अछाम: अछाममा पाँच दिनअघि सामाजिक सुरक्षा भत्ता लिन बैङ्क गएकी एक महिला मृत फेला परेकी छन् । जिल्लाको पञ्चदेवल विनायक नगरपालिका–६ तोलीकी अन्दाजी ६१ वर्षीया कौशीलादेवी रावल मृत फेला परेकी हुन् ।
मध्य पहाडी सडक खण्डबाट करिब पाँच सय मिटर तल भिरमा उनको शव फेला परेको जिल्ला प्रहरी कार्यालय अछामले जनाएको छ । घरबाट छोरासँग पाँच दिनअघि सामाजिक सुरक्षा भत्ता लिन विनायकमा रहेको माछापुच्छ्रे्र बैङ्क गएकी उनी बेपत्ता भएकी थिइन् ।
पारिवारिक स्रोतका अनुसार उनको मानसिक सन्तुलनमा केही समस्या रहेको र कान कम सुन्ने गर्थिन् । घटनाबारे अनुसन्धान भइरहेको प्रहरीले जनाएको छ ।
Facebook Comments Box