धनगढीः कैलालीको टीकापुरमा एक पुरुष मृत अबस्थामा फेला परेका छन्। टीकापुर नगरपालिका ४ इन्द्रैया स्थित खेतमा नामथर नदुलेको अन्दाजी ४०/४५ वर्षीय पुरुषको शव शुक्रवार दिउँसो फेला परेको हो। यस सम्बन्धमा ईलाका प्रहरी कार्यालय टीकापुरबाट प्रहरी टोलीखटिई आवश्यक अनुसन्धान भईरहेको जनाएको छ।
Author: महेन्द्रनगर पोष्ट
धनगढी: सुदूरपश्चिम विश्वविद्यालयको केन्द्रीय क्याम्पसका विद्यार्थी सवार गाडी अर्को सवारीसँग ठोक्किएर दुर्घटनामा परेको छ। आज (शुक्रवार) राति बर्दियाको भुरीगाउँ क्षेत्रमा पूर्वबाट पश्चिमतर्फ आइरहेको विङ्गर र पश्चिमबाट पूर्वतिर गइरहेको मिनीबस आपसमा ठोक्किएर दुर्घटना भएको हो। त्यहाँका प्रहरी प्रमुख नमराज शाहीका अनुसार दुर्घटनामा ३ जना विद्यार्थी घाइतेका भएका छन्। घाइते हुनेमा भीमदत्त नगरपालिका-१८ बस्ने अन्दाजी वर्ष २५ का बिनोद भट्ट, अर्का २५ वर्षीय प्युस पाण्डे र ३४ वर्षीय जयन्तराज जोशी रहेका छन्। उनीहरूसहित एमबिए प्रथम सेमेस्टरका १२ जना विद्यार्थी सवार गाडी अर्को गाडीसँग ठोक्किएर दुर्घटना भएको हो। विद्यार्थीहरु फिल्ड भिजिटका लागि जान लागेका थिए। अहिले घाइते तीनै जनलाई उपचारका लागी कोहलपुर मेडिकल…
काठमाडौं: गण्डकी प्रदेशका प्रमुख डिल्लीराज भट्टले मुलुकको समृद्धिका लागि नागरिक स्वस्थ्य हुनुपर्ने बताएका छन्। भट्टले नागरिकले स्वस्थ खानपान र जीवनशैलीले रोग लाग्न नदिने र रोग लागेमा आयुर्वेदिक औषधोपचारमा जोड दिनुपर्ने बताए। गण्डकी आयुर्वेद औषधालय, कास्की र जिल्ला नागरिक आरोग्य समिति, कास्कीको संयुक्त आयोजना तथा जिल्ला समन्वय समितिको समन्वयमा पोखरामा शुक्रबार आयोजित नागरिक आरोग्य अभियान, आयुर्वेद सेवा सम्बन्धी अन्तरक्रिया कार्यक्रममा उनले यस्तो बताएका हुन्। उनले योग, ध्यान, सिद्धि, उचित खानपान एवं आयुर्वेद औषधोपचार गर्ने व्यक्ति दीर्घजीवी हुने गरेको भन्दै प्रदेश आफूपनि ७७ वर्षको उमेरमा स्वस्थ, तन्दुरुस्त भएको दाबी गरे। ‘स्वस्थ जीवन भएमामात्र मुलुकको आर्थिक समृद्धि कायम हुनेछ। योग, ध्यान, साधना र…
धनगढी : सुदूरपश्चिम विश्वविद्यालयको उपकुलपति पदका लागि आवेदन अवधि सकिएको छ । तोकिएको अवधिमा मध्यपश्चिम सुदूरपश्चिम विश्वविद्यालयको उपकुलपति पदको लागि १० जनाको आवेदन परेको छ । उपकुलपति छनोट तथा सिफारिश समितिले गत मंगलबार तीन दिनको समय थप गर्दै इच्छुक उम्मेदवारले दरखास्त दिन सक्ने सूचना जारी गरेको थियो । सुदूरपश्चिम विश्वविद्यालयको १८ फागुनमा सकिएपछि विश्वविद्यालय निमित्तको भरमा चलेको छ ।
धनगढीः नागरिक उन्मुक्ति पार्टी अध्यक्ष रञ्जिता श्रेष्ठको निर्देशन सुदूरपश्चिमका मन्त्रीले नमान्ने भएका छन्। नागरिक उन्मुक्ति पार्टीबाट सुदूरपश्चिम प्रदेश सभा सदस्यमा विजयी भएकासहित केन्द्रीय सदस्यहरूले निर्देशनको पालना नगर्ने भएका हुन्। उनीहरूले पार्टीको केन्द्रीय कमिटीको टीकापुर बैठकमा गरिएको निर्णयमा समर्थन नरहेको बताएका छन्। नागरिक उन्मुक्ति पार्टीको केन्द्रीय संस्थापक सदस्य रहेका सामाजिक विकास मन्त्री लक्ष्मण किशोर चौधरी, संस्थापक सदस्य लक्ष्मण बहादुर चौधरी र पार्टीको प्रवक्तासमेत रहेका केन्द्रीय सदस्य दामोदर पडितले बैठकको निर्णय नमान्ने बताएका हुन्। उनीहरूले पार्टी अध्यक्ष रञ्जिता श्रेष्ठले काँग्रेस नेतृत्वको सुदूरपश्चिम प्रदेश सरकारलाई दिएको समर्थन फिर्ता लिन निर्देशन दिएकी पछि अर्को विज्ञप्ति निकालेका छन्। नागरिक उन्मुक्ति पार्टी, सुदूरपश्चिमका संसदीय दलका नेता…
