काठमाडौं : स्यानेटरी प्याड खरिदमा भ्रष्टाचार गरेको आरोपमा सप्तरीको रूपनी गाउँपालिकाका तत्कालीन प्रमुख प्रशासकीय अधिकृतसहित पाँच जनाविरूद्ध मुद्दा दायर भएको छ। अख्तियार दुरूपयोग अनुसन्धान आयोगले बिहीबार काठमाडौंस्थित विशेष अदालतमा पाँच जनाविरूद्ध भ्रष्टाचारको मुद्दा दायर गरेको प्रवक्ता नरहरि घिमिरेले जानकारी दिए। गाउँपालिकाका तत्कालीन प्रमुख प्रशासकीय अधिकृत अरविन्दकुमार चौधरी, लेखा अधिकृत श्यामसुन्दर यादव, माध्यमिक तह शिक्षक श्यामप्रसाद यादव, नायब सुब्बा सुजन दाहाल र लक्ष्मी ट्रेडर्स एण्ड सप्लायर्स राजविराज दोस्रो पक्षको तर्फबाट प्रोप्राइटर ललिताकुमारी साहविरूद्ध मुद्दा दायर भएको हो। उनीहरूले ८ लाख ७४ हजार ३ रुपैयाँ भ्रष्टाचार गरी सरकारलाई हानिनोक्सानी पुर्याएको आरोप छ। गाउँ कार्यपालिकाको मिलेमतोमा सिलबन्दी दरभाउ पत्रको माध्यमबाट खुद्रा मूल्यभन्दा दुई…
Author: महेन्द्रनगर पोष्ट
काठमाडौं : ललितपुरको बालकुमारीमा भएको झडपमा ज्यान गुमाएका दुई युवकका परिवारले क्षतिपूर्ति रकम पाएका छन्। दैलेखका सुजन राउत र अछामका वीरेन्द्र शाहको परिवारलाई सरकारले घोषणा गरेको दश लाख रुपैयाँ क्षतिपूर्ति दिइएको हो। क्याविनेट बैठकको निर्णयानुसार नगद प्रदान गरिएको अर्थ मन्त्रालयले जानकारी दिएको छ। मन्त्रालयले पुस महिनामा मात्र एक करोड १७ लाख रुपैयाँ विभिन्न व्यक्ति तथा परिवारलाई आर्थिक सहायतास्वरुप वितरण गरेको पनि जनाएको छ। मन्त्रिपरिषद्को विभिन्न मितिमा भएको निर्णयानुसार उक्त रकम बाँडिएको मन्त्रालयको भनाइ छ। दक्षिण कोरियामा पानी जहाज निर्माणका लागि लिइएको (सिप बिल्डिङ) परीक्षामा अनुत्तीर्ण भएपछि उत्पादनमूलक क्षेत्रमा फाराम भर्न पाउनुपर्ने माग राख्दै आएका युवाहरुले गत पुस १३ गते बालकुमारीमा…
धनगढी : राष्ट्रियसभा सदस्य निर्वाचनमा सुदूरपश्चिमका मुख्यमन्त्री कमलबहादुर शाहले मतदान गरेका छन्। उनले आज बिहान मतदान केन्द्र पुगेर मतदान गरेका हुन्। राष्ट्रियसभा सदस्य चयनका लागि सुदूरपश्चिम प्रदेशमा शान्तिपूर्ण वातावरणमा मतदान भइरहेको छ। मतदान ३ बजेसम्म जारी रहनेछ। राष्ट्रियसभा सदस्य हरिराम चौधरी, इन्दु कडरिया र महेशकुमार महराको पदावधि आगामी फागुनमा सकिन लागेकाले रिक्त हुने पदका लागि निर्वाचन गर्न लागिएको हो। सुदूरपश्चिममा सत्ता गठन्धनको तर्फबाट नेपाली कांग्रेसबाट नारायणदत्त भट्ट (कैलाली), बलदेव बोहरा (कञ्चनपुर) र नेकपा (माओवादी केन्द्र) का रेणु चन्द (बैतडी) उम्मेदवार छन्। यसैगरी, नेकपा (एमाले) कैलालीका रामचन्द्र जोशी, सावित्रा घिमिरे र कञ्चनपुरका ईश्वरीप्रसाद खरेल चुनावी मैदानमा उत्रिएका छन्।
