कैलाली: दासप्रथाको अवशेषका रूपमा रहेको कमैया प्रथा मुक्तिको २३ वर्ष पूरा भएको छ । यद्यपि अझै पनि पुनर्स्थापना भने हुन नसकेको मुक्त कमैयाहरु गुनासो गर्दै आएका छन् । जमिन्दारहरुको घरमा दासकै जस्तो जीवन बिताइरहेका कैलाली, कञ्चनपुर, बर्दिया, बाँके र दाङका कमैयालाई सरकारले २०५७ साल साउन २ गते मुक्त भएको घोषण गरेको थियो । तत्कालीन समयमा सरकारले मुक्त कमैयालाई ठाउँअनुसार एकदेखि पाँच कठ्ठासम्म जग्गा, घर बनाउन काठ र रकम उपलब्ध गराएको थियो । यद्यपि पुनर्स्थापना अझै पूरा नभएको मुक्त कमैया महिला विकास मञ्च कैलालीको भनाइ छ । मुक्ति दिवस खुसी, उत्साह र उल्लासका साथ मनाउनु पर्नेमा अझैसम्म धेरै कमैयाको पुर्नस्थापना हुन…
Author: महेन्द्रनगर पोष्ट
धनगढीः धनगढीमा पेट्रोलियम पदार्थको कृत्रिम अभाव सिर्जना गरेर व्यवसायीले पेट्रोल पम्पमा ताला लगाएका छन्। धनगढीसहितका क्षेत्रका व्यवसायीहरुले अभाव सिर्जना गर्दै पम्पहरुमा ताला लगाएका हुन्। जसका कारण उपभोक्ता समस्यामा परेका छन्। खासगरी भारतमा पेट्रोलियम पदार्थको मूल्य घट्ने भन्दै कतिपय व्यवसायीहरुले नेपाल आयल निगमको धनगढी डिपोबाट बुझेर लगेको इन्धन थन्क्याएका छन् भने कतिपयले निगमबाट पेट्रोलियम पदार्थ उठाउन मानेका छैनन्। आयल निगमको धनगढी डिपोबाट शुक्रबार मात्र व्यवसायीहरुले इन्धन उठाएका थिए तर उक्त इन्धन बिक्रि वितरण नगरेर उनीहरुले भण्डारण गरेर राखेपछि अभाव सिर्जना भएको हो। धनगढीका पेट्रोल पम्पहरुले शनिबार साँझदेखि नै इन्धन नभएको भन्दै सवारीसाधनलाई बिक्रि वितरण गरेका छैनन्। पेट्रोलिय पदार्थ ढुवानी व्यवसायी संघका…
कञ्चनपुर: कञ्चनपुरको बेलौरी नगरपालिकाले पक्की सडकमाथि ग्राभेल हालिरहेको छ । क्षणभरको वर्षामा बेलौरी बजार जलमग्न हुन थाल्दा नगरपालिकाविरुद्ध सामाजिक सञ्जालमा चर्को आलोचना भएपछि नगरपालिकाले पक्की सडकमाथि ग्राभेल हालिरहेको हो । तर, पक्की सडकमाथि ग्राभेल हाल्न थालिएको भन्दै नगरपालिकाविरुद्ध सामाजिक सञ्जालमा पुन: आलोचना भइरहेको छ । कोटेसन पाएपछि पक्की सडकमै ग्राभेल गरिएको आरोप स्थानीयले लगाएका छन् । कोटेसनको ८ लाखमा पक्की सडकमा नै ग्राभेल भन्दै आलोचना गरिरहेका छन् । नगर उपप्रमुख जोगराम चौधरीले भने ग्राभेलका लागि बजेट विनियोजन नगरिएको र ग्राभेल हालिसकेपछि बजेट छुट्याइने बताएका छन् । उनले ग्राभेल हालेपछि सम्बन्धितलाई पछि रकम दिइने बताए । नगरपालिकाका सूचना अधिकारीसमेत रहेका इन्जिनियर…
