धनगढी : सुदूरपश्चिमको सामाजिक विकास मन्त्रालय मातहत रहेको प्रादेशिक स्वास्थ्य प्रवर्द्धन केन्द्रले मुख्यमन्त्री कार्यालयमा पठाएको ओएनएम खारेज गरिएको छ। हालै कार्यालयको प्रमुख हेमराज खड्कासहितको दरबन्दी संरचना रहेको ओएनएम स्वीकृतका लागि पठाइएकोमा खारेज गरिएको मुख्यमन्त्री कार्यालय स्रोतले जनाएको छ। अहिले मन्त्रालयबाटै दरबन्दी कटौती र कार्यालय नै खारेजका लागि सिफारिस गरिएपछि ओएनएम रद्द गरिएको हो। दरबन्दीबाहेक कार्यालय संरचना भने यथावत रहेको बताइन्छ। यसअघि पनि सो कार्यालय विवादमा आएको थियो। सामाजिक विकास मन्त्रालयका जनस्वास्थ्य महाशाखाका स्वास्थ्य शिक्षा अधिकृतसमेत रहेका प्रर्वद्धन केन्द्रका प्रमुख (हाकिम) हेमराज खड्काले मनोमानी गरेको पाइएको थियो। हाकिम खड्काले प्रादेशिक स्वास्थ्य प्रर्वद्धन केन्द्रको कार्यालय कञ्चनपुर र कैलालीको धनगढी गरि २ जिल्लामा…
Author: महेन्द्रनगर पोष्ट
धनगढी : नेपाल टेलिकमको सुदूरपश्चिम प्रादेशिक कार्यालयले लगाएको ८ करोड रुपैयाँ बराबरको कवाडको विषयमा विवाद आएको छ। अस्ति काठमाडौँको बीएनएस कन्सट्रक्सनका ट्रकले ती कवाड बोकेर लग्दै गरेको अवस्थामा स्थानीयले ट्रक रोकेका थिए। नेपाल टेलिकमसँग सम्झौता गरेर प्रदेशका ९ वटै जिल्लाबाट तामाजन्य कवाड उठाइरहेका काठमाडौँको बीएनएस कन्सट्रक्सनले मिलेमतोमा सम्झौता विपरीत कवाडको तौल नगरेर पैठारी गर्ने गरेको भन्दै कैलालीको गेटामा स्थानीयले ट्रक रोकेका हुन्। त्यसपछि सुदूरपश्चिम प्रदेश प्रहरी, इलाका प्रहरी कार्यालय मालाखेतीसहितको टोलीले तामाजन्य पदार्थहरु (तार) बोकेका २ गाडी नियन्त्रणमा लिएको थियो। खासमा टेलिकमको प्रादेशिक कार्यालयले मिलेमतो (सेटिङ) मा ठेक्का दिएर सम्झौता विपरीत कवाड पैठारी गरिरहेको भन्दै विवाद निम्तिएको थियो। तर नेपाल…
काठमाडौं : नेपाल क्रिकेट संघ (क्यान)को महाप्रबन्धकमा उत्सव ढुंगाना नियुक्त भएका छन् । सोमबार क्यानले ढुंगानालाई महाप्रबन्धक नियुक्त गरेको हो । एक महिनाअघि आह्वान गरेको दर्खास्त अनुसार ढुंगाना नियुक्त भएका हुन् । यो नेपाली क्रिकेटको व्यवस्थापनसम्बन्धी उच्च पद हो । वृतान्त खनालले राजीनामा दिएपछि क्यान महाप्रबन्धक पद ६ महिनादेखि रिक्त थियो ।
