काठमाडौं : नेकपा एमालेको अनुशासन आयोगले पार्टीका केन्द्रीय सदस्य ऐन महर र कर्णाली प्रदेश अध्यक्ष गुलाबजंग शाहलाई कारबाही गर्न सिफारिस गरेको छ । स्थलगत अध्ययन सहितको छानबिनपछि आयोगले महर र शाहलाई कारबाही सिफारिस गरेको हो । ‘आयोगबाट खटिएको टोलीले स्थलगत अध्ययन, पीडित र अरु व्यक्तिहरुसँग कुरा गर्दा उहाँहरु दुवै जना पदमा बस्न योग्य देखिनुभएन’, आयोगका एक सदस्यले भने । उनका अनुसार, छानबिन प्रतिवेदन तयार भएपछि आयोगको बैठक बसेर कारबाही गर्न पार्टी केन्द्रीय कमिटीमा सिफारिस गरिएको छ । ‘पार्टी केन्द्रीय कमिटीले के गर्छ, थाहा भएन । तर उहाँहरुले गरेको काम अनुशासन बाहिरको कुरा हो’, ती सदस्यले भने । कर्णाली प्रदेश अध्यक्ष…
Author: महेन्द्रनगर पोष्ट
काठमाडौं : सशस्त्र प्रहरी बलको इन्सपेक्टर पदको लिखित परीक्षाको नतिजा सार्वजनिक भएको छ । नतिजामा आरक्षण कोटातर्फ माग भन्दा कम उत्तीर्ण भएका छन् । महिला, आदिवासी/जनजाती, दलित र अमर तथा अशक्त प्रहरीका सन्तानको आरक्षणमा तोकिएको कोटाभन्दा कम उत्तीर्ण भएका छन् । कुल ९९ पदका लागि भएको विज्ञापनमा महिलाका लागि आठ वटा कोटा छुट्याइएको थियो । जसमा चार जना मात्र परीक्षामा सफल भएका छन्। आदिवासी/ जनजातीतर्फ १३ जनाको मागमा ९ जना, मधेसीतर्फ ११ मा ४, दलिततर्फ ७ मा ३ र अमर तथा अशक्त प्रहरीको सन्तानको कोटातर्फ चार सिट रहेकोमा एक जनामा पनि उत्तीर्ण भएनन्। यसरी आरक्षणको कोटातर्फ अनुत्तिर्ण कोटालाई खुलातर्फ जोडेर…
धनगढी : सुदूरपश्चिम प्रदेश सरकारले राजश्व संकलनका लागि ल्याएको अध्यादेश पारित गरेको छ। आज बसेको मन्त्रिपरिषद बैठकले बजेट शून्यताको अवस्था अन्त्य गर्न सो अध्यादेश पारित गरेको हो। आर्थिक मामिला मन्त्रालयको तर्फबाट अर्थमन्त्री बहादुरसिंह थापाले राजश्व संकलन सम्बन्धी व्यवस्था गर्न बनेको सुदूरपश्चिम प्रदेश सामयीक कर अध्यादेश २०८१ बुधबार पेश गरेका थिए । मन्त्रिपरिषद्ले स्वीकृत गरेको प्रमाणीकरणका लागि प्रदेश प्रमुख नजिर मियाँ समक्ष सिफारिस गरेको छ । प्रदेश प्रमुख मियाँले अध्यादेश प्रमाणीकरण गरेर राजपत्रमा प्रकाशित गरेपछि रोकिएको राजश्व संकलनको बाटो खुल्नेछ ।सुदूरपश्चिम प्रदेशमा तत्कालीन सरकारले चालु आर्थिक वर्षको बजेट पारित गराउन नसकेपछि साउन १ गतेदेखि बजेट शून्यताको अवस्था ठप्प रहेको छ ।सरकारले…
