धनगढी: सुरक्षाकर्मी र आफु चढ्ने गाडी सडकमै छाडेर प्रदेशसभाबाट बाहिरिएका सुदूरपश्चिमका मुख्यमन्त्री कमलबहादुर शाहले प्रतिपक्षी दल राप्रपाकी सांसद खेमादेवी विष्टलाई सदनमा उपस्थित गराएका छन्। प्रदेश सभा बैठकमा नआउने झुटो घोषणा गरेकी माननीय खेमालाई मुख्यमन्त्री आफै लिन गएर सदनमा ल्याइ आएका हुन्। प्रमुख प्रतिपक्षी दल एमाले, राप्रपा र स्वन्तत्र सांसदले प्रदेशसभा बैठक बहिष्कार गरेपछि शाह प्रदेशसभा अगाडि सडकमै स्कटिङ गाडी र आफ्नो गाडी छाडेर अर्थमन्त्री नरेशकुमार शाहीको गाडीमा नेकपा एसका दलका नेता दीर्घ सोडारीलाई लिएर निस्किएका थिए। उनले त्यहाँबाट फर्किदा आफू र अर्थमन्त्री मुल गेट भएर आएका थिए। भने दीर्घले चोर बाटोबाट राप्रपाकी सांसद विष्टलाई लिएर प्रदेशसभा पुगेका थिए। विपक्षी दलले…
Author: महेन्द्रनगर पोष्ट
काठमाडौँ : समाजवादी मोर्चाको अध्यक्ष चार-चार महिनामा फेरिने भएका छन् । शनिबार प्रधानमन्त्रीको सरकारी निवास बालुवाटारमा बसेको समाजवादी मोर्चाको बैठकले मोर्चाको कार्यविधि आचारसंहिता तय गर्दै त्यस्तो निर्णय गरेको एकीकृत समाजवादीका उपाध्यक्ष राजेन्द्र पाण्डेले जानकारी दिए । यसअघिको बैठकले ६ महिनामा नेतृत्व फेरिने निर्णय गरेको थियो । मोर्चामा हरेक दलबाट चार–चार जना नेताले भाग लिन पाउने निर्णय भएको छ । “चार-चार महिनमा मोर्चाको अध्यक्ष फेरिने र एउटा पार्टीबाट चार जना नेताले भाग लिन पाउने निर्णय गरिएको छ,” पाण्डेले भने । जसमा एकीकृत समाजवादीबाट अध्यक्ष माधवकुमार नेपाल, उपाध्यक्ष राजेन्द्र पाण्डे, उपाध्यक्ष प्रवेश हमाल, महासचिव घनश्याम भुसाल रहनेछन् । माओवादीबाट प्रधानमन्त्री समेत रहेका…
काठमाडौँ – प्रधानमन्त्री पुष्पकमल दाहाल ‘प्रचण्ड’को जीवन सङ्गिनी सीता दाहालको निधनप्रति पूर्व राष्ट्रपति डा. रामवरण यादवले दुःख व्यक्त गरेका छन्। प्रधानमन्त्री निवास बालुवाटार पुगेर पूर्व राष्ट्रपति डा. यादवले शनिबार प्रधानमन्त्री र उनको परिवारप्रति समवेदना प्रकट गरेका हुन्। आजै पूर्व राष्ट्रपति विद्या भण्डारीकातर्फबाट पनि माधव भण्डारीले पनि प्रधानमन्त्री र उहाँको परिवारलाई भेट गरी दुःख व्यक्त गरेका छन्।
धनगढीः कैलालीको मोहन्यालमा सुत्केरी व्यथा लागेर थलिएकी एक महिलाको हेलिकप्टरमार्फत उद्धार गरिएको छ। शुक्रबार बेलुकादेखि प्रसुति ब्यथा लागेपनि शनिबार दिउँसोसम्म बच्चा नजन्मिएपछि मोहन्याल गाउँपालिका–४ ओखलढुंगाकी ३७ वर्षीया विमला सार्कीलाई थप उपचारका लागि नेपाली सेनाको हेलिकप्टरबाट कोहलपुर मेडिकल कलेज लगिएको हो। सुत्केरी व्यथाले च्यापेर बिरामीको अवस्था जटिल हुँदै गएपछि आज (शनिबार) हेलिकप्टरबाट उद्धार गरिएको गाउँपालिका अध्यक्ष देविदत्त उपाध्याय ‘हिमशिखर’ ले बताए।
