हेटौंडा -मकवानपुरमा १८२ किलो गाँजासहित पाँचजना पक्राउ परेका छन्। आइतवार राक्सिराङ गाउँपालिकाको चैनपुरबाट हेटौंडातर्फ आइरहेको बा ७ च १६०६ नम्बरको पिकअप गाडीलाई मनहरी–७ पुल नजिकै रोकेर खोजतलास गर्दा उक्त परिमाणको गाँजा फेला परेको प्रहरीले जनाएको छ।
प्रहरीले गाँजासहित पिकअपका चालक हेटौंडा उपमहानगरपालिका–१६ बस्ने २९ वर्षीय बुद्धिमान वाइबा, २९ वर्षीय अर्जुन स्याङ्तान र ३० वर्षीय विनोद पाख्रिनलाई नियन्त्रणमा लिएको छ। उनीहरुले १०÷१० किलो गाँजा १८ वटा प्लास्टिकमा पोको पारेर पिकअपमा ल्याएका थिए।
त्यस्तैगरी भीमफेदी गाउँपालिका–२ भैसे चेकपोष्टमा चेकजाँच गर्ने क्रममा कैलाश गाउँपालिका–४ का १९ वर्षिय अमृत मोक्तान र अर्को एक नाबालकलाई दुई किलो दुई सय ग्राम गाँजासहित पक्राउ गरेको छ।
Facebook Comments Box