धनगढी : बझाङको बित्थडचिर गाउँपालिकामा दोस्रो कमल बोहरा स्मृति भलिबल तथा डेउडा प्रतियोगिताको सुरु भएको छ। नेकपा एमाले बित्थडचिर गाउँ कमिटीको आयोजनामा दोस्रो कमल स्मृति भलिबल तथा डेउडा प्रतियोगिता बुधबार बाट देउलेखमा सुरु भएको हो। प्रतियोगिताको उद्घाटन एमालेका सुदूरपश्चिम प्रदेश अध्यक्ष कृष्णप्रसाद जैसीले गरेको हुन। उद्घाटन समारोहका प्रमुख अतिथि जैसीले प्रतियोगिता आयोजकलाई धन्यवाद व्यक्त गरे । उनले सम्भव भएसम्म कमल स्मृती कोष स्थापना गरेर आगामी दिनहरुमा यस्तै रचनात्मक कार्यक्रमहरु आयोजना गर्न सुझाव दिए । साथै बित्थडचिरमा युवाहरुको खेलप्रतिको उत्साह देखेको बताउदै प्रतियोगिता सफलताको शुभकामना व्यक्त गरे । यस्तै कार्यक्रमका अध्यक्ष तथा एमाले बित्थडचिर गाउँपालिका अध्यक्ष दिपेन्द्र बोहराले एमालेको एक बृहत…
Author: महेन्द्रनगर पोष्ट
धनगढी : कैलालीको लागुऔषधसहित एक जना पक्राउ परेका छन् । जिल्लाको गौरीगंगा नगरपालिका–२ का ३२ वर्षीय त्रिभुवन चन्दको कोठाबाट ६ ग्राम एक सय मिलिग्राम लागुऔषध, ४१ हजार नगद रुपैयाँ र एक मोबाइल फेला परेको प्रहरीले बताएको छ। बुधवार पक्राउ परेका चन्दलाई प्रहरीको हिरासत कक्षमा राखिएको छ। घटनाका विषयमा थप अनुसन्धान जारी रहेको मालाखेती प्रहरीले बताएको छ।
धनगढी : सुदूरपश्चिम विश्वविद्यालयको कानुन संकायको डीनमा प्राध्यापक मुकुन्द प्रसाद कलौनीलाई नियुक्त गरिएको छ। विश्वविद्यालय कार्यकारी परिषद्को चैत्र ३ गतेको निर्णय बमोजिम कलौनीलाई आज दुई बर्षको लागि डीनमा नियुक्त गरिएको हो । तत्कालीन डीन कर्णबहादुर थापा निमित्त उपकुलपति भएपछि कलौनीलाई जिम्मेवारी दिइएको हो। यस्तै ३० वर्षीय भीमबहादुर फडेरालाई कानुन संकायको संयोजकको जिम्मेवारी दिइएको डीन कलौनीले जानकारी दिए।
धनगढी : नागरिक उन्मुक्ति पार्टी (नाउपा) सुदूरपश्चिम प्रदेश सरकारको नेतृत्वसहित सरकारमा जाने निष्कर्षमा पुगेको छ। गठबन्धनका विषयमा संरक्षक रेशमलाल चौधरी र अध्यक्ष रञ्जिता श्रेष्ठबीचको मतभेदबीच बुधबार धनगढीमा भएको छलफलमा नाउपा सांसदहरू नाउपाकै नेतृत्वमा सरकार गठन गर्ने निष्कर्षमा पुगेका छन्। नागरिक उन्मुक्ति पार्टी सुदूरपश्चिम प्रदेश संसदीय दलका नेता कैलाश चौधरीले सुदूरपश्चिममा नेतृत्वसहित नाउपा सरकारमा जाने निष्कर्षमा पुगेको बताए। नाउपाभित्रको विवादपछि पहिलो पटक नाउपाका सांसद एकैठाउँमा उभिएका हुन। यो छलफलमा संरक्षक रेशम पनि उपस्थित थिए। सुदूरपश्चिममा नाउपाका ७ सांसद छन्। समानुपातिक सांसद इन्द्रिरा गिरीलाई रञ्जिताले कारबाही गरेकी थिइन्। यस्तै, उनले घनश्याम चौधरीलाई दल नेताबाट हटाएर कैलाश चौधरीलाई जिम्मेवारी तोकेकी थिइन्। गठबन्धनका विषयमा…
धनगढी : कैलालीमा मोटरसाइकल दुर्घटना हुँदा एक जनाको मृत्यु भएको छ। जिल्लाको गोदावरी नगरपालिका–३ दमौरास्थित सडकमा सुदूरपश्चिम प्रदेश ०१००८ प २७४५ नम्बरको मोटरसाइकल दुर्घटना हुँदा मोटरसाइकल चालक स्थानीय ३३ वर्षीय लक्ष्मण भुलको मृत्यु भएको हो। दुर्घटनामा गम्भीर घाइते भएका उनको सेती प्रादेशिक अस्पताल धनगढीमा उपचारको क्रममा मृत्यु भएको प्रहरीले जनाएको छ। दुर्घटनामा घाइते भएका मोटरसाइकलमा सवार ११ वर्षीय मनोज भुललाई उपचारको लागि माया मेट्रो अस्पताल धनगढी पठाइएको छ। मंगलबार राति साढे ११ बजेको समयमा दुर्घटना भएको प्रहरीले बताएको छ। दुर्घटनाका सम्बन्धमा प्रहरीले आवश्यक अनुसन्धान गरिरहेको छ।
