कैलाली – कैलालीको गोदावरी नगरपालिकामा कांग्रेसले अग्रता लिएको छ । गोदावरीका २ वडामा १०१८ मतगणना हुँदा कांग्रेसले अग्रता कायमै राखेको हो । वडा नं १ र १२ मा गरिएको मतगणनामा वडा नं १ मा ४ सय १८ मतगणना हुँदा नेपाली कांग्रेसका बिरेन्द्र भट्टले ४ सय ८ मत ल्याएका छन् । उनलाई पच्छ्याइरहेका नेकपा एमालेका गोकर्ण भट्टले ३६३ मत ल्याएका छन् । वडा नं १२ मा ६ सय मत गणना हुँदा कांग्रेसका भट्टले २०४ र एमालेका भट्टले २३७ मत ल्याएका छन् । वडा नम्बर १२ मा भने कांग्रेस एमालेले समान मत पाएका छन्। नेपाली कांग्रेसका उम्मेदवार भिम खड्का ले २०८ मत…
Author: महेन्द्रनगर पोष्ट
डडेल्धुरा- प्रधानमन्त्री एवं नेपाली कांग्रेसका सभापति शेरबहादुर देउवाको वडामा कांग्रेस पराजित भएको छ । जिल्लाको गन्यापधुरा गाउँपालिका–१ को वडाध्यक्षमा कांग्रेस (वीपी) का नरेश भण्डारी विजयी भएका छन् । उनले ६ सय ७३ मत ल्याउँदा कांग्रेसका चन्द्रबहादुर देउवाले ५ सय ४४ मत पाए । पराजित भएका देउवा शिक्षकबाट राजीनामा दिँदै वडाध्यक्षमा लडेका थिए । कांग्रेसबाट निष्कासित निवर्तमान पार्टी कर्णबहादुर मल्ल समूहले कांग्रेस (विपी) को करुवा चुनाव चिह्न लिएर एमालेसंग तालमेल गर्दै जिल्लामा कांग्रेससँगै प्रतिस्पर्धा गरिरहेको छ ।
काठमाडौं – वैशाख ३० गते भएको स्थानीय तह निर्वाचनमा स्थगित भएका मतदान केन्द्रको संख्या ७९ पुगेको छ । निर्वाचन आयोगले गएराति १० बजेसम्म विभिन्न १६ जिल्लाका २८ पालिकाका ४३ मतदानस्थलका ७४ वटा केन्द्रमा स्थगित भएको विवरण सार्वजनिक गरेको हो । हालसम्म विभिन्न स्थानमा गरी ७९ मतदान केन्द्रमा स्थगन भएको आयोगले जनाएको हो । आयोगका अनुसार विवाद र भड्पका कारण स्थगित भएकामा कतिपय मतदान केन्द्रमा जति मत खसिसकेको छ, त्यसैलाई आधार मानेर गणना गर्ने कि भन्ने विषयमा छलफल भइरहेकाले स्थगनको कूल सङ्ख्यामा केही थपघट हुन पनि सक्नेछ ।
कैलाली- कैलालीको कैलारी गाउँपालिकामा राप्रपाको सुरुवाती अग्रता कायमै रहेको छ ।गाउँपालिकाको वडा नम्बर १ को ८ सय मत गणना गर्दा अध्यक्षमा राप्रका उम्मेदवार होमबहादुर गुरुङले २७०, नेपाली काँग्रेसका राजसमझ चौधरीले २४१, नेकपा (माओवादी केन्द्र) का लाजुराम चौधरीले १६४ मत प्राप्त गरेका छन् । यसैगरी, नेकपा एमालेका झुमा चौधरीले ४० मत प्राप्त गरेका छन् । उपाध्यक्ष तर्फ राप्रपाका २३३, नेपाली काँग्रेसका २५१, माओवादी केन्द्रका १८३ र एमालेका उम्मेदवार ३८ मत प्राप्त गरेका छन् ।
चितवन – चितवनको भरतपुर महानगरपालिकामा १०० मत गणना भएको छ । जसमा नेकपा एमालेका उम्मेदवार विजय सुवेदीले ४१ मत पाएका छन् भने गठबन्धनकी उम्मेदवार रेणु दाहालले ३७ मत पाएकी छन् । भरतपुरमा विजय र रेणुबीच कडा प्रतिस्पर्धा देखिएको छ । त्यस्तै बागी उम्मेदवार जगन्नाथ पौडेलले ८ मत प्राप्त गरेका छन् ।
