Author: महेन्द्रनगर पोष्ट

काठमाडौँः अख्तियार दुरुपयोग अनुसन्धान आयोगले सेक्युरिटी प्रिन्टिङ प्रेस खरिदमा अनिमितता गरेको आरोपमा सुरक्षण मुद्रण केन्द्रका कार्यकारी निर्देशक विकल पौडेल लगायत नौ जनाविरुद्ध विशेष अदालतमा भ्रष्टाचार मुद्दा दायर गरेको छ। उनीविरुद्ध करिब पौने ३ अर्ब बराबरको विगो कायम गरी मुद्दा तयार गरेको छ। नौ जनाको छु्ट्टाछुटै विगो कामय गरिएको छ। मुद्दा दायर गरिएका अन्यमा सिडिइी नविनकुमार पोखरेल, सहायक निर्देशक रमेश प्रसाद पोखरेल, शाखा अधिकृत मनिकमान महर्जन, पूर्व लेखा अधिकृक रामबहादुर बुढा,शाखा अधिकृत शिरिष उपाध्याय, इन्जिनियरिङ्ग मार्केटिंग कन्सर्न प्रालिका प्रबन्ध निर्देशक रोहित मान प्रधान,मेपटेक विल्डिंग सर्भिसेस प्रा।लिका निर्देशक भुवन महर्जन र परामर्शदाता वास्तुशिल्प एसोसिएट्सका प्रबन्ध निर्देशक मित्र लाल गुरौ छन्। सुरक्षण मुद्रण…

Read More

धनगढीः बैतडीको दोगडाकेदार गाउँपालिका–८ कालागाउँका ३८ वर्षीय वाशुदेव जोशीको हत्यामा संलग्नको पहिचान भइसकेको प्रहरीले जनाएको छ। गाउँकै एक जना युवाले बाटो ढुकेर शनिबार राति करिब ८ बजेतिर धारिलो हतियारले घाँटी रेटेर जोशीको हत्या गरेको प्रहरीले जनाएको हो। घर नजिकै घाँटी रेटेर हत्या गरिएको अवस्थामा जोशीको शव फेला परेको थियो। जिल्ला प्रहरी कार्यालय बैतडीका प्रमुख डिएसपी प्रेमबहादुर शाहीले घटनामा संलग्न ब्यक्तिको परिचय खुलिसकेको र खोजिकार्य भइरहेको बताए। ‘घटनास्थलमा एक युवालाई देखेको प्रत्यक्षदर्शीले बताएका छन्,’ शाहीले भने, ‘घटनापछि ती युवा फरार छन्, खोजी गरिरहेका छौँ।’ बिष्ट थरका ती युवाले बाटो ढुकेर जोशीको हत्या गरेको प्रहरीले दाबी गरेको छ। हत्या घटनामा अन्य केही…

Read More

धनगढीः कञ्चनपुरमा जबरजस्ती करणी आरोपमा एक जना पक्राउ परेका छन्। ८० वर्षीया बृद्ध महिलालाई जबरजस्ती करणी गरेको आरोपमा दोधारा–चाँदनी नगरपालिका–७ टाउके टोलका ४० वर्षीय मुकेश क्षेत्री पक्राउ परेका हुन्। उनी शनिबार पक्राउ परेको प्रहरीले बताएको छ। क्षेत्रीले ती महिलालाई जबरजस्ती करणी गरेको भन्ने उजुरीको आधारमा ईलाका प्रहरी कार्यालय दोधारा–चाँदनीबाट खटिएको प्रहरी टोलीले उनलाई पक्राउ गरेको हो। यस विषयमा थप अनुसन्धान भइरहेको छ।