धनगढी : बाजुराको बूढीनन्दा नगरपालिकामा डम्पिङ साइड बनाउने भन्दै दुइटा खाल्डा खनेर पौने २ करोडभन्दा बढी बजेट खर्च गरेको छ । आर्थिक वर्ष ०७५/७६ मा नगरपालिकाको वडा नम्बर ७ मा रहेको खड्काबाडा गाउँमाथिको वनमा डम्पिङ साइड बनाइएको थियो । डम्पिङ साइडको नाममा दुइटा खाल्डा मात्रै बनाउन नगरपालिकाले १ करोड ८९ लाख ५५ हजार रुपैयाँ लगानी गरेको छ । त्यही पनि प्रयोग हुन नसकेपछि नगरपालिकाले वडा नम्बर १ मा फेरि अर्को बनाउने तयारी थालेको छ । करिब ४ वर्षअघि उक्त डम्पिङ साइड बनाउँदा नै स्थानीयबासीले विरोध गरेका थिए । डम्पिङ साइड निर्माणका लागि लागेको ठेक्का पनि मिलेमतोमा भएको आरोप स्थानीयको छ…
धनगढी : बैतडीमा दुई दिनदेखि बेपत्ता युवती मृत अवस्थामा भेटिएकी छन् । जिल्लाको पुर्चौडी नगरपालिका–४ भटना ओखडानीकी अन्दाजी २० वर्षीया रेखा बुधबार मृत अवस्थामा परेकी हुन् । पारिवारिक स्रोतका अनुसार उनी यही चैत्र २६ गते दिउँसोबाट बेपत्ता थिइन् । रेखा सोही वडाको रानीवनमा मृत फेला परेकी उक्त वडाका अध्यक्ष दिलबहादुर धानुकले बताए । उनको गत वर्ष मात्रै विवाह भएको थियो । रेखाका श्रीमान रोजगारीको सिलसिलामा भारतको बेंगलोरमा रहेका बताइएको छ । मृत्युको कारण नखुलेको र घटनाबारे आवश्यक अनुसन्धान गरिरहेको प्रहरीले जनाएको छ ।
धनगढीः अछाममा रुखबाट लडेर एक बालकको मृत्यु भएको छ। जिल्लाको रामारोसन गाउँपालिका– ५ का १४ वर्षीय पुरन रोकायाको रुखबाट लडेर मृत्यु भएको हो। स्थानिय भरत रोकायाका १४ वर्षीय छोरा पुरनको बुधवार रुखबाट लडेर मृत्यु भएको हो। गाउँ नजिकै रहेको सालिमकोट सामुदायिक वनको चौतारामा रुखबाट झ्याउ निकाल्ने क्रममा उनी लडेका हुन्। उनी नीलकण्ठ माध्यमिक विद्यालय पातलमा कक्षा ७ मा अध्ययनरत रहेका थिए। उनी कक्षाकै प्रथम हुने विद्यार्थी हुन्। उनको घटनास्थलमै मृत्यु भएको हो। अछामको रामारोसन लगायतका लेकाली क्षेत्रमा रुखहरूबाट जडीबुटी तथा झ्याउहरू निकाल्ने बेचबिखन गर्ने गरिएको छ।
धनगढी : धनगढी जेसिजले नयाँ बर्षको अवसरमा आयोजना गर्दै आएको धनगढी हाफ म्याराथनको तयारी अन्तिम चरणमा पुगेको छ । धनगढीको समग्र विकासका लागि अब धनगढी दौडिन्छ भन्ने नाराका साथ आयोजना हुने दशौं संस्करणको प्रतियोगिताको तयारी अन्तिम चरणमा पुगेको आयोजकले जनाएको छ । आगामी २०८१ बैशाख १ गते हुने हाफ म्याराथनको प्रायः अधिकांश तयारी सकिएको प्रतियोगिताका संयोजक आशिष शाहले जानकारी दिए । २०१४ देखि नयाँ बर्षको अवसरमा आयोजना सुरु भएको धनगढी हाफ म्याराथनको दशौं संस्करणले नेपाल एथलेटिक्सबाट स्वीकृत प्राप्त गरेको छ । यो म्याराथनमा कुनै रेकर्ड बनेमा यसका रेकर्डहरुले पनि मान्यता पाउने संयोजक शाहले जानकारी दिए । धनगढी हाफ म्याराथनको विजेताले…
धनगढी : धनगढी उपमहानगरपालिकाको टिप्परले ठक्कर दिँदा एक जना घाइते भएका छन्। धनगढीमा उपमहानगरपालिकाको से १ ग ६५ नम्बरको टिप्परले गौरीगंगा नगरपालिका वडा नम्बर १ निवासी ४७ वर्षीय बाबुराम चौधरीलाई ठक्कर दिएको प्रहरीले जनाएको छ । आज बिहान धनगढी ४ उत्तरबेहडीस्थीत साइकलमा सवार रहेका चौधरीलाई टिप्परले ठक्कर दिएको जिल्ला प्रहरी कार्यालय कैलालीका डिएसपी कबिन्द्र सिहं बोहराले जानकारी दिए । घाइते भएका चौधरीको टाउको र दुवै खुट्टामा चोट लागेको प्रहरीले जनाएको छ। घाईते चौधरीको केजी अस्पतालमा उपचार भैरहेको छ । टिप्पर र चालक सुरेन्द्र रावललाई अहिले प्रहरीको नियन्त्रणमा लिई जिल्ला प्रहरी कार्यालय कैलालीमा पठाइएको छ।