धनगढीः सुदूरपश्चिम यातायातका व्यवसायी संघका पूर्वअध्यक्ष तथा संस्थापक सदस्य हरिप्रसाद पाण्डेयको निधन भएको छ। आन्द्रामा समस्या देखिएपछि नर्भिक अस्पताल काठमाण्डौँमा उपचारका क्रममा ७१ वर्षीय पाण्डेयको आज बिहान निधन भएको हो। पाण्डेको निधनले यातायात क्षेत्रमा अपुरणीय क्षती भएको नेपाल यातायात व्यवसायी राष्ट्रिय महासंघका अध्यक्ष विजय स्वारले बताए। उनले सरल स्वभावका पाण्डेयले यातायातको क्षेत्रमा पु¥याउनु भएको योगदान कहिले बिर्सन नसकिने बताए।
Author: महेन्द्रनगर पोष्ट
धनगढीः धनगढीको न्यू लक्ष्मी समिल तथा फर्निचर उद्योगमा आगलागी भएको छ। बुधवार धनगढी उपमहानगरपालिका ६ स्थित ढुङ्गे बजार बस्ने धर्मराज जोशीको फर्निचर उद्योगमा आगलागी भएको हो। जिल्ला प्रहरी कार्यालय कैलालीका डिएसपी कुलदिप चन्दका अनुसार सो उद्योगको छानोमा वल्डीङ्ग गर्ने क्रममा बिजुलीको झिल्का खरले छाएको छानोमा खसी आगलागी भएको थियो। आगलागीबाट उद्योगमा रहेका मेसिन, औजार, काठ, प्लाई, पलङ्ग, मोटर र लुगा कपडा गरी करीब ३६ लाख बरावरको क्षती भएको, बताइएको छ। आगलागीको खबरपछि धनगढी उपमहानगरपालिकाको दमकल, स्थानीय र नेपाल प्रहरीले आगो पुर्णरुपमा नियन्त्रणमा लिएको थियो।
धनगढीः सेती प्रादेशिक अस्पतालमा टेलिमेडिसिन सेवा सञ्चालनमा आएको छ। मङ्गलवारदेखि प्रदेशका जिल्ला अस्पताल र अन्य अस्पतालमा टेलिमेडिसिन सेवा दिन थालिएको हो। सेती प्रादेशिक अस्पतालबाट भिडियो कन्फ्रेन्समार्फत चिकित्सक तथा विरामीलाई विशेषज्ञमार्फत स्वास्थ्य परामर्श, उपचार र निदानात्मक सेवा प्रदान गरिने छ। जसबाट सेतीको विशेषज्ञ सेवा भर्चुअल माध्यमबाट अन्य अस्पतालले प्राप्त गर्ने छन्। भिडियो कन्फ्रेन्समार्फत सेतीका विशेषज्ञ चिकित्सकहरूले टेलिमेडिसिन सेवामार्फत उपचार परामर्श, रिपोर्ट परीक्षण, लक्षण र विरामीको अवस्थाको पहिचान गरेर जिल्लाका अस्पतालमा रहेका चिकित्सकलाई प्रभावकारी उपचार गर्न सहयोग गर्ने टेलिमेडिसिन सेवाका फोकल पर्सन वरिष्ट कन्सल्टेन्ट फिजिसियन डाक्टर शेरबहादुर कमरले बताए। ‘टेलिमेडिसिन सेवाबाट भर्चुअल माध्यमबाट अन्य अस्पतालमा विशेषज्ञ सेवा दिन सकिने छ’ उनले भने,…
धनगढीः सुदूरपश्चिम सरकारले चालु आर्थिक वर्ष २०७९÷८० का लागि ३६ अर्ब ७४ करोड ६४ लाख ६५ हजार रुपैयाँको बजेट कार्यान्वयन गर्नुपर्ने छ। चालूतर्फ १२ अर्ब २९ करोड ५९ लाख ८४ हजार अर्थात ३३ दशमलव ४६ प्रतिशत र पूँजीगततर्फ २४ अर्ब १४ करोड ४७ लाख ६१ हजार अर्थात ६५ दशमलव ७४ प्रतिशत बजेट कार्यान्वयन गर्नुपर्ने दायित्व छ। तर चालु आर्थिक वर्ष सुरु भएको ६ महिनामा ५० प्रतिशत कार्यान्वयन भइसक्नुपर्ने पुँजीगत बजेट कार्यान्वयन ११ प्रतिशत पनि देखिएको छैन्। सो अवधिसम्म पुँजीगत बजेट १० दशमलव ९३ तथा चालु बजेट २१ दशमलव २१ प्रतिशत मात्र कार्यान्वयन भएको पाइएको हो। प्रदेश कोष नियन्त्रक बासुदेव जोशीले…
