपालिकाले स्वीकृत दरबन्दी बिना कर्मचारी राखेर बजेट खर्च गरेको भेटिएपछि दरबन्दी स्वीकृत गरि सोहीअनुसार व्यवस्थापन गर्नुपर्ने सुझाव महालेखापरीक्षकको कार्यालयले दिएको छ । प्रतिवेदनमा उपमहानगरपालिकाले २ जना लेखा अधिकृत छैटौँ, ३/३ जना कम्प्युटर अपरेटर, सहायक पाँचौ, १७ जना सामाजिक परिचालक, १० जना कार्यालय सहयोगी लगायत विभिन्न पदमा ५१ जना कर्मचारी भर्ना गरिएको प्रतिवेदनमा…