बझाङ: बझाङको बित्थडचिर गाउँपालिकामा दोस्रो कमल बोहरा स्मृति भलिबल प्रतियोगिताको उपाधी ज्वलन्त युवा क्लबले जितेको छ। नेकपा एमाले बित्थडचिर गाउँ कमिटीको आयोजनामा बुधबारदेखि देउलेखमा सुरु भएको प्रतियोगिताको फाइनल खेलमा चिरासैनी युवा क्लबलाई ३-० सेटले हराउँदै ज्वलन्तले उपाधी जितेको हो। प्रतियोगिताको विजेता ज्वलन्त युवा क्लबले ४१ हजार १११ रुपैयाँ नगद, ट्रफी र प्रमाणपत्र प्राप्त गरेको छ । यस्तै उपविजेता हुने चिरासैनी युवा क्लबले २२ हजार ६११ रुपैयाँ र तृतीय हुने बौनाली टाइगरले १२ हजार ४११ रुपैयाँ प्राप्त गरेका छन्। देवेश्वरी मावि देउलेखको खेलमैदानमा भएको प्रतियोगितामा गाउँपालिकाभरका १९ ओटा टिम सहभागी थिए। प्रतियोगिताको समापन समारोहमा थलारा गाउँपालिका अध्यक्ष प्रकाश रोकायाले बित्थडचिर खेलकुदका…
Author: महेन्द्रनगर पोष्ट
काठमाडौं: पूर्वराजा ज्ञानेन्द्र वीर विक्रम शाहले नयाँ नेपाली वर्षको शुभकामना व्यक्त गरेका छन्। एक सन्देश जारी गर्दै उनले २०८१ सालको शुभकामना व्यक्त गरे। शुभकामनासँगै उनले नेपाल र नेपालीको वर्तमान व्यवस्था र अवस्थाबारे पनि चिन्ता जनाएका छन्। नेपाली जनता युवाहरुको अवस्था बिग्रेदै गएकोमा उनको चिन्ता छ। त्यस्तै उनले कसैलाई निषेध नगरी राष्ट्रिय चिन्ता र चासोबारे पुनर्विचार गर्नसमेत सुझाएका छन्।
कैलाली : बिषु पर्व अर्थात् नयाँ साल मनाउन कैलालीको त्रिनगर भन्सार नाकाबाट एक सातामा चार हजारभन्दा बढी नेपाली घर फर्केका छन्। सुदूरपश्चिमवासीले मनाउँदै गरेको बिषु पर्व मनाउन रोजगारीका लागि भारत गएका चार हजार पाँच सय २८ जना नेपाली घर फर्केको सीमास्थित सशस्त्र प्रहरी बल हेल्प डेस्कले जनाएको छ ।हेल्प डेस्कका अनुसार भारतको केरला, मथुरा, पुना, गुजरात, सुरत, मुम्बई, दिल्ली लगायतका विभिन्न सहरबाट सुदूरपश्चिममा बसोबास गर्ने मानिसहरु फर्केका हुन् । चाडपर्व नजिएकाले भारत जानेभन्दा पनि नेपाल फर्किने नेपालीको सङ्ख्या बढ्न थालेको देखिएको छ ।भारतको सुरतमा रोजगार गर्दै आएका कैलालीको ओलानीका राम टमटाले बिषु पर्व अर्थात् नयाँ साल मनाउन घर फर्केको बताए…
धनगढी: डडेल्धुराका एक युवकको काठमाडौंमा मृत्यु भएको छ। जिल्लाको अमरगढी नगरपालिका–१ मालमका २६ वर्षीय विनोद दियालको हिजो राति मृत्यु भएको हो। हाल कैलालीको अत्तरियामा बस्दै आएका उनी केही दिनअघि मात्रै काठमाडौं गएका थिए। राति एक्कासी पेट दुखेको भन्दै अस्पताल पुगाइएका उनलाई चिकित्सकले मृत घोषणा गरेका थिए। अहिले शवको पोष्टमार्टम भइसकेकाले परिवारका सदस्य आएपछि कैलालीको गोदावरीमा उनको अन्तिमसंस्कार गरिने बताइएको छ। मृतक विनोदको परिवारले अत्तरियामा महेश्वरी होटल सञ्चालन गरिरहेको छ।
