धनगढीः नेपाल प्रहरीका एआइजी सन्दीप भण्डारी सुदूरपश्चिम आएका छन्। भण्डारी आज सुदूरपश्चिमको अस्थायी मुकाम धनगढी पुगेको स्रोतले जानकारी दिएको छ।
भण्डारी निरीक्षणका लागि सुदूरपश्चिम आएका हुन्। सुदूरपश्चिम प्रदेश प्रहरीका प्रमुख डिआइजी भरतबहादुर बोहराले एआइजी अनुगमन तथा निरीक्षणमा आएको जानकारी दिए।
उनका अनुसार प्रहरी दिवसको प्रयोजनका लागि कार्यरत नेपाल प्रहरीका कर्मचारीको प्रफमेन्स हेर्न एआइजी सुदूरपश्चिम आएका हुन्।
एआइजीले प्रदेश प्रहरीका युनिट लगायतमा निरीक्षण तथा अनुगमन गर्ने बताइएको छ। करिब २ दिन उनी यो प्रदेशमा रहने र त्यसपछि नेपालगन्ज जाने कार्यक्रम छ। अहिले देशका सबै प्रदेशमा यस्तो अनुगमन भैरहेको छ।
Facebook Comments Box