डडेल्धुरा : डडेल्धुरामा जीप दुर्घटना भएको छ।बिहीबार दिउँसो डडेल्धुरा सदरमुकामस्थित बसपार्क नजिकै जीप दुर्घटना भएको हो। सदरमुकामबाट गन्यापधुरा गाउँपालिका गइरहेको सुपप्र ०४००१च ०१३४ नम्बरको जीप नालीमा खसेर दुर्घटना भएको हो । दुर्घटनामा ४ जना घाइते भएको प्रारम्भिक जानकारी प्राप्त भएको छ। घाइतेमध्ये एकजना गम्भीर अवस्थामा रहेका छन् भने तीन जनाको अवस्था सामान्य रहेको छ। घाइतेको डडेल्धुरा अस्पतालमा उपचार भइरहेको छ।
काठमाडौं : नेपाल प्रहरीका महानिरीक्षक (आईजीपी) बसन्त कुँवरले अतिरिक्त महानिरीक्षक (एआईजी)मा बढुवा भएका रामदत्त जोशीलाई दर्ज्यान्ही चिन्ह प्रदान गरेका छन् । नेपाल प्रहरी प्रधान कार्यालयमा आज आयोजित विशेष समारोहबीच आईजीपी कुँवरले जोशीलाई दर्ज्यानी चिन्हद्वारा सुशोभन गरेका हुन् । प्रधानमन्त्री तथा मन्त्रिपरिषद् कार्यालय सिंहदरबारमा मंगलबार बसेको मन्त्रिपरिषद् बैठकले डीआईजी जोशीलाई एआईजीमा बढुवा गरेको थियो । उनको पोष्टिङ् प्रहरी प्रधान कार्यालय स्थित कार्य विभागमा छ । जोशी आईजीपी वसन्त बहादुर कुवँरकै ब्याची हुन् ।
धनगढी : कैलालीको गोदावरी नगरपालिका-१० का पदम थापा जबरजस्ती करणीको आरोपमा पक्राउ परेका छन्। साउन ९ गते राति गोदावरी नगरपालिका-३ की १७ वर्षीया किशोरी लक्ष्मी (नाम परिवर्तन) लाई जंगलमा लगेर बलात्कार गरेको आरोपमा थापा पक्राउ परेका हुन्। जिल्ला प्रहरी कार्यालय कैलालीका प्रमुख प्रहरी उपरीक्षक पदमबहादुर विष्टले साउन १५ गते थापालाई घरबाटै पक्राउ गरिएको जानकारी दिए। थापाले फेसबुकमा फेक आइडी बनाएर लक्ष्मीसँग कुरा गर्दै आइरहेका थिए। परिचय लुकाएर कुरा गरिरहेका थापाले साउन ९ गते मध्यराति लक्ष्मीलाई घर बाहिर भेट्न बोलाए। लक्ष्मीलाई बाइकमा राखेर राति झण्डै १ः३० बजे गोदावरी नगरपालिका-१० को मालाखेती जंगलमा पुर्याए। थापाले सोही स्थानमा आफ्ना चार जना अन्य साथिहरुलाई…
दार्चुला : दार्चुला जिल्ला सदरमुकाम खलंगा पछिल्लो केहि दिन यता निकै असुरक्षित बन्दै गइरहेको छ । सदरमुकाम खलंगामा सुरक्षाको खासै प्रत्याभुती हुन नसक्दा अहिले हरेक दिन विभिन्न किसिमका अपराधिक घट्नाहरु घटिरहेका छन् । सदरमुकाम खलंगामा दिन दाहाडै गुण्डागर्दी, चोरी, तस्करी, ओसार–पसार लगायतका घट्नाहरु भइरहेको तथा मानव अधिकार उल्लङघनका घट्नाहरु समेत भइरहदा शान्ति सुरक्षाको अवस्था र व्यवस्थापनमा प्रश्न चिन्ह उठेको छ । जिल्ला प्रहरी कार्यालयका कार्यालय प्रमुख शिवबहादुर सिंह दार्चुला जिल्लाको इन्चार्ज भएर आउँदा उनले शान्ति सुरक्षा कायम गर्ने तथा अपराधिक घट्नाहरु न्युनिकरण गर्ने प्रतिबद्धता जनाएका थिए । सुरुका केहि महिना जिल्लाका सबै स्थानीय तह सम्म विभिन्न कार्यक्रमहरु लिएर प्रहरी परिचालन…
