डडेल्धुरा: डडेल्धुराको अजयमेरु गाउँपालिकाको लागि करिब १० लाख बराबरका स्वास्थ्य सामग्री आएको छ। गाउँपालिकाका सबै वडाका लागि ५ वटा अक्सिजन कन्सन्ट्रेटर र ५ वटा अक्सिमिटर स्वास्थ्य सेवा विभागले हस्तान्तरण गरेको हो। ती सामग्री गाउँपालिकाको वडा नम्बर ६ का अध्यक्ष हरि भण्डारीले बुझेका छन्। उनले ती सामग्रीका लागि विभागमा माग गरेको बताए। यसअघि पनि उनले प्रदेश आपूर्ति केन्द्र, सुदूरपश्चिमबाट पनि विभिन्न स्वास्थ्य सामग्री ल्याउन सफल भएका थिए। त्यहाँबाट करिब १२ लाख बराबरका अल्ट्रासाउन्ड, डेलिभरी बेड, सक्सन मेशेन, बेबी वार्मर सक्सन सेट लयायतका स्वास्थ्य सामग्री प्राप्त गरेको भण्डारीले बताए। यस्तै उनले आँखा अस्पताल डडेलधुरा र वडा कार्यलयको सहकार्यमा नि:शुल्क आँखा शिविर सञ्चालन…
Author: महेन्द्रनगर पोष्ट
जाजरकोट: पौडी खेल्ने क्रममा डुबेर जाजरकोटमा दुई जना बालकको मृत्यु भएको छ। मृत्यु हुनेमा भेरी नगरपालिका- १३ का नरबहादुर बस्नेतका ८ वर्षीय छोरा पाण्डप बस्नेत र टीकाराम बस्नेतका ९ वर्षीय छोरा प्रमोद बस्नेत रहेका छन्। उनीहरूको खानेपानी तथा सिँचाइका लागि बनाइएको पोखरीमा पौडी खेल्ने क्रममा शुक्रबार डुबेर मृत्यु भएको हो। दुवै बालक विद्यालयमा पढेर घर आई खाजा खाएर पौडी खेल्न गएको प्रहरीले बताएको छ।
काठमाडौँ: हाल देशमा पश्चिमी वायुका साथै स्थानीय वायुको आंशिक प्रभाव रहेको छ। मौसम पूर्वानुमान महाशाखाका अनुसार देशका तराईका भू-भागहरूमा अधिकतम र न्यूनतम तापक्रम केही दिन नघट्ने देखिन्छ । शनिबार कोशी, कर्णाली र सुदूरपश्चिम प्रदेश लगायत देशका पहाडी भू-भागमा आंशिकदेखि सामान्य बदली रही बाँकी भू-भागमा मौसम सामान्यतया सफा रहनेछ। कोशी र कर्णाली प्रदेशका थोरै स्थानहरू र बाँकी प्रदेशका पहाडी भू-भागका एक-दुई स्थानमा मेघ-गर्जन र चट्याङसहित क्षणिक वा हल्का वर्षाको सम्भावना रहेको छ । त्यस्तै भोलि आइतबार पनि कोशी प्रदेश लगायत देशका पहाडी भू-भागमा आंशिक देखि सामान्य बदली रही बाँकी भू-भागमा मौसम सामान्यतया सफा रहनेछ। कोशी, बागमती र गण्डकी प्रदेशका थोरै स्थानहरू र बाँकी प्रदेशका पहाडी…
ललितपुर: भारत सरकारले सहयोगस्वरुप दिने भनिएको १५ मुर्रा जातको राँगाबारे देशभर चर्चा छ । तर भारतबाट नेपाल आइपुग्न भने दुई महिना लाग्ने पशु सेवा विभागका सूचना अधिकारी चन्द्र ढकालको भनाइ छ । नश्ल सुधारका लागि नेपाल ल्याउन लागिएको मुर्रा जातको राँगाको प्राविधिक टोली भारत गएर अध्ययन गरिसकेपछि मात्र ल्याइने छ । नेपाल ल्याएपछि राँगालाई पशु सेवा विभाग मातहतका राष्ट्रिय पशु प्रजनन कार्यालय (पोखरा, नेपालगञ्ज र लहान)मा व्यवस्थापन गरी वीर्य उत्पादन गरिनेछ । सूचना अधिकारी ढकालका अनुसार मुर्रा राँगाका लागि विशेष प्रकारको गोठ र उनीहरूको शारीरिक बनावटको आधारमा दानापानी व्यवस्थापनका लागि पशु विज्ञ खटिने छन् । ढकालले भने, “स्थानीयस्तरबाट आएको जानकारीअनुसार…
धनगढी: गेटामा शहिद दशरथ चन्द राष्ट्रिय स्वास्थ्य विज्ञान विश्वविद्यालय स्थापना गर्न माग गर्दै अनेरास्ववियु सुदूरपश्चिम प्रदेशले विज्ञप्ति निकालेको छ । विज्ञप्तिमा कैलालीको गेटामा शहिद दशरथ चन्द राष्ट्रिय स्वास्थ्य विज्ञान विश्वविद्यालय स्थापनाको निर्णयलाई बजेटमा समावेश गर्न माग गरिएको छ । ‘२०७९ माघ २९ गते नेपाल सरकार मन्त्रीपरिषदले गरेको निर्णय नयाँ वर्षको बजेटमा समावेश नभएकोप्रति हाम्रो संगठनको गम्भिर ध्यानाकर्षण भएको छ । ७१ विघा जग्गामा ५१ वटा सुविधा सम्पन्न भवनहरु निर्माण भइसकेको अवस्थामा नयाँ आर्थिक वर्षको नीति तथा कार्यक्रममा समावेश भई शहिद दशरथ चन्द राष्ट्रिय स्वास्थ्य विज्ञान विश्वविद्यालयलाई कार्यान्वयन गर्ने प्रक्रियालाई अवरुद्ध हुने गरी आर्थिक वर्षको बजेट आएकोप्रति आपत्ति जनाउँदै हाम्रो संगठन…
