धनगढी: धनगढीमा मृत फेला परेका प्रहरी जवान टीकापुरकी युवतीसँग प्रेम सम्बन्धमा रहेको खुलेको छ। मृतक प्रहरी जवान सुरज बिक टीकापुरकी युवतीसँग प्रेम सम्बन्धमा रहेको खुलेको हो। उनी बुधबार मृत अवस्थामा भेटिएका थिए। जवान बिक धनगढी उपमहानगरपालिका वडानम्बर ७ स्थित जङ्गलमा झुन्डिएको अवस्थामा भेटिएको प्रहरीले जनाएको थियो। विवाहित उनको प्रेम सम्बन्धका कारण पारिवारिक सम्बन्धमा खटपट आएको बुझिएको छ। बझाङमा सादा पोसाकमा रहेर काम गर्दै आएका जवान बिक घरायसी कामको लागि बिदा मागेर धनगढी आएका थिए। स्रोतका अनुसार चैत १३ गते बझाङबाट ४ दिनका लागि बिदा मागेर आएका उनलाई १४ गते सुदूरपश्चिम प्रदेश प्रहरी कार्यालय धनगढीमा बोलाइएको थियो। उनीएविरुद्ध उजुरी परेकोमा छलफलका…
Author: महेन्द्रनगर पोष्ट
धनगढी : कञ्चनपुरको महेन्द्रनगरस्थित ओपेरा होटलभित्र रहेको क्यासिनोमा आगलागी भएको छ। आज (बिहीबार) बिहान ३ बजे महेन्द्रनगरस्थित ओपेरामा रहेको सिएमजी ग्यामिङ क्लब (क्यासिनो)मा आगलागी भएको हो। जिल्ला प्रहरी कार्यालय कञ्चनपुरका अनुसार आगलागीबाट ८० लाखको क्षती भएको छ। क्यासिनोभित्रको भवनमा तार सर्ट भएर आगलागी भएको बताइएको छ। उक्त क्यासिनो त्यहीँ क्यासिनो हो, जहाँ केही समय अगाडि लाखौंको तस्करीको विदेशी मदिरा भित्रिने गरेको खुलासा भएको थियो। भारतीय प्रहरीले भारतको खटिमाबाट तस्करी भएर आइरहेको सो क्यासिनोको मदिरा बरामद गरेपछि तस्करीको जालोको खुलासा भएको थियो। र यो पनि ! भारतबाट महेन्द्रनगर ओपेराको क्यासिनोमा लाखौंको मदिरा तस्करी
धनगढी : सशस्त्र प्रहरी बल नेपालको नं ७ बैद्यनाथ वाहिनीको २३ औं स्थापना दिवस धुमधाम मनाइएको छ। बिहीबार सशस्त्रको मुख्यालय अत्तरिया कैलालीको २३ औं स्थापना दिवस मनाइएको हो सशस्त्र प्रहरी बल, नेपाल मानवश्रोत विभागका विभागीय प्रमुख सशस्त्र प्रहरी अतिरिक्त महानिरीक्षक चन्द्र प्रकाश गौतमको प्रमुख आतिथ्यतामा स्थापना दिवस मनाइएको बताइएको छ। स्थापना दिवसको कार्यक्रममा नेपाली सेनाका पृतनापति, मन्त्रालयका सचिवहरू, स्थानीय तहका प्रमुखहरू, कैलाली तथा कन्चनपुरका जिल्ला सुरक्षा समितिका पदाधिकारीहरू लगायतको उपस्थिति थियो। स्थापना दिवसको अवसरमा वृक्षारोपण, रक्तदान, धार्मिक स्थलहरुको सरसफाई, आन्तरिक रुपमा विभिन्न खेलकुद र हाजिरी जवाफ प्रतियोगिता, नेपाली सेना र नेपाली प्रहरीका अधिकृत सम्मिलित मैत्रीपूर्ण फुटबल प्रतियोगिता, शारिरीक सहिष्णुता प्रतियोगिता…
