कैलाली: कैलालीमा ब्राउनसुगरसहित तीनजना पक्राउ परेका छन्। बिहीबार साँझ जिल्ला गोदावरी नगरपालिका–४ अत्तरियाबाट सोही ठाउँ बस्ने २३ वर्षीय राजेन्द्र बोहरा र धनगढी उपमहानगरपलिका–३ का २० वर्षीय आशिष भण्डारी २ सय ६० मिलिग्राम ब्राउनसुगरसहित पक्राउ परेका छन्। भण्डारीले चलाइरहेको सु.प.प्र. ०१००९ प ४९ नम्बरको मोटरसाइकल चेकजाँच गर्दा बोहराको साथबाट ब्राउनसुगर फेला परेको प्रहरीले जनाएको छ। यस्तै बिहीबार साँझ नै धनगढी उपमहानगरपालिका–३ त्रिनगर ब्यारेलमा भारतबाट नेपाल आउँदै गरेका गोदावरी नगरपालिका–२ का १९ वर्षीय योगेन्द्र देउवालाई २ ग्राम ७ सय ६० मिलिग्राम ब्राउनसुगरसहित प्रहरीले पक्राउ गरेको छ । प्रहरीका अनुसार शङ्काको आधारमा खानतलास गर्दा देउवाको साथबाट ब्राउनसुगर फेला परेको हो।
Author: महेन्द्रनगर पोष्ट
धनगढी: पूर्वप्रधानमन्त्री लोकेन्द्रबहादुर चन्दकी पत्नीको निधन भएको छ। सुदूरपश्चिमको बैतडी पुर्ख्यौली घर भएका चन्दकी पत्नी दिव्येश्वरीको ८३ वर्षको उमेरमा निधन भएको हो। बैतडी कुरकुटया पुरख्यौली घर भएको चन्द परिवार हाल भक्तपुरको लोकन्थलीमा बस्दै आएको थियो। उच्च रक्तचाप, पक्षघात लगायत रोगबाट पीडित चन्दको उपचारका क्रममा त्रिभुवन विश्वविद्यालय शिक्षण अस्पताल महाराजगञ्जमा आज बिहान निधन भएको परिवारका एक सदस्यले बताए। चन्दको आजै पशुपति आर्यघाटमा अन्त्येष्टि गरिने पारिवारिक स्रोतले जनाएको छ। चन्द लामो समयदेखि पक्षघातबाट पीडित थिइन्।
कञ्चनपुर: कञ्चनपुरको शुक्लाफाँटा नगरपालिकाले आगामी आर्थिक वर्षको लागि ८८ करोड रुपैयाँको बजेट ल्याएको छ। नगरपालिकाले नगरका गौरवका आयोजनालाई प्राथमिकतामा राख्दै आर्थिक वर्ष २०८०/८१ का लागि ८८ करोड ७ लाख ९६ हजार विनियोजन गरेको छ। बिहीवार नगरपालिकाले १४औं नगर सभाबाट बजेट पारित गरेको हो । नगरपालिकाले नगर गौरवका योजनालाई प्राथमिकतामा राख्दै बजेट विनियोजन गरेको छ। नगरपालिकाले कोल्ड स्टोर निर्माणका लागि ४ लाख, नगरस्तरीय कभर्ड हल निर्माणका लागि ९० लाख, बसपार्क निर्माणका लागि ४ लाख, नगर चक्रपथ निर्माणका लागि १ करोड ४० लाख, वडा नम्बर २ स्थित निर्माणाधीन खानेपानी योजनाका लागि १ करोड १४ लाख र सेफहाउस सञ्चालनका लागि २ लाख बजेट…
गोरखा : गोरखाको मनकामना सिलिङमा शुक्रबार बिहान भएको दुर्घटनामा परी मृत्यु हुने ५ जनाकै सनाखत भएको छ। दुलहा दुलहीसहित सहिदलखन ३ कोटगाउँबाट १९ जना जन्ती बोकेर सहिदलखन ५ पोखरीडाँडा जाँदै गरेको प्रदेश ३–०१–०२३ च २४२७ नंबरको बोलेरो जीप सहिद लखन गाउँपालिका ३ सिलिङमा शुक्रबार बिहान करिब दुई बजे दुर्घटना भएको थियो। दुर्घटनामा पाँचजनाको मृत्यु हुनुको साथै १२ जना घाइते भएका छन्। मृत्यु हुनेमा गोरखा सहिद लखन गाउँपालिकाका १९ वर्षीय प्रविण थापा, २८ वर्षीय वीरबहादुर थापा, अन्दाजी १९ वर्षीय निरज थापा, १९ वर्षीया नविना थापा र ६४ वर्षीय धनबहादुर थापा रहेका प्रहरीले जानकारी दिए। त्यस्तै घाइतेहरुमध्ये सबैजना सहिदलखन ५ पोखरीडाँडाका रहेका छन्।…
