काठमाडौं : उच्च अदालतका रिक्त न्यायाधीश नियुक्तिप्रति असन्तुष्ट नेपाल बार एसोसिएसनले न्याय परिषदबाट आफ्ना प्रतिनिधिलाई फिर्ता बोलाउने निर्णय गरेको छ। गत साताको ३९ जना न्यायाधीश नियुक्ति सिफारिसमा कानुन व्यवसायीहरुको तर्फबाट भएका केही भागबण्डाको अनुहारमा बारले चर्को असहमति जनाएको छ। ‘उच्चको न्यायाधीश नियुक्तिमा मनपरी भएको छ। भ्रष्टलाई पनि न्यायाधीश बनाइएको छ वरिष्ठतामा रहेकाहरुलाई छुटाइएको छ,’ बारका एक जना पदाधिकारीले भने, ‘हाम्रा प्रतिनिधि रामप्रसाद श्रेष्ठलाई फिर्ता बोलाउने निर्णय गरेका छौं।’ परिषद्को बैठकपछि श्रेष्ठलाई अस्ति छलफलको निम्ति बारमा बोलाइएको थियो। तर, मोबाइल अफ गरेर बसेका उनी बारको छलफलमा नगएको बताइन्छ। हिजोको बार बैठकले उनलाई परिषद प्रतिनिधिबाट फिर्ता बोलाउने निर्णय गरेको छ। बैठकको माइन्युटमा…
Author: महेन्द्रनगर पोष्ट
काठमाडौं : प्रधानमन्त्री निवास बालुवाटारमा शनिबार बसेको सत्ता गठबन्धनको बैठक बिनानिष्कर्ष सकिएको छ । राष्ट्रियसभाको निर्वाचनमा सिट बाँडफाँटको विषय टुङ्ग्याउन बसेको बैठकमा दलहरुबीच कुरा नमिलेको हो। आजको बैठकमा नेपाली कांग्रेस, नेकपा माओवादी केन्द्र, नेकपा एकीकृत समाजवादी, जनता समाजवादी पार्टी (जसपा) नेपाल, जनमत पार्टी, नागरिक उन्मुक्ति पार्टी, राष्ट्रिय जनमोर्चालगायत गठबन्धनमा आबद्ध दलका नेताहरुको सहभागिता थियो। बैठकमा मुख्य चार दलबीच सिट विभाजनमा कुरा नमिलेको बुझिएको छ। जनमत पार्टीका अध्यक्ष सिके राउतले कांग्रेस, माओवादी र जसपाबीच सिट विभाजनमा कुरा नमिलेको बताए। उनका अनुसार राष्ट्रिय जनमोर्चाले पनि १ सिटमा दाबी गरेको छ। स्रोतका अनुसार कांग्रेसले ११ सिटमा आफ्नो दाबी कायमै राखेको छ। दुई सिट…
बाजुराः बाजुराको एक पसलमा आगलागी भएको छ। जिल्लाको खप्तड छेडेदह गाउँपालिका–७ लमगाउँका भीमबहादुर रावतको खद्रा पसलमा बिजुलीको तार सर्ट भएर आज (शनिबार) बिहान आगलागी भएको हो। आगलागीबाट करिब ६ लाख मुल्यको धनमाल जलेर नष्ट भएको अनुमान गरिएको छ। पसलभित्र रहेका चामल, लत्ताकपडा, मदिरा, खुद्रा सामान, इलेक्ट्रोनिक सामाग्री, भाडाबर्तन, रिचार्ज कार्ड, नगद लगायतका सामानहरु जलेर करिब पाँच लाख ९१ हजार बराबरको धनमाल जलेर नष्ट भएको प्रहरीले जनाएको छ। प्रहरी र स्थानीय सहयोगमा आगो नियन्त्रणमा लिने काम भएको थियो। क्षतिको एकिन विवरणबारे थप अनुसन्धान भइरहेको प्रहरीले जनाएको छ।
बैतड : बैतडीको टाेली लगातार तेस्रो जित निकाल्दै प्रधानमन्त्री कप पुरूष एकदिवसीय राष्ट्रिय क्रिकेट प्रतियोगिताकाे सुदूरपश्चिम प्रदेशस्तरीय छनाैटकाे फाइनल नजिक पुगेकाे छ। शनिवार कञ्चनपुरमाथि २० रनकाे जित हात पार्दै बैतडीको टाेली फाइनल नजिक पुगेको हाे । जितका लागि १८६ रनकाे लक्ष्य पछ्याएकाे कञ्चनपुरकाे टाेलीले ३५ ओभरमा १६५ रन मात्रै बनाउन सक्याे। जसमा अभिषेक थापाले अर्धशतकीय पारी खेल्दै ६५ र प्रकाश पाण्डेले ४४ रनकाे याेगदान गरे। २६ रन जाेड्दा पहिलाे विकेट गुमाएको कञ्चनपुरका लागि अभिषेक र प्रकाशबीच दाेस्राे विकेटका लागि ९६ रनकाे साझेदारी भयाे। २२.४ ओभरमा १२२ रन जाेड्दा दाेस्राे विकेट गुमेपछि त्यसपछिका अन्य ब्याटरबीच साझेदारी बन्न नसक्दा कञ्चनपुरकाे पारी संकटमा…
डोटीः डोटीमा खाना पकाउने क्रममा ग्यास सिलिन्डर विष्फोट हुँदा एक जना गम्भीर घाइते भएका छन्। दिपायल सिलगढी नगरपालिका–१ तिखाका ४५ वर्षीय खडकबहादुर खड्का घाइते भएका हुन्। उनको जिल्ला अस्पताल डोटीमा उपचार सम्भव नभएपछि थप उपचारका लागि सेती प्रादेशिक अस्पताल धनगढी रेफर गरिएको जिल्ला प्रहरी कार्यालय डोटीका सूचना अधिकारी प्रहरी नायव उपरीक्षक निशान्त श्रीवास्तवले बताए।
