धनगढी : अमेरिकामा बेपत्ता नर्स ममता काफ्ले भट्टको हत्या उनकै श्रीमान् कञ्चनपुरका नरेश भट्टले गरेको प्रहरीको दाबी छ। अदालतमा पेश गरेको कागजातमा उनको घरकै बेडरुममा हत्या गरेर शव बाहिर कतै घिसारेको प्रतिष्ठित समाचार संस्था सीएनएनले उल्लेख गरेको छ। सीएनएनले प्राप्त गरेका ती काजातमा घरकै बेडरुममा हत्या गरेको प्रमाणस्वरुप बेडरुम र बाथरुममा रगत देखिएको बताइएको छ। अदालतले नर्स ममताको शव लुकाएको आरोप भट्टलाई लगाएको छ। उनको घरमा खोजी वारेन्ट जारी गरेपछि बिहीबार भट्टलाई पक्राउ गरिएको थियो र शुक्रबार अदालतमा उपस्थित भएका थिए। भट्टको अभियोग पत्रमा उजुरीमा भनिएको छ, ‘जुलाई ३०, २०२४ मा आरोपी नरेश भट्टले आफ्नी श्रीमती ममता भट्टको हत्या गरेका थिए।’…
Author: महेन्द्रनगर पोष्ट
काठमाडौँ : नेकपा (एमाले) का नेता तथा सांसद तारा लामा तामाङले देश बनाउनको लागि कांग्रेस र एमाले मिलेर सरकार बनाएको स्पष्ट पारेका छन् । तर, प्रमुख प्रतिपक्षी दल नेकपा (माओवादी केन्द्र) ले भने सरकारको विरुद्धमा बाहिरी शक्तिलाई पनि गुहारेको भन्दै लामाले गम्भीर टिप्पणी गरे । शनिबार रिपोर्टर्स क्लब नेपालले आयोजना गरेको विशेष साक्षात्कारमा बोल्दै उनले वर्तमान सरकारले देशलाई समृद्धिको दिशामा डोर्याएको र जनतामा आशाको किरण छर्न थालेपछि केही शक्तिहरू आत्तिएको र सरकारविरुद्ध तथानाम बोलेर हिँड्न थालेको टिप्पणी गरे । उनले भने,‘अहिले देश समृद्धितर्फ जाने देखेपछि, नेपालभित्रकै केही तप्का छटपटाएर तथानाम बोलेर हिँडिरहेको छ । यसलाई नेपाली जनताले चिर्नेछ । यसको…
धनगढीः हिजो राति धनगढीमा ट्राफिक प्रहरी र एक पत्रकारबीच विवाद भएको घटनापछि प्रहरी विवादमा तानिएको छ। विवाद भएको भन्दै ट्राफिक प्रहरीले पत्रकारलाई हतकडी लगाएर थुनामा पठाएपछि प्रहरी विवादमा तानिएको हो। सवारी चालकसँग कागजात भए/नभएको हेर्ने र कैफियत देखिएमा जरिमाना काट्ने अधिकार पाएको ट्राफिक प्रहरीले व्यक्तिगत रिसिइबी साध्न हतकडी लगाएर हिरासतमा पठाएको आरोप लागेको छ। शुक्रवार राति करिब ९ बजेको समयमा धनगढीका पत्रकार रमेश अयडीलाई प्रहरीले थुनेको थियो। ट्राफिक प्रहरी हवलदार विजय बमले अयडीसहित अर्का एक जना युवकसँग विवाद भएपछि हतकडी लगाएर जिल्ला प्रहरी कार्यालयको हिरासतमा पठाएका थिए।बमले शुक्रवार साँझ कागजपत्र नभएको भन्दै पत्रकारलाई हतकडी लगाएर जिल्ला प्रहरीको हिरासतमा पठाएका थिए। तर…
