दार्चुला : दार्चुलाको नौगाड गाउँपालिकामा भिरबाट लडेर एक महिलाको मृत्यु भएको छ। नौगाड गाउँपालिका-४ सिप्टी परगैरा बस्ने अन्दाजी ३५ वर्षीया थुचा धामीको भिरबाट लडेर ज्यान गएको हो। उनी मृत अवस्थामा भेटिएको नौगाड ४ का वडाध्यक्ष कृष्ण धामीले जानकारी दिए। घटना आज (सोमबार) विहानको भएको बताइएको छ। घटनाबारे अनुसन्धान भइरहेको प्रहरीले जनाएको छ।
Author: महेन्द्रनगर पोष्ट
काठमाडौं : अर्काको नागरिकता दुरुपयोग गरी बैंकमा खाता खोलेको आरोपमा एक जना पक्राउ परेकी छन्। पक्राउ पर्नेमा कागेश्वरी मनोहरा नगरपालिका-२ घर भई काठमाडौं महानगरपालिका-२० बस्ने ४० वर्षीय सरस्वती खड्का रहेकी छन्। खड्काले अर्काको नागरिकता दुरुपयोग गरी बैंकको केवाईसी विवरणमा आफ्नो फोटो टाँसेर खाता खोली अन्य व्यक्तिलाई चेक दिई दुरुपयोग गरेको कसुरमा जिल्ला प्रहरी परिसर काठमाडौंबाट खटिएको प्रहरीले उनलाई आइतबार पक्राउ गरेको हो। उनी उपर बैंकिङ कसुर सजाय ऐन, २०६४ बमोजिम प्रहरीबाट आवश्यक अनुसन्धान भइरहेको प्रहरीले जनाएको छ।
बागलुङ: शनिबार राति बागलुङ बजारदेखि गलकोट नगरपालिकातर्फ जाँदै गरेको गण्डकी प्रदेश सरकारका मुख्यमन्त्री सुरेन्द्रराज पाण्डे सवार गाडी काठेखोला गाउँपालिका–६ का स्थानीयले रोके। सुरक्षाकर्मीसहितको सवारीसाधन रोकेपछि मुख्यमन्त्री पाण्डे गाडीबाट झरेर स्थानीयको कुरा सुन्न थाले । ठेक्का सम्झौता भएको सात वर्षसम्म पनि मध्यपहाडी पुष्पलाल लोकमार्गको बिहुँखण्ड कालोपत्र नभएको भन्दै स्थानीयले मुख्यमन्त्री पाण्डेसँग आक्रोश पोखे। ‘हामीले धुलो कहिलेसम्म खाने मुख्यमन्त्री ज्यू ?,’ काठेखोला–६ का वडाध्यक्ष वृहस्पती शर्माले भने, ‘अन्य सडक दुई वर्षमा कालोपत्र हुन्छ, बिहुँको सडक किन यस्तो भयो, यहाँका जनता आजित भए।’ मुख्यमन्त्री पाण्डे मध्यपहाडी पुष्पलाल लोकमार्ग अयोजना, निर्माण व्यवसायी र बिहुँका स्थानीयलाई राखेर कुरा गर्ने आश्वासन दिएर आफ्नो गन्तव्यतर्फ लागे। राष्ट्रिय…
काठमाडौं : जिल्ला अदालत, काठमाडौं परिसरबाट भागेका थुनुवालाई सहयोग गरेको आरोपमा ३ जनाविरुद्ध कारबाही प्रक्रिया अघि बढेको छ। अदालतबाट १८ पुसमा हत्कडीसहित भागेका ठगी मुद्दाका थुनुवा कमल खड्कालाई भाग्न र लुक्न सहयोग गरेको आरोपमा प्रहरीले मोहन तामाङ, रोनिष तामाङ र पारस तामाङलाई पक्राउ गरेर कारबाही प्रक्रिया अघि बढाएको हो । जिल्ला प्रहरी परिसर, काठमाडौंका एसपी कुमोध ढुंगेलका अनुसार, पक्राउ परेकामध्ये मोहन, रोनिष र पारसले खड्काको हत्कडी खोल्न र लुकाउन सहयोग गरेका थिए। ‘हत्कडीसहित भागेलगत्तै उनीहरुसँग फोन सम्पर्क भएको पनि प्रहरी अनुसन्धानबाट खुलेको छ। ठगी मुद्दामा ८ नम्बर इजलासको अगाडि कुर्सीमा बसेर प्रहरी मुद्दाको कागज लिन गएका बेला कमल फरार भएका…
धनगढी : त्रिभुवन आर्मी क्लबले जारी प्रधानमन्त्री कप पुरुष कप क्रिकेट प्रतियोगिता अन्तर्गत टियु क्रिकेट मैदानमा सुदुरपश्चिम प्रदेश विरुद्ध बलियो योगफल खडा गरेको छ। टस जितेर पहिले ब्याटिङ रोजेको आर्मी ४८.३ ओभरमा २६२ रनमा समेटियो। आर्मीका लागि कुशल मल्लले सर्वाधिक ७५ रन बनाए। उनी ६७ बलमा १० चौका र ३ छक्का प्रहार गर्दै भोजराज भट्टको बलमा आउट भएका थिए। ८८-६ को अवस्थामा क्रिज पुगेका कुशलले सातौं विकेटका लागि बसिर अहमदसंग ११३ रनको साझेदारी गरेका थिए। बसिर ६३ बलमा ३६ रन बनाएर नरेन साउदको बलमा आउट भएका थिए। ओपनर इमरान शेखको इनिङ ९ रनको मात्र रहन पुग्यो। उनलाई पाचौं ओभरमा भोजराज…
