बैतडी- नयाँ शैक्षिक सत्र सुरु भएको दुई हप्ता भइसक्दा समेत बैतडीका विद्यालयहरूमा अझै पाठ्यपुस्तक पुग्न सकेको छैन । जेठ १ गते नयाँ शैक्षिकसत्र सुरु भए पनि पनि पुस्तक नपाउँदा पठनपाठनमा समस्या भएको विद्यार्थीहरूको गुनासो छ। विद्यालय खुले पनि बैतडीमा पाठ्यपुस्तक अभावमा पठनपाठन सञ्चालन हुन नसकेको केदारनाथ आधारभूत विद्यालयका शिक्षक शंकरराम ओडले बताए। नयाँ शैक्षिक सत्रमा विद्यार्थी भर्ना गरे पनि पाठ्यपुस्तक अभावमा पठनपाठन अघि बढाउन समस्या भएको उनले बताए। शिक्षा विकास तथा समन्वय इकाइ बैतडीका प्रमुख नरेन्द्रप्रसाद अवस्थीले भने एक दुई दिनभित्रै जिल्लामा पाठ्यपुस्तक आइपुग्ने नकारी पाएको बताए। बैतडीका सामुदायिक विद्यालयका लागि ८३ हजार पाठ्यपुस्तक आवश्यक पर्ने बताइन्छ। जिल्लामा ५४० सामुदायिक…
Author: महेन्द्रनगर पोष्ट
कञ्चनपुर- कञ्चनपुरको बेदकोट नगरपालिका १ रडाहमा किसानलाई बाख्रा पालन तालिम दिन थालिएको छ । बेदकोट नगरपालिका महिला बालबालिका तथा जेष्ठ नागरिक शाखाको आयोजनामा किसानलाई बाख्रा पालन तालिम शुरु भएको हो । नगर उपप्रमुख तुलसी जोशीको तालिम उद्घाटन गर्नुभयो । नगर प्रमुख, उप प्रमुखलाई बेदकोटका विभिन्न सघ संस्थाहरुले निरन्तर सम्मान गरिरहेका छन् ।
डडेल्धुरा- डडेल्धुरामा सुरक्षित गर्भपतन गराउनेको संख्या बढ्दै गइरहेको पाइएकाृ छ। सुरक्षित गर्भपतन गराउने सूचिकृत स्वास्थ्य संस्थाहरूको संख्या बढेसँगै जिल्लामा सुरक्षित गर्भपतन गराउने पनि बढिरहेका हुन् । चालु आर्थिक वर्षको अहिलेसम्म मात्रै डडेल्धुरामा ८ सय ५४ जना महिलाले सुरक्षित गर्भपतन गरेको स्वास्थ्य कार्यालयले जनाएको छ। जसमा ८ सय १५ जनाले औषधि र ३९ जनाले शल्याक्रियामार्फत सुरक्षित गर्भपतन गरेको स्वास्थ्य कार्यालय परिवार नियोजन संयोजक भवानीसिंह कुँवरले जानकारी दिए। उनले सोमबार जिल्ला सदरमुकाममा आइपास नेपाल तथा सामुदायिक विकास मञ्चले संयुक्त रूपमा आयोजना गरेको स्थानीय सञ्चारकर्मीहरूसँग ‘यौन तथा प्रजनन स्वास्थ्य अधिकार सम्बन्धी छलफल’ कार्यक्रममा उक्त तथ्यांक प्रस्तुत गरेका हुन्। उनका अनुसार गत आर्थिक वर्षमा…
