काठमाडौं: नेपालको जासुसी संस्था मानिने राष्ट्रिय अनुसन्धान विभागका एसपी (कार्यालय प्रमुख) ओम खड्का विवादमा तानिएका छन्। बाँकेको जिल्ला हाकिम रहेका खड्का नेतृत्वको जासुसी टोली असुली धन्दामा लागेको भन्दै विवादमा मुछिएको हो। जसबाट बाँकेका स्थानीयदेखि प्रहरीसम्म हैरान भएको बताइएको छ। खड्काले सूचनाको लागि खटाउनुपर्ने सूचकलाई पैसा उठाउनमा परिचालन गरेको आरोप छ। जसका लागि उनले हवल्दार गोविन्दजंग शाह, बुद्धिप्रसाद शर्मा र उदय अधिकारी लगायतको टोली बनाएको बताइन्छ। उनले व्यापारीलाई धम्क्याएर पैसा झार्ने गरेको आरोप लागेको हो। उनीहरूले आरा मिल, इँटाभट्टा, रेस्टुरेन्ट, अवैध धन्दाका व्यापारी, क्रसर लगायतबाट असुली गर्ने गर्दछ्न्। उनीहरूले तस्कर, हुण्डी कारोबारीसित पनि हात मिलाएर पैसा उठाउने गरेको स्रोतको दाबी छ।…
Author: महेन्द्रनगर पोष्ट
धनगढी: कञ्चनपुरको भीमदत्त नगरपालिकास्थित महेन्द्रनगर क्षेत्रमा छाडा चौपायाहरुको उपचार तथा बन्ध्याकरण गरिएको छ। आज (शनिबार) वैजनाथ माद्यामिक विद्यालयको टोलीले सो कार्य गरेको हो। सो विद्यालयका व्यवस्थापन समितिका अध्यक्ष तथा समाजसेवी अच्युत कलौनीले छाडा चौपायाको व्यवस्थापनका लागि अभियान थालिएको जानकारी दिए। उनका अनुसार बजार क्षेत्रदेखि नेपाल भारत सीमाना गड्डाचौकीसम्म छाडा चौपायालाई नियन्त्रणमा लिएर तिनीहरुको उपचार र बन्ध्याकरण गरिएको हो। नगरपालिकाले छाडा चौपाया व्यवस्थापन गर्न नसकेको गुनासो बढेकै बेला सो टोलीले उपचार थालेको जनाएको छ। सो अभियान जारी रहेको बताइन्छ।
धनगढी : धनगढी उपमहानगरपालिका–४ का शिक्षक योगेन्द्र ओझाको घरबाट चोरी गरिएका सुनका गरगहना खाल्डोमा लुकाएको अवस्थामा फेला परेको छ । नगद, सुन र चाँदीका गरगहना चोरी गरेका धनगढी उपमहानगरपालिका–१८ फुलबारी बस्ने ३१ वर्षीय हर्कबहादुर गिरीले धनगढी उपमहानगरपालिका–१ मा खाल्डोमा लुकाएको अवस्थामा गरगहना फेला परेको प्रहरीले जनाएको छ । जिल्ला प्रहरी कार्यालयका प्रहरी निरीक्षक उपेन्द्र बमले शिक्षक ओझाको घरबाट गिरीले चोरी गरेको सुनको एउटा नौगेडी, २ वटा मंगलसुत्र, ३ वटा सुनका माला, एउटा बाला र १६० वटा टप खाल्डोमा गाडिएको अवस्थामा भेटिएको जानकारी दिए । प्रहरीले घटनास्थल कार्य सकेर उक्त गरगहना बरामद गरेको छ । बुधबार शिक्षक ओझाको घरमा कोही नभएको…