कञ्चनपुर: कञ्चनपुरमा जारी मुख्यमन्त्री पुरुष राष्ट्रिय भलिबल प्रतियोगितामा त्रिभुवन आर्मी क्लबले लगातार दोस्रो जित हात पारेको छ। आज (सोमबार) महेन्द्रनगरको खुला मञ्चमा भएको प्रतियोगितामा आर्मीले कोशी प्रदेशलाई पराजित गरेको हो। आर्मीले कोशी प्रदेशलाई ३–० को सोझो सेटमा पराजित गरेको हो। आर्मीले हिजो बागमती प्रदेशलाई हराएको थियो भने कोशीको यो आज पहिलो खेल हो। सुदूरपश्चिम खेलकुद परिषद्को आयोजना एवं कञ्चनपुर जिल्ला भलिबल संघको समन्वय व्यवस्थापनमा रहेको प्रतियोगितामा ३ विभागीय गरि १० टिमको सहभागिता रहको छ।
ललितपुर: ललितपुरको नागबहालमा एक जना जर्मन नागरिक मृत फेला परेकी छन्। सोमबार बिहान नागबहालस्थित अपार्टमेन्टमा महिला मृत फेला परेको जिल्ला प्रहरी परिसर ललितपुरका एसपी नवराज कार्कीले जानकारी दिए। महिलाको सनाखत भइसकेको छैन। उनी एक वर्षदेखि त्यहाँ बस्दै आएको खुलेको छ। अहिले ललितपुरका एसएसपी शेखर खनाल अनुसन्धानका लागि घटनास्थलमा जाँदैछन्। यस्तै एसपी कार्की पनि घटनास्थल जाँदैछन्। महिलाको मृत्यु कसरी भएको भन्ने खुलिसकेको छैन।
धनगढी : सुदूरपश्चिम प्रदेशका मुख्यमन्त्री कमलबहादुर शाहले ११ महिनामै हवाई टिकटमै साढे ५ लाख रुपैयाँ सकेका छन्। उनले ५ लाख ५६ हजार आठ सय २६ रुपैयाँ हवाई भाडामा खर्च गरेका हुन्। उनी मुख्यमन्त्री भएपछि २२ पटक सङ्घीय राजधानी काठमाडौँ पुगेको तथ्याङ्क मुख्यमन्त्री तथा मन्त्रीपरिषद्को कार्यालयमा छ। अहिले उनी सुदूरपश्चिम प्रदेश सरकारको नेतृत्व लिएपछि देखिने कामै नगरेको भन्दै आलोचना खेपिरहेका छन्। शाहले २०७९ सालको माघ २७ गते मुुख्यमन्त्री पदको सपथ लिएका थिए। उनको काठमाण्डौंको यात्रा सपथ लिएको भोलिपल्टै देखि सुरु भएको देखिन्छ। माघ २७ गते सपथ लिएर उनी २८ गते नै संघीय राजधानी उडेका थिए।
धनगढी : भारतको उत्तर प्रदेशको हमीरपुर जिल्लामा श्रीमतीले श्रीमानको गुप्ताङ्ग काटिदिएकी छन्। सदर कोतवाली इलाकाको एक गाउँमा अप्राकृतिक यौनसम्बन्धबाट आक्रोशित श्रीमतीले ३५ वर्षीय श्रीमान् रामु निषादको गुप्ताङ्ग काटिदिएकी हुन्। श्रीमतीको नाम भने प्रहरीले सार्वजनिक गरेको छैन्। शुक्रबार राति घाइते रामुलाई परिवारका सदस्यले गम्भीर अवस्थामा जिल्ला अस्पतालमा पुर्याएका थिए। त्यहाँ उपचार सम्भव नभएपछि उनलाई शनिबार कानपुर रिफर गरिएको थियो। परिवारका सदस्यले जाहेरी दिएपछि प्रहरीले उनकी श्रीमतीलाई नियन्त्रणमा लिएको थियो। प्रहरीले उनको स्वास्थ्य परीक्षण गराएको थियो। इमर्जेन्सीमा खटिएका डाक्टर एके सिंहले उनलाई रगत बगेको अवस्थामा प्राथमिक उपचार गरेका थिए। डाक्टर एकेका अनुसार रामुले चिकित्सकलाई भ्रममा पार्दै चोटको गलत कारण बताएका थिए। रामुकी…
काठमाडौं : नेपाली बजारमा सोमबार सुनको मूल्य बढेको छ। नेपाल सुनचाँदी व्यवसायी महासङ्घका अनुसार आज सुन तोलामा ३०० रुपैयाँले बढेको हो। महासंघका अनुसार सोमबार छापावाल सुन एक लाख १८ हजार ३०० रुपैयाँ र तेजाबी सुन एक लाख १७ हजार ७५० रुपैयाँमा कारोबार भइरहेको छ। आइतबार छापावाल सुन एक लाख १८ हजार रुपैयाँ र तेजाबी सुन एक लाख १७ हजार ४५० रुपैयाँमा कारोबार भएको थियो। त्यस्तै आज चाँदीको मूल्य पनि बढेको छ। साेमबार चाँदी तोलामा ५ रुपैयाँले बढेर तोलाको १४०५ रुपैयाँमा कारोबार भइरहेको महासंघले जनाएको छ। आइतबार चाँदी तोलाको १४०० रुपैयाँमा कारोबार भएको थियो।