बझाङ : बझाङबाट गर्भवती महिलाको हेलिकोप्टर मार्फत उद्धार गरिएको छ। जिल्लाको जयपृथ्वी नगरपालिका–११ बस्ने धनबहादुर थापाको श्रीमती ३२ वर्षिया सुनिता थापाको सोमबार हेलिकोप्टर मार्फत उद्धार गरिएको हो। हिजो आइतबारदेखि उनलाई सुत्केरी बेथा लागेर अत्याधिक रक्तश्राप भएपछि आज बिहान ११ बजे नेपाली सेनाको हेलिकोप्टर मार्फत सुर्खेत लगिएको जिल्ला प्रहरी कार्यालय बझाङका प्रहरी नायब उपरीक्षक भरत शाहले जानकारी दिए।
Author: महेन्द्रनगर पोष्ट
धनगढी: नेकपा एमाले सुदूरपश्चिम प्रदेश संसदीय दलकाे कार्यालयले जाजरकोट भूकम्पपीडितलाई सहयाेग गरेको छ। प्रदेशसभाका ९ जना सांसद र उनीहरूका स्वकीय सचिवबाट रकम संकलन गरेर साेमबार जिल्ला प्रशासन कार्यालयबाट हस्तान्तरण गरेकाे हाे। एमाले संसदीय दलका नेता राजेन्द्र रावलले प्रदेशसभाका सदस्यबाट १० हजार र स्वकिय सचिवबाट पाँच हजारका दरले रकम संकलन गरेर पीडितलाई हस्तान्तरण गरिएको जानकारी दिए। रावलकाअनुसार कुल संकलित एक लाख ३५ हजार रूपैयाँ एकमुष्ट जिल्ला प्रशासन कार्यालय मार्फत हस्तान्तरण गरिएको हाे। रावलले उक्त रकम थाेरै भएपनि विपद्का बेला पीडितलाई राहत तथा एकताकाे सन्देश दिन सहयोग राशि प्रदान गरिएको बताए।
काठमाडौं : प्रधानमन्त्री पुष्पकमल दाहाल ‘प्रचण्ड’ ले काठमाडौं महानगरपालिकाका प्रमुख बालेन्द्र शाहको जवाफ फर्काएका छन्। ललितपुर महानगरको १०५ औं स्थापना दिवसमा मेयर शाहले फोहोर व्यवस्थापन, काठमाडौंको खोला अतिक्रमणलगायको विषयमा संघीय सरकारबाट अपेक्षित सहयोग नपाएको गुनासो गरेका थिए। प्रधानमन्त्री दाहाल बोल्नुअघि काठमाडौंका मेयर बालेनले कुरा राखेका थिए। आफ्ना कुरा राखेर मेयर शाह कार्यक्रमबाट निस्किए। मेयर शाहले आफ्ना कुरा राख्ने तर अरूका कुरा नसुन्ने गरेको भन्दै कार्यक्रमकै मञ्चबाट प्रधानमन्त्री दाहालले यसो गर्दा आफूलाई खिन्न बनाउने बताए। ‘अघि बालेन्द्रजी गइहाल्नुभयो, मलाई फेरि पहिला बोलेर हिँड्नेसँग पनि अलिअलि इरिटेसन हुन्छ,’ प्रधानमन्त्री दाहालले भने, ‘आफूले भन्ने कुरा जे-जे भनिहाल्ने अनि त्यसको जवाफ सुन्नका लागि बस्दै…
काठमाडौँ : पूर्वराजा ज्ञानेन्द्र शाह आगामी हप्ता भैरहवा जाने भएका छन्। पूर्वराजा शाह पश्चिम क्षेत्र र मध्य क्षेत्रको भ्रमणको सिलसिलामा आगामी हप्ता भैरहवा जाने भएका हुन्। शाहका संवाद सचिव डा. फणिराज पाठकले सोमवार एक सूचना जारी गर्दै पूर्व राजासँगै पूर्वरानी कोमल राज्यलक्ष्मी देवी शाह पनि भैरहवा जाने बताएका छन्। पूर्वराजा शाहले पश्चिम र मध्यपश्चिमका केही जिल्लाको भ्रमण गर्ने कार्यक्रम रहेको पाठकले जानकारी दिएका छन् ।
काठमाडौं : त्रिभुवन विश्वविद्यालयको ४९ औँ दीक्षान्त समारोहलाई गिनिज बुक अफ द वर्ल्डले अवलोकन गर्दैछ। सोहीका लागि अवलोकन गर्न प्रतिनिधि टोली काठमाडौँ आएको हो। धेरै विद्यार्थीलाई एकैपटक दीक्षित गराउने दाबीसहित त्रिविले गिनिज बुकलाई रेकर्डका लागि अनुरोध गरेको थियो। टोलीले आजको दीक्षान्त समारोहको अवलोकन गर्नेछ । त्यसपछि वर्ल्ड रेकर्डका लागि अघि बढ्ने त्रिविले जनाएको छ। आजको दीक्षान्त समारोहमा १२ हजार ४१५ जनाले अनलाइनमार्फत आवेदन भरेका थिए। गत वर्ष त्रिविबाट ७३ हजार बढी विद्यार्थी पास आउट भएका थिए।