Read More

धनगढीः जिल्ला ट्राफिक प्रहरी कार्यालय कैलालीलाई विभिन्न उपकरणहरु सहयोग गरिएको छ। आज धनगढी उपमहानगरपालिकाले प्रहरीलाई ट्राफिक उपकरणहरु सहयोग गरेको हो। समुदाय प्रहरी साझेदारी कार्यक्रम अन्तर्गत बढ्दो सवारी सवारी दुर्घटना न्युनिकरण तथा ट्राफिक व्यवस्थापनमा सहज भूमिका निर्वाह गर्न आवश्यक पर्ने ट्राफिक उपकरणहरुको उपलब्धताका लागि प्रहरीले उपमहानगरलाई धन्यवाद ब्यक्त गरेको छ। उपमहानगरले ट्राफिकलाई ब्रेथलाईजर २ थान, हुईल लक ५ थान, म्याजिक लाईट २ थान र ट्राफिक संकेत बोर्ड ६०थान प्रखान गरेको थियो।

Read More

धनगढीः प्रधानमन्त्री पुष्पकमल दाहाल प्रचण्डले आज मन्त्रिपरिषद् विस्तार गर्दैछन्। नेपाली कांग्रेसका सांसद एनपी साउदलाई आज परराष्ट्रमन्त्रीमा शपथ गराउने तयारी भएको छ। शपथग्रहण दिउँसो तीन बजे राखिएको प्रधानमन्त्री कार्यालयले जनाएको छ। कांग्रेसको भागमा परेको परराष्ट्र मन्त्रालयमा साउदलाई जिम्मा दिइएको हो। शनिबार कांग्रेस सभापति शेरबहादुर देउवाले प्रधानमन्त्री दाहाललाई सुदूरपश्चिमका एनपी साउदको नाम सिफारिस गरेका थिए। प्रधानमन्त्रीको भारत भ्रमणको तयारी गर्न परराष्ट्रमन्त्री तत्काल आवश्यक भएपछि आज सांसद साउदको शपथग्रहण गराउन लागिएको हो। कांग्रेसको भागका अन्य चार मन्त्रीको शपथग्रहण भने उपचुनावपछि हुने बताइएको छ। प्रधानमन्त्रीको भारत भ्रमण वैशाख दोस्रो साताभित्रै हुँदै छ।

Read More

धनगढीः भारतको उत्तर प्रदेशमा एक जना पूर्व साँसद तथा उनका भाइको गोली हानी हत्या गरिएको छ। उत्तर प्रदेशको प्रयागराजमा पूर्वसांसद अतिक अहमद र उनका भाइ असरफमाथि गोली प्रहार भएको हो। पत्रकारको भेषमा आएका आक्रमणकारीले दुबै जनालाई गोली प्रहार गरेको भारतीय प्रहरीले जनाएको छ। आक्रमणकारी पक्राउ परेका छन्।सञ्चारकर्मीहरुसँग कुरा गरिरहेको अवस्थामा उक्त स्थानमा पत्रकार बनेर आएका आक्रमणकारीले दाजुभाइमाथि गोली बर्साएका थिए। प्रहरीका अनुसार स्थानीय अस्पतालतर्फ जाँदै गरेको समयमा अतिक पत्रकारहरुसँग कुराकानी गर्दै थिए। त्यसपछि नजिकै रहेका आक्रमणकारीले पूर्वसांसद र उनका भाइलाई लक्षित गरेर अन्धाधुन्द गोली प्रहार गरे। उक्त घटनापछि उत्तर प्रदेशका मुख्यमन्त्री योगी आदित्यनाथले उच्चस्तरीय बैठक बोलाएर जाँचबुझका लागि आदेश दिएका…

Read More

धनगढीः प्रहरी रिपोर्ट लिने ‘अनलाइन प्रहरी चारित्रिक प्रमाण–पत्र प्रणाली’ मा समस्या आएको छ। प्राविधिक समस्याका कारण हिजोदेखि सो सेवा स्थगित भएको बताइएको छ। आज सूचना प्रकाशित गर्दै प्रहरीले प्राविधिक समस्याका कारण अनलाइन प्रहरी चारित्रिक प्रमाण–पत्र र अनलाइन ट्राफिक नियम उल्लंघन जरिवाना भुक्तानी प्रणालीको प्रयोगमा अवरोध सिर्जना भएको जानकारी दिएको हो। सूचनामा भनिएको छ, ‘प्राविधिक समस्याका कारण अनलाइन प्रहरी चारित्रिक प्रमाण–पत्र प्रणाली र अनलाइन ट्राफिक नियम उल्लंघन जरिवाना भुक्तानी प्रणालीको प्रयोगमा अवरोध आइरहेको हुँदा सो अवधिमा यहाँहरुलाई पर्न गएको असुविधाका लागि क्षमाप्रार्थी छौँ।’