डडेल्धुरा: कञ्चनपुरका मातृकाप्रसादको अनौठो ठगी धन्दाबारे खुलासा भएको छ। उनले बिहे गर्छु भन्दै २ युवतीको पैसा खाएको खुलासा भएको हो। आफूलाई डाक्टर हुँ भन्दै युवतीसँग ७८ लाख बढी ठगी गर्ने उनी अहिले प्रहरीको खोरमा पुगेका छन्। कञ्चनपुरको पुनर्वास नगरपालिका–७ घर भई हल्ल भक्तपुर कौशलटार बस्ने बस्दै आएका मातृकाप्रशाद जैशीले नक्कली डाक्टर बनेर युवतीसँग बिहे गर्ने बहानमा ७८ लाख ठगी गरेको प्रहरीले जनाएको छ। जैशीलाई प्रहरीले काठमाडौंबाट पक्राउ गरेको हो। जैशीले आफू १२औं तहको डाक्टर हुँ भने पनि उनी डाक्टर नभएको खुलेको छ। एक युवतीलाई बिहे गर्ने भनेर उनले पटकपटक गरेर ४० लाख रुपैयाँ मागेका थिए। त्यसपछि अर्की युवतीलाई पनि बिहे…
नयाँ दिल्ली – भारतको उत्तरी राज्य उत्तराखण्डमा बिहीबार एउटा कार गहिरो खोल्सामा खस्दा कम्तीमा १० जनाको मृत्यु भएको अधिकारीहरूले बताएका छन् । उत्तराखण्डको राजधानी देहरादुनबाट करिब ४४१ किलोमिटर पूर्वमा रहेको पिथौरागढ जिल्लाको मुनसियारी सहरमा सो दुर्घटना भएको हो । “आज चालकसहित १० जना चढेको एउटा कार पहाडी सडकबाट चिप्लिएर मुनसियारी क्षेत्रमा ६०० फिट गहिरो खाल्डोमा खसेको छ,” पिथौरागढस्थित विपद् व्यवस्थापन कार्यालयका एक अधिकारीले भने। गाडीभित्र रहेका नौ जना पुरुष र एक महिला गरी सबै जनाको मृत्यु भएको उनले बताए। खाल्डोबाट सबै शव निकालिएको र उनीहरूलाई सम्बन्धित परिवारको जिम्मा लगाउने औपचारिकता पूरा भइरहेको ती अधिकारीले बताए। अधिकारीहरुका अनुसार छिमेकी वागेश्वर जिल्लाका बासिन्दाका रूपमा…
दार्चुला: महाकाली राजमार्गको दार्चुला-गोकुलेश्वर सडक खण्ड अवरूद्ध भएको छ। गएरातिको वर्षाका कारण ढुंगामाटो खसेपछि सडक अवरुद्ध बनेको हो। सडक अवरूद्ध भएपछि लामो तथा छोटो दूरीका यातायात अवरूद्ध भएका छन्। दार्चुलाबाट महेन्द्रनगरका लागि हिँडेको गाडी बिहानैबाट असिगडामा रोकिएको र स्थानीय रूटमा चल्ने गाडी पनि गन्तव्यमा जान नसकिरहेको बताइएको छ।
झापा: झापाको गौरादहमा बेहुली लिन आएका बेहुलालाई विवाह मण्डपबाटै प्रहरीले पक्राउ गरेको छ। जेठी श्रीमती हुँदाहुँदै दोस्रो विवाह गर्न खोज्ने ती बेहुलालाई प्रहरीले पक्राउ गरेको हो। पक्राउ पर्नेमा इटहरी- १९ सुनसरीका साजन चौधरी रहेका छन्। बिहीबार उनलाई विवाह मण्डपबाटै पक्राउ गरेको जिल्ला प्रहरी कार्यालय झापाले जनाएको छ। गौरादह-२ झापाकी एक युवतीसँग विवाह गरि अन्माउने बेलामा प्रहरी पुगेको थियो। जेठी श्रीमतीको उजुरीको आधारमा चौधरीलाई नियन्त्रणमा लिइएको प्रहरीले जनाएको छ।
अछामः अछाममा एक जना पुरुष मृत अवस्थामा फेला परेका छन्। जिल्लाको तुर्माखाद गाउँपालिका– ३ लोडे स्थित कर्णाली नदिको किनारमा आन्दाजी २६ वर्षीय पुरुषको शव मृत अवस्थामा फेला परेको छ। थप अनुसन्धानको लागि जिल्ला प्रहरी कार्यलय अछामबाट प्रहरी टोली खटिइएको छ।
कैलाली: कैलालीमा एक युवकको लास फेला परेको छ। जिल्लाको कैलाली गाउँपालिकास्थित हसुलियामा ३० वर्षीय लक्ष्मीप्रसाद चौधरी मृत फेला परेका हुन्। शुक्रबार उनको शव आफ्नै घरमा फेला परेको जिल्ला प्रहरी कार्यालय कैलालीले जनाएको छ। घटना अनुसन्धान गर्न आफू त्यसतर्फ गइरहेको कैलाली प्रहरीका प्रहरी निरीक्षक खगेन्द्र साउँदले बताए।