सुनसरी : धरान उपमहागरपालिका प्रमुख हर्क साम्पाङ राईले राष्ट्रियसभा सदस्य निर्वाचनमा मतदान बहिस्कार गरेका छन्। साम्पाङले कार्यव्यस्तता देखाउँदै राष्ट्रियसभा सदस्य निर्वाचनको मतदान बहिस्कार गरेका हुन्। व्यस्त भएका कारण भोट हाल्न नआउने उनले बताए। राजधानी विराटनगरमा मतदान जारी रहेको छ। अब ४ जना स्थानीयतहका जनप्रतिनिधिले मात्रै मतदान गर्न बाँकी रहेको सहायक निर्वाचन अधिकृत हेम बहादुर बुढाथोकीले बताए।
काठमाडौँ : काठमाडौँ महानगरपालिकाका मेयर बालेन्द्र शाहले राष्ट्रियसभा सदस्यको निर्वाचनमा मतदान नगर्ने भएका छन्। मेयर शाहका प्रमुख स्वकीय सचिव भूपदेव शाहका अनुसार आज बिहान ९ बजेबाट बागमती प्रदेशको हेटौँडामा भइरहेको राष्ट्रियसभा निर्वाचनमा मतदान गर्न मेयर शाह नजाने भएका हुन्। ‘कार्यव्यवस्ताका कारण उहाँ मतदान गर्न जानहुँदैन,’ भूपदेवले भने। २०७९ वैशाखमा स्वतन्त्र उम्मेदवारका रूपमा काठमाडौँ महानगरको मेयर बनेका शाहले राष्ट्रियसभा निर्वाचनमा पहिलो पटक नै मतदान नगर्ने भएका छन्।
धनगढीः कञ्चनपुरको भीमदत्त नगरपालिकामा मेयर पदम बोगटीले मनलाग्दी गरेका छन्। मेयर बोगटीले स्थानीय सरकार सञ्चालन ऐन २०७४ र बहुमत वडा सदस्यहरुको निर्णय समेत लत्याएका हुन्। भीमदत्त नगरपालिका–६ का वडाध्यक्ष महेन्द्र खड्काको निधन भएपछि स्थानीय सरकार सञ्चालन ऐन २०७४ र बहुमत वडा सदस्यहरुको निर्णयले ज्येष्ठ सदस्य शारदा विकलाई कार्यवाहक वडाध्यक्ष बनाउने निर्णय गरेका थिए। तर, मेयर बोगटीले सो निर्णयको अवज्ञा गर्दै वडा नम्बर ६ मा कार्यवाहक वडाध्यक्ष तोकिदिएका छन्। उनले नगरप्रमुख स्तरीय बैठकबाट निर्णय गराउँदै तोकआदेशका भरमा वडा सदस्य देवकी जोशीलाई कार्यवाहक वडाध्यक्षको जिम्मेवारी दिएका हुन्। मेयरको तोकआदेशको भरमा कार्यवाहकको जिम्मेवारी पाएकी जोशीले त्यसमा असहमती जनाएकी थिइन्। स्थानीय सरकार सञ्चालन ऐन…
धनगढी : अछाममा जंगली जनावरको छाला, सिङ र भरूवा बन्दुकसहित एक जना पक्राउ परेका छन्। पक्राउ पर्नेमा जिल्लाको मंगलसेन नगरपालिका–१२ ठाँटीखाँद बस्ने टंकबहादुर शाही रहेका छन्। आज (बिहीबार) शाहीको घरमा जङ्गली जनवारको छाला, सिङ तथा अवैध भरूवा बन्दुक लुकाई छिपाई राखेको छ भन्ने गोप्य सूचनाको आधारमा प्रहरीले चेकजाँच गर्दा जङ्गली जनावरको छाला, सिङ र भरुवा बन्दुक फेला पारेको अछाम प्रहरीले जनाएको छ। घटना बारे थप अनुसन्थान भइरहेको छ।