धनगढी: नागरिक उन्मुक्ति पार्टीको सुदूरपश्चिम प्रदेश संसदीय दलका नेतासमेत रहेका प्रदेश सभा सदस्य घनश्याम चौधरीलाई निलम्बन गरिएको छ। आज (शुक्रवार) पार्टीकी केन्द्रीय अध्यक्ष रन्जिता श्रेष्ठ चौधरीले घनश्यामलाई कारबाहीस्वरुप ३ महिनाका लागि निलम्बित गरिएको जानकारी दिइन्। उनका अनुसार पार्टी बैठकमा उपस्थित नभएको र स्पष्टीकरण सोधिएकोमा चित्तबुझ्दो जवाफ नदिएकाले चौधरीलाई कारबाही गरिएको हो। श्रेष्ठले चौधरीलाई तीन महिनाको लागि निलम्बन गरेको पत्र सभामुख भीम भण्डारीलाई पनि पठाएकी छन्। यसअघि केन्द्रीय अध्यक्ष रन्जिता श्रेष्ठले संसदीय दलको नेताको जिम्मेवारीबाट घनश्याम चौधरीलाई हटाएर कैलाश चौधरीलाई तोकेकी थिइन्। तर, संसदीय दलबाटै नेता छान्नुपर्ने भएकाले पार्टीको निर्णय लागू हुने नदेखेपछि श्रेष्ठले घनश्यामलाई निलम्बन गरेकी हुन्। घनश्याम रेशम चौधरी…
धनगढी: प्रधानन्यायाधीश विश्वम्वर श्रेष्ठ सुदूरपश्चिम आइपुगेका छन्। उनी हिजो कैलालीबाट गृहजिल्ला डोटी गएको बताइएको छ। उनी बिहीबार राति डोटी पुगेका थिए। सुरक्षा स्रोतका अनुसार प्रधानन्यायाधीश श्रेष्ठ दिपायल राजपुरस्थित मुख्यमन्त्रीको अस्थायी निवासमा बसेका थिए। त्यसपछि आज (शुक्रबार) बिहानबाट श्रेष्ठले उच्च अदालत दिपायलको निरीक्षण थालेका छन्। यस्तै, उनले जिल्ला अदालत डोटीको निरीक्षण गर्ने कार्यक्रम रहेको छ। प्रधानन्ययाधीश श्रेष्ठ वैशाख १ र २ गते नीजि कामको सिलसिलामा डोटीमै रहने कार्यतालिका छ। बैशाख २ गते नागरिकस्तरबाट प्रधानन्यायाधीशको अभिनन्दन कार्यक्रम पनि रहेको बुझिएको छ। बिहीबार श्रेष्ठले डडेल्धुरा अदालतको निरीक्षण गरेका थिए।
धनगढी: टिकापुर नरसंहारमा दोषी ठहर भएका तर राष्ट्रपतिबाट माफी पाएका नागरिक उन्मुक्ति पार्टीका संरक्षकसमेत रहेका रेशमलाल चौधरीले दायर गरेको मुद्दा हेर्न नमिल्ने न्यायाधीशको सूचीमा परेको छ। शुक्रबार उनको मुद्दा हेर्न नमिल्ने सूचीमा परेको हो। न्यायाधीशद्वय नहकुल सुवेदी र तिलप्रसाद श्रेष्ठको इजलासमा परेको उनको मुद्दा नहकुल सुवेदीले उक्त मुद्दा हेर्न नमिल्ने भएपछि स्थगित भएको हो। रेशमलालले आफू जेलमै हुँदा श्रीमती रञ्जिता श्रेष्ठलाई अध्यक्ष बनाएर नागरिक उन्मुक्ति पार्टी गठन गरेका थिए। उनी राष्ट्रपतिबाट बाँकी कैद मिनाहा पाएर जेलमुक्त भएलगत्तै पार्टीको प्रथम महाधिवेशनबाट अध्यक्षमा निर्वाचित भएका थिए। तर निर्वाचन आयोगले उनको अध्यक्ष पदलाई मान्यता नदिएपछि चौधरी रिट बोकेर सर्वोच्च अदालत पुगेका थिए। चौधरीले निर्वाचन…
