काठमाडौं: नेपाल प्रहरीका डिआइजी यज्ञबिनोद पोखरेलले अवकाश पाएका छन्। निमित्त प्रहरी महानिरीक्षक प्रहरी अतिरिक्त महानिरीक्षक टेक प्रसाद राईले सोमबार उनको बिदाई गरेका छन्। बिदाइ समारोहलाई सम्बोधन गर्दै निमित्त प्रहरी महानिरीक्षक राईले सेवा निवृत्त भएका प्रहरी नायव महानिरीक्षक पोखरेलले संगठनबाट सुम्पिएको जिम्मेवारी इमानदारीताका साथ सम्पन्न गरेको उल्लेख गरे। यद्यपी पोखरेल खातामा स्रोत नखुलेको पैसा भेटिएपछि गत महिना विवादमा परेका थिए। त्यसपछि उनलाई जिम्मेवारीमुक्त गरेर हेडक्वाटर तानिएको थियो। त्यसक्रममा उनीमाथि छानबिन पनि थालिएकोमा अहिलेसम्म छानबिन सकिएको छैन। छानबिनकै क्रममा उनलाई दुई साताअघि मधेस प्रदेशको प्रहरी प्रमुखबाट हटाइएको थियो। २०५२ साल कात्तिक २७ गते प्रहरी निरीक्षक पदमा भर्ना भएका पोखरेल उमेरहदका कारण अवकाश…
Author: महेन्द्रनगर पोष्ट
धनगढीः नेकपा माओवादी बझाङमा समस्या देखिएको छ। पार्टीका नेताहरू २ कित्तामा विभाजन भएपछि समस्या भएको हो। जसमा मुल नेतृत्वबाटै गैरजिम्मेवारी काम हुन थालेको भन्दै समानान्तर कमिटी नै गठन गरिएको छ। नन्दलाल धामी संयोजक र अम्मरराज भण्डारी सचिव रहने गरी समान्तन्तर कमिटी गठन गरिएको हो। एक पदमा एक जना मात्र रहने पार्टी निर्णय हो। तर बझाङमा यस विपरीत काम हुन थालेपछि विरोधमा उत्रिएको सोमबार कैलालीको धनगढीमा आयोजित पत्रकार सम्मेलनमा समान्तर कमिटीका संयोजक नन्दलाल धामीले बताए। पार्टीमा जिम्मेवारी दिने विषयले विवाद सुरु भएको पाइएको छ।
काठमाडौं: बझाङको जयपृथ्वी नगरपालिका–१ चिउरीका नवीन सिंह। जो काठमाडौं बस्दै आएका थिए। उनै नवीनको कलिलै उमेरमा मृत्यु भएको छ। रामपुर कृषि क्याम्पसमा कृषि विज्ञानमा स्नातक पढिरहेका उनको सपना कृषि विज्ञ बन्ने थियो। अन्तिम वर्षको पढाइ सकेपछि डोल्पा जिल्लामा ओजेटी गरेका नवीन त्यही रिपोर्ट बुझाउन क्याम्पस गएका थिए। नवीनका एक आफन्तका अनुसार आइतबार साँझ उ चढेको गाडी पहिरोमा पुरिएको हो। पढाइमा जेहेन्दार नवीन पूर्ण छात्रवृत्तिमा रामपुर क्याम्पसमा पढिरहेका थिए। मिलनसार र मिजासिलो व्यवहारले गाउँमा पनि सबैको प्यारो नवीनको मृत्युको खबरले वडा नै शोकमग्न भएको छ। बीएस्सीको अध्ययन सकिएकोले दुई वर्ष विदेश गएर पढ्ने र भविष्यमा कृषि विज्ञ बन्ने सपना बुनेका नवीनको मृत्युले…