डडेल्धुरा- प्रधानमन्त्री एवम् नेपाली कांग्रेसका सभापति शेरबहादुर देउवाको गृहजिल्ला डडेल्धुरामा नेकपा एमालेले खाता खोलेको छ । जिल्लाको आलिताल गाउँपालिका– १ को अध्यक्षमा नेकपा एमालेका उम्मेदवार यज्ञबहादुर देउवा (योगेन्द्र) विजयी भएका छन् । देउवाले ४ सय ५७ मत प्राप्त गरेर विजयी भए भने उनका निकटतम् प्रतिद्वन्दी बोहराले ३७७ मत ल्याए । नेकपा माओवादी केन्द्रबाट अध्यक्षका उम्मेदवार सुरत बोहराले ६५ मत प्राप्त गरे । महिला सदस्यमा हिमा ओली ४ सय २४ र दलित महिला सदस्यमा नारदादेबी कामी ३ सय ९२ मत प्राप्त गर्दै विजय भएका छन् । खुला सदस्यमा नेपाली कांग्रेसबाट रामबहादुर बोगटी ३ सय ९६ र कृष्ण खड्का ३८० मत ल्याउँदै…
काठमाडौं – काठमाडौँ महानगरपालिकामा बालेन शाहले अग्रता कायमै राखेका छन् । अहिलेसम्म १५ सय मतगणना सकिएको प्रारम्भिक रिपोर्ट प्राप्त भएको छ । जसमा स्वतन्त्र उम्मेदवार बालेन शाहले ५६८ मत प्राप्त गरेका छन् भने एमाले उम्मेदवार केशव स्थापितले ४१५ मत प्राप्त गरेका छन् । काँग्रेस उम्मेदवार सिर्जना सिंहले भने ३०७ मत प्राप्त गरेकी छन् ।
कैलाली- धनगढी उपमहानगरपालिकामा स्वतन्त्र उम्मेदवार गोपाल हमालले सुरुवाती अग्रता लिएका छन् । एक सय मतगणना हुँदा हमालले ५५ मत पाएका छन् । यस्तै सत्तारुढ गठबन्धनबाट काँग्रेसका उम्मेदवार नृपबहादुर वडले २२, नेकपा एमालेका रणबहादुर चन्दले २ मत पाएका छन् । २१ मत बदर भएको छ। धनगढीमा अहिले वडा नम्बर १ को मतगणना भइरहेको मुख्य निर्वाचन अधिकृतको कार्यालयले जनाएको छ । मतगणना स्थलमा तारजाली लगाएर कडा सुरक्षा व्यवस्था गरिएको छ ।
म्याग्दी – मुस्ताङको वारागुङ मुक्तिक्षेत्र गाउँपालिकाको अध्यक्ष र उपाध्यक्षमा नेकपा एमालेका उम्मेदवार विजयी भएका छन् । कागबेनीस्थित निर्वाचन अधिकृतको कार्यालयमा शनिबार दिउँसो सम्पन्न मतगणनाको अन्तिम नतिजाअनुसार गाउँपालिकाको अध्यक्षमा नेकपा एमालेका रिनजिङ नामगेल गुरुङले ८६७ मत ल्याएर विजयी भएका हुन् । निर्वाचन अधिकृतको कार्यालयका अनुसार उपाध्यक्षमा एमालेकी ढिकी गुरुङले ७४९ मत प्राप्त गरेर विजयी भएकी छन्। अध्यक्षका प्रत्यासी नेपाली कांग्रेसका आङजेन गुरुङले ५७७ र उपाध्यक्षमा कांग्रेसकै धेव आङवो गुरुङले ६७७ मत प्राप्त गरेको निर्वाचन अधिकृतको कार्यालयले जनाएको छ । दुई हजार २२४ मतदाता रहेको वारागुङ मुक्तिक्षेत्र गाउँपालिकामा शुक्रबार भएको मतदानमा ६७।०२ प्रतिशत अथवा एक हजार ५०८ मत खसेको थियो । वडा…
कञ्चनपुर – कञ्चनपुरमा माओबादीले वडाध्यक्षमा जित निकाल्दै खाता खोलेको छ । जिल्लाको बेलौरी नगरपालिका–१ को वडाध्यक्षमा माओवादी केन्द्रका धनबहादुर विष्ट विजयी भएका छन् । विष्टले ६ सय ५९ मत ल्याउँदै वडा अध्यक्षमा विजयी भए । उनका निकटतम प्रतिद्वन्द्वी एमालेका नमराज शाहीले ५ सय ५२ मत ल्याए । कांग्रेसका खुसीराम चौधरीले ३ सय ५२ मत ल्याएर तेस्रो भए । बेलौरीको मेयर र उपमेयरमा पनि माओवादीकै अग्रता छ ।