काठमाडौं । यतिवेला नेपाल प्रहरीका एसपीद्वय कमल थापा र नवराज कार्कीमाथि गम्भीर छानबिन भइरहेको छ। आर्थिक अनियमितता सम्बन्धी घटनामा उनीहरुमाथि छानबिन भइरहेको हो।
अर्का एसपी गोविन्दराज काफ्ले पनि आचरणसम्बन्धी गम्भीर विवादमा परेका छन्। तर, उनीमाथि अझै छानबिन सुरु भएको छैन। उनको कारण सिंगो संगठन नै बदनाम भइरहेको छ।
सिन्धुलीको प्रहरी प्रमुखका रूपमा कार्यरत एसपी काफ्ले रातको समयमा एक घरमा गएको देखिन्छ। सादा पोशाकमा रहेका उनी के उदेश्यले गए भन्ने खुल्दैन।
सो घरका व्यक्तिहरूले यो घरमा यस्तो हुन्छ भनेर कसले भन्यो भन्दै एसपीलाई केरकार गर्दे भिडियो बनाएका छन्। जसमा महिलासम्बन्धी विषय छ।
भिडियोमा एसपी रक्षात्मक देखिन्छन्। सो भिडियो सामाजिक सञ्जालमा भाइरल भइरहेको छ। यस्तो गम्भीर विषयमा एसपीमाथि छानबिन नहुनुलाई प्रहरीभित्रै अनौठो मानिएको छ।
Facebook Comments Box