काठमाडौं: प्रस्तावित नयाँ प्रधानन्यायाधीश प्रकाशमान सिंह राउतविरुद्ध छ वटा उजुरी परेको छ। संसदीय सुनुवाइ समितिले असोज ३ गते उजुरीका लागि आह्वान गरेको थियो। त्यसपछि १० दिनको म्यादभित्र राउतविरुद्ध छ वटा उजुरी परेको हो। समितिको आज बसेको बैठकमा राउतविरुद्ध परेका उजुरीका बारेमा छलफल भइरहेको बताइन्छ। के के उजुरी परे ? भन्नेबारेमा सार्वजनिक गरिएको छैन।
धनगढीः जुवातास भइरहेको सूचना पाएपछि भीमदत्त नगरपालिका–११ पुगेको कञ्चनपुर प्रहरीले जुवाडे छोडेको छ। आइतबार राति जिल्ला प्रहरी कार्यालय कञ्चनपुरका प्रहरी निरीक्षक जमुना जोशीको कमाण्डमा प्रहरी टोली जुवा भइरहेको स्थान चौकीसत्ता भन्ने स्थानमा पुगेको थियो। जुवामा वडा सदस्य कृष्ण बिष्ट र मोहन जैशी पनि थिए। उनीहरुको साथमा १२ हजारभन्दा बढी रकम थियो। तर, वडा अध्यक्ष प्रकाश थापा आएपछि सबैलाई छोडिएको समाचार स्रोतले बतायो। जिल्ला प्रहरी कार्यालय कञ्चनपुरका प्रवक्ता तथा प्रहरी नायब उपरीक्षक उमेशराज जोशीका अनुसार जुवामा चार जना खेल्ने र चार जना हेर्ने मान्छे थिए। उनले सामान्य खालको जुवा भएकाले सम्झाइबुझाई छोडिएको बताएका छन्। कञ्चनपुरकी लेडी इन्सपेक्टर जोशीले जुवाडे छोडेकोमा कैलालीकी…
काठमाडौँ: विपद् व्यवस्थापनमा कमजोरी भएको भन्दै धादिङका प्रमुख जिल्ला अधिकारीको हेरफेरपछि प्रहरी प्रमुख पनि फेरिएका छन्। प्रहरी प्रधान कार्यालयले जिल्ला प्रहरी कार्यालय धादिङको कमान्ड एसपी दिपेन्द्र शाहीलाई दिइएको छ। यसअघि धादिङका कार्यरत एसपी गौतम केसीलाई हेडक्वार्टर तानिएको छ। यसअघि गृह मन्त्रालयले धादिङ र काभ्रेका प्रमुख जिल्ला अधिकारीहरूको हेरफेर गरेको थियो। गृह मन्त्रालयले धादिङमा सहसचिव सुमन घिमिरे र काभ्रेमा अर्का सहसचिव उमेश ढकाललाई प्रमुख जिल्ला अधिकारीको जिम्मा दिएको छ। धादिङका प्रमुख जिल्ला अधिकारी राजेन्द्रदेव पाण्डे र काभ्रेका प्रमुख जिल्ला अधिकारी सूर्यप्रसाद सेढाईंलाई भने मन्त्रालय तानिएको छ। दुवै प्रजिअ र जिल्लाका सुरक्षा निकायका प्रमुखमाथि विपद् व्यवस्थापनमा तत्परता नदेखाएको गुनासो छ। जल तथा…
धनगढीः डडेल्धुरा जिल्ला सदरमुकामका घर तथा जग्गाधनीले मुआब्जा पाएको महिनौँ पुगे पनि सडक क्षेत्रमा पर्ने संरचना भत्काउन अटेरी गरेका छन्। सडकको क्षेत्राधिकारभित्रै पर्ने भौतिक संरचना र जग्गाको मुआब्जा व्यक्तिलाई वितरण गरिए पनि सडकको क्षेत्राधिकार खाली नगरिएको हो। मुआब्जा बुझेका धनधनीले संरचना नभत्काएपछि अन्तिम पटकका लागि ३५ दिनको अवधि दिइने निर्णय भएको छ। प्रमुख जिल्ला अधिकारी चोमेन्द्र न्यौपानेको अध्यक्षतामा बसेको बैठकले संरचना भत्काउन अन्तिमपटक ३५ दिने सूचना प्रकाशित गर्ने निर्णय गरेको हो। प्रमुख जिल्ला अधिकारी न्यौपानेका अनुसार सदरमुकामको बागबजारदेखि उग्रतारा मन्दिरको मुल गेटसम्मका घर तथा जग्गाको सम्पूर्ण मुआब्जा वितरण भइसकेको छ। सडक डिभिजन कार्यालय डोटीका अनुसार मुआब्जा वितरण गरेर महाकाली राजमार्गको नाममा…