काठमाडौं- फरार सूचीमा रहेका नवनिर्वाचित एक वडा सदस्यलाई धनुषा प्रहरीले पक्राउ गरेको छ। ज्यान मार्ने उद्योग मुद्दामा फरार सूचीमा रहेका शहीदनगर नगरपालिका–९ को वडा सदस्यमा हालै निर्वाचित राजेश बिराजीलाई प्रहरीले पक्राउ गरेको हो। उनलाई कार्यपालिका सदस्य छनौट गर्नका लागि सोमबार मतदान गर्न आएको बेला पक्राउ गरिएको धनुषा प्रहरीका प्रवक्ता एवं डीएसपी प्रदीपबहादुर क्षेत्रीले बताए। बिराजी नेकपा माओवादी केन्द्रबाट वडा सदस्यमा निर्वाचित भएका थिए। उनीमाथि थप अनुसन्धान भइरहेको प्रहरीले बताएको छ।
कैलाली- कैलालीमा बसले मोटरसाइकललाई ठक्कर दिँदा दुई जना गम्भीर घाइते भएका छन् । जिल्लाको बर्दगोरिया गाउँपालिका–१ स्थित पूर्वपश्चिम राजमार्गमा सोमबार पूर्वबाट पश्चिमतर्फ गइरहेको ना७ख ५७४ नम्बरको बसले विपरीत दिशाबाट आइरहेको से३प ९५१५ नम्बरको मोटरसाइकललाई ठक्कर दिएको प्रहरीले बताएको छ। दुर्घटनामा मोटरसाइकलमा सवार धनगढी उपमहानगरपालिका–५ का ३१ वर्षीय रोशन सिंह र डोटीका ३० वर्षीय टेक खड्का घाइते भएका छन् । सिंहलाई स्थानीय बर्दगोरिया अस्पतालमा सामान्य उपचारपछि नेपालगञ्ज रेफर गरिएको प्रदेश ट्राफिक प्रहरी कार्यालय अत्तरियाले जनाएको छ। त्यस्तै खड्कालाई धनगढीस्थित निसर्ग अस्पताल ल्याइएको छ। दुवैको अवस्था गम्भीर रहेको बताइएको छ। बस चालक दैलेखको गुराँस गाउँपालिका–४ का २६ वर्षीय आकाश खड्कालाई नियन्त्रणमा लिइएको…
बाजुरा- बाजुरामा पेट्रोलियम पदार्थको मूल्य घटाउनुपर्ने माग गर्दै जिल्ला प्रशासन कार्यालयलाई ज्ञापन पत्र बुझाइएको छ । सोमबार अखिल नेपाल महिला संघ बाजुराले पेट्रोलियम पदार्थमा स्वचालित मूल्य प्रणाली पालना गरी तत्काल मूल्य घटाउन माग गर्दै जिल्ला प्रसाशन कार्यालय बाजुरामा ज्ञापन पत्र बुझाएको हो। पेट्रोलियम पदार्थको मूल्य वृद्धि हुँदा ढुवानी भाडा बढ्ने र त्यसको असर उपभोग्य वस्तुको मूल्य वृद्धि भएर उपभोक्तामा पर्ने भन्दै मूल्य घटाउन माग गरिएको अखिल नेपाल महिला संघले जनाएको छ। वैशाख ३० गतेको स्थानीय तह निर्वाचन सम्पन्न भएलगत्तै पेट्रोलियम पदार्थको मूल्य वृद्धि गरेकोमा अखिल नेपाल महिला संघ बाजुराले घोर निन्दा र आपत्ती जनाएको ज्ञापन पत्रमा उल्लेख छ।
काठमाडौं- प्रतिनिधि सभाको बैठकमा आज (मंगलबार)देखि बजेटमाथि सैद्धान्तिक छलफल शुरु हुने भएको छ । अर्थमन्त्री जनार्दन शर्माले जेठ १५ गते संघीय संसदमा प्रस्तुत गरेको बजेटमाथि आज बिहान ११ बजे बस्ने बैठकमा सैद्धान्तिक छलफल शुरु हुनेछ । बजेटमा छलफल गर्न र सो क्रममा उठेका प्रश्नको मन्त्रीले जवाफ दिनका लागि सभामुख अग्नि सापकोटाले जेठ १७, १८ र १९ गतेको दिन तोकेका छन् ।
