Author: महेन्द्रनगर पोष्ट

-खगेन्द्र गिरी कोपिला२०४४ सालमा म वीरगन्जमा काम गर्थें। त्यो वर्ष त्यहाँ पञ्चायतका छ ओटा वर्गीय संगठनहरुको राष्ट्रिय अधिवेशन भएको थियो। विश्वबन्धु थापा प्रोढ संगठनको केन्द्रिय सभापतिमा उठ्नुभएको थियो। मेरो गृह जिल्ला कञ्चनपुरबाट वीरगन्ज पुगेको प्रतिनिधि मण्डलमा मेरो बुवाका साथीहरु पनि हुनुहुन्थ्यो। उहाँहरूले प्रोढ संगठनको सभापतिमा विश्वबन्धु थापालाई भोट दिने विचार गर्नुभएको थियो। बुवाका साथीहरुलाई वीरगन्जमा खाने बस्ने व्यवस्था मैले गरिदिएको थिएँ। तर उहाँहरुले विश्वबन्धु थापालाई भोट दिने गरेको निर्णय मलाई मन परेको थिएन। ‘विश्वबन्धु थापा भनेका पहिले वीपीलाई र पछि राजालाई धोका दिने मान्छे हुन् तिनी राम्रो मान्छे हैनन्’ भन्ने भ्रमले गाँजेको थियो मलाई पनि। मैले बुवाका साथीहरुलाई कन्भिन्स गर्दै…

धनगढीः कैलालीको लम्कीमा एक किशोरमाथि सामूहिक कुटपिट भएको छ। जिल्लाको लम्कीचुहा नगरपालिका वडा नम्बर ८ का १७ वर्षीय प्रविन शाहीलाई सोही ठाउँका किशोरहरुको एक समूहले कुटपिट गरेका हुन्। भदौ १९ गते उनलाई किशोरहरूले जंगलमा लगेर कुटपिट गरेका थिए। प्रविनले घर र साथीहरूसँग कुटपिट भएको बारेमा भनेका थिएनन्। तर, उनलाई कुटेको भिडिओ सार्वजनिक भएर भाइरल भएपछि प्रविनका बुवा खडकबहादुरले इलाका प्रहरी लम्कीमा शुक्रवार उजुरी दिएका थिए। उनको उजुरीका आधारमा चार जना किशोर पक्राउ परेका छन्। उनीहरु नाबालक भएकाले प्रहरीले नाम सार्वजनिक गरेको छैन। उनीहरूको विरुद्धमा ज्यानमार्ने उद्योगमा मुद्दा दर्ता भएको छ।

बैतडी: अविरल वर्षापछि आएको पहिराले महाकाली राजमार्ग अवरुद्ध भएको छ । वर्षापछि बैतडीको सतबाँझ–गोकुलेश्वर सडकखण्डको धरमघर नजिकै आज ११:३० बजे सडक माथिबाट पहिरो खस्दा राजमार्ग अवरुद्ध बनेको हो । राजमार्ग अवरुद्ध हुँदा यातायात आवागमन पूर्ण रुपमा बन्द भएको बैतडीका प्रहरी प्रवक्ता, प्रहरी निरीक्षक योगेश खत्रीले जानकारी दिए । उनका अनुसार अहिले यात्रुहरु बीचबाटोमै अलपत्र परेका छन् । पहिरो पन्छाएर राजमार्ग सञ्चालन गर्न जेसिबी पहिरो खसेको स्थानतर्फ गइरहेको जिल्ला प्रहरी कार्यालयले जनाएको छ । शनिबारदेखि भइरहेको अविरल वर्षाका कारण यहाँको जनजीवन प्रभावित भएको छ । रासस