धनगढीः गृह मन्त्रालयको आन्तरिक कार्यसम्पादन मूल्यांकनमा बझाङसहित तीनवटा जिल्ला प्रशासन कार्यालय अनुत्तीर्ण भएका छन। अर्धन्यायिक अधिकारको समेत प्रयोग गरिरहेका जिल्ला प्रशासन कार्यालयहरूमध्ये बझाङ, जाजरकोट र चितवन ६ महिने कार्यसम्पादनमा कमजोर देखिएका हुन। पश्चिम रुकुम भने कार्यसम्पादनमा सर्वोत्कृष्ट ठहरिएको छ। ११.५० अंकसहित कार्यसम्पादनमा सबैभन्दा कमजोर देखिएको जाजरकोटमा गत असोज १२ यता उपसचिव अञ्जन न्यौपाने प्रमुख जिल्ला अधिकारी छन। त्यसअघि उपसचिव रामबहादुर शाही प्रजिअ थिए। दुवै प्रजिअको पालामा जिल्ला प्रशासनको कार्यसम्पादन कमजोर रहेको हो। १२.१९ अंक पाएको चितवनमा विगत १५ महिना आसमान तामाङ प्रजिअ थिए। माघ १६ देखि सुरेन्द्र पौडेलले जिल्ला प्रशासनको नेतृत्व गरिरहेका छन। १४।१० अंक पाएको बझाङमा गत माघसम्म बाबुराम…
धनगढीः कैलालीको त्रिनगर ट्राफिक पोस्टका ईन्चार्ज तथा प्रहरी नायव निरीक्षक (सई) नरिभान साउँदमाथि छानविन गर्न माग गर्दै निवेदन परेको छ। हुलाकमार्फत ‘जनआवाज धनगढी’को नामबाट नेपाल पत्रकार महासंघ कैलाली शाखामा निवेदन परेको हो। ‘जनताको गुनासो र सही छानविन’ लेखिएको निवेदनमा सई साउँदमाथि विभिन्न आरोप लगाउँदै छानविन गरि कारबाही गर्नुपर्ने माग गरिएको छ। सई साउँदले धनगढीस्थित दीपेन्द्र प्रहरी स्कुलको एकाउन्टेन्ट हुँदा भवन निर्माणका क्रममा विभिन्न नक्कली बिलहरु पेश गरि भ्रष्टाचार गरेको, त्रिनगर ट्राफिक पोष्टमा बसेर प्रत्येक टेक्टर, अटोलगायतका गाडीहरुमाथि अत्याधिक ज्यादती गरेको आरोप छ। यस्तै चितवनमा एकाण्टेन्ट हुँदा पनि उनी भ्रष्टाचार गरि कारबाहीमा परेको र फेरी ट्राफिकको तालिम नगरि ट्राफिक इन्चार्ज पाएको…
काठमाडौंः नेपाली कांग्रेसका सांसद टेकबहादुर गुरुङ भृकुटीमण्डपस्थित फनपार्कको जग्गा सस्तोमा भाडामा दिएर भ्रष्टाचार गरेको मुद्दामा दोषी ठहर भएका छन्। विशेष अदालतका अध्यक्ष श्रीकान्त पौडेल तथा सदस्यद्वय शालिग्राम कोइराला र बलभद्र बास्तोलाको इजलासले गुरुङलाई मतियारको रुपमा दोषी ठहर गरेको हो। प्रवक्ता दीपेन्द्रनाथ योगीका अनुसार यो मुद्दामा गुरुङसहित ९ जना दोषी ठहर भएका छन्। सजाय भने २५ फागुनमा सुनाइने भएको छ। अख्तियार दुरुपयोग अनुसन्धान आयोगले २१ माघ २०७५ मा गुरुङसहित १४ जनाविरुद्ध भ्रष्टाचार मुद्दा दायर गरेको थियो। बद्रीप्रसाद न्यौपाने महिला बालबालिका तथा समाज कल्याणमन्त्री भएका बेला भृकुटीमण्डपको ६० रोपनी जग्गा प्रतिमहिना ५ लाख ५५ हजार भाडामा १० वर्षका लागि काठमाडौं फनपार्कलाई दिने…
