धनगढी: समाजवादी मोर्चा नेपालले सुदूरपश्चिमको धनगढीमा आज मंगलबार गर्ने भनिएको सन्देशसभा स्थगित भएको छ। संविधानसभा अध्यक्ष एवं नेकपा एमालेका उपाध्यक्ष सुवासचन्द्र नेम्वाङको हृदयाघातबाट निधन भएपछि आजको कार्यक्रम स्थगित गरिएको हो। नेकपा एकीकृत समाजवादीकी केन्द्रीय सचिव तथा सुदूरपश्चिम इन्चार्ज गरिमा शाहले सभा स्थगित भएको जानकारी दिइन्। आज माओवादी अध्यक्ष तथा प्रधानमन्त्री पुष्पकमल दाहाल प्रचण्ड, नेकपा एकीकृत समाजवादीका अध्यक्ष तथा पूर्व प्रधानमन्त्री माधव कुमार नेपाल, नेकपाका महासचिव नेत्र विक्रम चन्द विप्लव र जनता समाजवादी पार्टीका उपाध्यक्ष राजेन्द्र श्रेष्ठ आउने कार्यक्रम तय भएको थियो।
Author: महेन्द्रनगर पोष्ट
काठमाडौँ: कञ्चनपुरको शुक्लाफाँटा वन्यजन्तु आरक्ष (हाल राष्ट्रिय निकुञ्ज)बाट विस्थापित भएका पीडितहरुले संघीय राजधानी काठमाडौंको माइतीघर मण्डलामा भोक हड्ताल सुरु गरेका छन्। आरक्षबाट विस्थापित भएको २२ वर्ष बितिसक्दा पनि पुनर्स्थापनामा राज्यले बेवास्ता गरेको भन्दै पीडितहरुले सोमबारदेखि माइतीघर मण्डलामा भोक हड्ताल सुरु गरेका हुन्। पीडितहरुले प्रतिपरिवार १० कठ्ठा जग्गा उपलब्ध गराउनुपर्ने, २०५८ देखि अहिलेसम्म २२ वर्षको क्षतिपूर्ति दिनुपर्ने, घरगोठलगायत खोसिएको सम्पत्तिको मुआब्जा दिनुपर्ने, पीडित परिवारका लागि शिक्षा, स्वास्थ्य, विद्युत, खानेपानीको ग्यारेन्टी गर्नुपर्ने, पीडित परिवारका बालबालिकालाई राज्यको मूलधारमा रोजगारी सुनिश्चित हुनुपर्ने माग गरेका छन्। तत्कालीन आरक्ष विस्तारका क्रममा २०५८ सालमा राज्यले सयौं परिवार विस्थापित गरे पनि अझै उनीहरुको पुनर्स्थापना हुन सकेको छैन।
कञ्चनपुरः कञ्चनपुरमा एक बालिका बलात्कारको आरोपमा तीन जना पक्राउ परेका छन्। जिल्लाको दोधारा चाँदनी नगरपालिकामा सामूहिक बलात्कारको आरोपमा तीन युवक पक्राउ परेका हुन्। १५ वर्षीया बालिकालाई ललाई फकाई पटक पटक बलात्कार गरेको आरोपमा उनीहरुलाई आइतबार पक्राउ गरिएको जिल्ला प्रहरी कार्यालय कञ्चनपुरले जानकारी दिएको छ। पक्राउ पर्नेमा दोधारा चाँदनी नगरपालिका–३ का १९ वर्षीय अरविन महता, १८ वर्षीय खेमसिंह साउँद र एक जना १७ वर्षीय किशोर रहेका छन्। उनीहरुलाई पीडित बालिकाकी आमाको जाहेरीका आधारमा पक्राउ गरिएको प्रहरीले जनाएको छ। दोधारा चाँदनी–५ की किशोरीलाई तीनै जनाले विभिन्न प्रलोभन दिएर जबर्जस्ती करणी गरेको जाहेरीमा उल्लेख छ। पक्राउ परेका तीनै जनालाई जिल्ला प्रहरी कार्यालय कञ्चनपुरको हिरासतमा…
