काठमाडौं: नक्कली भुटानी शरणार्थी प्रकरणमा फरार रहेका नेकपा एमालेका सचिव एवं सांसद टोपबहादुर रायमाझी भारत भागेको प्रहरीको आशंका छ। उनलाई खोजि गर्न प्रहरीको केन्द्रिय अनुसन्धान ब्युरो सीआईबी परिचालन गरिएको छ। पक्राउ पुर्जी जारी भएपछि आफैं उपस्थित हुन्छु भन्दै प्रहरी सम्पर्कमा आएका रायमाझी त्यसै राति बुटवलबाट भारततर्फ भागेको निस्कर्षमा प्रहरी पुगेको हो।उनलाई पक्राउ गर्न देशभरका युनिटमा परिपत्र गरिएको छ। जिल्ला अदालत काठमाडौंबाट गत बुधबार उनलाई पक्राउ गर्नै प्रहरीले अनुमति लिएको थियो। त्यतिबेला उनी अर्घाखाँचीमा थिए। त्यसै बेलुका काठमाडौं आउने टिकट भएपनि टिकट रद्द गरेर उनी फरार भएका हुन्। प्रहरीले यो घटनामा उनका छोरा सन्दीपलाई त्यसैदिन बुटवलबाट पक्राउ गरेको थियो। अहिलेसम्म ८…
Author: महेन्द्रनगर पोष्ट
काठमाडौं: मौसम पूर्वानुमान महाशाखाका अनुसार देशमा स्थानीय वायु तथा पश्चिमी वायुको सामान्य प्रभाव कायमै रहेको छ। आज देशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने जनाएको छ। सुदूरपश्चिम प्रदेश, गण्डकी प्रदेश, कर्णाली प्रदेश र कोशी प्रदेशका पहाडी भू–भागका एक–दुई स्थानहरूमा मेघ गर्जन/चट्याङ्ग सहित क्षणिक वा हल्का वर्षाको सम्भावना रहेको छ। देशका तराई भू–भागका केही स्थानहरूमा सामान्य हावा–हुरीको सम्भावना रहेको छ। यस्तै राति देशको पहाडी भू–भागमा आंशिक बदली रही बाँकी भू–भागमा मौसम सामान्यतया सफा रहने छ। कर्णाली प्रदेश, गण्डकी प्रदेश र कोशी प्रदेशका पहाडी भू–भागका एक–दुई स्थानमा मेघ गर्जन÷चट्याङ्ग सहित क्षणिक वा हल्का वर्षाको सम्भावना रहेको छ।
दार्चुला: जिल्लाको व्याँस गाउँपालिका–४ सुन्सेरामा सशस्त्र प्रहरी बलको बोर्डर आउट पोष्ट (बीओपी) स्थापना गरिएको छ। भारतसँग सीमा जोडिएको वडा नं. ४ मा सोमबार एक कार्यक्रमकाबीच बीओपीको उद्घाटन गरिएको हो। गाउँपालिका अध्यक्ष मंगलसिंह धामी, नं. ७ बैधनाथ बाहिनी अत्तरियाका सहायक बाहिनीपति एसएसपी किरण ढुंगाना र प्रमुख जिल्ला अधिकारी किरण जोशीले संयुक्त रुपमा बीओपीको उद्घाटन गरेका छन्। बीओपी स्थापनाले पालिकामा शान्तिसुरक्षा कायम हुने विश्वास लिइएको छ। भारतसँग जोडिएको सीमामा सुरक्षा व्यवस्था चुस्तदुरुस्त हुनुका पुलको सुरक्षा हुने गाउँपालिकाका प्रवक्ता उपेन्द्र धामीले बताए। सुन्सेरा बीओपीले महाकाली नदीमाथि रहेका ४ वटा झोलुंगे पुलको पनि सुरक्षा गर्ने छ। सुन्सेराबाट नजिकको पुलको दूरी करिब ४५ मिनेट रहेको…
डडेल्धुरा: डडेल्धुरामा जुवा खेलिरहेका ४ जना पक्राउ परेका छन्। आज सोमबार बिहानै ४ बजे जिल्लाको अमरगढी नगरपालिका- ७ स्थित जोशीगाउँ बस्ने दिपक राज जोशीको कुखुरा फर्मको लागि बनाइएको घरभित्रबाट उनीहरू पक्राउ परेका हुन्। जिल्ला प्रहरी कार्यालय डडेल्धुराका अनुसार पक्राउ पर्नेमा अमरगढी ७ का ३८ वर्षीय तेज कैनी, सोही ठाउँका ४० वर्षीय खेम बोहरा, वर्ष ३३ का दिपक राज जोशी र वर्ष ३४ को प्रेम बोहरा रहेका छन्। जुवातास खेलिरहेको भन्ने गोप्य सूचनाको आधारमा उनीहरुलाई ३९ हजार ३९५ रुपैयाँसहित समातिएको प्रहरीले बताएको छ। घटना सम्बन्धमा थप अनुसन्धान जारी रहेको बताइएको छ।
