धनगढी: बझाङ दुर्घटनामा ज्यान गुमाएका सुदूरपश्चिम प्रदेशका आन्तरिक मामिला तथा कानुन मन्त्री पृथ्वी बहादुर सिंहको दाहसंस्कार शनिवार गरिने भएको छ । मन्त्री सिंहसहित उनकी पत्नी र भाउजूको शनिवार दाहसंस्कार गरिने भएको हो । मन्त्री सिंहका एक छोरा अमेरिकामा रहेका र उनी शुक्रवारसम्म नेपाल आइपुग्ने हुँदा शनिवार दाहसंस्कार गरिने बझाङका सहायक प्रमुख जिल्ला अधिकारी सत्यकुमारी जोशीले बताइन् । उनका अनुसार शनिवारसम्म उनीहरूको शव जिल्ला अस्पतालमा राखिनेछ । मन्त्री सवार सुपप्र ०१–००१ झ ४८० नम्बरको गाडी मंगलवार दिउँसो १ बजेर ४३ मिनेटमा केदास्युँ गाउँपालिका–१ को झारछडा भन्ने स्थानमा दुर्घटना भएको थियो । दुर्घटनामा गम्भीर घाइते भएका सिंहको उपचारका क्रममा मंगलवार साँझ कोहलपुर…
Author: महेन्द्रनगर पोष्ट
काठमाडौँ: उदयपुरका एक युवाले बिहे भएको ६ महिनापछि ‘श्रीमती पुरुषमा परिणत भएको’ भन्दै प्रहरीमा उजुरी दिएका छन्। जिल्लाको बेलका नगरपालिका ६ बबलाका २८ वर्षीय नम्बर राईले ६ महिना अघि बिहे गरेर ल्याएको श्रीमती पुरुषमा परिणत भएको भन्दै इलाका प्रहरी कार्यालय रामपुरमा उजुरी दिएका हुन्। राईले भोजपुरको रामप्रसाद राई गाउँपालिका-८ की युवतीसँग ६ महिनाअघि प्रेम विवाह गरेका थिए । इप्रकाले दुवैलाई सँगै राखेर छलफल गराउने तयारी गर्दै गर्दा एक्कासि श्रीमती अस्वस्थ्य भएपछि उपचारार्थ धरान पठाइएको छ। घटनाको वास्तविकता पत्ता लगाउन छलफल गराउने तयारी भइरहेका बेला एक्कासि श्रीमती बेहोस भएर बोमिट गरेपछि नगर अस्पताल पठाएकोमा उच्च रक्तचाप (हाई ब्लडप्रेसर) देखिएपछि एम्बुलेन्समार्फत बिपी…
धनगढी: बझाङमा सुदूरपश्चिमका आन्तरिक मामिला तथा कानुनमन्त्री सवार गाडी दुर्घटना भएको विषयलाई छानबिन गर्न समिति गठन गरिएको छ। सुदूरपश्चिम सरकारले आज (बिहीबार) को क्याबिनेट बैठकबाट दुर्घटनाको छानबिनका लागि ७ सदस्यीय समिति गठन गरिएको हो। समितिले घटनाको सम्बन्धमा अनुसन्धान गरी पन्ध्र दिनभित्र प्रदेश सरकार (मन्त्रिपरिषद्) मा प्रतिवेदन पेश गर्ने छ। मुख्यमन्त्री तथा मन्त्रिपरिषद्को कार्यालयका प्रदेश सचिव (कानुन) गंगाबहादुर खरेलको अध्यक्षतामा छानबिन समिति गठन गरिएको हो। असार ५ गते सुदुरपश्चिमका आन्तरिक मामिला तथा कानुन मन्त्री सिंहको सवार गाडी दुर्घटनामा परी निधन भएको थियो। उनीसँगै उनकी पत्नी अमृता सिंह र मन्त्रीका नातेदार पर्ने जयादेवी सिंहको घटना स्थलमै मृत्यु भएको थियो। गाडीमा सवार मन्त्रीको…
काठमाडौं: काठमाडौं महानगरपालिकाका मेयर बालेन शाहले काठमाडौंका फिल्म हलहरुमा भारतीय चलचित्र प्रदर्शन नरोक्न उच्च अदालतले दिएको आदेश नमान्ने बताएका छन् । उच्च अदालत पाटनले बिहीबार भारतीय चलचित्र लगायत सेन्सर बोर्डले स्वीकृत गरेका चलचित्रको प्रदर्शन नरोक्न अल्पकालीन अन्तरिम आदेश दिएको थियो । उनले सामाजिक सञ्जाल फेसबुकमार्फत अदालत र नेपाल सरकार नै भारतको गुलाम भएको आरोप लगाउँदै भारतीय फिल्मको प्रदर्शन हुन नदिने र जुनसुकै सजाय भोग्न तयार हुने बताएका छन् । ‘जहाँ सवाल देशको सार्वभौमिकता र स्वाधीनताको आउँछ म कुनै कानुन र अदालतलाई मान्नेवाला छैन । फिल्म लेखकले नेपाल भारतको अधिनमा थियो भनिसकेपछि उनीहरुको नियत थाहा हुन्छ । यो कुरालाई नेपाल सरकारले…