काठमाडौं: नेपाल वायुसेवा निगमको अपरेसन डाइरेक्टरमा क्याप्टेन दिपु ज्वारचन नियुक्त भएका छन्। उनी एअरबस ३२० को पहिलो नेपाली परीक्षक हुन्। यसअघि पनि उनी केही समय सोही जिम्मेवारीमा थिए। ज्वारचन सन् २००७ मा को पाइलटको रुपमा निगमको सेवामा प्रवेश गरेका थिए। सन् २०१५ देखि एयरबस ३२० विमान उडाइरहेका ज्वारचन २०२२ मा प्रशिक्षक पाइलट बनेका हुन् ।
धनगढी: धनगढीमा मोटरसाइकलले कारलाई ठक्कर दिएपछि दुर्घटना भएको छ। आज (शुक्रवार) धनगढीको राजपुरस्थित ६ लेन सडकमा दुर्घटना भएको हो। प्रदेश ट्राफिक प्रहरी कार्यालय अत्तरियाका अनुसार अत्तरियादेखि धनगढी आउँदै गरेको बागमती प्रदेश ०१०२९ च १७८३ नम्बरको कारलाई पछाडीबाट सुदूरपश्चिम प्रदेश ०१००७ प ९८२५ नम्बरको मोटरसाईकलले ठक्कर दिँदा ६ लेन सडकको धनगढी उपमहानगरपालिका–१३ मोहनपुरमा दुर्घटना भएको हो। दुर्घटनामा मोटरसाइकल चालक कञ्चनपुरको कृष्णपुर नगरपालिका- ७ का २२ वर्षीय विक्रम राना र पछाडि सवार २१ वर्षीय दिपेन्द्र राना घाइते भएका छन्। उनीहरूको अहिले मायामेट्रो अस्पतालमा उपचार भैरहेको प्रहरीले जनाएको छ। यस्तै ठोक्किएको कार अत्तरियाका काँग्रेस नेता एवं पत्रकार लोकराज पाण्डेय (आगो) को भएको खुलेको…
महेन्द्रनगर: कञ्चनपुरमा सरकारी सम्पत्ति एवं जग्गा अतिक्रमण गरेर र भाडामा लिएर बनाइएका अनाधिकृत र अवैध संरचना हटाउने कार्यलाई तीव्र पारिएको छ। चैतदेखि नै सुरु गरिएको उक्त कार्य महिना सकिनै लाग्दा पनि तीव्र पारिएको हो। जिल्ला प्रशासन कार्यालय कञ्चनपुरका प्रमुख जिल्ला अधिकारी (सीडिओ) गोपाल कुमार अधिकारीले अवैध संरचना र खोका, छाप्रा एवं टहरा धमाधम हटाइरहेको महेन्द्रनगरपोष्टलाई जानकारी दिए। उनले सार्वजनिक सम्पत्ति संरक्षण अभियान अन्तरगत सरकारी कार्यालयको जग्गा र आसपासमा बनाइएका संरचना भत्काइएको र भत्काउने क्रम जारी रहेको बताए। उनका अनुसार हालसम्म जिल्लाका मालपोत, नापी र यातायात कार्यालयको स्वामित्व एवं आसपास बनाइएका अनाधिकृत संरचना हटाइएका छन्। यसरी हटाइनेमा सरकारी कार्यालय अगाडिका खोका,…