काठमाडौं: नेपाली राष्ट्रिय क्रिकेट टोलीका क्रिकेटर सन्दीप लामिछानेको लाइपोमाको शल्यक्रिया गरिएको छ। लामिछानेको शरीरमा रहेका ६ वटा लाइपोमाहरुको सोमबार शल्यक्रिया गरी निकालिएको क्यानका चिकित्सक डा अभिषेकराज सिंहले जानकारी दिए। लामिछाने भोलि नै डिस्चार्ज हुने र २ हप्तापछि नियमित खेलहरुमा फर्किने डा सिंहले बताए। सन्दीपलाई करिब दुई वर्षदेखि शारीरिक समस्या देखिएको थियो। उनले पेनकिलर खाएर दुखाईको सामना गर्ने गरेका थिए।
काठमाडौं: रुकुम पूर्वमा गाई काटेको अभियोगमा तीनजना पक्राउ परेका छन् । पक्राउ पर्नेमा भूमे गाउँपालिका-२ का ४४ वर्षका रानवीर कामी, भूमे-३ का ५९ वर्षका सम्पती रोका र उनकी पत्नी ५७ वर्षीय विनसरी रोका रहेका छन्। भूमे गाउँपालिका-६ स्थित खाराबाङ (लुकुम खोला पारिपट्टी) गोठको छेउमा गाई मारेर मासु काट्दै गर्दा उनीहरुलाई पक्राउ गरिएको जिल्ला प्रहरी कार्यालय रुकुम(पूर्व)का प्रहरी निरीक्षक गनेश पाण्डेले जानकारी दिए। सोधपुछका क्रममा उनीहरुले मासुका लागि लडेर मरेको गाई काटेर बताएका छन्। गाई नेपालको राष्ट्रिय जनावर हो। राष्ट्रिय जनावर मार्नेलाई तीन वर्षको कैद सजाय हुने कानुनी व्यवस्था छ।
कञ्चनपुर: कञ्चनपुरमा एकजना मृतावस्थामा फेला परेका छन्। नेपाल प्रहरीको केन्द्रीय समाचार कक्षका अनुसार कञ्चनपुरको पुनर्वास नगरपालिका-९ का ३६ वर्षीय भक्त बहादुर थापा मृत फेला परेका हुन्। उनी घर नजिकैको खेतमा सोमबार मृत अवस्थामा फेला परेको प्रहरीले जनाएको छ। उक्त विषयमा थप अनुसन्धान भइरहेको जनाइएको छ।
धनगढी: भन्सार छलेर भारतबाट भित्र्याइएका बिभिन्न सरसमानसहित प्रहरीले पाँच जनालाई पक्राउ गरेको छ। सोमबार दिउसो १२ बजेतिर जिल्ला प्रहरी कार्यालय कंचनपुरबाट खटिएको गस्ती टोलीले भीमदत्त नगरपालिका–५ स्थित सुकासालबाट भन्सार छली गरी लुकाइछिपाई ल्याइएको दाल, मिश्री र चिनीलगायत सामान बरामद गरेको हो। जिल्ला प्रहरी कार्यालयका डिएसपी प्रकाश डाँगीका अनुसार २ लाख ७९ हजार हजार ३ सय ५० रुपैयाँ बराबरका सामान र मोटरसाइकल तथा स्कुटरसहित ५ जना ब्यक्ति पक्राउ परेका हुन। बरामद सामानहरु आवश्यक कारवाहीका लागि भन्सार कार्यालय गड्डाचौकी पठाइएको छ।
धनगढीः कैलालीमा एक कुखुरा फर्ममा आगलागी भएको छ। जिल्लाको जोशीपुर गाउँपालिका–५ बनकट्टामा रामप्रसाद चौधरीको कुखुरा फर्ममा आगलागी भएको छ। गहुँको भुसामा लगाएको आगोबाट आगो सल्किएर आइतबार दिउँसो फर्ममा आगलागी भएको हो। आगलागीबाट करिब ४ लाख रूपैयाँ बराबरको धनमाल जलेर नष्ट भएको कैलाली प्रहरीले जनाएको छ।
धनगढीः हिमपहिरोमा बेपत्ता भएकामध्ये बझाङ र दार्चुलामा २ जनाको शव फेला परेको छ। बझाङको सुर्मा गाउँपालिका– १ देवडी घर भएकी ३३ वर्षीया झल्नादेवी बोहराको र दार्चुलामा बेपत्ता भएकी डोटी जोरायल गाउँपालिका–२ बुडरकी २८ वर्षीया ईश्वरी थापाको शव फेला परेको हो। यार्सागुम्बा संकलनको लागि पार्थिहिमाल गएको अवस्थामा वैशाख १९ गते हिमपहिरोमा परेर बेपत्ता भएकी बोहराको शव आज फेला परेको जिल्ला प्रहरी कार्यालय बझाङका डिएसपी जागेश्वर भण्डारीले बताए। दार्चुलामा फेला परेको शव मंगलबारदेखि बेपत्ता महिलाको हो। त्यसदिन हिम पहिलोमा बेपत्ता भएका पाँचजना मध्ये चार जनाको शव फेला परि सकेको छ भने १५ वर्षीया क्षिमी सोमो थापाको अवस्था अझै पनि अज्ञात छ। उनको…