काठमाडौं : राष्ट्रियसभा सदस्य निर्वाचनमा उम्मेदवारी दर्ता गरेका उम्मेदवार आज दाबीविरोध र उजुरी दिने समय तोकिएको छ। हिजो मनोनयन दर्ता गरेका उमेदवारविरुद्ध आज दाबीविरोध र उजुरी दिन सकिनेछ। निर्वाचन आयोगको कार्यतालिका अनुसार २५ र २६ गते जाँचबुझ गरी उमेदवारको नामावली प्रकाशन हुनेछ। २७ गते नाम फिर्ता लिन चाहने उमेदवारको नाम फिर्ता र उमेदवारको अन्तिम नामावली प्रकाशन हुनेछ। पुस २८ गते बिहान १० देखि दिउँसो १ बजेसम्म उमेदवारलाई निर्वाचन चिह्न प्रदान गरिने निर्वाचन कार्यतालिका छ। माघ ११ गते बिहान ९ देखि दिउँसो ३ बजेसम्म मतदान गरिनेछ । मतदान सकिएपछि सोही दिन मतगणना गरिने आयोगका सहायक प्रवक्ता सूर्यप्रसाद आर्यालले जानकारी दिए। माघ…
दार्चुला : दार्चुलामा एक महिलाको शव फेला परेको छ । जिल्लाको शैल्यशिखर नगरपालिका–९ पथरानी रुक्साल खोलामा सोही ठाउँकी अन्दाजी ३२ बर्षीया गीता साउँदको शव फेला परेको जिल्ला प्रहरी कार्यालय दार्चुलाका प्रवक्ता प्रहरी निरीक्षक ज्ञानेन्द्रबहादुर सिंहले जानकारी दिए । शवको प्रकृति हेर्दा उनी भीरबाट खसेको जस्तो देखिएपनि घटनाको कारण भने अझै खुली नसकेको प्रहरी निरीक्षक सिंहले जानकारी दिए । आइतबार बिहानदेखि सम्पर्कविहिन रहेकी साउँद सोमबार मृत फेला परेकी हुन् । घटनाका बिषयमा थप अनुसन्धान भइरहेको प्रहरी निरीक्षक सिंहले जानकारी दिए ।
सुदूरपश्चिम: राष्ट्रियसभा सदस्य पदको निर्वाचनका लागि सुदूरपश्चिम प्रदेशबाट टिकट पाएका राष्ट्रिय प्रजातन्त्र पार्टीका उम्मेदवारले मनोनयन नै दर्ता गराएनन्। सो पार्टीले सुदूरपश्चिमबाट महिला समूहमा जनककुमारी कुवँर, अन्य समूहमा रोम स्वाँर र अपाङ्गता समूहमा जयकृष्ण बोहरालाई टिकट दिएको थियो। राप्रपाका प्रदेश महासचिव छत्र शाहीले टिकट पाएका उम्मेदवारले मतभार नहुँदा उम्मेदवारी नदिएको बताए। ‘प्रदेश कार्यसमितिले राष्ट्रियसभाको रिक्त हुन लागेको पदनमा हुन लागेको निर्वाचनका लागि टिकट दिन केन्द्रमा सिफारिस गरे बमोजिम केन्द्रले पनि टिकट दिएर पठाएको थियो’, उनले भने, ‘प्रदेशसभामा एक जनाबाहेक पालिका तहमा मतदाता नहुँदा टिकट पाएकाले उम्मेदवारी दिन नगएको जानकारी आएको छ।’
काठमाडौँ : नेपालमा पश्चिमी वायुको आंशिक प्रभाव रहेको छ। जसको प्रभावले हाल कोशी प्रदेशको पहाडी भूभागमा आंशिक बदली रही बाँकी भ(भागमा मौसम मुख्यतया सफा रहेको छ । तराईका अधिकांश भूभागहरूमा हुस्सु लागेको अवस्था छ । आज दिउँसो गण्डकी, लुम्बिनी, कर्णाली र सुदूरपश्चिम प्रदेश लगायत कोशी प्रदेशका पहाडी भूभागमा आंशिक बदली रही बाँकी भूभागमा मौसम मुख्यतया सफा रहनेछ। कोशी, गण्डकी र कर्णाली प्रदेशको उच्च पहाडी तथा हिमाली भूभागको एक–दुई स्थानमा हल्का हिमपातको सम्भावना रहेको छ। राति भने लुम्बिनी, कर्णाली र सुदूरपश्चिम प्रदेश लगायत कोशी प्रदेशको पहाडी भूभागमा आंशिक बदली रहनेछ। कोशी, गण्डकी र कर्णाली प्रदेशको उच्च पहाडी तथा हिमाली भूभागको एक–दुई…