काठमाडौं : नेपाल सुपर लिग (एनएसएलं) मा आज काठमाडौं रेजर्स र धनगढी एफसीबीच खेल हुँदैछ। यी दुई टोली सोमबार एनएसएलको दोस्रो संस्करणमा खेल्दा यो सिजनको ‘हाई भोल्टेज’ खेल हुने छ। यस्तै दुई टिम पुराना प्रतिद्वन्द्वी पनि हुन्। २०७८ सालमा भएको पहिलो संस्करणमै यी दुई टोली तीन पटक भिडेका थिए। जसमा लिग चरण र क्वालिफायरमा धनगढी विजयी भएको थियो भने फाइनलमा धनगढीविरुद्ध बदला लिंदै काठमाडौं एनएसएलको पहिलो च्याम्पियन बनेको थियो । एनएसएलको एकै सिजन एक आपसमा तीन खेल खेल्ने काठमाडौं र धनगढी नै हुन्। त्यसैले पनि यसपटक यी दुई टोलीबीच खेल हुँदा पुराना प्रतिद्वन्द्वीको झल्को आउँछ नै, यस सिजन प्लेअफ पुग्ने…
काठमाडौं: नेपाली बजारमा सोमबार सुनचाँदीको मूल्य स्थिर रहेको छ। महासङ्घका अनुसार सोमबार छापावाल सुन प्रतितोला एक लाख १७ हजार ८०० रुपैयाँ र तेजाबी सुन एक लाख १७ हजार २५० रुपैयाँमा कारोबार भइरहेको छ। महासङ्घका अनुसार आइतबार पनि सोही मूल्यमा अर्थात् छापावाल सुन प्रतितोला एक लाख १७ हजार ८०० रुपैयाँ र तेजाबी सुन एक लाख १७ हजार २५० रुपैयाँमा कारोबार भएको थियो। यस्तै, आज चाँदी तोलाको १४ सय ५५ रुपैयाँमा कारोबार भइरहेको महासङ्घले जनाएको छ।
धनगढी सुदूरपश्चिमको हिमाली जिल्लासमेत रहेको दार्चुलाका विद्यार्थीहरुलाई न्यानो ज्याकेट प्रदान गरिएको छ। हालै दार्चुलाका तीन विद्यालयला छात्राछात्रहरुलाई न्यानो ज्याकेट प्रदान गरिएको हो। सोअर एक्सन नेपालले प्रदान गरेका न्यानो ज्याकेटहरु हन्ड्रेड (१००) ग्रुपसहितको टोलीले हस्तान्तरण तथा वितरण गरेको हो। हन्ड्रेड ग्रुपका संस्थापक अध्यक्ष बब्लु गुप्ता नेपालले दार्चुलाका ३ विद्यालयमा ज्याकेटहरु वितरण गरिएको जानकारी दिए। उनका अनुसार सो क्रममा सोअर एक्सन नेपालका डाइरेक्टर कर्मा शेर्पासहितको टोली पनि उपस्थित थियो। जिल्लाको जगन्नाथ आधारभूत विद्यालय, भवन माध्यमिक विद्यालय र भगवती आधारभूत विद्यालयमा ज्याकेट दिइएको बताइएको छ। यी संस्थाहरुले यसअघि देखि नै नेपालका हिमाली जिल्लामा ज्याकेट वितरण गर्दै आएका छन्।
कैलालीः प्रधानमन्त्री (पीएम) कप पुरूष एकदिवसीय राष्ट्रिय क्रिकेट प्रतियोगिताका लागि सुदूरपश्चिम प्रदेशस्तरीय छनोट यही पुस ८ गते शुरू हुने भएको छ। बैतडीमा प्लेट च्याम्पियनसिप, कैलालीमा इलिट च्याम्पियनसिपका खेल हुने सुदूरपश्चिम प्रादेशिक क्रिकेट संघका अध्यक्ष वासुदेव जोशीले जानकारी दिए। प्लेट च्याम्पियनसिपमा दार्चुला, बझाङ, डडेल्धुरा, डोटी तथा इलिट च्याम्पियनसिपमा बैतडी, कैलाली, कञ्चनपुर र अछाम सहभागी हुनेछन्। गत वर्षको प्रदेश छनोटमा सेमिफाइनल पुगेका टोलीले सोझै इलिट च्याम्पियनसिप र सेमिफाइनलमा नपुगेका टोलीले प्लेट च्याम्पियनसिप खेल्न लागेका हुन्। प्लेट च्याम्पियनसिपको विजेता टोली इलिट च्याम्पियनसिपमा सहभागी हुने सुदूरपश्चिम प्रादेशिक क्रिकेट संघका उपाध्यक्ष रमेश बोहराले जानकारी दिए। प्लेट च्याम्पियनसिपको उद्घाटन खेलमा पुस ८ गते दार्चुला र डडेल्धुरा…
कञ्चनपुरः कञ्चनपुरमा लागुऔषधसहित एक युवक पक्राउ परेका छन्। दोधारा चाँदनी नगरपालिका-१ स्थित महाकाली नदीमा निर्माणाधीन पक्की पुलबाट २.४२ ग्राम लागूऔषध (खैरो हेरोइन)सहित बेदकोट नगरपालिका-१० का ३० वर्षीय धनिराम कामी आइतवार पक्राउ परेका हुन्। आइतवार लागूऔषध नियन्त्रण ब्यूरो शाखा कार्यालय महेन्द्रनगर र अस्थायी प्रहरी पोष्ट झोलुङ्गेबाट खटिएको संयुक्त प्रहरी टोलीले उनलाई भारतबाट नेपाल तर्फ आउदा चेकजाँच गर्ने क्रममा पक्राउ गरेको जनाएको छ। चेकजाँच गर्दा उनले प्रयोग गरेको मोटरसाईकलको हेडलाइटको भाइजरमा लुकाइ राखेको अवस्थामा लागुऔषध फेला पारी भारतीय नम्बर प्लेटको मोटरसाईकल एक थानसहित नियन्त्रणमा लिएर थप अनुसन्धान गरिरहेको प्रहरीले जनाएको छ।