धनगढी: बैतडीको डिलासैनी गाउँपालिकाले आफ्नै निशान छाप, पालिका गान र नारा बनाउने भएको छ। गाउँपालिकाको विशिष्ट पहिचान मौलिक पहिचान झल्किने गरी पालिका गान, निशान छाप र नारा रचना गर्न लागेको हो। स्रोतका अनुसार योग्य कलाकारहरुले आ-आफ्नो रचना र निशान छापको नमुना ३० दिन भित्र कार्यालयमा पुग्ने गरी पठाउन अनुरोध गरिएको छ। उत्कृष्ट रचनाकार तथा कलाकारलाई गाउँपालिकाको पुरस्कारको व्यवस्था समेत गरेको छ।
Author: महेन्द्रनगर पोष्ट
धनगढी: एक क्विन्टल सुन तस्करी प्रकरणमा शंकास्पद ठानिएका एक चिनियाँ नागरिक पक्राउ परेका छन्। चछ्याङ लिन नामका चिनियाँ नागरिकलाई आज त्रिभुवन अन्तर्राष्ट्रिय विमानस्थलबाट समातिएको हो। विमानस्थलको प्रस्थान कक्षबाट बाहिरने क्रममा उनलाई अध्यागमन कार्यालय गौचरले पक्राउ गरेको जनाइएको छ। यसबारे थप अनुसन्धान गर्न अध्यागमन कार्यालयले उनलाई राजस्व अनुसन्धान विभागको जिम्मा लगाएको छ। विमानस्थलबाट जाँचपास भई ट्याक्सीमा राखेर बाहिर लैजाने क्रममा करिब एक सय किलो सुन राजस्व अनुसन्धान विभागले हिजो सिनामंगलबाट बरामद गरेको थियो।
काठमाडौं : त्रिभुवन अन्तर्राष्ट्रिय विमानस्थलबाट भन्सार जाँचपास भएर बाहिरीसकेपछि बरामद भएको सुन जोख्नका लागि टक्सार विभागमा लगिएको छ । राजश्व अनुसन्धान विभागले सुन जोख्न बबरमहलस्थित राष्ट्र बैंकको टक्सार महाशाखामा पठाएको हो । मोटरसाइकल र स्कुटरको ब्रेक शुभित्र लुकाएर ल्याइएको सुन बुधबार भन्सार जाँच पास गरेर बाहिरिसकेको अवस्थामा सिनामंगलबाट राजश्व अनुसन्धान विभागको टोलीले बरामद गरेको थियो । बरामद सुनको परिमाण एकिन भइसकेको छैन । त्यसैले विभागले सुन जोख्न राष्ट्र बैंक पठाएको हो । अनुसन्धानमा संलग्न अधिकारीहरुले सुन करिब एक क्विन्टल हुन सक्ने अनुमान गरेका छन् । यो प्रकरणमा एक जना भारतीय नागरिकसहित ६ जना पक्राउ परेका छन् ।
धनगढी: त्रिभुवन अन्तर्राष्ट्रिय विमानस्थलको बाहिरबाट बरामद भएको सुनमा आफ्नो संलग्नता नरहेको व्यवसायी दीपक मल्होत्राले दाबी गरेका छन्। ठूलो परिणाममा राजस्व अनुसन्धान विभागले सुन बरामद गरेको छ। यही विषयमा बिहीबार काठमाडौंमा पत्रकार सम्मेलन गरी मल्होत्राले सो सुन तस्करीमा आफ्नो कुनै सम्बन्ध नरहेको बताएका हुन्। यस्तै मल्होत्राले सुन तस्करीमा संलग्न गिरोहको अनुसन्धान डाइभर्ट गर्न आफ्नो नाम मुछिएको दाबी गरे। राजश्व अनुसन्धान विभागले बरामद गरेको ८० किलो बढी सुन तस्करीमा नाम मुछिएपछि उनले पत्रकार सम्मेलनमार्फत यस्तो दाबी गरेका हुन्। उनले यस्तो धन्दामा कहिल्यै संलग्न नभएको भन्दै यसबारे अहिलेसम्म कुनै सरकारी निकायबाट सोधपुछ नभएको बताए। ‘जसको सामान हो ती गिरोहलाई जोगाउन, अनुसन्धान डाइभर्ट गर्न झुटो कुरा…
धनगढी: त्रिभुवन अन्तर्राष्ट्रिय विमानस्थलबाट बरामद एक क्वीन्टल सुनबारे छानबिन गर्न समिति गठन गरिएको छ। भन्सार विभागले विभागकै अनुसन्धान विभागका निर्देशक मानबहादुर पौडेलको संयोजकत्वमा छानबिन गर्न समिति बनाएको हो। हिजो राजस्व अनुसन्धान विभागको टोलीले विमानस्थलको भन्सार जाँचपास भएर ट्याक्सीमा लैजान लागिएको अवस्थामा उक्त सुन बरामद गरेको थियो। बरामद सुन तौलिन नेपाल राष्ट्र बैंक पठाइएको छ। उक्त प्रकरणमा हालसम्म ६ जना पक्राउ परेका छन् भने भन्सार जाँचपासमा संलग्न दुई कर्मचारीलाई सरकारले निलम्बन गरेको छ।
