काठमाडौं : आइसिसी टी-२० विश्वकपमा भारतले विजयी सुरूवात गरेको छ। बुधबार न्युयोर्कमा आयरल्याण्डलाई ८ विकेटले पराजित गर्दै भारतले विश्वकपमा सुखद सुरूवात गरेको हो। आयरल्याण्डले दिएको ९७ रनको लक्ष्य भारतले १२.२ ओभरमा २ विकेट मात्रै गुमाएर पूरा गरेको हो। यस्तै समूह बी अन्तरगत आफ्नो पहिलो खेलमा अस्ट्रेलियाले ओमानलाई ३९ रनले पराजित गरेको छ । १ सय ६५ रनको लक्ष्य पछ्याएको ओमानले २० ओभरमा ९ विकेट गुमाएर १ सय २५ रन मात्र बनाउन सक्यो ।
Author: महेन्द्रनगर पोष्ट
धनगढी : कैलालीमा हावाहुरीले ढलेको रुखले च्यापिएर एक किशोरीको मृत्यु भएको छ । टीकापुर नगरपालिका–१ विशालनगर बस्ने १५ वर्षीया प्याउरी बिकको हावाहुरीले ढलेको रुखले च्यापिएर मृत्यु भएको प्रहरीले जनाएको छ । बुधबार राति करिब ८ बजे घर नजिकैको साजको रुख घरको आगनमा ढलेको थियो । गर्धनमा हाँगाले लागेर च्यापिएकी बिकको घटनास्थलमै मृत्यु भएको प्रहरीले जनाएको छ । बुधबार राति कैलाली र कञ्चनपुरसहित सुदूरपश्चिममा हावाहुरीसँगै सामान्य वर्षा भएको थियो ।
धनगढीः नेपाल दूरसञ्चार प्राधिकरणले विनोद चौधरीको सिजी कम्युनिकेसन्स लिमिटेडको अनुमतिपत्र खारेज गरेको छ। तत्कालीन एसटिएस टेलिकम सञ्चार प्रालिको अनुमतिपत्र नम्बर आरटिएस इडिआर ०१ नवीकरणका लागि तोकिएको समयभित्र आवेदन नपरेकाले खारेज गरिएको बताइएको छ। चौधरीको कम्पनी सिजीले यसअघि २१ नोभेम्बर,२००३ मा प्राप्त ग्रामीण दूरसञ्चार सेवाको अनुमतिपत्र नवीकरणका लागि गत पुषमा आवेदन गरेको थियो। तर, प्राधिकरणले उक्त आवेदन दूरसञ्चार नियमावली २०५४ को नियम १२ बमोजिम तोकिएको अवधिभित्र नवीकरण दस्तुरसहित निवेदन पेश नगरेकोले उक्त सेवा प्रदायकलाई प्रदान गरिएको अनुमतिपत्र गत मंसिर १६ गतेदेखि स्वतः रद्द गरिएको जानकारी दिएको छ। आज सार्वजनिक सूचना प्रकाशित गरेर चौधरीको कम्पनी सिजी कम्युनिकेसन्स लिमिटेड, सानेपालाई उक्त जानकारी दिइएको…
काठमाडौं : प्रधानमन्त्री पुष्पकमल दाहाल प्रचण्डले भाजपा नेता नरेन्द्र मोदीको प्रधानमन्त्री पदको शपथ ग्रहण समारोहमा सहभागी हुन नयाँदिल्ली जाने तयारी गरेका छन् । मोदी लगातार तेस्रो कार्यकालका लागि प्रधानमन्त्रीमा नियुक्त हुने निश्चित भएकाले उनको शपथ ग्रहण समारोहमा प्रधानमन्त्री प्रचण्ड पनि सहभागी हुने तयारीमा छन् । लोक सभा निर्वाचन परिणामपछि मोदीले बुधबार राजीनामा दिँदै मन्त्रिपरिषद भंग गरेका थिए । अब नयाँ मन्त्रिपरिषद गठनको तयारीमा उनी छन् । बुधबार बसेको गठबन्धनको बैठकले सर्वसम्मतीले मोदीलाई नेता चुन्दै तेस्रो कार्यकालका लागि प्रधानमन्त्रीमा अघि सार्ने निर्णय गरेको थियो । राष्ट्रपतिबाट उनको नियुक्ति हुन र शपथ ग्रहण समारोहको दिन निश्चित हुन भने बाँकी नै छ ।…
काठमाडौं : फिफा विश्वकप २०२६ अन्तर्गतको छनोट खेलमा आज नेपाल र यूएई भिड्दै छन् । खेल नेपाली समयअनुसार बेलुका पौने १० बजे साउदी अरबको दम्माममा प्रिन्स मोहमद विन फहद स्टेडियममा शुरु हुनेछ । दशरथ रंगशालामा विश्वकप छनोटका खेल हुन अयोग्य भन्दै दुबै खेल साउदी अरबमा हुने भएको हो । नेपाल र यमन बीचको खेल पनि यही स्टेडियममा हुँदैछ । समूह एच मा रहेको नेपालले यसअघि चारै खेलमा पराजय भोगेको थियो ।