Read More

धनगढीः धनगढीको दशरथ भीम उद्यान ‘लभपार्क’ प्रवेशमा रकम असुली भइरहेको पाइएको छ। पार्कमा धनगढी नगर सभाबाट पारित गरिएको दर विपरीत रकम असुली हुँदै आएको पाइएको हो। धनगढी उपमहानगरपालिकाको नगर सभाले भीम उद्यान प्रवेशका लागि स्वदेशी नागरिकबाट १० रुपैयाँ, विदेशी नागरिकबाट ४० रुपैयाँ, फोटो खिच्ने क्यामराबाट २० रुपैयाँ, भिडियो क्यामराबाट चार सय रुपैयाँ र फिल्मका लागि पाँच सय रुपैयाँ प्रदेश शुल्कको दर बनाएको छ। तर पार्क प्रवेशमा स्वदेशी नागरिकबाट २५ रुपैयाँका दरले रकम असुली हुँदै आएको महालेखापरिक्षकको प्रतिवेदनमा उल्लेख गरिएको छ। महालेखाको प्रतिवेदनमा भीम उद्यानमा होली हंगामा कार्यक्रमको आयोजना गर्दै एक सय ५० रुपैयाँसमेत लिने गरिएको उल्लेख गरिएको छ। नगर सभाबाट…

Read More

धनगढीः प्रधानमन्त्री पुष्पकमल दाहाल प्रचण्ड धनगढी गएर आजै राजधानी फर्कने कार्यक्रम छ। उनी बिहान पौने ९ बजे गएर साँझ साढे ५ बजे फर्कने कार्यतालिका रहेको छ। प्रधानमन्त्री बिहान बुद्ध एअरको उडान नम्बर एचबीएचए २५१ बाट धनगढी गएर बेलुकी श्री एअरलान्सको उडान नम्बर एसएचए २२६ बाट राजधानी फर्कनेछन्। सुदूरपश्चिम विश्वविद्यालयको दिक्षान्त समारोहमा सहभागि हुन प्रधानमन्त्री सुदूरपश्चिम आउन लागेका हुन्। प्रधानमन्त्री आज महेन्द्रनगर पुग्ने बताइएको छ।

Read More

धनगढीः अछामस्थित कर्णाली नदीमा आमाछोरी मृत अवस्थामा भेटिएका छन्। जिल्ला प्रहरी कार्यालय अछामका अनुसार ढकारी गाउँपालिका–४ की २२ वर्षीया कमला कुमारी बुढा र उनका ५ महिने शिशु कर्णाली नदीको किनारमा मृत अवस्थामा भेटिएका हुन्। कमला १६ चैत्रदेखि परिवारको सम्पर्कमा थिइनन्। स्थानीय ज्ञानमन्दिर मेडिकलमा उपचारका लागि जान्छुँ भनेर छोरासहित घरबाट हिँडेकी उनी त्यसपछि बेपत्ता थिइन्। हराएको ९ दिनपछि अछाम प्रहरीले आमाछोराको शव कर्णाली नदीको किनारमा फेला पारेको हो। प्रहरीको प्रारम्भिक अनुसन्धानबाट श्रीमान् धर्मबहादुर साउँद र मृतक कमलाबीच पारिवारिक खटपट रहेको खुलेको छ। मृत्युको एकिन कारण भने खुल्न सकेको छैन। श्रीमान् धर्मबहादुर प्रहरीको निगरानीमा रहेका छन्। ‘प्रारम्भिक रुपमा घटना प्रकृति हेर्दा पानीमा…

Read More