कञ्चनपुर- कञ्चनपुरको लालझाडी गाउँपालिकामा नेकपा एमाले विजयी भएको छ। गाउँपालिकाको अध्यक्षमा निर्मल राना ४५१६ मत ल्याई विजयी भएका छन् । उनका निकटतम प्रतिद्वन्द्वी माओवादी केन्द्रका मदनसेन वडायकले २८५८ मत ल्याए । बडायक २०७४ को निर्वाचनमा विजयी भएका थिए। उपाध्यक्षमा पनि एमालेकै सपना चौधरी राना विजयी भएकी छिन् । उनले ३५६१ मत प्राप्त गरिन् भने उनकी निकटतम प्रतिद्वन्द्वी नेपाली काँग्रेसकी राधा रानाले ३४९३ मत ल्याइन् ।
Author: महेन्द्रनगर पोष्ट
डोटी- डोटीको जोरायल गाउँपालिकामा नेकपा एमाले विजयी भएको छ । एमालेका दुर्गादत्त ओझा ३ हजार ४४९ मत सिहत अध्यक्षमा निर्वाचित भए । उनका निकटतम प्रतिद्वन्द्वी कांग्रसेका दीपककुमार विष्ट ३ हजार ४१२ ल्याएर हार बेहोरे । एकीकृत समाजबादीका किरण मल्लले १ हजार ६५९ मत पाएका छन् । उपाध्यक्षमा पनि एमालेकै जमुनाकुमारी बोहरा निर्वाचित भएकी छन् । उनले ३ हजार ५९९ मत ल्याएर निर्वाचित भइन् । उनका प्रतिद्वन्द्वी कांग्रेसकी चन्द्राकुमारी साउँदले ३ हजार ५१७ र माओवादीकी प्रेमाकुमारी ओलीले १ हजार ३१७ मत पाइन् ।
बैतडी- बैतडीको पञ्चेश्वर गाउँपालिकामा निबर्तमान अध्यक्ष र उपाध्यक्ष पुनः विजयी भएका छन् । दुबै जना एमालेबाट निर्बाचित भएका हुन् । सो पालिकामा एमालेका गोरखबहादुर चन्द अध्यक्ष र विना भट्ट उपाध्यक्षमा विजयी भए । अध्यक्षमा चन्दले ३७८२ मत ल्याएर भने उनका निकटतम प्रतिद्वन्द्वी नेपाली कांग्रेसका रमेश भण्डारीले २४८८ मत ल्याए । उपाध्यक्षमा भट्टले ३०६४ मत ल्याएका छन् भने उनका प्रतिस्पर्धि नेकपा एकीकृत समाजवादीका राजेन्द्र चन्दले २५०० मत प्राप्त गरे । उनीहरु दुवैजना ०७४ सालको स्थानीय तहको चुनावमा समेत विजयी भएका थिए ।
बैतडी- बैतडीको शिवनाथ गाउँपालिको अध्यक्षमा नेपाली कांग्रेस विजयी भएको छ । गाउँपालिकाको अध्यक्षमा कांग्रेस र उपाध्यक्षमा एमाले उम्मेदवार विजयी भएका हुन् । गाउँपालिकाको अध्यक्षमा कर्णसिंह साउँद फेरि विजयी भएका छन् । उनले तीन हजार १६५ मत पाए भने उनका प्रतिद्वन्द्वी एमालेका हजारीसिंह साउँदले दुई हजार ८४९ मत पाए । उपाध्यक्षमा एमालेकी सकुन्तला साउँद विजयी भएकी छन् । उनले दुई हजार ८७९ मत पाइन भने उनका प्रतिद्वन्द्वी माओवादीका नरेन्द्र साउदले दुई हजार ६७९ मत पाए । सो पालिकामा काँग्रेस, माओवादी र एकीकृत समाजवादीको गठवन्धन रहेको थियो । अध्यक्षमा विजयी साउँद ०७४ मा पनि विजयी भएका थिए । त्यस बेला पनि उपाध्यक्षमा…
काठमाडौं- काठमाडौं महानगरपालिका–१ मा एमाले विजयी भएको छ । एक वडासदस्यसहित भरतलाल श्रेष्ठ ६२२ मत ल्याएर वडाध्यक्ष विजयी भए । नेपाली कांग्रेसका अध्यक्ष उम्मेदवार किरण श्रेष्ठले ५ सय ९८ ल्याएर दोस्रो नम्बरमा आएका छन्। एमालेबाट वडाध्यक्षका उम्मेदवार श्रेष्ठले ६ सय २२ मत ल्याएर विजयी भएका छन् । तर यो वडाबाट एमालेकै मेयर उम्मेदवार स्थापितले भने आधा मत पाएका छन्। यहाँ उनको मत ३ सय ६५ आएको छ। यो वडाबाट मेयर उम्मेदवारमध्ये सबभन्दा बढी बालेन शाहले ७ सय ८३ मत पाएका छन् । यो वडामा ३ हजार ७ सय ४० मतदाता भए पनि २ हजार ७९ मत खसेको थियो ।