काठमाडौं- १९ यात्रु र चालक दलका तीन सदस्यसहित २२ जना बोकेर तारा एयरको ९एन एइटी, डिएचसी–६, ट्विनअटर विमान आइतबार बिहान ९ः ५५ बजे पोखराबाट जोमसोमका लागि उड्यो। यो विमानका लागि पोखरा–जोमसोम उडान समय १८ मिनेट हो। विमान जोमसोममा १०ः१३ बजे अवतरण गर्नुपर्ने थियो तर अवतरण गर्न ६ मिनेट बाँकी छदै सम्पर्कविहीन बन्यो। सम्पर्कविहीन भएलगत्तै बाटो बिराएको विमान करिब १३ हजार ५ सय फिटको उचाइको हिमाली खोंचको चट्टाने पहरोमा ठोक्किन पुग्दा क्षतविक्षत अवस्थामा फेला परेको छ। विमानमा यात्रा गरिरहेका यात्रु र चालक दलमध्ये २१ जनाको शव फेला परेको छ। एकजना अझै हराइरहेको प्रहरीले बताएको छ। चट्टानमा ठोक्किएर खोंचमा विमान खसेकाले उद्धार…
काठमाडौं- सरकारले पेट्रोलियम पदार्थमा लाग्दै आएको पूर्वाधार करबापतको मूल्य समायोजन गर्ने भएको छ । सोमबार अर्थ मन्त्रालयमा आयोजित पत्रकार सम्मेलनमा अर्थमन्त्री जनार्दन शर्माले पूर्वाधार करबापतको रकम मूल्य समायोजन गर्ने तयारी भएको बताएका हुन् । मन्त्रिपरिषद्ले सैद्धान्तिक सहमति दिइसकेकाले जतिसक्दो छिटो कार्यान्वयन गरिने मन्त्री शर्माले बताए । उनले भने, “पूर्वाधार कर बराबरको मूल्य समायोजन गर्ने अन्तिम चरणमा छौँ, यो आर्थिक वर्षमा पूर्वाधार करबापतको रकम समायोजन गर्ने र पछि पेट्रोलियम पदार्थको मूल्यको अवस्था हेरेर गर्छाैं ।” मूल्य समायोजन गर्ने भनिए पनि घटाउने वा कर छुट दिने भन्ने निर्णय भइसकेको छैन । आर्थिक विधेयक २०७९ मा भने हालकै शुल्क कायम गरिएको छ ।…
काठमाडौं- ज्येष्ठता मिचेर प्रहरी महानिरीक्षक (आईजिपी) नियुक्त गरिएको भन्दै एआईजी विश्वराज पोखरेलले सर्वोच्च अदालतमा दर्ता गरेको रिटको अन्तिम सुनुवाइ आज हुँदैछ। यसअघि सुस्मलता माथेमाको एकल इजलासले पोखरेलको रिटमा अन्तरिम आदेश दिन अस्वीकार गरेपनि पेशी सार्न नमिल्ने गरी जेठ १७ गतेका लागि अन्तिम सुनुवाइको मिति तोकेकी थिइन्। सरकारले १७ महिना जुनियर एआईजी धिरजप्रताप सिंहलाई आईजिपीमा बढुवा गरेपछि अन्यायमा परेको भन्दै वरिष्ठता र ज्येष्ठतामा पहिलो नम्बरमा रहेका एआईजी पोखरेलले सर्वोच्च अदालतमा रिट दर्ता गरेका थिए। पोखरेलले अन्तरिम आदेश माग गरेपनि न्यायाधीश माथेमाले स्थानीय निर्वाचनमा प्रहरी संगठन प्रमुखविहीन हुँदा समस्या हुने तर चाँडै फैसला गर्न सकिने सरकारी पक्षको आग्रहलाई समर्थन गर्दै आदेश गरेकी…