काठमाडौं : ‘घुमुवा प्रहरी हुँ’ भन्दै व्यापारीबाट पैसा असुल्दै हिँडेको आरोपमा पर्सा प्रहरीले एक जनालाई पक्राउ गरी सार्वजनिक गरेको छ। बाराको आदर्श कोतवाल गाउँपालिका–८ स्थित लक्ष्मीटोल बस्ने ४५ वर्षीय गोविन्द महतो कोइरीलाई पक्राउ गरिएको जिल्ला प्रहरी कार्यालय पर्साले जनाएको छ। ५/६ महिनादेखि आफू मधेस प्रदेश प्रहरी कार्यालय जनकपुरबाट खटिएको बारा, पर्सा र रौतहट जिल्लाको घुमुवा प्रहरी रहेको भन्दै व्यापारीहरूसँग महिनावारी रकम उठाइरहेको सूचना प्राप्त भएपछि कोइरीलाई पक्राउ गरिएको जिल्ला प्रहरी कार्यालय पर्साका प्रवक्ता डिएसपी कुमार विक्रम थापाले जानकारी दिए। सिर्सिया प्रहरी चौकीबाट खटिएको प्रहरी टोलीले उनलाई बुधबार वीरगञ्ज महानगरपालिका वडा नम्बर २३ हरपतगञ्जबाट पक्राउ गरेको थियो। उनलाई थुनामा राखी थप…
Author: महेन्द्रनगर पोष्ट
काठमाडौं : नक्कली शरणार्थी प्रकरणमा मुछिएका तत्कालीन गृहमन्त्री बालकृष्ण खाण थुनामै रहने भएका छन्। उनको हकमा न्यायाधीशको राय बाझिएपछि थुनामै रहने भएका हुन्। उच्च अदालत, पाटनका न्यायाधीश जनक पाण्डे र प्रकाश खरेलको संयुक्त इजलासले आदेश सुनाएको छ। न्यायाधीश पाण्डेले थुनामा पठाउने जिल्लाको आदेश उल्टाउनुपर्ने र ३० लाख रुपैयाँमा धरौटीमा छाड्नुपर्ने राय लेखेका थिए। तर, अर्का न्यायाधीश खरेलले अहिले निर्दोष हुन् भन्न नसकिने भएकाले धरौटीमा छाड्ने रायमा सहमति जनाएनन् अब उनको विषय तेस्रो न्यायाधीशकोमा पेश हुनेछ। तेस्रो न्यायाधीश को हुने भन्ने अहिल्यै निश्चित छैन। गोलाप्रथाबाट इजलास तोकिन्छ।
धनगढी: अख्तियार दुरुपयोग अनुसन्धान आयोगले नक्कली शैक्षिक प्रमाणपत्र बनाएको आरोपमा शिक्षिकाविरुद्ध भ्रष्टाचार मुद्दा दायर गरेको छ। कैलालीको बर्दगोरीया गाउँपालिका- ४ स्थित माध्यमिक विद्यालय कोटातुल्सीपुरमा बालविकास कार्यकर्ता पदमा कार्यरत निरञ्जना मल्लविरुद्ध शुक्रवार विशेष अदालत काठमाडौंमा भ्रष्टाचार मुद्दा दायर गरिएको आयोगले जनाएको छ। मल्लको एसएलसी सरहको भारतीय शैक्षिक योग्यताको प्रमाणपत्र नक्कली रहेको आयोगमा उजुरी परेको थियो। सोही उजुरीमाथि अनुसन्धान हुँदा माध्यमिक शिक्षा परिषद् क्षेत्रीय कार्यालय वाराणसी भारतबाट मल्लको नाममा जारी भएको हाई–स्कूल परीक्षाको प्रमाणपत्र नक्कली भेटिएको आयोगका प्रवक्ता भोला दाहालले जानकारी दिए। नक्कली प्रमाणपत्रका आधारमा बालविकास सहयोगी कार्यकर्ताको पदमा नियुक्त लिई ओहदा, लाभ र सुविधा प्राप्त गरी भ्रष्टाचार गरेको आरोपमा उनीविरुद्ध मुद्दा…