काठमाडौं: प्रधानमन्त्री पुष्पकमल दाहालले संघीय निजामती ऐन र प्रहरी समायोजन ऐन कार्यान्वयनमा जाने ढोका खुलेको बताएका छन्। प्रहरी समायोजन ऐन र संघीय निजामती ऐन संघीयता कार्यान्वयनका लागि संवेदनशील र अत्यन्त महत्वपूर्ण ऐनहरु आफूले कार्यान्वयनको प्रक्रियामा अघि बढाएकोमा लागेको दाबी समेत प्रधानमन्त्री दाहालले गरे। शुक्रबार राष्ट्रिय सभा बैठकमा बोल्दै उनले प्रहरी समायोजना ऐन कार्यान्वयनको प्रक्रियामा लगिएको र संघीय निजामती सेवा ऐन विस्तृत बहसपछि प्रतिनिधि सभामा पेश गरिएकाले सो विधेयक संघीय संसदको दुवै सदनबाट छिट्टै पारित हुने विश्वास समेत व्यक्त गरे। यस्तो छ प्रधानमन्त्रीको भनाइः संघीयताको मूल मर्म नै तीन तहको अधिकार र स्रोतको समन्यायिक वितरण नै हो । त्यसैले तहगत अन्तरसम्बन्ध…
धनगढीः नागरिक उन्मुक्ति पार्टीले सुदूरपश्चिम प्रदेश सरकारलाई दिएको समर्थन फिर्ता लिन संसदीय दललाई निर्देशन दिएको छ। नागरिक उन्मुक्ति पार्टीकी अध्यक्ष रञ्जिता श्रेष्ठ चौधरीले सुदूरपश्चिम प्रदेश सरकारका मुख्यमन्त्री कमलबहादुर शाहलाई दिएको समर्थन फिर्ता लिन निर्देशन दिएकी हुन्। उनले संसदीय दलका नेता घनश्याम चौधरीलाई कांग्रेस नेतृत्वको प्रदेश सरकारलाई दिएको समर्थन फिर्ता लिन निर्देशन दिएकी हुन्। फिर्ता नलिए कारबाही गर्ने उनले चेतावनी समेत दिएकी हुन्। ‘नागरिक उन्मुक्ति पार्टीको केन्द्रिय कमिटिको चैत १४ गते टीकापुरमा बसेको बैठकको निर्णय अनुसार पार्टीले दिएको समर्थन फिर्ता लिने निर्णय भएकाले सोही बमोजिम सरकारबाट बाहिर आउन निर्देशन गर्दछु’, अध्यक्षले शुक्रबार पठाएको पत्रमा उल्लेख छ। चैत १४ गतेको टीकापुरमा भएको…
धनगढी: दार्चुलाको मालिकार्जुन गाउँपालिका–५ डाडाकोटस्थित भिरबाट लडेर वडा सचिवको मृत्यु भएको छ। गाउँपालिकाको केन्द्र पस्तीबाट डाडाकोट जाने क्रममा वडा सचिव ४० वर्षीय गंगाराम लुहारको घटनास्थलमै मृत्यु भएको प्रहरीले जनाएको छ। जिल्ला प्रहरी कार्यालय दार्चुलाका अनुसार घटना बिहीबार भएको र प्रहरिले शुक्रबार जानकारी पाएको जनाएको छ। उनी हिजो बेलुकीतिर लडेको हुनसक्ने प्रहरीले अनुमान गरेको जिल्ला प्रहरी कार्यालयका सूचना अधिकारी ज्ञानेन्द्रबहादुर सिंहले बताए। अहिले प्रहरीले घटनाको अनुसन्धान गरिरहेको जनाएको छ।
धनगढी: डोटीमा सेती नदीमा नुहाउने क्रममा डुबेर एक जनाको मृत्यु भएको छ। जिल्लाको दिपायल सिलगढी नगरपालिका वडा नम्बर-१ तिखा कहरेकुडा बस्ने दुलैसिंह खड्काको छोरा वर्ष १८ को महेश खड्का बासुधारास्थित सेती नदीमा नुहाउने क्रममा डुबेर मृत्यु भएको जिल्ला प्रहरी कार्यालय डोटीले जनाएको छ। नदीमा नुहाउने क्रममा दिउसो १२ बजेर ४० मिनेटको समयमा डुबेर मृत्यु भएको प्रहरीले जनाएको छ। मृतकको शव नदीबाट निकाएको र घटनास्थलमा पुरेर प्रहरीले अनुसन्धान गरिरहेको छ।
धनगढी: नेपाल प्रहरीले नेकपा एमाले निकट विद्यार्थी संगठन अनेरास्ववियुकी स्थायी कमिटी सदस्य राजमती (रक्षा) बमलाई हिरासतमुक्त गरेको छ। आज उनलाई हिरासतमुक्त गरिएको हो। सरकारी वकीलको कार्यालयले बमलाई बाहिर राखेर पनि अनुसन्धान गर्न मिल्ने बताएपछि उनलाई छाडिएको जिल्ला प्रहरी परिसर, काठमाडौंले जनाएको छ। प्रहरी वृत्त महाराजगञ्जमा आपराधिक लाभको कसूरमा जाहेरी परेपछि बुधबार प्रहरीले उनलाई पक्राउ गरेको थियो। तर साँझ स्वास्थ्यको कारण देखाउँदै उनलाई अस्पताल भर्ना गरिएको थियो। प्रहरीले पक्राउ गरेपछि उनलाई अनेरास्ववियुले निलम्बन गरेको छ। बमले रश्मिला कुमारी धामीको मोबाइलबाट गोप्य तस्वीर र भिडियो हात पारेर उनीसँग ‘ब्ल्याकमेलिङ’ गरेको आरोप छ। उनी प्रहरी नियन्त्रणबाट छुटे पनि अनुसन्धान जारी रहेको प्रहरीले जनाएको…