धनगढी: बालुवाटारको ललिता निवास जग्गा हिनामिना प्रकरणमा मुछिएका पूर्व अख्तियार प्रमुख दीप बस्नेत भारतमा लुकेको जनाइएको छ।सिआइबी स्रोतले उनी अहिले पनि भारतको नयाँ दिल्लीमा लुकेर बसेको जनाएको हो। हिजो उनी पक्राउ परेको हल्ला फैलिएपनी उनी अहिलेसम्म नसमातिएको तर खोजी जारी रहेको सिआइबी स्रोतको दाबी छ। सिआइबीका इन्सपेक्टर राजेश थापाले बस्नेत पक्राउ परेको कुरा झुटो भएको महेन्द्रनगरपोष्टलाई बताए। उक्त प्रकरणमा अदालतले असार १५ गते पक्राउ पुर्जी जारी गर्नुअघि उनी असार १२ गते नयाँ दिल्ली गएका थिए। त्यसबेला बस्नेत उपचारको लागि त्यता गएको बताइएको थियो। ललिता निवास प्रकरणमा हालसम्म १८ जना पक्राउ परिसकेका छन्।
डडेल्धुरा: सुदूरपश्चिममा प्रदेश सरकारले सांसदहरुले लगाउने प्रदेशको लोगो यसअघि नै बनाउन लगाएको थियो। पूर्व मुख्यमन्त्री त्रीलोचन भट्ट नेतृत्वको सरकार हुँदाबखत २०७४ चैत २६ गते प्रदेशसभाको बैठकले प्रदेशको लोगो निर्धारण गरेको थियो। त्यो बेला डोटीको शिखर नगरपालिका-९ का टेकबहादुर किमाडीले दिएको नमुना लोगोलाई लोगो निर्धारण समितिले संसदमा सिफारिस गरेको थियो। उक्त लोगोलाई संसद बैठकले सर्वसम्मत रुपमा पारित गरेको थियो। तर, हाल आएर फेरि प्रदेश सभाले लोगो परिमार्जन गर्ने तयारी गरेको छ। लोगो संशोधन समितिले एक सूचना जारी गर्दै प्रदेशको पहिचान झल्किने लोगो बनाएर यहि साउन १८ गतेभित्र पठाउन अनुरोध गरेको छ। साथै छनौट हुने लोगोका डिजाइनकर्तालाई सम्मान गरिने समेत बताइएको छ।
काठमाडौं: त्रिभुवन अन्तर्राष्ट्रिय विमानस्थलबाट भन्सार पास भएर बाहिरिएको अवस्थामा बरामद भएको सुन प्रकरणमा ६ जना पक्राउ परेका छन्। राजश्व अनुसन्धान विभागका अनुसार पक्राउ पर्नेमा एक भारतीय नागरिकसहित ६ जना छन्। विभागका अनुसार सुनले भरिएको स्कुटरको ब्रेक शु आयातकर्ता कम्पनी रेडी ट्रेडर्सका सञ्चालक दिलिप भुजेल, सुन पास गराउन सहयोग गर्ने उनका मामा राम कुमार भुजेल र कम्पनी स्थापना गर्न सघाएका हर्कराज राईलाई विभागले नियन्त्रणमा लिएको हो। यस्तै, थुप्तेन छिरिङ नाम गरेका तिब्बती मूलका भारतीय नागरिक पनि पक्राउ परेका छन्। अन्य दुई जना भने भन्सार एजेन्ट र ट्याक्सी चालक छन्। बरामद सुन मंगलबारको क्याथे फ्यासिफिकको उडानमार्फत काठमाडौं आएको थियो।
धनगढी: अछाममा एक लेखाका हाकिमले फट्याइँ गरेको पाइएको छ। जिल्लाको बान्नीगढी जयगढ गाउँपालिकाका लेखा अधिकृत नारदप्रसाद खनालले फट्याइँ गरेको आरोप लागेको हो। स्रोतका अनुसार उनीमाथि विभिन्न आर्थिक सेटिङका साथै कमिसनको समेत आरोप लागेको छ। जसमा हालै उनले ५० हजार अनुदानका लागि छनोट भएका पालिकाका २६ जना कृषकहरुलाई शिर्षकमा हुदै नभएको बजेट १३ लाख थप गरि भुक्तानी गरेको आरोप लागेको छ। उनले सबैलाई १ लाखका दरले थप रकम प्रदान गरेको आरोप लागेको हो। यस्तै लेखा अधिकृत खनालले गाउँ सभा पनि छलेको आरोप थपिएको छ। खनालले गत आर्थिक वर्षको असार मसान्तमा सेवा प्रवाह गर्न छोडेर असार १६ गतेको परिक्षाका लागि भन्दै ८…
धनगढीः अखिल नेपाल राष्ट्रिय स्वतन्त्र विद्यार्थी यूनियन (क्रान्तिकारी)ले आज शैक्षिक हड्तालको घोषणा गरेको छ। अनेरास्ववियू (क्रान्तिकारी) सुदूरपश्चिम प्रदेशले बुधवार एक प्रेस विज्ञप्ति जारी गर्दै केन्द्रिय कार्यक्रम अन्तरगत शुल्क वृद्धिका विरुद्ध पिसीएल नर्सिङ, एचए, डिप्लोमा इन फार्मेसी संचालित सम्पूर्ण शैक्षिक संस्थाहरुमा शैक्षिक हडताल गरिएको जनाएको छ। ‘जटिल आर्थिक परिवेशमा अभिभावक र विद्यार्थीको ढाड सेक्ने गरि गरिएको शुल्क वृद्धिका विरुद्ध हामी चरणबद्ध संघर्षमा छौं। आम जनताका छोराछोरीहरु स्वास्थ शिक्षाबाट वन्चित हुने सिटिईभिटीको उक्त कदम प्रति घोर भत्सर्ना र निन्दा व्यक्त गर्दछौं’ विज्ञप्तिमा भनिएको छ ‘नाजायज र अन्यायपुर्ण तरिकाले सिटिईभिटि प्रशासन र निजी शैक्षिक संस्थाका संचालकहरुबीच भएको आर्थिक लेनदेन सहितको मिलोमतोमा शुल्क वृद्धि गरिएको…