काठमाडौं: हिजो बिहान तनहुँको आँबुखैरेनीमा भएको बस दुर्घटनाका मृतकहरुको शव भारत लगिएको छ। आज अपरान्ह भरतपुर विमानस्थलबाट भारतीय वायुसेनाको विमानमा राखेर मृतक २७ मध्ये २५ को शव मुम्बई लगिएको छ। भरतपुर अस्पतालमा पोस्टमार्टम सकाएपछि भारतीय वायुसेनाको कल साइन केसी ३८१० विमान हिजो दुर्घटनामा मृत्यु भएका भारतीयहरुको शव बोकेर ५ बजे मुम्बइतर्फ प्रस्थान गरेको बताइन्छ। शव बुझ्न भारतकी युवा तथा खेलकुद राज्यमन्त्री रक्षा खड्से चितवन पुगेकी हुन्। उक्त विमानबाटै राज्यमन्त्री खड्से पनि मुम्बइ फर्किएकी छन्। बाँकी दुई वटा शव स्थलमार्गबाट सुनौली नाका हुँदै गोरखपुर लगिएको छ। दुर्घटनाका घाइते १६ जनाको काठमाडौंस्थित त्रिवि शिक्षण अस्पतालमा उपचार भइरहेको छ। बिहान काठमाडौं आइपुगेपछि भारतीय…
धनगढी: कैलालीमा बस्ने बझाङकी एक महिलाको घरबाट १६ किलोग्राम बढी चरेस बरामद भएको छ। प्रहरीले आज १६ किलो १८० ग्राम लागू औषध (चरेस) सहित महिलालाई पक्राउ गरेको हो। जिल्लाको गोदावरी नगरपालिका वडा नं. ०२ तेघरी खानेपानी टोलस्थित बस्दै आएकी बझाङ बुंगल नगरपालिका वडा नं. ०२ दहबगर मल्ली बत्थी घर भएकी आइते धामीको श्रीमती ४५ वर्षीया मंगली देवी धामी समातिएकी हुन्। उनको घरमा लागु औषध (चरेस) को ओसार पसार तथा कारोबार भईरहेको भन्ने विशेष सूचनाको आधारमा प्रहरीले छापा हानेको थियो। सो क्रममा चरेस बरामद गरिएको हो। उनले घरको कोठाभित्र सेतोमा रातो धर्सेदार रंगको बोराभित्र भुसामा लुकाएर चरेस राखेकी थिइन्।
धनगढी: कैलालीमा सर्पले डसेर दुई बालिकाको मृत्यु भएको छ। जिल्लाको गौरीगङ्गा नगरपालिका–७ महुलियामा सर्पले डसेर एकै घरमा दिदी बैनीको मृत्यु भएको जिल्ला प्रहरी कार्यालय कैलालीले जानकारी दिएको छ। ४ वर्षीया काजल र ७ वर्षीया निता घर्तीमगरलाई शुक्रबार राति सुतिरहेको अवस्थामा सर्पले डसेको थियो। सर्पले डसेपछि स्थानीय अस्पतालबाट थप उपचारको लागि धनगढी ल्याइएको थियो। धनगढीस्थित सेती प्रादेशिक अस्पतालमा उपचारको क्रममा उनीहरु दुवैको मृत्यु भएको जिल्ला प्रहरी कार्यालय कैलालीका प्रहरी निरीक्षक लोकेन्द्रसिंह कार्कीले जानकारी दिए। सोही समयमा बालिकाकी हजुर आमा मेनुका घर्तीमगरलाई पनि सर्पले डसेको छ। उनको अहिले सेती प्रादेशिक अस्पतालमा उपचार भइरहेको छ। उनको अवस्था मध्यम रहेको प्रहरीले जनाएको छ।
काठमाडौं : तनहुँमा भएको बस दुर्घटनामा घाइते यात्रुलाई भेट्न भारत सरकारकी युवा तथा खेलकुद राज्यमन्त्री रक्षा खडसे आज काठमाडौं आउने भएकी छिन् । दुर्घटनाका घाइतेलाई भेट्न र मृतक शवहरू लिएर जान उनी काठमाडौं आउन लागेकी हुन् । स्रोतका अनुसार प्रधानमन्त्री नरेन्द्र मोदीको निर्देशनमा उनी आज बिहान साढे १० बजे काठमाडौं आउने कार्यतालिका छ । उनको साथमा महाराष्ट्र जलगांवका एक जना विधायक पनि आउने छन् । शुक्रबार पोखराबाट काठमाडौँतर्फ जाँदै गरेको भारतीय नम्बर प्लेट युपी ५३ एफटी ७६२३ नम्बरको बस मर्स्याङ्दी नदीमा खस्दा २७ जनाको मृत्यु भएको थियो । दुर्घटनामा १६ जना घाइते भएको र उनीहरुलाई शुक्रबार नै हेलिकप्टरमार्फत काठमाडौँ पठाइएको…