धनगढी: जिल्ला प्रहरी कार्यालय कैलालीको नयाँ सूचना अधिकारी तथा प्रहरी नायब उपरीक्षक(डीएसपी) को रुपमा कुलदिप चन्द आएका छन्। केही दिन अघिमात्रै चन्दले धनगढीस्थित कार्यालयमा उपस्थित भएर जिम्मेवारी सम्हालेका छन्। यसअघिका डिएसपी वेदप्रकाश जोशीको सरुवा भएपछि चन्द यहाँ आएका हुन्। प्रहरी प्रधान कार्यालयले जोशीलाई वडा प्रहरी कार्यालय(क) बैदाम कास्की पठाउदै उनको ठाउँमा डीएसपी चन्दको सरुवा गरेको थियो। चन्द यसअघि जिल्ला प्रहरी कार्यालय रसुवामा कार्यरत थिए। उनले अब कैलालीमा विषेशगरी लागुऔषध नियन्त्रण, अपराध तथा तस्करी नियन्त्रण लगायतलाई टार्गेट बनाएर प्रहरीले काम गर्ने जनाएका छन्।
धनगढीः सेती प्रादेशिक अस्पतालमा विस्तारित अस्पताल सेवा सुरू भएको छ। मङ्गलवारदेखि प्रादेशिक अस्पतालमा विस्तारित अस्पताल सेवा सुरू भएको हो। विस्तारित सेवा सुरू भएसँगै सेतीबाट साँझ तीन बजेपछि पनि ओपिडी सेवा लिन सकिने छ। ओपिडि र अन्य उपचारमा न्यूनतम शुल्क तिरेर बिरामीले सहजै उपचार सेवा पाउने छन्। विस्तारित अस्पताल सेवामा ओपिडीसँगै प्रयोगशाला र शल्यक्रिया सेवा पनि प्रदान गरिने छन्। विस्तारित अस्पाल सेवा शनिवार र सार्जनिक विदाका दिन बाहेक आइतवारदेखि शुक्रवारसम्म दिउँसो ३ बजेदेखि सञ्चालन हुने सेती प्रादेशिक अस्पतालका प्रमुख मेडिकल सुपरिटेन्डेन्ट डाक्टर हेमराज पाण्डेले बताए। ‘सेतीमा विस्तारित अस्पताल सेवा सुरू भएसँगै साँझ तीन बजेपछि पनि ओपिडी सेवा सञ्चालन हुनेछ,’ उनले भने, ‘विस्तारित…
धनगढी : २५ गते हुने राष्ट्रपतिका निर्वाचनका सत्ता गठबन्धनका उम्मेदवार कांग्रेसका रामचन्द्र पौडेललाई जिताउन १९ गते धनगढीमा प्रशिक्षण कार्यक्रम हुने भएको छ । केन्द्रमा भएको ८ दलीय गठबन्धनको सहमति अनुसार कैलालीका १९ गते प्रशिक्षण कार्यक्रम हुन लागेको हो । कैलालीमा हुने प्रशिक्षण कार्यक्रमको संयोजन मुख्यमन्त्री कमल शाहले गर्ने भएका छन् । आज मुख्यमन्त्री कार्यालयका उपस्थित सत्ता गठबन्धनका सांसदहरूले राष्ट्रपतिमा पौडेललाई जिताउने बारे प्रशिक्षणको संयोजन गर्ने जिम्मेवारी शाहलाई दिएका थिए । बैठकमा कांग्रेस,माओवादी , नेकपा एकीकृत समाजवादी र नागरिक उन्मुक्तिका सांसदहरू सहभागी थिए । राष्ट्रपतिमा ८ दलीय गठबन्धनबाट कांग्रेसका पौडेल र एमालेका सुभाषचन्द्र नेम्वाङ उम्मेदवार छन् ।