मध्यविन्दु: पाल्पाबाट अवैध रुपमा नवलपरासी (बर्दघाट सुस्तापूर्व)को दुम्कीबास तर्फ ल्याउँदै गरेका सात गाई मरेका छन् । तस्करले अवैध रुपमा पाल्पाबाट पिकअप भ्यानमा कोचाकोच गरेर दुम्कीबास तर्फ ल्याउँदै गरेका गाई बाटोमै मरेको जिल्ला प्रहरी कार्यालय नवलपरासी (बर्दघाट सुस्तापूर्व)का प्रहरी उपरीक्षक नरहरि रेग्मीले बताए । बा प्र ०१–०३–००१ च १३८६ नं को पिकअप जिपमा नौ गाई ल्याउँदै गरेको अवस्थामा दुई जनालाई इलाका प्रहरी कार्यालय दुम्किबासले नियन्त्रणमा लिएको उनले बताए । “पिकअपमा नौ गाई खाँदाखाँद गरेर ल्याउने क्रममा नौ वटामध्ये सात गाई मरेका र दुई गम्भीर अवस्थामा रहेको पाएका छौँ”, उनले भने, “पिकअप भ्यानमा पाल्पाको निस्दीतिरबाट कच्ची बाटो हुँदै पूर्वपश्चिम राजमार्गतर्फ ल्याउँदै गर्दा…
Author: महेन्द्रनगर पोष्ट
कैलाली: कैलालीको धनगढी उपमहानगरपालिका–८ धनगढी गाउँमा निर्माण गरिएको सभाहल प्रयोगविहीन छ। करिब २८ करोडको लागतमा निर्माण सम्पन्न भएको सो सभागृह सञ्चालन कार्यविधि तथा मापदण्डको अभावमा एक वर्षदेखि अलपत्र परेको हो। सो सभागृह सञ्चालन गर्ने कार्यविधि तथा मापदण्ड नबनाउँदा सङ्घीय आयोजना कार्यान्वयन इकाइ धनगढीले सभाहल हस्तान्तरण गर्न सकेको छैन। धनगढी उपमहानगरपालिकाले स्वामित्वमा लिएर सञ्चालन गर्नेगरी निर्माण गरिएको सभागृहमा फर्निचर र ‘साउण्ड सिस्टम’ जडान नगर्दा स्वामित्वमा लिन नसकिएको धनगढी उपमहानगरपालिकाका सहरी विकास तथा प्राविधिक शाखा प्रमुख द्विजराज भट्टले बताए। सो सभागृह डेढ बिघा जमिनमा २८ करोड ५५ लाखको लगानीमा निर्माण गरिएको जनाइएको छ। सभागृह निर्माण, रङरोगन र विद्युत् जडानलगायतका सम्पूर्ण मुख्य काम…
धनगढी: धनगढीमा ब्राउन सुगरसहित कञ्चनपुरका एक युवक पक्राउ परेका छन् । धनगढी उपमहानगरपालिका-४ तारानगरबाट शुक्लाफाँटा नगरपालिका-८ का ३० वर्षीय गौरव बम पक्राउ परेका हुन् । उनको साथमा ४ ग्राम १३० मिलिग्राम लागुऔषध (ब्राउन सुगर) फेला परेको प्रहररीले बताएको छ । बमलाई नियन्त्रणमा लिई थप अनुसन्धान भइरहेको जिल्ला प्रहरी कार्यालय कैलालीले जनाएको छ ।
कैलाली: कैलालीमा बैंकिङ कसुरका फरार प्रतिवादी पक्राउ परेका छन् । जिल्लाको घोडाघोडी नगरपालिका-४ महितुवा टोल बस्ने ३६ वर्षीय ज्ञान बहादुर चौधरी पक्राउ परेका हुन् । ६ लाखको चेक बाउन्स गरी फरार रहेका बैंकिङ कसुर सम्बन्धी मुद्दाका प्रतिवादी चौधरीलाई हिजो घरबाटै पक्राउ गरिएको प्रहरीले जनाएको छ । उनलाई आज जिल्ला अदालत कैलालीमा पेश गरिएको जिल्ला प्रहरी कार्यालय कैलालीले जनाएको छ ।
वेदकोट: कञ्चनपुरको पुनर्वास नगरपालिका–५ उद्रीका देव बोगटीले १० कट्ठा जमिनमा धानखेती गरेका थिए । अहिले खेती पूरै सखाप भएको छ । धानका बाटो सुकेका छन् । केही बोट रातो–पहेँलो भएका छन् । साउनमा दोदा नदीको बाढी खेतमा पसेपछि धानबाली सुक्दै गएको बोगटी बताउँछन् । “बाढीपछि एकाएक धान सुक्न थाल्यो, विषादी छर्कियौँ तर सुधार भएन”, उनले भने, “आधा बिघा अधिया पनि बनाएका थियौँ, त्यहाँ पनि सबै बाली सखाप छ ।” पुनर्वास –५ उद्रीकै मोहन रानाको तीन बिघा जमिनको धानबाली खेतमै नष्ट भएको छ । उनले पाँच बिघा जमिनमा धानखेती गरेका छन् । साउन तेस्रो साता दोदा नदीमा आएको बाढी बस्तीसम्मै पुगेर…