धनगढी: सुदूरपश्चिम प्रदेश सरकारको चालु आर्थिक वर्षको बजेटमा फट्याइँ गरेको खुलेको छ। चालू आर्थिक वर्ष २०७९/०८० को बजेटमा त्यस्तो फट्याइँ भेटिएको हो। सुदूरपश्चिम सरकारले अहिले नयाँ बजेट पनि ल्याएको छ। अहिलेको बजेट पनि उत्तिकै आलोचित बनिरहेको छ। नयाँ सरकार आएपछि ल्याएको पहिलो बजेटमा प्रदेश सभा सदस्य लगायतले विरोध गरिरहेका छन्। सुदूरपश्चिममा पहिल्यैदेखि व्यक्तिगत पहुँचको आधारमा योजना छनोट तथा बजेट हालिने ट्रेन्डले सरकारको बजेट आलोचित बन्ने गरेको छ। गत आर्थिक वर्षको बजेटमा यस्तै नमूना देखिएको छ। गत वर्ष ल्याइएको बजेटमा हाल भूमि व्यवस्था कृषि तथा सहकारी मन्त्रालयमा कार्यरत कृष्णराज जोशी (पूर्व मुख्यमन्त्री त्रिलोचन भट्टको सचिवालयमा कार्यरत) को खेतमै बजेट हालिएको थियो।…
काठमाडौंः काठमाडौं महानगरको हिन्दी फिल्म चल्न नदिने निर्णयविरूद्ध चलचित्र संघले हालेको रिटमा उच्च अदालत पाटनले अन्तरिम आदेश दिएको छ। बिहीबार उच्च अदालत पाटनका न्यायाधीश धीरबहादुर चन्दको इजलासले अन्तरिम आदेश जारी गरेको हो। अहिलेलाई हिन्दी सिनेमाहरू चलाउन पाइने भएको अधिवक्ता जयलाल भण्डारीले जानकारी दिए। विपक्षीसँग छलफल गर्न असार १२ गते दुबै पक्षलाई बोलाएको छ। हलवालाहरूको छाता संगठन चलचित्र संघले बुधबार उच्च अदालत पाटनमा रिट दायर गरेका थिए। मेयर बालेन शाह, नगर प्रहरी, गृह मन्त्रालय र सञ्चार, सूचना तथा प्रविधि मन्त्रालयलाई विपक्षी बनाएर निषेधाज्ञाको मुद्दा दायर गरिएको थियो। काठमाडौं महानगरका मेयर बालेन शाहले आदिपुरूषमा समावेश ‘जानकी भारतकी छोरी हुन्’ भन्ने भ्रमपूर्ण संवाद…
काठमाडौँ: त्रिभुवन विश्वविद्यालयले तीन प्राध्यापकलाई स्पष्टीकरण सोधेको छ । त्रिविअन्तर्गत रजिष्ट्रार कार्यालय, कर्मचारी प्रशासन महाशाखाले लामो समयदेखि गैरहाजिर एक सहप्राध्यापक र दुई उपप्राध्यापकलाई स्पष्टीकरण सोधेको हो । महाशाखाका अनुसार २०७९ जेठ २५ गतेदेखि ३६ दिन आधा तलबी बिरामी बिदा बसेका पुल्चोक क्याम्पसका सहप्राध्यापक डा.निर्मल पौडेल हालसम्म पनि हाजिर भएका छैनन् । चिकित्सकको प्रमाण पेश नगरेको र कार्यालयमा पनि अनुपस्थित रहेको भन्दै उनलाई १५ दिनभित्र चित्त बुझ्दो स्पष्टीकरणसहित उपस्थित हुन निर्देशन दिइएको छ । ‘त्रिवि शिक्षक कर्मचारी सेवासम्बन्धी नियम, २०५० को नियम ६५ बमोजिम समयपालना र नियमितताविपरीत काममा अनुपस्थित भएको र सोही नियमको ८४(१)(छ) को अभियोगमा कारबाही गर्न नियम ८२(ख)(१) अनुसार…
धनगढीः कैलालीको बर्दगोरिया गाउँपालिका ३ मा डिप ट्युवेल उद्घाटन गरिएको छ । उक्त वडाको राधाकृष्ण डिप ट्युवेल सिँचाइ बोरिङको उद्घाटन गरिएको हो । गाउँपालिकाका अध्यक्ष कर्ण कुँवरले सिँचाइ बोरिङको उद्घाटन गरेका हुन् । सो ट्युवेलबाट ६० बिघा क्षेत्रफलमा सिँचाइ सुविधा पुग्ने र दुई सय परिवार लाभान्वित हुने बताइएको छ ।
धनगढीः कैलालीमा अवैध काठसहित प्रहरीले दुई जना युवकलाई समातेको छ । प्रहरीका अनुसार जिल्लाको गोदावरी नगरपालिका–१२ कोलमुडाबाट गोदावरी–११ का २८ वर्षीय अम्मर साउँद र ३९ वर्षीय नन्दराम बडैला पक्राउ परेका हुन् । अस्थायी प्रहरी पोष्ट ओलानीले साउँदले चलाएको लु४त ४७६६ नम्बरको ट्याक्टरमा सालको ७ फिट लम्बाइका ४८ ओटा फ्रेम र सोही लम्बाइका १८ ओटा कडी फेला पारी नियन्त्रणमा लिएको छ । ट्याक्टरसहित दुबै जनालाई नियन्त्रणमा लिई थप अनुसन्धान भइरहेको प्रहरीले जनाएको छ ।
काठमाडौँ: आईसीसी एकदिवसीय विश्वकप छनोट प्रतियोगिता अन्तर्गत नेपालले आज वेष्ट इन्डिजसँग खेल्दैछ । खेल दिउँसो पौने १ बजे जिम्बावेको हरारेमा सुरु हुनेछ । यो खेलमा नेपालले टस जितेर बलिङ रोजेको छ । वेष्ट इन्डिजले पहिला ब्याटिङ गर्नेछ । नेपालले पहिलो पटक विश्वकप विजेता टोलीसँग खेल्न लागेको हो । वेस्ट इन्डिज दुईपटकको एकदिवसीय तथा टी–ट्वान्टी विश्वकप च्याम्पियन हो ।