काठमाडौंः माओवादी जनयुद्धका ब्रिगेड कमाण्डर जितमान पुन ‘मार्शल’ पक्राउ परेपछि डा. बाबुराम भट्टराईले आपत्ती जनाएका छन्। पुनलाई लागूऔषधसम्बन्धी मुद्दामा प्रहरीले काठमाडौँबाट नियन्त्रण लिएको हो। लागूऔषधसम्बन्धी मुद्दामा पुन समातिएको भनिए पनि पूर्वप्रधानमन्त्री तथा नेसपा अध्यक्ष भट्टराईले जनयुद्धकालीन मुद्दामा फ़साइएको आरोप लगाएका हुन्। सामाजिक सञ्जालमा स्टाटस लेख्दै उनले प्रधानमन्त्री पुष्पकमल दाहाल ‘प्रचण्ड’लाई यस सम्बन्धमा तुरून्त आवश्यक कदम चाल्न मागसमेत गरेका छन्। ‘पूर्वजनमुक्ति सेनाका ब्रिगेड कमाण्डर तथा नेपाल समाजवादी पार्टीका केन्द्रीय सदस्य जीतमान पुन ‘मार्शल’ (पूर्वी रूकुम) लाई जनयुद्धकालीन मुद्दामा गिरफ्तार गरिएकोमा नेसपाको घोर आपत्ति छु,’ भट्टराईले भनेका छन्, ‘हामी यो घटनाको तीव्र भ्रत्सना गर्दछौं। यसबारे तुरून्त आवश्यक कदम चाल्न जनयुद्धका सुप्रिम कमाण्डार…
काठमाडौँ : त्रिभुवन विश्वविद्यालयबाट प्रदान गरिने शैक्षिक प्रमाणपत्रहरू अनलाइनमार्फत प्राप्त गर्न सकिने भएको छ। यही माघ १५ गतेदेखि लागू हुनेगरी त्रिवि परीक्षा नियन्त्रण कार्यालयले अनलाइन मार्फत शैक्षिक प्रमाणपत्र उपलब्ध गराउने गरी तयारी गरेको हो। परीक्षा नियन्त्रण कार्यालय बल्खु र क्षेत्रीय परीक्षा नियन्त्रण कार्यालयहरूबाट ट्रान्सक्रिप्ट, प्रोविजनल प्रमाणपत्र, पुनर्योग, प्रतिलिपि, करेक्सन लगायतका सेवा अनलाइन मार्फत नै दिनेगरी व्यवस्था मिलाउन लागेको हो। त्यसका लागि आवश्यक तिर्ने पर्ने शुल्क समेत अनलाइन मार्फत नै तिर्ने पर्नेछ। त्यसका लागि अनलाइन मार्फत आवेदन दिनुपर्ने र विद्यार्थीहरूको प्रमाणपत्र सम्बन्धित क्षेत्रीय परीक्षा नियन्त्रण कार्यालय (प्रदेश कार्यालय) बाट वितरण गरिने पनिकाले जनाएको छ। यी सेवाहरू १५ माघ २०८० सोमबार बिहान…
धनगढी: सुदूरपश्चिम प्रदेशका उद्योग, पर्यटन, वन तथा वातावरण मन्त्री रमेश धामीले आगामी बजेटमा देउडा आइडल आयोजना गर्न बजेट छुटाउने बताएका छन्। धनगढीमा बुधवार साँझ आयोजित देउडा आइडल सम्बन्धी विशेष भेटघाटमा मन्त्री धामीले उक्त कुरा बोलेका हुन्। कला, संस्कृति, परम्परा जोगाउनेका काम सरकारको भएको उनको भनाइ थियो। उनले अहिले विभिन्न संस्थाहरूले त्यस्तो काम गरेर राम्रो गरिरहेको बताए। उनले भने, ‘कला, संस्कृति, परम्परा जोगाएर पर्यटन क्षेत्रसँग जोडेर आम्दानी बढाउनु पर्ने पनि हुन्छ।’ नेकपा (एमाले) का प्रदेश अध्यक्ष कृष्णप्रसाद जैसीले देउडा आइडलले देउडा संस्कृति जोगाउन ठूलो भूमिका खेल्ने बताए। सो अवसरमा महेश आउजी लगायतले विभिन्न देउडा लगायतका कलाकारले सांस्कृतिक प्रस्तुति गरेका थिए। फागुनको…