काठमाडौं : नेपाली सेनाका प्रधानसेनापति प्रभुराम शर्मा आजबाट अनिवार्य अवकाशका लागि एक महिना बिदा बस्दैछन् ।उनले आगामी २४ भदौमा अवकाश पाउँदैछन् । अवकाश हुनुभन्दा महिना दिनअघि नै सेनामा घर बिदामा बस्ने चलन छ । सोहीअनुसार शर्मा बिहीबारदेखि बिदामा बस्न लागेका हुन् । प्रधानसेनापतिको तीनवर्षे कार्यकाल पूरा गरी शर्मा अनिवार्य अवकाशमा जान लागेका छन् । उनले बुधबारनेपाली सेनाको सङ्गठन प्रमुखका रूपमा आफ्नो तीन वर्षे कार्यकालमा सम्पन्न भए गरेका उपलब्धि पनि सार्वजनिक गरेका थिए । अब भावी प्रधानसेनापतिका रूपमा जन्म मिति कीर्तेकाण्डमा मुछिएका रथी अशोकराज सिग्देल नेतृत्वमा आउनेछन् । १४ साउनमा बसेको मन्त्रिपरिषद् बैठकले सिग्देललाई कायममुकायम प्रधानसेनापतिको जिम्मेवारी दिने निर्णय गरेको थियो । सरकारले कीर्तेकाण्ड…
काठमाडौं : नेपाल प्रहरीका नवनियुक्त प्रहरी निरीक्षक (इन्स्पेक्टर)हरुको पदस्थापन गरिएको छ । प्रहरी महानिरीक्षकको मंगलबारको निर्णयानुसार ९६ जना इन्स्पेक्टरको पदस्थापन गरिएको हो । उनीहरुलाई गृह मन्त्रालयले यही साउन ३ गते बैठकले ९ गतेदेखि लागू हुने गरी जनपद प्रहरी समूहतर्फको प्रहरी निरीक्षक पदमा नयाँ नियुक्ती दिएको थियो । उनीहरुलाई प्रहरी नियमावली २०७१ (संशोधन सहित) बमोजिम प्रचलित नियमानुसार तलब, भत्ता खान पाउनेगरी पदस्थापना गरिएको प्रहरी प्रधान कार्यालयले जनाएको छ ।
काठमाडौं : सशस्त्र प्रहरीका दुईजना एसपीसहित ९ जना कारबाहीमा परेका छन् । सशस्त्र प्रहरी बल प्रधान कार्यालयको गोदाममा भएको आगलागीमा कमजोरी देखिएको भन्दै दुईजना एसपी, एक डीएसपी, दुई इन्सपेक्टर, एक सई, दुई असई र एक जवानलाई कारबाही गर्ने निर्णय भएको हो । सशस्त्र प्रहरीका अनुसार सशस्त्रको भण्डारण महाशाखाका प्रमुख एसपी राजेन्द्र श्रेष्ठ र पशुपति बाहिनीका डियुटी इन्चार्ज एसपी अर्जुन खत्रीलाई कारबाही गरिएको हो । श्रेष्ठको चार वर्ष बढुवा रोक्का गर्ने र खत्रीलाई नसियत दिने निर्णय भएको सशस्त्र प्रहरीले जनाएको छ । यस्तै डीएसपी नारायण सेढाई, इन्सपेक्टर गोपिराम श्रेष्ठ र पदमपाणि पाण्डेसहित ७ जनालाई पनि नसियत दिने निर्णय भएको छ ।…