डडेल्धुरा : डडेल्धुराकी क्यान्सर पीडित महिलालाई नगद सहयोग गरिएको छ। जिल्लाको अमरगढी नगरपालिका- ७ कि क्यान्सर पीडित जानकी कैनीलाई समाजसेवी युवा विनय प्रकाश मल्लबाट ६० हजार र खलंगा समाज तथा अन्य व्यक्तिहरुबाट प्राप्त २१ हजार ४१० गरि ८१ हजार ४१० प्रदान गरिएको हो। शनिबार वडा सचीव शारदा ओझाको रहोबरमा उक्ति रकम हस्तान्तरण गरिएको मल्लले जानकारी दिए। डडेल्धुरा घर भई जापानमा रहेका समाजसेवी मल्ल डडेल्धुराका दुखी, पीडित, गरिव, विपन्न वर्ग साथै विद्यालयलाई सहयोग गर्दै आएका छन्। उनले हालसम्म १ करोड भन्दा बढिको सेवा गरिसकेका छन्। उनले डडेल्धुराका विद्यालयमा छात्रवृद्धिका लागि अक्षयकोष समेत स्थापना समेत गरेका छन्। युवालाई सीप सिकाएर जापानमा रोजगारीको…
धनगढी : गोरखापत्र दैनिकका सुदूरपश्चिम प्रदेशका समाचार संयोजक प्रकाशविक्रम शाह सम्मानित भएका छन् । धनगढीको हिमशिखर सहकारी संस्थाले आफ्नो १५ औं वार्षिक साधारण सभामा उनलाई सम्मान गरेको हो। शाहले सहकारीका क्षेत्रमा कलम चलाएर उत्कृष्ट योगदान पुर्याएको भन्दै नगदसहित सम्मानित गरेको सो संस्थाका सचिव विमलकुमार जोशीले बताए ।
काठमाडौं : सत्तारुढ गठबन्धनले राष्ट्रियसभा चुनावमा नेकपा एमालेसँग सहकार्य नगर्ने भएको छ । शनिबार बिहान प्रधानमन्त्रीको सरकारी निवास बालुवाटारमा बसेको सत्ता गठबन्धनमा सहभागी प्रमुख चार दलको बैठकले यस्तो निर्णय गरेको हो । माघ ११ हुने राष्ट्रियसभा निर्वाचनका लागि एमालेसँग सहमतिको सम्भावना सकिएको कांग्रेस नेता रमेश लेखकले बताए । अहिले प्रमुख प्रतिपक्षले पनि १९ सिटमै चुनाव लड्ने निर्णय गरेको अवस्था भएकाले सत्ता गठबन्धनले पनि गठबन्धनबाटै चुनाव लड्ने समझदारी भएको उनले बताए ।
कञ्चनपुर : कञ्चनपुरमा आजदेखि जलपन्छी गणना सुरु भएको छ । राष्ट्रिय निकुञ्ज तथा वन्यजन्तु संरक्षण विभागको अगुवाइमा शुक्लाफाँटा राष्ट्रिय निकुञ्ज, राष्ट्रिय प्रकृति संरक्षण कोष, नेपाल पन्छी संरक्षण सङ्घ, हिमालयन नेचरगाइड, शुक्लाफाँटा नेचर गाइड एसोसिएसनलगायत सङ्घसंस्थाले जलपन्छी गणना थालेका हुन् । जलपन्छी गणना आजदेखि माघ ७ गतेसम्म जारी रहने नेपाल पन्छी संरक्षण सङ्घका चराविज्ञ हिरुलाल डगौराले बताए । उनका अनुसार शुक्लाफाँटा राष्ट्रिय निकुञ्जभित्रमा सिमसार क्षेत्र, ताल तलैया, नदीलगायत र निकुञ्ज बाहिरका जलाधार क्षेत्रमा जलपन्छी गणना हुनेछ । निकुञ्ज बाहिरका क्षेत्रमा डिभिजन वन कार्यालयसँग समन्वय गरी जलपन्छी गणना हुने चराविज्ञ डगौराले बताए। जलपन्छी गणनामा ‘वाइनाकुलर टेलिस्कोप’ र ‘जिपिएस’सहितको क्यामेराको प्रयोग गरिने छ ।…
काठमाडौं : डाक्टर गोविन्द केसीसहित ९ जना माइतीघर मण्डलबाट पक्राउ परेका छन् । विभिन्न मागसहित निषेधाज्ञा तोड्न माइतीघरमा प्रदर्शनमा उत्रिएका केसी र उनका समर्थकलाई प्रहरीले नियन्त्रणमा लिएको हो । माइतीघरमा प्रदर्शन गर्ने क्रममा केसी सहित ९ अभियन्तालाई प्रहरीले पक्राउ गरेको छ । स्वास्थ्य र मेडिकल शिक्षामा सुधार, सबै नागरिकको स्वास्थ्य सेवा पाउने अधिकार तथा विद्यार्थीहरूको योग्यताका आधारमा निःशुल्क वा न्यूनतम शुल्कमा मेडिकल शिक्षाका कोर्सहरू पढ्न पाउने अधिकार अनि न्याय र सुशासनको माग गर्दै उनीहरू प्रदर्शनमा उत्रिएका थिए । माइतीघर मण्डल हाल निधेषित क्षेत्र हो । तर, केसीले नागरिकको भेला भएर प्रदर्शन गर्न पाउने संविधानले प्रदत्त अधिकार फिर्ता गर्नु पर्ने भन्दै…