काठमाडौंः आइसिसी एकदिवसीय विश्वकप २०२७ अन्तर्गको लिग-२ नेपालबाट सुरू हुने भएको छ। आइसिसी एकदिवसीय मान्यता प्राप्त ८ टिमबीच हुने सिरिज आगामी फागुनबाट सुरू हुने नेपाल क्रिकेट संघ ९क्यान० जनाएको छ। फागुन ५ गतेदेखि नेपालमा हुने पहिलो सिरिजमा घरेलु टिम नेपालसहित नामिबिया र नेदरल्यान्ड्सबीच प्रतिस्पर्धा हुनेछ। सिरिजमा तीन टिमले दुई पटक एकआपासमा भिड्नेछन् भने एक टिमले चार एकदिवसीय खेल खेल्नेछ। अघिल्लो लिग-२ को साइकलमा ७ टिमबीच प्रतिस्पर्धा भएकोमा यसपटक ८ टिमले भाग लिँदैछन्। अघिल्लो पटक आइसिसी स्थायी सदस्यसँगै सुपर लिग खेलेको नेदरल्यान्ड्सले यसपटक लिग-२ खेल्दैछ। लिग-२ मा नेपाल, नेदरल्यान्ड्स, नामिबियासँगै क्यानडा, ओमान, स्कटल्यान्ड, युएई र अमेरिकाबीच प्रतिस्पर्धा हुनेछ। अघिल्लो संस्करणमा नेपाल…
डडेल्धुरा : डडेल्धुराः नेकपा (एमाले) का अध्यक्ष केपी शर्मा ओलीले ऐतिहासिक अमरगढी किल्लाको अवलोकन गरेका छन्। ‘समृद्धिका लागि संकल्प यात्रा’अन्तर्गत बिहीबार बेलुकी डडेल्धुरा पुगेका ओलीले शुक्रबार ऐतिहासिक अमरगढी किल्लाको अवलोकन गरेका हुन्। अमरगढी नगरपालिका–५ मा अवस्थित अमरगढी किल्लामा रहेको अमरसिंह थापाको शालिकमा माल्यार्पणसमेत गरे। अमरगढी किल्लामा पूर्वप्रधानमन्त्रीसमेत रहेका ओलीलाई अमरगढी नगरपालिकाका नगरप्रमुख डिल्लीराज जोशी र प्रमुख प्रशासकीय अधिकृत लक्ष्मीप्रसाद उपाध्ययले स्वागत गरेका थिए। ओलीले अमरसिंह थापाको शालिकलाई ठूलो बनाउन नगरप्रमुख जोशीलाई आग्रह पनि गरे। ‘मेयरसा’प यो शालिक भएन। अलि ठूलो शालिक बनाउनुहोस्। नेपाल एकीकरणका क्रममा अमरसिंह थापाले खेलेको भूमिका महत्त्वपूर्ण छ,’ उनले भने। माल्यार्पणपछि सञ्चारकर्मीहरूलाई संक्षिप्त प्रतिक्रिया दिँदै अध्यक्ष ओलीले…
डडेल्धुरा/महेन्द्रनगर : इन्टरनेट सेवा प्रदायक कम्पनी भायानेट कम्युनिकेसनले आफ्नो इन्टरनेटको वार्षिक प्याकेजमा भारी छुट अफर घोषणा गरेको छ । कम्पनीले नयाँ ग्राहकका लागि वार्षिक ७ हजारमै ५० एमबीपीएस गतिको इन्टरनेट जडान गर्न सकिने अफर ल्याएको हो । सिंगल ब्यान्डको उक्त प्याकेजमा एक वर्षसम्मको टेलिभिजन प्याकेज चलाउन सकिने कम्पनीले जनाएको छ । यस्तै ८ हजार ५ सयमा डबल ब्यान्डको ५० एमबीपीएस गतिको इन्टरनेट र टेलिभिजन प्याकेज पाइने बताइएको छ । यस्तै ७ हजारमा डबल ब्यान्डको वार्षिक इन्टरनेट प्याकेज पाइने भायानेट कम्युनिकेसन डडेल्धुराका शाखा प्रवन्धक सजन सिंह ठकुरीले बताए । साथै एक महिनाका लागि ५० एमबीपीएस गतिको इन्टरनेट १ हजार १ सयमै…