काठमाडौं: नेकपा एमालेका उपाध्यक्ष सुवास नेम्वाङको शव भोलि (बुधबार) सम्म नेकपा एमालेको च्यासलस्थित पार्टी कार्यालयमा राखिने भएको छ। श्रद्धाञ्जलीका लागि पार्टी कार्यालयमा लैजाने तयारी भइरहेको इलाम क्षेत्र नं. १ का सांसद् महेश बस्नेतले बताए। सामान्य रुघाखोकी लागेर घरमा आराम गरिरहेका नेम्वाङलाई गएराति हृदयघात भएपछि उपचारका लागि राति १ः ३० बजे त्रिवि शिक्षण अस्पताल लगिएकामा उपचारको क्रममा त्यहीँ निधन भएको उनका स्वकीय सचिव कृष्णप्रसाद काफलेले जानकारी दिए।
काठमाडौं: नेकपा एमालेका उपाध्यक्ष सुवास नेम्वाङको निधन भएपछि प्रधानमन्त्रीसहित शीर्ष नेताहरु अस्पताल पुगेका छन्। नेम्बाङलाई राति १ बजे हृदयघात भएको थियो। उपचारका लागि त्रिवि शिक्षण अस्पताल पुर्याइएको थियो। तर चिकित्सकले मृत घोषणा गरेका छन्। उनको मृत्युको खबरपछि खबर पाए लगतै प्रधानमन्त्री पुष्पकमल दाहाल प्रचण्ड, सभामुख देवराज घिमिरे, एमाले अध्यक्ष केपी शर्मा ओली लगायतका नेताहरु अस्पताल पुगेका हुन्।
काठमाडौँ: नेकपा एमाले उपाध्यक्ष तथा संविधानसभा पूर्व अध्यक्ष सुवास नेम्वाङको निधन भएको छ। उनको हृदयघातका कारण त्रिवि शिक्षण अस्पतालमा उपचारका क्रममा निधन भएको एमाले नेता खिमलाल भट्टराईले जानकारी दिए। राति १ बजे हृदयघात भएपछि उनलाई त्रिवि शिक्षण अस्पताल, महाराजगञ्ज पुर्याइएको थियो। नेम्वाङ विस २०६३ मा पुनः स्थापित प्रतिनिसिधासभाको सभामुख, २०६४ सालमा व्यवस्थापिका संसदको सभामुख, २०६५ र २०७० सालमा संविधानसभा अध्यक्ष भएका थिए। विसं २०४८ देखि २०५२ सालसम्म राष्ट्रियसभा सदस्य बनेका उनी त्यसपछि पुनः राष्ट्रियसभा सदस्य भएका थिए। प्रतिनिधिसभा निर्वाचन २०६५ मा इलाम २ बाट निर्वाचित उनी संविधानसभा निर्वाचन २०६४ र २०७० मा पनि इलाम २ बाट नै निर्वाचित भएका थिए।…
काठमाडौं : सेनाले ‘मानार्थ बढुवा र विशेष बढुवा सिफारिस निर्देशिका, २०७६’ लागु गर्ने भएको छ । बाझिएका केही व्यवस्था संशोधनपश्चात् निर्देशिका कार्यान्वयनमा गएको छ । भदौ १३ गते प्रभुराम शर्माको अध्यक्षतामा बसेको बैठकले संशोधित निर्देशिकालाई स्वीकृति दिएको सेनाले जनाएको छ । ‘सैनिक सेवा नियमावली, २०६९ तथा मानार्थ बढुवा र विशेष बढुवा सिफारिस निर्देशिका, २०७६ मा बाझिएका केही व्यवस्था’ छलफलका लागि नीति तथा योजना निर्देशनालयले बैठकमा पेश गरेको थियो । उक्त निर्देशिकामा भएको ‘शर्तबमोजिमको तालिम पूरा गरेको’ प्रावधानलाई यथावत् राखिएको छ भने ‘तर, सकलदर्जाले सम्पादन गरेका कार्यले राष्ट्र र सैनिक संस्थाको हितमा पुर्याएको विशेष योगदानको मूल्यांकन गरी बढुवा समितिले विशेष बढुवाको…