धनगढी : नेपाली यात्रु भारतमा पाठउने बसमा ओभरलोड भएको भन्दै नेपाली सवार दुई बस पलियामा नियन्त्रणमा लिएको छ । भारतको पलियामा स्थानीय प्रहरी र एआरटीओको संयुक्त अनुगमनमा क्षमताभन्दा बढी नेपाली यात्रु ओसारपसार गर्ने दुईवटा निजी बस नियन्त्रणमा लिएका छन् । अधिकांश नेपालबाट भारतमा यात्रु ओसारपसार गर्ने यातायात व्यबसायीहरु कोचाकोच यात्रु लैजाने गर्ने गरेको एक यात्रुले बताएका छन् । नेपालीलाई भारतको बिभिन्न स्थानमा पुगाउने भन्दै धनगढीमा बिभिन्न ट्राभल एजेन्सीहरु संचालानमा आएका छन् । एजेन्सीहरु नेपालीहरुबाट टिकट काटेर भारतका यातायातका भाडामा बस लिएर यात्रु गन्तव्य पुगाउने गर्दछन् ।
धनगढी : सुदूरपश्चिमका मुख्यमन्त्री कमलबहादुर शाहले दिएको राजीनामा स्वीकृत भएको छ । विश्वासको मत नपाउने देखिएपछि मुख्यमन्त्री शाहले आज प्रदेश प्रमुख नजिर मियाँलाई भेटेर राजीनामा दिएका थिए। उनको राजीनामा स्वीकृत भएपछि नयाँ सरकारका गठनको लागि तयारी भइरहेको छ । प्रदेश प्रमुखले नयाँ सरकार गठनका लागि आह्वान गर्ने भन्दै परामर्शमा जुटेका छन्। प्रदेश प्रमुखको कार्यालयका सूचना अधिकारी दीर्घ भट्टले प्रदेश प्रमुखले कानुनी परामर्शपछि नयाँ सरकार गठनका लागि आह्वान गर्ने जानकारी दिए।
काठमाडौँ : न्याय परिषद्ले जिल्ला अदालतमा १० जना न्यायाधीश नियुक्तिको सिफारिस गरेको छ। न्यायाधीश नियुक्तिको मुख्य एजेन्डासहित बिहीबार दिउँसो बसेको न्याय परिषद्को बैठकले यो निर्णय गरेको हो। न्यायपरिषद्ले जिल्ला न्यायाधीशमा नियुक्तिका लागि अर्जुनप्रसाद कोइराला, नरेन्द्रबहादुर बुढा, जीवनकुमार भण्डारी, मुकुन्द आचार्य, विमला रेग्मी, पुष्पराजा पाण्डे, शिवबहादुर थापा, महेन्द्रबहादुर कार्की, दीपक घिमिरे, फणेश्वरी घिमिरेको नाम सिफारिस गरेको हो। कानुन, न्याय तथा संसदीय मामिला मन्त्रीको जिम्मेवारी पदम गिरीले सम्हालेपछि न्यायपरिषद् बैठक पहिलोपटक बसेको हो। न्यायपरिषद् सचिवालयले यसअघि नै न्यायाधीश नियुक्तिकालाई आवश्यक छलफल र परामर्श पनि गरेको थियो। सरकारी वकिल समूहबाट २ जनाले अवसर पाएका छन्। यीमध्ये अर्जुनप्रसाद कोइराला जिल्ला सरकारी वकिल कार्यालय, दोलखाका…
धनगढी : सुदूरपश्चिमका मुख्यमन्त्री कमलबहादुर शाहले राजीनामा दिएका छन्। मुख्यमन्त्री शाहले प्रदेश प्रमुखलाई राजीनामा दिदै राजनीतिक परिस्थितिका कारण राजीनामा दिएको बताएका छन् । विश्वासको मत नपाउने देखिएपछि मुख्यमन्त्री शाहले राजीनामा दिएका हुन्। शाहले प्रदेश प्रमुख नजिर मियाँलाई भेटेर उनले राजीनामा बुझाएका छन् । प्रदेश सभा बैठक अगाडि उनले राजीनामा गरेका हुन्। मुख्यमन्त्री