डडेल्धुरा: किसान नेता तथा सहिद भीमदत्त पन्तको स्मृतिमा विद्युतीय पुस्तकालय स्थापना गरिएको छ । सहिद पन्तको जन्मथलो कारिगाउँमा ई–लाइब्रेरीको उद्घाटन गरिएको हो । शनिबार एक कार्यक्रमकाबीच नेपाली कांग्रेसका नेता एवं सुदूरपश्चिम प्रदेशका पूर्वसामाजिक विकासमन्त्री गोविन्दराज बोहराले अमरगढी नगरपालिका–२ कारीगाउँमा ई–लाइब्रेरीको उद्घाटन गर्नुभयो । सहिद पन्तको जीवनीसँग सम्बन्धित किताब र उहाँको पहलकदमी थालनी गरिएका काम तथा प्रकाशित कृति पुस्तकालयमा राखिएको छ । पुस्तकालय स्थापनाका लागि सुदूरपश्चिम प्रदेश सामाजिक विकास मन्त्रालयले बजेट छुट्ट्याइएको थियो । रासस
Author: महेन्द्रनगर पोष्ट
धनगढीः ललिता निवास परिसरको सरकारी जग्गा हिनामिना प्रकरणमा ६ पूर्वमन्त्री, २ पूर्वमुख्य सचिव, १४ पूर्व र १ बहालवाला सचिवसहित सार्वजनिक पदधारण गरेका डेढ सयभन्दा बढी कर्मचारीको संलग्नता देखिएको छ। तीमध्ये केही कर्मचारी अझै पदमा छन्। जग्गा हिनामिना गर्ने गरी भएका निर्णयमा जोडिएका केही व्यक्तिको मृत्यु भइसकेको छ। पञ्चायतकालमै मुआब्जा दिएर तत्कालीन भोगाधिकारी सुवर्णशमशेर राणाका परिवारबाट अधिग्रहण गरी सरकारका नाममा ल्याइएको मध्ये १ सय ४३ रोपनीभन्दा बढी जग्गा ०४९ देखि ०६९ को अवधिमा भूमाफियाले हडपेका थिए। अधिग्रहण गरेर गृह मन्त्रालयमातहतको समरजंग कम्पनीको रेखदेखमा राखिएको जग्गा विभिन्न सरकारका पालामा भएका गैरकानुनी निर्णयका आधारमा शृंखलाबद्ध रूपमा हडपिएको थियो। ०४९, ०६२, ०६६, ०६७ र…
काठमाडौँ: नक्कली भुटानी शरणार्थी प्रकरणमा नेपाली कांग्रेसकी केन्द्रीय सदस्य एवम् सांसद डा. आरजु राणा देउवाको नाम लिइएको अडियो सन्देश शर्माको आवाजसँग मिलेको पाइएको छ । नक्कली भुटानी शरणार्थी प्रकरणमा पक्राउ परेका दाङका शर्मा ठगी तथा संगठित अपराध कसूर मुद्दामा अनुसन्धानका लागि थुनामा छन् । राणाले आफ्नो नाम जोडेर फेक अडियो सार्वजनिक भएको भन्दै छानबिन गरी दोषीलाई कारबाहीको माग गर्दै नेपाल प्रहरीको साइबर ब्यूरोमा निवेदन दिएकी छिन् । त्यही निवेदनमाथि अनुसन्धान गर्दा त्यो अडियो शर्माको आवाजसँग मिलेको र त्यो अडियो टिकटकमा कसले पहिलो पटक राखेको थियो भन्ने बारेमा टिकटक सिंगापुरसँग जानकारी मागेको नेपाल प्रहरीका प्रवक्ता कुवेर कडायतले जानकारी दिएका छन् ।
काठमाडौँ: आज सुनको मूल्य सात सय रुपैयाँले बढेको छ । आज सुनको मूल्य तोलामा एक लाख ११ हजार ३ सय रुपैयाँमा पुगेको नेपाल सुन चाँदी व्यवसायी महासङ्घले जनाएको छ । यस्तै, आज चाँदीको मूल्य पनि तोलामा २० रुपैयाँले बढेर एक हजार तीन सय ९५ रुपैयाँमा किनबेच भइरहेको महासङ्घले जनाएको छ ।
धनगढी: सुदूरपश्चिम प्रदेश सरकारले आगामी आर्थिक वर्ष २०८०/८१ को लागि ल्याएको बजेटमाथि अझै छलफल हुन सकेको छैन। प्रदेश सभाको दोस्रो अधिवेशनको १४ औं बैठकबाट बजेट प्रस्तुत गरिएको करिब एक महिना पुग्न लाग्दा गठबन्धनभित्रैको असन्तुष्टिले बजेटमाथिको छलफल अघि बढ्न नसकेको हो। सरकारले असार १ गते चालु र पुँजिगततर्फ गरी २९ अर्व २६ करोड ५९ लाख ३२ हजारको बजेट सभामा प्रस्तुत गरेको थियो। सरकारले ल्याइएको बजेटसँगै विकास कार्यक्रम (रातो किताव) प्रति सत्तारुढ दलकै प्रदेश सभा सदस्यहरुमा व्यापक असन्तुष्टि बढेको छ। बजेटमाथि सत्तारुढ दलसँगै भित्रै प्रतिपक्षीको असन्तुष्टि बढेको हो। जसका कारण प्रदेशको बजेट पास हुन सकस पर्ने देखिएको छ। बजेटमाथिको छलफलमा केन्द्रित हुनुपर्नेमा…