काठमाडौं : नेपाल प्रहरीका आइजी वसन्त कुँवरसहितको एक टोली कोरिया प्रस्थान गरेको छ । कोरियन एयरको केइ ६९६ को उडानमा आज साँझ सवा ७ बजे गृह मन्त्रालयका सहप्रवक्तासहित प्रहरीको उच्च नेतृत्व सिओलतर्फ लागेको हो । टोलीमा आइजी कुँवर, एआइजीद्वय टेकप्रसाद राई, मिरा चौधरी, गृह मन्त्रालयका सहसचिव रामचन्द्र तिवारीलगायत ९ जना छन् । उनीहरु सिओलमा आयोजना हुने साइवर सुरक्षासम्बन्धी कार्यक्रममा सहभागी हुन त्यता गएको बताइएको छ ।
काठमाडौँ: कालीगण्डकी गाउँपालिकाले संघीय मामिला तथा सामान्य प्रशासन मन्त्रालयले खटाएका प्रमुख प्रशासकीय अधिकृतलाई फिर्ता पठाएको छ । रिक्त नै नभएको अवस्थामा आफूसँग समन्वयसमेत नगरी पठाएको भन्दै पालिकाले शाखा अधिकृत राजीव रिमाललाई मन्त्रालयमा नै काज फिर्ता गरेको हो । कालीगण्डकी गाउँपालिकाका अध्यक्ष खिमबहादुर थापाले संघीय मामिला तथा प्रशासन मन्त्रालयमा नै काज फिर्ता गरिएको पत्रमार्फत जनाएका छन् । ‘तीन तहको सरकारमध्ये सबैभन्दा बढी प्रत्यक्ष रूपमा जनतासँग जोडिएको सरकारसँग सल्लाह नै नगरी कामकाजमा खटाइएको विषयमा हाम्रो गम्भीर आपत्ति रहेकोले मन्त्रालयबाट खटाइनुभएका प्रमुख प्रशासकीय अधिकृत राजीव रिमाललाई कार्यालयमा राखी कामकाजमा खटाउन असमर्थ भएकाले उहाँलाई हाजिर नगराई फिर्ता पठाइएको ब्यहोरा जानकारी गराइन्छ’ पत्रमा भनिएको छ…
धनगढी: कैलालीको चौराहा स्थित स्वागत होटेलमा खुल्लेआम यौन धन्दा सञ्चालन भइरहेको पाइएको छ । सोमवार बेलुकी सुदूरपश्चिम प्रदेश प्रहरीको आरआइटीको टोली र वडा प्रहरी कार्यालयको टोलीले संयुक्त रूपमा छापा हान्दा सञ्चालक सहित यौन कार्यमा संलग्न एक युवती र एक युवक पक्राउ परेका छन् । थप अनुसन्धानका लागी उनीहरूलाई जिल्ला प्रहरी कार्यालय कैलालीमा बुझाइएको वडा प्रहरीका कार्यालय प्रमुख प्रहरी निरीक्षक जनक ढुङ्गानाले जानकारी दिए । उनका अनुसार यौन धन्दामा संलग्न २८ वर्षीय युवती र ग्राहक बनेर गएका २५ वर्षीय युवकलाई रंगेहात पक्राउ परेका हुन् । यौन धन्दा चलाइरहेका होटेल सञ्चालक डेजी प्रसाद जोशीलाई पनि नियन्त्रणमा लिइएको छ । आज मात्रै प्रहरीको…