शाहले बिहीवार ३ बजेको प्रदेश सभाको बैठकमा विश्वासको मत लिने कार्यसूची रहेकोमा बैठक स्थगित गरिएको थियो। त्यसपछि ५ बजेका लागि बैठक डाकिएकोमा मुख्यमन्त्रीले राजीनामा दिएका हुन्। अल्पमतमा परेपछि उनको आज विश्वासको मत लिने अन्तिम दिन थियो। तर, उनले विश्वासको मत नलिएर राजीनामाको बाटो रोजेका हुन्। सुदूरपश्चिममा नेकपा माओवादी…
डडेल्धुरा : सशस्त्र प्रहरी नेपाल गुल्म नं.५२ डडेल्धुराका सशस्त्र प्रहरी नायब उपरीक्षक वीरेन्द्रबहादुर पालले उत्कृष्ट कमाण्डरको पुरस्कार पाएका छन्। सशस्त्र प्रहरी नेपाल नं. ७ अत्तरियाको २३औं स्थापना दिवसका अवसरमा आयोजित कार्यक्रमबाट सशस्त्र प्रहरी नेपाल नं.५२ गुल्म डडेल्धुराले उत्कृष्ट युनिट र सप्रनाउ पालले उत्कृष्ट कमाण्डरको पुरस्कार पाएका हुन्। कार्यक्रममा सशस्त्र प्रहरी अतिरिक्त महानिरीक्षक चन्द्र प्रकाश गौतमले डीएसपी पाललाई नगदसहित प्रशंसा पत्र प्रदान गरेका थिए। सुदूरपश्चिम प्रदेशभरका ६ युनिट र ६ युनिट प्रमुखमध्ये पाल उत्कृष्ट पुरस्कार पाउन सफल भए। सशस्त्र प्रहरी वृतामा आफ्नो छुट्टै पहिचान बनाएका पाल यसअघि सशस्त्र प्रहरी बल नेपाल गुल्म नं. ७ अत्तरियामा कार्यरत हुँदा प्रशासनिक कार्यतर्फ उत्कृष्ट प्रशासकीय…
धनगढी : प्रहरी प्रधान कार्यालयले रिक्त रहेको प्रहरी नायब उपरिक्षक (डिएसपी)को बढुवा सिफारिस प्रकाशित गरेको छ । हेडक्वार्टरले बुधबार प्रकाशित गरेको सूचीअनुसार १९ जना इन्स्पेक्टरहरु डिएसपी बढुवाका लागि सिफारिस भएका छन् । १९ नम्बरको शीर्ष बरियतामा निर्मल पनेरु बढुवा हुँदा एक मात्र महिला अधिकृत डिएसपी बढुवा भएकी छिन् । हाल बर्दियास्थित इलाका प्रहरी कार्यालय मोतीपुरमा कार्यरत कैलालीकी शैलेश्वरी बोहरा बढुवा हुने एकमात्र महिला इन्स्पेक्टर हुन् । उनी २०७० चैत ९ गते प्रवेश गरेकी हुन् । डोटीबाट मास्टर्स पढ्न काठमाडौं आएकी शैलेश्वरीले सरकारी जागिर प्रवेश गर्ने चाहना राखिरहेको बेला खुलेको इन्स्पेक्टरका विभिन्न चरणहरु पार गर्दै प्रहरी संगठनभित्र प्रवेश गरेकी हुन् ।…
काठमाडौं : अख्तियार दुरूपयोग अनुसन्धान आयोगले वाइडबडी विमान खरिदमा भ्रष्टाचार गरेको ठहर गर्दै मुद्दा दायर गरेको छ । विहीबार अख्तियारले तत्कालीन पर्यटनमन्त्री जीवनबहादुर शाही, नेपाल वायुसेवा निगमका तत्कालिन महाप्रबन्धक सुगत कंसाकर, पूर्व पर्यटन सचिव शंकर अधिकारीलगायत ३२ जना विरुद्ध विशेष अदालत काठमाडौंमा आरोप पत्र दायर गरेको हो । वाइडबडी जहाज खरिद प्रकरणमा १ अर्ब ४७ करोड रूपैयाँ भ्रष्टाचार भएको अख्तियारको ठहर छ ।