धनगढी : आउँदो माघ ११ गतेका लागि तय भएको राष्ट्रिय सभा निर्वाचनको सोमबार मनोनयन दर्ता पुरा भएको छ । परिणाम आफ्नो पक्षमा पार्न राजनीतिक दलका नेताहरूको भेटघाट बाक्लिँदो छ। १९ सिटका लागि हुन लागेको निर्वाचनमा सुदूरपश्चिम प्रदेशमा तीन सिटको निर्वाचन हुनेछ। जसमा ६ जनाले उम्मेदवारी दिएका छन्। सत्तापक्षले काठमाडौंमा सहमति गरेअनुसार यहाँ नेपाली कांग्रेसबाट २ र नेकपा माओबादीबाट १ जनाले उम्मेदवारी दिएका हुन्। प्रतिपक्षी दल नेकपा एमालेले रिक्त हुने तीनै स्थानका लागि उम्मेद्वारी दर्ता गरेको छ। यसअघि सत्तागठबन्धमा रहेका अन्य दल नेकपा एकीकृत समाजवादी र नागरिक उन्मुक्ति पार्टीले पनि राष्ट्रिय सभाका लागि भाग पाउनुपर्ने माग राखेका थिए तर, गठबन्धनभित्र उनीहरूको…
धनगढी : गठबन्धनभित्र भागबन्डा मिलाउनका लागि सुदूरपश्चिममा संसदीय समिति थप्ने सहमति भएको छ । सरकारले विजनेस दिन नसकेपछि कामविहीन झैं बनेको प्रदेश सभाले प्रदेशको ब्ययभार बढाउने गरी दुई वटा समिति थप्न तयारी गरेको हो। मुख्यमन्त्री कमलबहादुर शाह निवासमा बसेको सत्ता गठबन्धन दलबिच समिति थप गर्ने सहमति भएको हो । गठबन्धन दलबिच विधायन तथा प्रदेश मामिला समितिको नेतृत्व नेपाली काँग्रेसले गर्ने सहमति भएको छ भने सामाजिक विकास समितिको नेतृत्व एकीकृत समाजवादी पार्टीले लिने भएको छ । नेकपा माओवादीले नेतृत्व गर्ने समिति अहिले प्रदेश सभामा छैन । सो समितिको नाम विशेष अधिकार समिति गठन गर्ने सहमति भएको नागरिक उन्मुक्ति पार्टीका दलका नेता…
धनगढी : गैरकानूनी सम्पत्ति आर्जन गरेको अभियोगमा डिभिजन वन कार्यालय, मकवानपुरका वन अधिकृत दीर्घनारायण कोइरालाविरुद्ध भ्रष्टाचारमुद्दा दायर भएको छ । अख्तियार दुरुपयोग अनुसन्धान आयोगले उनीमाथि एक करोड २५ लाख रुपैयाँ गैरकानूनी रुपमा आर्जन गरेको अभियोग लगाएको हो । २०४६ साल जेठदेखि सार्वजनिक पदमा पुगेका उनले यो अवधिमा ८१ लाख ८६ हजार रुपैयाँ मात्रै आर्जन गरेको तर दुई करोड ७ लाख रुपैयाँको सम्पत्ति भेटिएको अख्तियारको दावी छ । अख्तियारले सम्पत्ति लुकाएको आरोपमा उनकी श्रीमती गीता पौडेल कोइरालाबिरुद्ध पनि मुद्दा दायर गरेको छ ।