काठमाडौं : हिन्दु धर्ममा जातीय विभेद भएको भन्दै बेलाबेला टिकाटिप्प्णी हुने गर्छ । कतिपयले जात र लिंगको नाम दिएर हिन्दु धर्मको विरोध नै गर्ने गर्छन् । तर, ती भाष्यलाई चुनौती दिंदै मानव सेवा फाउण्डेशनले पशुपति परिसरमा आयोजना गरेको कोटिहोम महायज्ञमा आचार्य कृष्ण दमाइले प्रवचन दिएका छन् । संस्कृतमा आचार्य (स्नातकोत्तर) गरेका बैतडीका दमाइले आज प्रवचन दिएका हुन् । महायज्ञका सङ्कल्पकर्ता बालयोगेश्वर विजय कृष्णमूर्ति महाराजले आचार्य कृष्णलाई व्यासपीठमा राखी अभिनन्दन गरेका थिए । प्रवचनका क्रममा आचार्य कृष्णले भने, “संस्कृत साहित्यलगायत अन्य कर्ममा मलाई समावेश गराउने आदरणीय गुरूहरूमा नमन गर्छु । मानिसले स्वर्ग जानुपर्छ भन्छन् तर मेरो लागि त राष्ट्रदेव पशुपतिनाथको चरणमा…
काठमाडौं : नेपाली सेनाले पाँच जना सहायक रथी र आठ जना महासेनानीको सरुवा गरेको छ । सेनाको भाषामा काज नियुक्ति पाउने पाँच जनामध्ये पहिलो नम्बरमा सैनिक कल्याणकारी निर्देशनालयका सहायक रथी किरण केसीलाई राष्ट्रिय सुरक्षा परिषद्को सचिवालयमा लगिएको छ । प्रधान सेनापतिको कार्यालयका विष्णुकुमार खड्कालाई सैनिक सचिव विभागको अतिरिक्त समूहमा, विपद् व्यवस्थापन निर्देशनालयका प्रकाशराज थापालाई आफ्नो कार्यसँगै अतिरिक्त निमित्त निर्देशक सैनिक कल्याणकारी निर्देशनालयको जिम्मेवारी तोकिएको छ । यसैगरी सरुवा हुने अन्य सहायक रथीहरुमा पूर्वी पृतना हेडक्वार्टरबाट द्रव्यराम भण्डारीलाई सैनिक सामग्री प्राप्ती निर्देशनालयको निमित्त निर्देशक र साइबर सुरक्षा निर्देशनालयका पूर्णबहादुर खत्रीलाई प्रधान सेनापतिको कार्यालयमा निमित्त सहायक बनाइएको छ । सरुवा हुने अन्य…
धनगढी : सुदूरपश्चिम प्रदेशमा एक वर्षमा सवारी दुर्घटनामा परेर १ सय ७२ जनाले ज्यान गुमाएका छन्। आर्थिक वर्ष २०८०/८१ मा सवारी दुर्घटनामा परेर ५ सय ३६ जना घाइते भएका छन्। सो अवधिमा २६७ जना गम्भीर घाइते भएका छन् भने २६९ जना सामान्य घाइते भएका छन्। सो अवधिमा ३ सय ९ वटा सडक दुर्घटना हुँदा ४ सय ६ वटा सवारीसाधनमा क्षति पुगेको छ। कुल सवारीसाधन दुर्घटनामध्ये ५० प्रतिशत मोटरसाइकल दुर्घटनामा परेको पाइएको छ। ट्राफिक प्रहरीले भने सडक दुर्घटना न्यूनीकरण गर्न साढे ६ हजार पटक जनचेतनामूलक कार्यक्रमको आयोजना गरेको जनाएको छ। सवारी दुर्घटनामा १३७ पुरुष, २३ महिला, ७ बालक र ५ बालिकाको मृत्यु…
काठमाडौँ : ब्राजिलको राजधानी साओ पाउलोमा शुक्रबार भएको विमान दुर्घटनामा ६१ जनाको मृत्यु भएको छ। विमानमा सवार सबै ५७ यात्रु र चालक दलका ४ सदस्यको मृत्यु भएको हो। विमान सञ्चालन गर्ने भोपास एयरलाइन्सका अनुसार यो ट्विन इन्जिन भएको टर्बोप्रप विमान ब्राजिलको दक्षिणी सहर परानाको कास्काभेलबाट साओ पाउलो सहरको ग्वारुल्होस जाँदै गर्दा भिन्हेडो सहरनजिकै दुर्घटना भएको हो। सामाजिक सञ्जालमा भाइरल भइरहेको फुटेजमा एटीआर ७२–५०० विमान आकाशमा घुमिरहेको र सिधै तल खसेको देखिन्छ। स्थानीय अधिकारीहरूले विमानमा सवार सबैको मृत्यु भएको पुष्टि गरेका छन्। कास्कभेलको उपेक्कन क्यान्सर अस्पतालले मृतकमध्ये दुई जना प्रशिक्षार्थी डाक्टर पनि रहेको बताएको छ। ब्राजिलका राष्ट्रपति लुइस इनासियो लुला डा…