कञ्चनपुर: कञ्चनपुरको भीमदत्त नगरपालिका–११ भुजेलाका वीरबहादुर खड्काले व्यावसायिकरुपमा तरकारी खेती गरेर वार्षिकरुपमा रु २५ लाख बढी आम्दानी गर्दै आएका छन् । डेढ दशकदेखि तरकारी खेतीमा संलग्न खड्काले दुई बिघा १० कट्ठा जग्गामा खेती गर्दै आएका हुन् । दश कठ्ठा मात्रै आफ्नो जग्गा भएका बताउँदै उनले दुई बिघा तरकारी खेतीका लागि भाडामा लिएको जानकारी दिए । उनका अनुसार वार्षिक एक सय टन बढी तरकारी उत्पादन हुने गरेको छ । मौसमी र बेमौसमी तरकारी उत्पादन गर्दै आएको भन्दै खड्काले अहिले खेतमा काउली, बन्दा, गोलभेडा, सुर्खानी, भान्टा, मुला, सिमला मिर्च, हरियो र धनियाँ लगाइएको बताए । “केही महिनाअघि मात्रै हरियो धनियाँ र सागपात…
धनगढी: धनगढीको वडा प्रहरी कार्यालयमा नयाँ हाकिम आएका छन्। हिजोमात्रै आएका इन्सपेक्टर जनकराज ढुङ्गानाले वडा प्रहरी कार्यालयको प्रमुखको कार्यभार सम्हालेका हुन्। यसअघिका इन्सपेक्टर उपेन्द्र बमको सुदूरपश्चिम प्रदेश प्रहरी कार्यालयमा दरबन्दी रहेकोमा जिल्ला प्रहरी कार्यालय कैलालीमा काज सरुवा भएको छ। उनको सरुवापछि ढुङ्गाना आएका हुन्। उनी यसअघि ईलाका प्रहरी कार्यालय टीकापुरमा थिए।
दार्चुला: दार्चुलाको शैल्यशिखर नगरपालिका-२ का वडा सचिव खेमराज कपाडी मृत अवस्थामा फेला परेका छन् । २८ वर्षीय कपाडी बैतडीको दोगडाकेदार गाउँपालिका-५ सल्सेनामा मृत भेटिएका प्रहरीले बताएको छ । हिजो बिहान तालिमका लागि मोटरसाइकलमा डडेल्धुरा हिँडेका कपाडीको शव आज सडकबाट २ सय मिटर र मोटरसाइकल १५० मिटर तल भेटिएको जिल्ला प्रहरी कार्यालय बैतडीले जनाएको छ । कपाडीको मोटरसाइकललाई ठुलो गाडीले ठक्कर दिएको आशंका गरिएको छ । घटनाबारे अनुसन्धान भइरहेको प्रहरीले जनाएको छ ।
काठमाडौँ: भैरहवा विमानस्थलमा बुद्ध एअरको विमानमा स्याल ठोक्किएको छ । ७२ जना यात्रु लिएर रन वेमा दौडिरहेको बुद्धको उडान नम्बर यु४–८५२ ९९एन–एएनएच०विमानमा स्याल ठोक्किएको हो । आज बिहान काठमाडौँतर्फ उड्न तयार सो विमानमा स्याल ठोक्किएपछि रन वेबाट पार्किङमा ल्याइएको थियो । प्राविधिक जाँचपश्चात् झण्डै दुई घण्टापछि सवा ११ बजे विमान भैरहवाबाट उडेको थियो ।
कञ्चनपुरः कञ्चनपुरमा प्रहरीले भन्सार छलीका सामान फेला पारी बरामद गरेको छ । जिल्लाको भीमदत्त नगरपालिका–११ चौकीसत्ता भाइरल रोडबाट करिब १७ हजार मूल्यका अवैैध मटर प्रहरीले बरामद गरेको हो । त्यस्तै, बेलौरी नगरपालिका–६ काठेपुलबाट पनि करिब ४६ हजार एक सय मूल्यका चिनी, मैदा, डिउ, तेल लगायतका खुद्रा सामानहरु बरामद गरेको छ । ती सामान आइतवार साँझ प्रहरी गस्ती टोलीले बेवारिसे अवस्थामा फेला पारेको बताइएको छ ।