धनगढीः कैलालीको अत्तरिया उद्योग वाणिज्य संघको अध्यक्षमा कल्याण सिंह बोहरा निर्वाचित भएका छन् । बोहरा पाँच सय ९४ मत ल्याउँदै संघको अध्यक्षमा निर्वाचित भएका हुन् । मीना देउवाको ५७० मत छ भने अध्यक्षका अर्का उम्मेदवार कविराज भट्टले ७३ मत पाए । बोहरा र देउवा प्यानलसहित प्रतिष्पर्धामा थिए । उपाध्यक्ष उद्योगमा देउवा प्यानलबाट दलबहादुर खड्का विजयी भएका छन् । खड्काले ७११ मत ल्याउँदा बोहरा प्यानलका यज्ञराज जोशीले ५३२ मत ल्याए । उपाध्यक्ष वाणिज्यमा देउवा प्यानलका फागुराम चौधरी ५५२ मत ल्याई विजयी भए । उनका प्रतिद्वन्द्वी बोहरा प्यानलका देवराज भट्टले ५८२ मत ल्याए । वस्तुगततर्फ बोहरा प्यानलका चेतराज पन्त ६४४ मतका ल्याई…
धनगढीः दार्चुलामा सडकबाट खोलामा खसेर एक पुरुषको मृत्यु भएको छ । प्रहरीका अनुसार जिल्लाको मालिकार्जुन गाउँपालिका-६ हरडीगाड खोलामा खसेर सोही ठाउँका ५५ वर्षीय केशवराज गिरीको मृत्यु भएको हो । शनिवार साँझ मालिकार्जुनकै बाँकुबाट चिउरानी घरतर्फ जाने क्रममा सडकबाट ६० मिटर तल खोलामा खसेर उनको मृत्यु भएको जिल्ला प्रहरी कार्यालय दार्चुलाले बताएको छ । घटनाबारे थप अनुसन्धान भइरहेको प्रहरीले जनाएको छ।
धनगढीः सुदूरपश्चिम प्रदेशका पहाडी ६ जिल्लाको विद्युत सेवा बन्द भएको छ। पहाडका दार्चुला बाहेकका जिल्लामा विद्युत सेवा अवरुद्ध भएको नेपाल विद्युत प्राधिकरण, प्रादेशिक कार्यालय अत्तरियाका प्रमुख जंगबहादुर चन्दले जानकारी दिए। उनका अनुसार आइतबार बिहानदेखि ६ पहाडी जिल्लाको विद्युत सेवा बन्द भएको हो। डोटीको रुवसकाँडामा एक सय ३२ केभी प्रशारण लाइनको तार टुटेपछि विद्युत सेवा अवरुद्ध भएको हो। अत्तरियादेखि स्याउले सव स्टेशन जोड्ने ट्रान्समिसन लाइनको रुवसकाँडास्थित टावरको एउटा तार टुटेको उनले बताए। मर्मतका लागि समय लाग्ने देखिएको छ। विद्युत सेवा अवरुद्ध हुँदा उपभोक्ता समस्यामा परेको बताइएको छ।
सर्लाही: सर्लाहीको पर्सा गाउँपालिका–४ जिङ्गडवास्थित खाल्डोमा डुबेर दाजुभाइको मृत्यु भएको छ । घरभन्दा तीन सय मिटरको दूरीमा रहेको बाँके खोलामा तटबन्ध निर्माणका लागि खनिएको खाल्डोमा डुबेर नागेन्द्र महतोका १२ वर्षीय छोरा प्रिन्स र १० वर्षीय दिपुको मृत्यु भएको जिल्ला प्रहरी कार्यालय सर्लाहीले जनाएको छ । शनिबार दिउँसो घरबाट निस्केका बालकद्वय राति अबेरसम्म नफर्केपछि अभिभावकले खोज्दै जाँदा गए राति खाल्डोमा शव डुबिरहेको अवस्थामा फेला परेको थियो ।
काठमाडौं: आज चार प्रदेशका एक/दुई ठाउँमा ठूलो पानी पर्ने अनुमान गरिएको छ। दिउँसो लुम्बिनी र सुदूरपश्चिम प्रदेशका एक/दुई ठाउँमा र राति कोशी, गण्डकी र सुदूरपश्चिम प्रदेशका एक/दुई ठाउँमा ठूलो पानी पर्ने सम्भावना रहेको मौसमविद् विनु महर्जनले जानकारी दिए। उनका अनुसार अन्य क्षेत्रमा भने हल्कादेखि मध्यम वर्षाको अनुमान छ। यस्तै, भोलिदेखि पानी पर्ने क्रम झन् बढ्ने अनुमान गरिएको छ। मनसुन सक्रिय हुने सङ्केत देखिएकाले भोलिदेखि केही दिन देशका धेरै ठाउँमा पानी पर्ने मौसमविद् महर्जनले बताए। पछिल्लो दुई तीन दिनयता देशका धेरै ठाउँमा पानी कम परेको छ। पानी परिहाले पनि लगातारजसो झरी परेको छैन। तर, भोलिदेखि भने मनसुन फेरि सक्रिय हुने भएकाले धेरै…