काठमाडौँ: प्रधानमन्त्री पुष्पकमल दाहाल प्रचण्ड र नेपाल कम्युनिष्ट पार्टीका महासचिव नेत्रविक्रम चन्द विप्लवबीच भेटवार्ता भएको छ । आज साँझ सवा ५ बजे प्रधानमन्त्री निवास बालुवाटारमा भेटघाट भएको हो । यसअघि प्रधानमन्त्री प्रचण्ड भारत भ्रमणबाट फर्किएको भोलिपल्टै जेठ २१ गते साँझ पनि विप्लवले भेटवार्ता गरेका थिए ।माओवादी केन्द्र र नेकपाबीच पार्टी एकताका लागि आन्तरिक छलफल भइरहेको भनिएका बेला विप्लव लगालग बालुवाटार पुग्नुलाई माओवादी वृत्तले चासोका साथ हेरेको छ ।
धनगढीः धनगढीको एक विद्यालयमा १२ जना विद्यार्थी मात्रै भर्ना भएका पाइएको छ । धनगढी उपमहानगरपालिका-१८ नुकलीपुरस्थित नेपाल भुपूसैनिक आधारभूत विद्यालयमा यो वर्ष १२ जना विद्यार्थी मात्रै भर्ना भएका पाइएको हो । गाउँ पनि सानो भएकाले विद्यार्थी संख्या कम रहेको बताइएको छ । कक्षा ३ सम्मको उक्त विद्यालयमा गत शैक्षिकसत्रसम्म तीन जना शिक्षक र एक जना कार्यालय सहयोगी रहेकोमा यो वर्ष एक जना शिक्षकको अन्तै सरुवा भएको छ । विद्यालयका प्रधानाध्यापक देवकी पन्त र जमुना न्यौपाने राहत शिक्षकको रुपमा कार्यरत छन् । विद्यालय अन्यत्र समायोजन भए राम्रो हुने उनीहरु बताउँछन् ।
अछाम: अछाममा पाँच दिनअघि सामाजिक सुरक्षा भत्ता लिन बैङ्क गएकी एक महिला मृत फेला परेकी छन् । जिल्लाको पञ्चदेवल विनायक नगरपालिका–६ तोलीकी अन्दाजी ६१ वर्षीया कौशीलादेवी रावल मृत फेला परेकी हुन् । मध्य पहाडी सडक खण्डबाट करिब पाँच सय मिटर तल भिरमा उनको शव फेला परेको जिल्ला प्रहरी कार्यालय अछामले जनाएको छ । घरबाट छोरासँग पाँच दिनअघि सामाजिक सुरक्षा भत्ता लिन विनायकमा रहेको माछापुच्छ्रे्र बैङ्क गएकी उनी बेपत्ता भएकी थिइन् । पारिवारिक स्रोतका अनुसार उनको मानसिक सन्तुलनमा केही समस्या रहेको र कान कम सुन्ने गर्थिन् । घटनाबारे अनुसन्धान भइरहेको प्रहरीले जनाएको छ ।
दार्चुला: दार्चुलाको मार्मा गाउँपालिका-३ अन्तर्गतको चिउरानी बिटुले सकड खण्डमा ट्याक्टर दुर्घटना भएको छ । लटिनाथबाट राष्ट्रिय प्रशारण लाइनको लागि बिजुलीका पोल ढुवानी गरेर आइरहेको से २ त १६८ नम्बरको ट्याक्टर दुर्घटना भएको प्रहरीले बताएको छ । दुर्घटनामा चालक मिलन धामीसहित ट्याक्टरमा सवार तीन जना सामान्य घाइते भएका प्रहरीले जनाएको छ । दुर्घटनाको कारण भने खुलेको छैन । घटनाबारे अनुसन्धान भइरहेको प्रहरीले जनाएको छ ।
धनगढी: गेटामा शहीद दशरथ चन्द राष्ट्रिय स्वास्थ्य विज्ञान विश्वविद्यालय स्थापना गर्ने निर्णय कार्यान्वयन गर्न माग गर्दै नेकपा एमाले कैलालीले धनगढीमा प्रदर्शन गरेको छ । शुक्रवार साँझ एमाले जिल्ला कमिटिको कार्यालयदेखि मुख्यमन्त्री तथा मन्त्रीपरिषद्को कार्यालयसम्म र्यालीसहित प्रदर्शन गरेको हो । प्रदर्शनका क्रममा मेडिकल माफियाको प्रभावमा परेर मन्त्रीपरिषद्को निर्णय विपरीत सरकारले गेटामा विश्वविद्यालयको सट्टा स्वास्थ्य विज्ञान प्रतिष्ठान बनाउने घोषणा गरेको भन्दै सरकारविरुद्ध नाराबाजी गरिएको छ । गेटामा मेडिकल विश्वविद्यालय कायम नगरिएको खण्डमा थप आन्दोलनमा जान बाध्य हुने चेतावनी समेत दिइएको छ । २९ माघमा सरकारले गेटामा शहीद दशरथ चन्द राष्ट्रिय स्वास्थ्य विज्ञान विश्वविद्यालय बनाउने निर्णय गरेको थियो । तर १५ जेठमा ल्याइएको…