धनगढीः कर्णाली नदिमा नुहाउने क्रममा डुबेर एक जना बेपत्ता भएका छन्। कैलालीको मोहन्याल गाउँपालिका–४ स्थित प्युठानको स्वर्गद्वारी नगरपालिका–१ जिमरी घर भई हाल कैलालीको मोहन्याल गाउँपालिका–४ कठ्युर मोहन्याल सामुदायीक वनमा खोटो निकाल्ने काम गर्ने ४१ वर्षीय धनबहादुर पुन बेपत्ता भएको जिल्ला प्रहरी कार्यालय कैलालीले जनाएको छ। पुन कर्णाली नदिमा नुहाउने क्रममा डुबेर बेपत्ता भएको खबर पाएपछि ईलाका प्रहरी कार्यालय पण्डौन कैलालीबाट प्रहरी टोली खटिई खोजतलास भईरहेको छ। उनको हालसम्म लाश फेला नपरेको प्रहरीले बताएको छ। उनको खोजतलास तथा अनुसन्धान गरिरहेको कैलाली प्रहरीले जनाएको छ।
धनगढीः कैलाली र कञ्चनपुरबाट एकैदिन ८ लाख बढीका सामान बरामद गरिएको छ। धनगढीको नेपाल भारत सिमाना नजिक र त्रिबेणीघाटबाट अवैध रुपमा भारतबाट भन्सार छली गरि ल्याएका अन्दाजी ७ लाख ५० हजार ४२० मूल्यको सामान बरामद गरिएको हो। उक्त मूल्य राबरको प्याज, चिनी, बिडी, सुर्ती, प्लाष्टिक झिल्ली, मोबाईलका बिभिन्न पार्ट पुर्जा लगायतका सामान जिल्ला प्रहरी कार्यालय कैलालीबाट बुधवार खटिएको प्रहरी गस्ती टोलीले फेला पारी नियन्त्रणमा लिएको जनाएको छ। उता कञ्चनपुरको बिभिन्न स्थान बेलौरी नगरपालिका १ फटैया र पुनर्वास नगरपालिका-४ हनुमान चोकबाट अबैंध रुपमा भारतबाट भन्सार छली गरि ल्याएका अन्दाजी ७० हजार ६ सय मूल्य बराबरको सामान बरामद गरिएको छ। कञ्चनपुरबाट मैदा,…
काठमाडौँ: नेपाल प्रहरीका इन्स्पेक्टर विदुर शिवाकोटीलाई प्रहरीले नियन्त्रणमा लिएको छ। काठमाडौँ उपत्यका अपराध अनुसन्धान कार्यालयमा कार्यरत उनीबारे अनुसन्धान गर्नुपर्ने भएकोले उनलाई नियन्त्रणमा लिइएको जिल्ला प्रहरी परिसर काठमाडौँले जनाएको छ। स्रोतका अनुसार उनीबिरुद्ध बालयौन दुरुपयोग गरेको आरोप छ। शिवाकोटीलाई प्रहरी वृत्त स्वयम्भूमा राखिएको बताइएको छ। प्रहरी वृत्त सोह्रखुट्टेबाट केही दिनअघि मात्र अपराध अनुसन्धान कार्यालयमा सरुवा भएका उनी इन्जेलिजेन्स शाखामा कार्यरत छन्।
धनगढी: बैतडीमा नेपाली काँग्रेसको विद्यार्थी संगठन नेपाल विद्यार्थी संगठनका दुई अध्यक्ष तोकिएको पाइएको छ। हिजो (मंगलबार) नै जिल्लामा २ अध्यक्ष तोकिएको पाइएको हो। यसरी अध्यक्ष तोकिनेमा विरेन्द्र कुमार साउद र दिपेन्द्र बहादुर ढुङ्गाल रहेका छन्। उनीहरू दुबै जनालाई नेविसंघको केन्द्रिय कार्यालयको लेटरप्याडमा छापसमेत ठोकिएको पत्रले जिम्मेवारी तोकिएको भन्दै जानकारी दिएको छ। तर उनीहरूमध्ये दिपेन्द्रलाई हालका नेविसंघका केन्द्रीय अध्यक्ष दुजाङ शेर्पाले बैतडीको नेविसंघ जिल्ला अध्यक्ष तोकेका छन् भने अर्का विरेन्द्रलाई कपिल केसीसहितले हस्ताक्षर गर्दै अध्यक्षको जिम्मेवारी दिएका छन्। अध्यक्ष शेर्पाले आधिकारिक रुपमा दिपेन्द्रलाई दिएको जिम्मेवारीको विरुद्धमा अर्को पक्षले विरेन्द्रलाई जिम्मेवारी दिइएको जनाएको छ। अधिवेशनकै मुखमा नेविसंघ बैतडीमा यस्तो रडाको मच्चिएको हो।
धनगढी : सुदूरपश्चिमका मुख्यमन्त्री दीर्घबहादुर सोडारीलाई भेटेर उनका कार्यकर्ताले योजनाको लिष्ट नै बुझाएका छन्। सुदूरपश्चिमको बजेटमा बिचौलियाको जालो रहेको कुरा चर्चा चलेकै बेला मुख्यमन्त्रीका पार्टीका कार्यकर्ता पनि बजेट हत्याउन सक्रिय बनेका हुन्। उनीहरूले मुख्यमन्त्री कार्यालयमै पुगेर योजनाको लिष्ट बुझाएको जानकारी दिएका छन्। बुधबार फाइलै बोकेर मुख्यमन्त्री कार्यालय पुगेका केही युवाहरूले समाजवादीको तर्फबाट योजनाहरु बुझाएको भन्दै सामाजिक सञ्जालमै सार्वजनिक गरेका छन्। उनीहरू मुख्यमन्त्री सोडारीका निकटस्थ रहेको र उनीहरूले पनि योजना किनबेचमा भूमिका खेल्ने गरेको आरोप छ। यसरी लिष्ट बुझाउनेमा (एकीकृत समाजवादी) गाैरीगंगा नगरपालिका कमिटीका नेताहरु छन्। सो क्षेत्र मुख्यमन्त्री सोडारीको निर्वाचन क्षेत्र पनि हो। उनै मुख्यमन्त्रीका निर्वाचन क्षेत्रका कार्यकर्ताका तर्फबाट फाइलै…