धनगढी : सुदूरपश्चिमको मौलिक पर्व गौरा आजदेखि विधिवत् रुपमा सुरु भएको छ । भाद्र शुक्ल पक्ष पञ्चमीदेखि सुरु हुने पर्वको आज पहिलो दिन घर–घरमा बिरुडा राखेर मनाइँदै छ । आजको दिनलाई बिरुडा पञ्चमी समेत भनिन्छ । आज ब्रतालु महिलाले घरमा ‘बिरुडा’ (पाँच प्रकारका अन्न तथा गेडागुडी) भिजाएर गौराको सुरुवात गर्ने चलन छ । तामाको भाँडोलाई गाईको गोबरले लिपेर दुबो, अक्षताले शृङ्गारी त्यसभित्र पञ्च अन्न (मास, कलौँ, गहत, गहुँ र गुरुस) भिजाएर बिरुडा बनाउने चलन छ । बिरुडालाई गौरीको प्रसादका रुपमा लिइन्छ । गौरादेवीको पुजाआजामा पनि बिरुडाको प्रयोग गरिन्छ । पुत्रदा एकादशीको व्रत बसिसकेपछि भदौको बिरुडा पञ्चमीदेखि गौरा पर्व विधिवत् रुपमा…
काठमाडौँ : रुसी सेनामा भर्ती भई स्वदेश फर्कन इच्छुक अधिकांश नेपालीहरू आगामी कातिक–मंसिरभित्र नेपाल आइपुग्ने भएका छन्। दक्षिण एसियाली मुलुकहरू भारत र श्रीलंकाले समेत आफ्ना नागरिकहरूलाई रुसी सेनाबाट फिर्ता ल्याउन अपेक्षाकृत सफलता प्राप्त नगरेका बेला नेपालले भने फिर्ता हुन इच्छुक सबैजसो नागरिकहरूलाई फिर्ता ल्याउने सफलता प्राप्त गरेको हो। यससँगै रुसी सेनाको तर्फबाट युद्धमा ज्यान गुमाउनेहरूको संख्या पनि बढ्ने देखिएको छ। हाल चलिरहेको छानबिनबाट पुष्टि भए युद्धमा मारिने नेपालीहरूको संख्या ३ दर्जनबाट बढेर पाँच दर्जन नाघ्न सक्छ। रुस–युद्ध युद्धमा हालसम्म ३९ जना नेपालीहरू मारिएको आधिकारिक रूपमा पुष्टि भइसकेको छ। तर, पछिल्लो समय रुसले मस्कोस्थित नेपाली राजदूतावासलाई युक्रेनसँगको युद्धमा मारिएका थप २२…
काठमाडौं : भारत भ्रमणमा रहेकी परराष्ट्रमन्त्री आरजु राणा देउवा र प्रचण्डपुत्री रेणु दाहाल र गंगा दाहालको दिल्लीको शेराटन होटलमा भेटघाट भएको छ । उनीहरुको भेटलाई लिएर कतै राजनीतिक अर्थ त लुकेको छैन ? यस्तो प्रश्न उठ्न थालेको छ । कतिपयले आरजूसँगको प्रचण्डपुत्रीको भेटलाई कांग्रेस–एमालेको गठबन्धन फुटाउने कडीका रुपमा समेत व्याख्या गर्न भ्याएका छन् । गत शुक्रबार मेयर रेणु र उनकी कान्छी बहिनी गंगा दाहाल दिल्ली गएका थिए । तीज आउन लागेको समयमा उनीहरु छोराछोरीलाई घुमाउन नितान्त व्यक्तिगत एवं पारिवारिक भ्रमणमा निस्केका थिए । छोराछोरी घुमाउन गएका दिदी-बहिनीको बास दिल्लीको शेराटन होटलमा थियो । त्यही क्रममा भारत भ्रमणमा पुगेकी परराष्ट्रमन्त्री आरजू…