कैलाली: सुदूरपश्चिम प्रदेशको प्रदेश लोकसेवा आयोगले वार्षिक प्रतिवेदन प्रदेश प्रमुख नजिर मियाँसमक्ष पेश गरेको छ। आयोग अध्यक्ष यज्ञराज बोहरा, सदस्यहरू लक्ष्मण बहादुर खड्का र भागरथी रानासहितको टोलीले प्रदेश प्रमुख मियाँलाई आर्थिक वर्ष २०८-८१ चौथो वार्षिक प्रतिवेदन पेश गरेको हो। प्रदेश निजामती सेवा, प्रदेश प्रहरी सेवा, प्रदेश अनुसन्धान ब्युरो, प्रदेश अन्य सरकारी सेवा प्रदेश सङ्गठित संस्थाको सेवा, स्थानीय सरकारी सेवा र स्थानीय तहको साङ्गठनिक संस्थाको सेवाको पलमा उपयुक्त उम्मेदवार छनौट गरि सार्वजनिक प्रशासनलाई सक्षम, सुदृढ,र सेवामुखी बनाउने आयोगको उद्देश्य रहेको अध्यक्ष बोहराले प्रदेश प्रमुख मियाँलाई जानकारी गराएका थिए। आयोगले वर्षभरि गरेको काम कारबाही समेटेर तयार पारिएको प्रतिवेदनमा जम्मा ९ परिच्छेद र…
काठमाडौं: प्रधानमन्त्री केपी शर्मा ओलीले मन्त्रिपरिषद्को बैठक बोलाएका छन्। अमेरिका भ्रमणमा रहेका प्रधानमन्त्री चार बजे आइपुगेलगत्तै मन्त्रिपरिषद् बैठक बस्न लागेको हो। तर समय भने तय भइसकेको छैन । बैठकमा प्रधानमन्त्री ओलीले बाढी पहिरोको क्षतिका बारेमा मन्त्रिहरुसँग जानकारी लिने बुझिएको छ। सरकारले बाढी पहिरोबाट मृत्यु भएका परिवार र घाइतेलाई राहत उपलब्ध गराउने बारे पनि निर्णय हुन सक्ने बताइएको छ।
धनगढीः सुदूरपश्चिम प्रदेश सरकारले चालु आर्थिक वर्षका लागि ल्याएको बजेटमा एउटै प्रदेशसभा निर्वाचन क्षेत्रलाई प्राथमिकता दिएको भेटिएको छ। कैलाली क्षेत्र नम्बर ५ (२) अर्थात धनगढीको मुख्य क्षेत्रमा बजेट खन्याइएको हो। प्रदेशले बजेटमा धनगढीका एक सय तीन वटा सडकसहित भौतिक संरचना निर्माण, सामाजिक क्षेत्र गरी एक सय ६४ वटा विकास योजना अटाएका छन्। जसका लागि ७२ करोड ४६ लाख रुपैयाँ विनियोजन भएको छ। यो क्षेत्रबाट नेपाली कांग्रेसबाट प्रकाश देउवा निर्वाचित भएका हुन्। उनी प्रदेश सरकारका पूर्वभौतिक पूर्वाधार विकासमन्त्री समेत हुन्। प्रदेश सरकारले ल्याएको बजेटमा पुँजीगततर्फ १८ अर्ब ७६ करोड २४ लाख रुपैयाँ छुट्ट्याइएको छ। जसको ठुलो हिस्सा धनगढीका लागि छुट्याइएको हो।