सिरहा- अवैध ग्राभेल उत्खनन गरिरहेको अवस्थामा सिरहा प्रहरीले गोलबजार नपा १ मुक्सारबाट एउटा स्काभेटरसहित ५ वटा ट्रिपर नियन्त्रणमा लिएको छ।
अवैध उन्खनन् गरिरहेको भन्ने स्थानीयको सूचनाको आधारमा पुगेको प्रहरीले ना ३ ख ६८१२, प्र २–०१–००१ ख ०२४३, ना ३ ख ८७७७, प्र २ –०१–००१ ख ०१०१ र रा १ ख २०८८ नम्वरको ट्रिपर र नम्वर उल्लेख नभएको चेनबाला स्काभेटर शनिवार राति नियन्त्रणमा लिएको हो।
ट्रिपर र स्काभेटर नियन्त्रणमा लिएपनि साँचो लिएर ड्राईभर फरार भएकाले ४ वटा ट्रिपर र स्काभेटर प्रहरीको सुरक्षामा उत्खननस्थलमै रहेको जिल्ला प्रहरी कार्यालय सिरहाका सूचना अधिकारी डिएसपी सुवास बुढाथोकीले जानकारी दिए। राती उत्खनन गरिरहेको अवस्थामा प्रहरी पुगेपछि सवै गाडीका चालकहरु भागेका थिए।
Facebook Comments Box