धनगढी: सुदूरपश्चिम प्रदेश सरकारका मुख्यमन्त्री कमलबहादुर शाह प्रदेश सभा छाडेर भर्खरै बाहिरिएका छन्। आज दिउँसो ३ बजे आगामी आर्थिक वर्षको बजेट पारित गर्नका लागि प्रदेश सभा बैठक बोलाएको थियो। पहिलोपटक ५ बजे सम्मको लागि र दोस्रो पटक ७ बजेको लागि बोलाइएको थियो। तर अहिलेसम्म बैठक बसेको छैन।बैठक बस्न नसकेपछि मुख्यमन्त्री शाह प्रदेश सभाबाट भर्खरै बाहिरिएका हुन्। उनी अर्थमन्त्री नरेश शाही र नेकपा एकीकृत समाजवादीका दलका नेता दीर्घ सोडारीसँगै बाहिरिएका हुन्। अर्थमन्त्री शाहीको गाडीमा तीनै जना हतारहतार बाहिरिएका थिए। मुख्यमन्त्री शाहले आफ्नो गाडी र स्कटिङ प्रदेश सभा बाहिर छोडेरै अर्थमन्त्रीसँग गएका हुन्। उनीहरु अचानक प्रस्थान गरेपछि मुख्यमन्त्रीको स्कटिङ सुरक्षा टोली अलमलमा…
धनगढी : नेकपा एमाले, राष्ट्रिय प्रजातन्त्र पार्टी र स्वतन्त्र प्रदेशसभा सदस्यले शनिबार बस्ने सुदूरपश्चिम प्रदेशसभाको बैठक बहिस्कार गर्ने भएका छन् । दिउँसो ३ बजे बोलाइएको बैठक अहिलेसम्म नबसेको भन्दै उनीहरुले बैठक बहिस्कारको घोषणा गरेका हुन् ।३ बजे बैठक बस्ने सहमति भए पनि सरकार र सत्तापक्षका कारण समयमा बैठक सुरु नभएका कारण शनिबारको बैठक बहिस्कार गर्ने एमाले संसदीय दलका नेता राजेन्द्र रावलले जानकारी दिए । एमालेले सत्तारुढ दलहरुबीच निर्वाचन क्षेत्रमा पूर्वाधार विकास कार्यक्रमको बजेट ३ करोडबाट ५ करोड बनाउने सहमतिको पनि विरोध जनाएको छ । सुदूरपश्चिममा एमालेका १० जना प्रदेशसभा सदस्य छन् । सुदूरपश्चिम प्रदेशमा शनिबार बजेट पारित गर्ने सरकारको तयारी…
काठमाडौँ : नेकपा एमालेका अध्यक्ष केपी शर्मा ओली मङ्गलवार कम्बोडिया जाने भएका छन् । शनिबार बसेको केन्द्रीय सचिवालय बैठकमा अध्यक्ष ओलीले साउन २ देखि ६ गतेसम्म कम्बोडियाको भ्रमण गर्न लागेको जानकारी गराएका हुन् । उपमहासचिव प्रदीप ज्ञवालीका अनुसार भ्रमणका क्रममा ओलीले त्यहाँको निर्वाचनको पर्यवेक्षण गर्नुका साथै राजनीतिक भेटवार्ता पनि गर्ने कार्यक्रम छ ।
कैलाली : नेपाली कांग्रेस सुदूरपश्चिमले बजेटका पक्षमा मतदान गर्ने भएको छ । आज बसेको संसदीय दलको बैठकले बजेट पारित गर्न मतदान गर्ने निर्णय गरेको हो । बजेटमा नेकपा माओवादी केन्द्र र नेकपा एकीकृत समाजवादी पार्टीले पनि पारित गर्ने निर्णय गरिसकेको छ । प्रदेश सरकारले १ असारमा २९ अर्ब २६ करोड बराबरको बजेट ल्याएको थियो । यसअघि बजेट असन्तुलित रहेको भन्दै सत्तारुढ गठबन्धनकै सांसदहरुले असहमती जनाउदै आएका थिए ।
धनगढी : नेकपा माओवादी केन्द्र र नेकपा एकीकृत समाजवादी पार्टीले सुदूरपश्चिम प्रदेशको बजेट पारित गर्ने निर्णय गरेका छन् । प्रदेश सरकारले १ असारमा २९ अर्ब २६ करोड बराबरको बजेट ल्याएको थियो । सरकारले ल्याएको बजेट पारित गर्ने निर्णय आज दुवै दलको संसदीय बैठकले गरेको हो । यसअघि बजेट असन्तुलित रहेको भन्दै सत्तारुढ गठबन्धनकै सांसदहरुले असहमती जनाउदै आएका थिए ।
दार्चुला – नौगाड गाउँपालिका–४ होपरीमा भीरबाट खसेको ढुंगा लागेर एक महिलाको ज्यान गएको छ । मेलामा घाँस काट्ने क्रममा शुक्रबार अवेर भीरबाट खसेको ढुंगा टाउकोमा लागेर होपरीस्थित कसाडमेलाकी ५० वर्षीया सीतादेवी ठगुन्नाको मृत्यु भएको आफन्तले जनाएका छन् । घर नजिकै मेलामा घाँस काटिरहेको अवस्थामा माथिबाट खसेको ढुंगा टाउकोमा लाग्दा उनको घटनास्थलमै मृत्यु भएको थियो । मृतक सीताका पति, छोरा, बुहारी र नातीनातिना छन् ।