दार्चुला-एमाले निकट विद्यार्थी संगठन अनेरास्ववियु दार्चुलाको अध्यक्षमा गणेश सिह सामन्त निर्वाचित भएका छन्। अनेरास्ववियु दार्चुलाको १३ औं जिल्ला अधिवेशनले सामन्तलाई अध्यक्ष पदमा सर्वसम्मत नेतृत्व चयन गरेको हो।
केन्द्रिय उपाध्यक्ष एबं सुदुुरपश्चिम प्रदेश इन्चार्ज मोती बिकका अनुसार सबै पदाधिकारी र ३२सदस्य सर्वसम्मत चयन भएका हुन्। उपाध्यक्षमा सन्तोष सिह ठगुन्ना चयन भएका छन ।
यस्तै सचिवमा नरेन्द्र प्रसाद जोशी सहित ३२ सदस्यीय समिति चयन भएको अनेरास्ववियु दार्चुलाका नव निर्वाचित अध्यक्ष सामन्तले जानकारी दिए। यस्तै सहसचिवमा रेसिका धामी, धनसिह बडाल सुरेन्द्र जोशी सह सचिवमा चयन भएका छन। कोषाध्यक्षमा कृष्ण सिह धामी चयन भएका छन।
अनेरास्ववियुका जिल्ला अध्यक्ष आनसिह बडालको अध्यक्षतामा गरिएको कार्यक्रममा उदघाटन सत्र अनेरास्ववियुका केन्द्रिय अध्यक्ष सुनिता बराल प्रमुख अतिथि रहेका थियो भने केन्द्रिय उपाध्यक्ष एबं सुदुरपश्चिम प्रदेश इन्चार्ज मोती बिक विशिष्ट अतिथि रहनुभएको थियो। उद्घाटनपछिको बन्द सत्रले सर्वसम्मतमा अनेरास्ववियुको नयाँ नेतृत्व चयन गरेको नव निर्वाचित सचिव नरेन्द्र प्रसाद जोशीले बताए।