डडेल्धुराः केही समय अगाडि काँग्रेस सभापति शेरबहादुर देउवाले काँग्रेसमा प्रवेश गराएका नेता प्रदिप पन्त पुनः एमालेमै फर्किएका छन्। राष्ट्रिय एकता र सम्वृद्धिका लागि ‘झुलाघाटबाट चिवा भञ्ज्याङसम्मको संकल्प यात्रा’को क्रममा शुक्रबार बसपार्कमा आयोजित सन्देश सभामा पन्त पुनः एमालेमै फर्किएका हुन्। उनलाई एमाले अध्यक्ष केपी शर्मा ओलीसहितका शिर्षस्त नेताले पार्टीमा स्वागत गरेका थिए। स्वागतकै क्रममा अध्यक्ष ओलीले पन्तलाई सुन्तलाको दानो दिएका थिए। काँग्रेस प्रवेश गर्नु अघि पन्त एमाले डडेल्धुराका सहसचिव थिए।
डडेल्धुरा : नेकपा (एमाले) का अध्यक्ष केपी शर्मा ओलीले प्रतिगामी तत्त्वहरू १५ वर्षअघि मरेको राजतन्त्रको चिहान खनेर फेरि ल्याउने प्रयासमा लागिरहेको बताएका छन्। राष्ट्रिय एकता र सम्वृद्धिका लागि ‘झुलाघाटबाट चिवा भञ्ज्याङसम्मको संकल्प यात्रा’को क्रममा डडेल्धुरा पुगेका ओलीले बसपार्कमा आयोजित सन्देश सभामा यस्तो बताएका हुन्। उनले प्रतिगामी तत्त्वहरू आतङ्ककारी गतिविधिमा लागेको टिप्प्णी गरेका छन्। ‘१५ वर्षअघि सकिएको राजतन्त्रलाई चिहानबाट फर्काउन भूतप्रेतवादी तत्त्वहरु सलबलाएका छन्’ उनले भने।
बझाङ : ‘घरमा छोराछोरीले दसैँका बेला मासु खाने आशा गरेका थिए । यो वर्ष मासु खुवाउन सकिएन ।’ गत वडा दसैँको नवमी दिन बिहान खप्तडछान्ना गाउँपालिका–७ गोरखालीका फिट्टु खड्काले फोनमा सुनाएका थिए । उनको घरमा गत वर्षयता मासुले प्रवेश नपाएको रहेछ । ‘छोराछोरीलाई विद्यालयबाट काम गरेको पैसा आउँछ । यो वर्ष त दुई किलो नै खसीको मासु ल्याउँछु भनेको थिएँ । हिजो (अष्टमी) दिउँसोसम्म हजार रूपैयाँ भए पनि दिनुस् भनेर बिलौना गर्दासमेत अध्यक्षले पैसा दिनुभएन । छोराछोरीलाई ठगेजस्तै भयो ।’ सबैको घरमा मासु पाक्ने भएपछि आफ्नो घरमासमेत पाक्ने आशमा हौसिएका छोरा छोरीलाई सान्त्वना दिने वातावरण नै नभएको उनले सुनाए ।…
डडेल्धुरा : राष्ट्रिय एकता र सम्वृद्धिका लागि ‘झुलाघाटबाट चिवा भञ्ज्याङसम्मको संकल्प यात्रा’को क्रममा अहिले केपी शर्मा ओली देश दौडाहमा छन्। सोही क्रममा बिहीबार उनी बैतडी हुँदै डडेल्धुरा पुगे। बिहीबार अमरगढी नगरपालिका–८ स्थित रातो गुँरास रिसोर्टमा बसेका उनी शुक्रबार अमरगढी नगरपालिका–५ स्थित अमरगढी किल्ला अवलोकन गर्न पुगे। किल्लामा रहेको अम्मरसिंह थापाको सालिकमा माल्यार्पण गरेका ओलीले नेता, कार्यकर्ता र शुभचिन्तकसँग फोटो खिचाए। उनीसँग फोटो खिच्नेको तछाडमछाड नै लाग्यो। त्यसपछि बसपार्कमा सन्देश सभा कार्यक्रममा सम्बोधन गरेका उनले कार्यक्रम समापन पश्चात पनि सहभागीसँग फोटो खिचे। हेर्नुहोस् ओलीसँग फोटो खिच्नेको ‘तछाडमछाड’