बैतडी: बैतडीको पञ्चेश्वर गाउँपालिका-१ स्थित पञ्चेश्वर स्वास्थ्यचौकीले स्वास्थ्यचौकी हाताभित्र मध्यपान गर्नेलाई पाँचहजार सम्म जरिवाना गर्ने निर्णय गरेको छ । सोमवार बसेको स्वास्थ्यचौकी व्यवस्थापन समितिको बैठकले स्वास्थ्यचौकी हाताभित्र मध्यपान गर्नेलाई एक हजारदेखि पाँच हजार रुपैयाँसम्म जरिबाना गर्ने निर्णय गरेको पञ्चेश्वर स्वास्थ्यचौकी प्रमुख सुरेश सार्कीले बताए । पहिलो पटकलाई एक हजार, दोस्रो पटकलाई दुई हजार ५०० र तेस्रो पटकलाई ५ हजार जरिबाना गरिने भएको छ । यस्तै, संस्थाको हाताभित्र धुम्रपान र सुर्तिजन्य पदार्थ सेवन गर्नेलाई संस्था बाहिर निकाल्ने वा सय रुपैयाँ जरिवाना गर्ने निर्णय समेत गरिएको छ ।
काठमाडौँ: नेकपा एमालेका नेता भीम रावल पुनः पार्टीमा सक्रिय भएका छन् । गृह जिल्ला अछाम पुगेका पूर्व उपाध्यक्ष रावलले साँफेबगरमा एमालेका नेता र कार्यकर्ताहरूसँग पार्टीका गतिविधि र काम कारबाहीका बारेमा छलफल गरेका छन् । उनले त्यसको भिडिओ सामाजिक सञ्जालमा राखेका छन् । चितवन महाधिवेशनमा अध्यक्ष केपी ओलीसँग प्रतिस्पर्धामा उत्रिएका रावल पछिल्लो समयमा पार्टी गतिविधिबाट टाढा रहँदै आएका छन् । केन्द्रीय सदस्यसमेत अस्वीकार गरेका रावलले पार्टीको पद तथा गोपनीयताको शपथसमेत लिएका थिएन । उनलाई पार्टीमा सक्रिय बनाउनका लागि वार्ता टोली गठनसमेत गरिएको थियो ।
बैतडी: बैतडीको पञ्चेश्वर गाउँपालिका कुलाउका अर्जुन मङ्गोलाका १५ वर्षीय छोरा निरज ममङ्गोला धनगढीबाट हराएका छन् । उनको पारिवारिक स्रोतका अनुसार गत असार ३० गते धनगढी त्रिनगरमा रहेको फुपुको घरबाट कञ्चनपुरको पुनर्वास नगरपालिकाको भीमबस्तिस्थित मामाघर जाँदै गर्दा उनी बाटोबाटै बेपत्ता भएका हुन् । निरज हराएको प्रहरीलाई पनि खबर गरिएको बताइएको छ । उनलाई कसैले फेला पारे नजिकको प्रहरी तथा ९८६८७८४५८४ नम्बरमा जानकारी गराइदिन अनुरोध गरिएको छ ।
भजनी: कैलालीको भजनी नगरपालिकाका लालबहादुर कामीको घर कान्द्रा नदीबाट पाँच सय मिटरभित्र छ। उनको घर सधैँ कान्द्रा नदीको बाढीले बर्खाको समयमा डुबान हुन्छ। घर डुबानमा परेपछि हुलाकी राजमार्गमा त्रिपालमा दुई महिनासम्म बिताउनुपर्ने बाध्यता लालबहादुरको परिवारलाई छ। ‘बर्खा सकिएपछि हाम्रो दुःख सकिन्छ, बर्खा लाग्यो भने हाम्रा दुःखका दिनको सुरुवात हुन्छन्’, लालबहादुर भन्छन्, ‘त्यो दुःख कान्द्रा नदी हो, बाजेबुवाले भोग्दै आएको दुःख हामी पनि भोग्दैछौँ, हाम्रा पछिका सन्ततिले पनि छुटकारा पाउने आश छैन।’ लालबहादुर मात्रै होइन उनीसँगै भजनी-५ र ७ का अधिकांश बासिन्दाको दुःख कान्द्रा नदी बन्दै आएको छ। बर्सेनि जमिन कटान गर्दै नदी बस्तीमा केन्द्रित हुँदै आएको छ। हजारौँ बिघा खेतीयोग्य…