कैलाली- नेकपा एमालेका सचिव एवम पूर्वमन्त्री लेखराज भट्टको वडा कैलालीको गोदावरी नगरपालिका–१ मा नेपाली कांग्रेसका गोपालदत्त भट्ट प्यानलसहित विजयी भएका छन् । भट्टले १ हजार ४७८ मत पाएर विजयी भए भने उनका निकटतम प्रतिद्वन्द्वी नेकपा एमालेका शर्मानन्द भट्टले १ हजार ३९१ मत प्राप्त गरे । एमालेबाट मेयरका उम्मेदवार गोकर्ण भट्टको गृहवडा पनि यही हो । कांग्रेसका भट्टसंग हार व्यहोरेका शर्मानन्द भट्ट गत चुनावमा माओवादीबाट विजयी भएका एक्ला वडाअध्यक्ष थिए । एमाले र माओवादी मिलेर बनेको नेकपा विभाजित भएपछि उनी नेकपा एमालेतिर गएका थिए ।
कञ्चनपुर- कञ्चनपुरको भीमदत्त नगरपालिकामा मतपेटिकामा मुचुल्का भन्दा बढी मत्रपत्र भेटिएपछि रोकिएको मतगणना अझै सुरु हुन सकेको छैन । सर्वदलीय बैठकले पनि सहमति जुटाउन नसकेपछि मतगणना अनिश्चित बनेको हो । भीमदत्त नगरपालिका वडा नं. २ को मतगणा गर्ने क्रममा एक सय मतपत्र भनि खोलिएको पोकामा एक सय २० मतपत्र भेटिएपछि विवाद भएको थियो । दिउँसो १२ बजेपछि मतगणना रोकिएको छ । नेपाली कांग्रेसबाहेक अरु दलहरुले पुनः मतदान गर्नुपर्ने माग गरेको बताइएको छ । अन्य दलहरुले पुनः मतदान गर्नुपर्ने माग गरेपछि निर्वाचन आयोगले भने अस्वीकार गरेको एक नेताले बताए । दिउँसो १२ बजेदेखि रोकिएको भीमदत्तको मतगणना ७ घण्टा बित्न लाग्दा पनि सुरु…
काठमाडौं- स्थानीय तह निर्वाचनको मतगणना जारी छ । आइतबार बेलुकासम्म ३५ पालिकाको मतपरिणाम सार्वजनिक भएको छ । अन्तिम मत परिणाम सार्वजनिक हुँदा एमाले एक्लैले १५ वटा पालिकामा जिवयी हासिल गरेको छ । कांग्रेसले १० पालिकामा विजय हासिल गरेको छ भने माओवादी केन्द्रले ८ र एकीकृत समाजवादी २ पालिकामा विजयी भएको छ । हेर्नुहोस् सार्वजनिक परिणाम : एमाले१ मनाङ ङिस्याङ गाउँपालिका/ मनाङकान्छा घले/एमाले२ चामे गाउँपालिका/मनाङलोकेन्द्र वहादुर घले/एमाले३ लो- घेकर दामोदरकुण्ड गाउँपालिका/ मुस्ताङलोप्साङ छोम्पेल विष्ट/एमाले४ बागागुङ मुक्तिक्षेत्र गाउँपालिका/ मुस्ताङरिङजीन नामगेल गुरुङ/एमाले५ लोमन्थाङ गाउँपालिका/मुस्ताङटसी न्हर्वु गुरुङ/एमाले६ शे फोक्सुन्डो गाउँपालिका/ डोल्पाधावा सम्डुक गुरुङ/एमाले-७ खुम्बु पासाङ ल्हामु गाउँपालिका/सोलुखुम्बुमिङमा छिरी शेर्पा/एमाले८ साइपाल गाउँपालिका/बझाङमानवीर बोहरा/एमाले९ बौदीकाली गाउँपालिका…
कैलाली- कैलालीको गोदावरी नगरपालिका– ११ को वडा अध्यक्षमा स्वतन्त्र उम्मेदवार प्रेमसिंह बडैला विजयी भएका छन् । नेपाली कांग्रेसबाट राजीनामा दिएर स्वतन्त्र उम्मेदवारी दिएका बडैला फराकिलो मतान्तरले वडामा विजयी भएका हुन् । उनले मुख्य प्रतिद्वन्द्वी एकीकृत समाजवादीका शिव विकलाई पराजित गरे । २ हजार १ सय ८४ मतमध्ये बडैलाले १ हजार ७९ मत ल्याए भने विकले ५६९ मत मात्रै ल्याउन सके । विक २०७४ मा वडामा अध्यक्षमा विजयी भएका थिए । यस्तै नेकपा एमालेका भीम विकले ४ सय ४ मत पाए । गोदावरीमा तीन दलिय गठबन्धन गर्ने बहस चलिरहेका बेला वडास्तरमा कांग्रेस एक्लै लड्नु पर्छ भन्ने अडान राख्दै आएका बडैलाले विरोध…
बाजुरा- बाजुराको स्वामिकार्तिक खापर गाउँपालिकामा नेपाली काँग्रेस विजयी भएको छ । कांग्रेसले अध्यक्ष र उपाध्यक्ष दुबै पदमा जित हात पारेको हो । काँग्रेसबाट भरतबहादुर रोकाया २ हजार ११ मत ल्याएका छन् भने प्रतिद्वन्द्वी एमालेका चतुरभुज शाहीले १७ सय ५७ सय मत ल्याए । यस्तै उपाध्यक्ष मैना जोशीले १८ सय १० ल्याएकी थिइन् भने उनका प्रतिद्वन्द्वी एमालेकी सुलोचना भण्डारी बुढाले १६ सय ३७ ल्याइन् ।