धनगढी : देशभर पाँच जिल्लामा हैजा फैलिएको छ । ललितपुर, काठमाडौँ, कैलाली, प्युठान र रुपन्देहीमा हैजा फैलिएको हो । इपिडिमियोलोजी तथा रोग नियन्त्रण महाशाखा (ईडीसीडी)का अनुसार देशभर ४७ जनामा हैजा सङ्क्रमण पुष्टि भएको छ । सो मध्ये सबैभन्दा बढी ललितपुरमा ३४ जनालाई हैजा देखिएको छ । यस्तै, कैलालीमा ८ जना, काठमाडौँमा २ जना, प्युठानका २ र रुपन्देहीका १ जनालाई हैजाको सङ्क्रमण पुष्टि भएको ईडीसीडीले जनाएको छ । बर्खायाममा खानेपानीसँग दूषित पानी मिसिने सम्भावना हुन्छ । पानीकै कारण खानेकुरा दूषित हुने भएकाले यसले हैजासहित पानीजन्य रोग फैलिने जोखिम हुन्छ । त्यसैले यो मौसममा खानेपानीको शुद्धतामा ध्यान दिन चिकित्सकहरूले आग्रह गरेका छन्…
धनगढीः बैतडीका मानबहादुर बिष्टको मलेसियामा निधन भएको छ। जिल्लाको सुर्नया गाउँपालिका–२ ग्वानीका बिष्ट शुक्रवार काम सकेर साझँ कोठामा फर्केका थिए। उनको एक्कासी टाउको दुखेपछि साथीहरुले अस्पताल लगेका थिए। मलेसियामै रहेका पुर्णबहादुर बिष्टका अनुसार उपचारको क्रममा राति १० बजे मानबहादुरको मृत्यु भएको हो। मलेसियाको अजम अर्मदा सेक्युरिटी कम्पनिमा कार्यरत मानबहादुरको शव पोस्टमार्टमका लागि अस्पतालमै राखिएको छ। आज आधा दिन कार्यालय खुला हुने भएका कारण पोस्टमार्टम हुन सकेको छैन। मलेसियामै रहेका पुर्णबहादुर बिष्टका अनुसा आइतवार पनि विदा भएका कारण सोमवार मात्रै पोस्टमार्टम गरिने र अस्पतालले मृत्यु प्रमाणपत्र दिए पश्चात शव बुझिने छ। त्यसपछि मात्रै शव नेपाल ल्याउने प्रक्रिया शुरु हुने बताइएको छ।…
धनगढी : दार्चुलामा जुवाखालबाट दुई वडाध्यक्षसहित ६ जनालाई पक्राउ गरिएको छ। जिल्ला प्रहरी कार्यालय दार्चुलाका अनुसार, दुहुँ गाउँपालिका–२ घर भई हाल महाकाली नगरपालिका–४ खलंगा तिंकरखेडामा रहेको बडाल फास्टफुडको चौथो तल्लाबाट उनीहरूलाई नगदसहित पक्राउ गरिएको हो। पक्राउ पर्नेमा महाकाली नगरपालिका वडा नम्बर १ का वडाध्यक्ष मोहन सिंह महरा, नौगाड गाउँपालिका वडा नम्बर ४ का वडाध्यक्ष कृष्ण सिंह धामी, दुहुँ गाउँपालिका वडा नम्बर ५ का देबराम पार्की, मालिकार्जुन गाउँपालिका वडा नम्बर ३ का निरज धामी, नौगाड गाउँपालिका वडा नम्बर १ का जनक ठेकरे र होटल संचालक जनक बडाल रहेका छन्। प्रहरीले पक्राउ गरिएको स्थानबाट १ लाख २४ हजार ८८० नगद र २…