दार्चुला: दार्चुलाको सदरमुकाम क्षेत्रमा रहेको एक होटलमा युवाहरुबीच झडप हुँदा ४ जना घाइते भएका छन्। महाकाली नगरपालिका-४ स्थित अपि होटल एण्ड रेष्टुरेन्ट होटलमा विवाद भई झडप हुँदा चार जना घाइते भएको जिल्ला प्रहरी कार्यालय दार्चुलाका सुचना अधिकारी ज्ञानेन्द्र बहादुर सिंहले जानकारी दिए। घाइते हुनेमा राष्ट्रिय युवा संघ नेपाल दार्चुलाका अध्यक्ष अनिल सिंह ठगुन्ना, नेकपा एमाले जिल्ला कमिटी उपाध्यक्ष चरनसिंह बुढाथोकी, महाकाली नगरपालिका-१ मलेराका प्रकाश सिंह कार्की र सोही ठाउकै प्रकाश सिंह कार्की रहेको उनले बताए। होटेलमा विवाद हुँदा होटेलमा रहेका वियरका बोतल हानाहान गर्दा चारै जना घाइते भएको बताइएको छ। जिल्ला अस्पताल दार्चुलामा प्राथमिक उपचार पछि चारै जनालाई थप उपचारको…
डडेल्धुरा: सुदूरपश्चिमका ७ पहाडी जिल्लामै पहिलोपटक डडेल्धुरामा ‘मेडिकल ल्याब टेक्नोलोजी’ विषयमा डिप्लोमा पढाइ हुने भएको छ। डडेल्धुरा सदरमुकाममा २०७० सालमा स्थापना भएको ह्वाइट पार्क कलेजमा यस वर्षदेखि उक्त ३ वर्षे डिप्लोमा कोर्स पढाइ हुने भएको हो। यसै वर्ष स्तरोउन्नति भएको कलेजमा ल्याब टेक्नोलोजीका साथै प्री-डिप्लोमातर्फ सर्भे इन्जिनियरिङ (अमिन), पशु विज्ञान (भेटेनरी जेटिए), सिभिल सव-ओभरसियरर बाली विज्ञान (कृषि जेटिए) को अध्यापनसमेत गराइने कलेजका प्रबन्ध राजेन्द्र भण्डारीले बताए। अहिलेसम्म ल्याबको डिप्लोमा गर्न तराईका जिल्ला जानुपर्ने बाध्यता रहेकोमा अब डडेल्धुरामै पढाइ हुने भएपछि सुदूर पहाडका सातै जिल्लाका विद्यार्थीलाई सहज हुने उनले बताए। स्थापनाकालदेखि नै सुदूरपश्चिम र मध्यपश्चिममा सर्वोत्कृष्ट नतिजा ल्याउन सफल ह्वाइटपार्क कलेजमा…
धनगढी: आज डोटी, डडेल्धुरा र अछाम आसपास भई बहने केही स-साना नदीहरूमा बहाब बढ्न सक्ने सम्भावना छ। बाढी पूर्वानुमान महाशाखाली यी जिल्लाका नदी तटीय क्षेत्रमा सतर्कता अपनाउन आग्रह गरेको छ। साथै आज दोलखा, सिन्धुपाल्चोक रूकुम पूर्व, रूकुम पश्चिम, रोल्पा, दैलेख, कालिकोट, बाजुरा, बझाङ, कैलाली, कंचनपुर, बैतडी, दार्चुला र आसपास भई बहने केही स-साना नदीहरूमा बहाब बढ्ने महाशाखाको पूर्वानुमान छ। यी क्षेत्रका नदी तटीय क्षेत्रमा सामान्य सतर्कता अपनाइराख्न महाशाखाले अनुरोध गरेको छ। आगामी ३ दिन देशका प्रमुख नदीहरूमा जलसतह सतर्कता तहभन्दा तलै रहने महाशाखाको पूर्वानुमान छ।