धनगढी: अछाममा ‘मदिरालयहरु’ (मदिरा व्यापारी) बाट राजस्वका नाममा अन्धाधुन्ध रकम असुली गरेको आरोप लागेका प्रहरी इन्चार्जको सरुवा भएको छ। जिल्लाको चौरपाटी गाउँपालिकामा असुली धन्दा चलाएको आरोप लागेका प्रहरी चौकी सिउँडीका प्रमुख तथा प्रहरी नायब निरीक्षक (सई) लालसिंह बिष्टको सरुवा भएको हो। जिल्ला प्रहरी कार्यालय अछामका प्रमुख, डिएसपी सन्तोष पाठकले सई बिष्टलाई जिल्ला तानिएको जानकारी दिए। अहिले उनको स्थानमा असई लोकबहादुर विष्टलाई पठाइएको छ। उनी यसअघि मङ्गलसेनमा कार्यरत थिए। महेन्द्रनगरपोष्टले भदौ ८ गते मदिरालय र सई विष्टबारे समाचार प्रकाशित गरेपछि बिष्टलाई जिल्ला तानेर अनुसन्धान गरिएको थियो। बिष्टलाई जिल्ला तानेर उनीमाथि लागेको आरोपका सवालमा अनुसन्धान एवं छानबिन गर्नका लागि छानबिन समितिसमेत बनाइएको थियो।…

पर्वत: करिब दुई दशकअघिदेखि यहाँको मिसन अस्पताल बन्द छ । विकट गाउँका बासिन्दालाई स्वास्थ्य सेवा उपलब्ध गराउने उद्देश्यले दक्षिण पर्वतको पैंयु गाउँपालिका–४ हुवासमा स्थापना गरिएको अस्पताल सम्बन्धित निकायको बेवास्ताका कारण अझै बन्द छ । सशस्त्र द्वन्द्वका क्रममा असुरक्षाका कारण बन्द भएको उक्त अस्पताल सञ्चालनमा नआउंँदा सर्वसाधरणले सास्ती खेप्दै आएका छन् । विसं २०५० मा स्थापना गरिएको सो अस्पताल सञ्चालनको आठ वर्षमै बन्द भएपछि गाउँंलेले उपचारमा सास्ती व्यहोर्नुपरेको हो । उनीहरूले पटक–पटक अस्पताल सञ्चालन गर्नका लागि आग्रह गर्दै आएका छन् । पन्ध्र शय्याको उक्त अस्पताल बन्द भएको दुई दशक बित्दा पनि सञ्चालनमा कसैले चासो दिएका छैनन् । त्यतिबेला अस्पतालमा दुई अमेरिकी…

चितवन: प्रथम जननिर्वाचित प्रधानमन्त्री विशेश्वरप्रसाद (बिपी) कोइराला चितवन आउँदा बस्ने गरेको घरको कोठा चार दशकदेखि उनकै नाममा खाली छ । भरतपुर महानगरपालिका–२ क्षेत्रपुरस्थित गौरीदेवी प्रधानको घरको उक्त कोठा अहिले पनि उनकै सम्झनामा खाली राखिएको छ । त्यतिबेला बिपी सुत्ने काठको खाट सफा तन्नाले ढाकेर राखिएको छ । “घर बनेपछि यो कोठामा बिपी कोइरालाबाहेक अहिलेसम्म कोही पनि सुतेको छैन”, ९० वर्षीया गौरीदेवीले भनिन् । उनका श्रीमान स्व श्यामकृष्ण प्रधानसँग विपीको निकट सम्बन्धका कारण परिवारको एक सदस्यका रूपमा प्रधान परिवारले उनलाई लिने गरेको थियो । विसं २००६ मा बन्दीपुरमा प्रधानको बिपीसँग चिनजान भएपछि उक्त सम्बन्ध बाँचुञ्जेलसम्म रहिरह्यो । गौरीदेवीले भनिन्, “अरु नेता…

बैतडी: बैतडीका बेपत्ता शिक्षक अझै भेटिएका छैनन् । जिल्लाको डिलाशैनी गाउँपालिका-२ गोगनीका ५२ वर्षीय शिक्षक जयबहादुर बोहरा १९ दिनदेखि सम्पर्कविहीन रहेकामा अझै नभेटिका हुन् । स्थानीय लटिनाथ आधारभूत विद्यालय अमरखेतमा कार्यरत उनी भदौ ५ गते विद्यालय जान भनी हिँडेका थिए । सोही दिनदेखि बेपत्ता रहेका शिक्षक बोहराले लगाएको चप्पल स्थानीय गन्नीगाड खोला नजिकै पाइएको थियो । खोला आसपास क्षेत्रमा खोजी गर्दा फेला नपरेका उनको खोजी कार्य जारी नै रहेको जिल्ला प्रहरी कार्यालय बैतडीले जनाएको छ ।

काठमाडौँ: गायक प्रकाश सपूतको तीज विशेष गीत ‘जाले रुमाल फाट्यो’ सार्वजनिक भएको छ । उक्त गीत दुई वर्षअघि तीजपर्वमा सार्वजनिक ‘कुरा बुझ्न पर्च’को दोस्रो भाग हो । गायक सपूतको शब्द/सङ्गीत रहेको उक्त गीतमा गायिका समीक्षा अधिकारीले स्वर दिएकी छिन् । गीतको म्युजिक भिडियोमा नायिका स्वस्तिमा खड्का, आँचल शर्मा, अभिनेता गौरव पहारी, विशाल पहारी र स्वयं सपूतको अभिनय रहेको छ । आरन प्रोडक्सनले प्रस्तुत गरेको सो गीत गायक सपूतको आफ्नै युट्युब च्यानलबाट गए राति सार्वजनिक गरिएको हो । महिलामाथि हुने विभेद अन्त्यका लागि कानुन प्रभावकारी हुनुपर्ने सन्देश गीतले दिन खोजेको गायक सपूतले बताए । नेपाली समाजको संवेदनशील र महत्त्वपूर्ण कथालाई तीज…

गोदावरी: धनगढी उपमहानगरले नगर क्षेत्रमा रहेका प्राकृतिक तालको पहिचान गरी संरक्षण गर्ने कार्य अघि बढाएको छ । नगर क्षेत्रभित्रका सबै वडा र सामुदायिक वनभित्र पर्ने अतिक्रमणमा परेका प्राकतिक तालको लगत तयार गरी अतिक्रमण हटाएर दीर्घकालीनरूपमा संरक्षण गर्ने योजना अघि बढाएको छ । उपमहानगरले नगर क्षेत्रभित्र ८४ ताल रहेको विवरण तयार गरेको छ । तीमध्ये अधिकांश ताल अतिक्रमणमा परेका छन् । धनगढीमा रहेका तालको संरक्षण गर्ने हिसाबले १९ वटै वडामा फिल्ड नक्सा र प्राविधिक जनशक्ति पठाएर तालको विवरण तयार गरिएको उपमहानगरका डिभिजन इन्जिनियर दिजराज भट्टले बताए । नगर क्षेत्रभित्र अतिक्रमण गरिएका ताल खाली गर्ने र संरक्षणका लागि अल्पकालीन, मध्यकालीन र दीर्घकालीन…

दोधारा चाँदनी: सुदूरपश्चिम प्रदेशका प्रदेश प्रमुख देवराज जोशीले सुदूरपश्चिममा देउडाको आफ्नै विशिष्ट पहिचान रहेको बताएका छन् । शनिबार खप्तड समाज महेन्द्रनगरले आयोजना गरेको देउडा कार्यक्रममा उनले देउडाको आफ्नै विशिष्ट पहिचान भएकाले यसको संरक्षण र सम्वद्र्धनमा लाग्नुपर्ने बताए । “सुख दुःख साट्न र भेटघाटका लागि देउडा एउटा उपयोगी माध्यम बनेको छ”, प्रदेश प्रमुख जोशीले भने, “समाजको विकासका लागि संस्कृतिको ठूलो भूमिका हुन्छ ।” उनले पछिल्लो समय विभिन्न सङ्घ संस्थाले संस्कृति संरक्षणका लागि विभिन्न कार्यक्रम आयोजना गरिरहेकाले पछिल्लो पुस्ताले समेत संस्कृतिको बारेमा जान्ने अवसर पाएको बताए । “अहिले देउडा सुदूरपश्चिममा मात्रै नभई काठमाडौँमा समेत भव्यरुपमा हुने गरेको छ”, उनले भने, “यसले सुदूर…