बझाङ: भूकम्प प्रभावित क्षेत्रको स्थलगत अवलोकन गर्न बझाङ आएका प्रधानमन्त्री पुष्पकमल दाहाल प्रचण्डले भूकम्प प्रभावितको घर बनाइदिने आश्वासन दिएका छन्। नेपाली सेनाको हेलिकप्टरबाट बझाङको भोपुर ब्यारेकमा अवतरण गरेका प्रधानमन्त्रीले पीडितलाई भेटेर आवासीय व्यवस्थापन गरिदिने आश्वासन दिएका हुन्। उनले भोपुरमा रहेको जयपृथ्वी बहुमुखी क्याम्पस र सदरमुकाम चैनपुरको शान्ति टोलमा रहेका भूकम्प प्रभावितलाई भेटेर आवासको व्यवस्थापन गर्ने बताए। प्रधानमन्त्रीसँग भूकम्प प्रभावित बलबहादुर सुनारले आफूहरुका समस्या सुनाएका थिए। त्यो समस्या सुने पछि प्रचण्डले समस्या समाधानका लागि चाँडै पहल गर्ने बताएका हुन्। प्रधानमन्त्रीसँगै गृहमन्त्री नारायणकाजी श्रेष्ठ, रक्षामन्त्री पूर्णबहादुर खड्का, परराष्ट्रमन्त्री एनपी साउद र प्रतिनिधिसभा सदस्य भानुभक्त जोशी पनि सहभागी छन् । बझाङको तलकोट र…
Author: महेन्द्रनगर पोष्ट
बझाङ : प्रधानमन्त्री पुष्पकमल दाहाल प्रचण्ड भूकम्प प्रभावितको स्थिति बुझ्न बझाङ पुगेका छन् । उनी नेपाली सेनाको हेलिकप्टरबाट बझाङको भोपुर ब्यारेकमा अवतरण गरेका छन् । प्रधानमन्त्रीको आगमन हुने भएपछि यहाँको सुरक्षा व्यवस्था कडा पारिएको छ । प्रचण्डले भूकम्पले बढी क्षति गरेका स्थानको अवलोकन गर्ने र जिल्ला विपद व्यवस्थापन समितिसँग अन्तर्क्रिया गर्ने लगायत कार्यक्रम निर्धारण गरिएको छ । बझाङका प्रमुख जिल्ला अधिकारी नारायण पाण्डेयले प्रधानमन्त्री प्रचण्डलाई भूकम्पबाट प्रभावित प्रतिनिधिमुलक ठाउँहरु देखाउने तयारी गरिएको जानकारी दिए । बझाङको तलकोट र चैनपुर आसपास केन्द्रबिन्दु भएर यही असोज १६ गते गएको भूकम्प र त्यसपछिका परकम्पले जिल्लामा क्षति गरेको छ। भूकम्पमा परी २० जना घाइते…
धनगढी: धनगढीमा सवारी साधन चेकिङमा खटिएका प्रहरीलाई माेटरसाइकलले ठक्कर दिएकाे छ। बिहीबार साँझ धनगढी चाैराहमा सवारी चेकिङ र मापसे परीक्षण गर्ने क्रममा तिब्र गतिमा आएकाे माेटरसाइकलले प्रहरीलाई ठक्कर दिएकाे थियाे। माेटरसाइकलकाे ठक्करबाट चेकिङमा खटिएका ट्राफिक प्रहरी जवान अशाेक सिंह गम्भीर घाइते भएका छन्। उनकाे माया मेट्राे अस्पतालमा उपचार भइरहेको जिल्ला ट्राफिक प्रहरी कार्यालयले जनाएको छ। ठक्कर दिने माेटरसाइकल चालक धनगढी उपमहानगरपालिका-४ बस्ने २६ वर्षीय सुसान्त बिष्ट पनि गम्भीर घाइते भएका छन्। उनकाे माया मेट्राे अस्पतालमा आईसियूमा उपचार भइरहेकाे छ।
धनगढीः कैलालीको गोदावरी नगरपालिकाका प्रमुख प्रशासकीय अधिकृत चढ्ने गाडी दुर्घटना भएको छ। गोदावरी नगरपालिकाका प्रमुख प्रशासकीय अधिकृत हरिदत्त भट्टले चढ्ने गाडी दुर्घटना भएको हो। प्रमुख प्रशासकीय अधिकृत भट्टले बिहिवार राति बा १६ च ८७८८ नम्बरको गाडी दुर्घटना भएको बताए। खमौरामा दुर्घटना भएको गाडीको अगाडीको भागमा क्षति पुगेको छ। चालक विक्रम चौधरीले गाडी सडक किनारको घरमा ठोकेका हुन्। उनले सडकमा सामुदायिक पशु भएका कारण गाडी घरमा ठोक्किएको बताएका छन्। उक्त निजी गाडी चालककी श्रीमती बिरामी भएकाले गाडी नगरपालिकाका चालकले बिहिवार चलाएका थिए। उक्त निजि गाडीलाई नगरपालिकाले दैनिक तीन हजार भाडा दिने गरी प्रयोगमा ल्याउँदै आएको थियो। मासिक ९० हजार प्रमुख प्रशासकीय अधिकृत…
काठमाडौं: नेपाली सेनाको जीपले ठक्कर दिँदा एक जना युवतीको ज्यान गएको छ। सेनाको चण्डी दल गणका हुद्दा मोहम्मद नुरेन देवानले चलाएको गाडीले ठक्कर दिँदा काठमाडौं महानगरपालिका वडा नम्बर १३, ताहाचल बस्ने ३१ वर्षीया आकृति शर्माको मृत्यु भएको हो। हिजो बेलुका पौने ८ बजे राष्ट्रियसभा गृहअगाडि सेनाको प्रदेश–३–०१–००१ ग ३७०५ नम्बरको गाडीले बा.प्रदेश ०२–०१८ प ९२७७ नम्बरको स्कुटरलाई ठक्कर दिएको थियो। सेनाको गाडीले ओभरटेक गर्ने क्रममा दुर्घटनामा परेकी युवतीको घटनास्थलमै मृत्यु भएको जनाइएको छ। उनको शव पोस्टमार्टमका लागि वीर अस्पताल ल्याइएको छ। यता,ड्राइभर देवान भने सैनिक प्रहरीको हिरासतमा छन्।
धनगढी: सुदूरपश्चिममा सभामुख नै सरकारविरुद्ध बोलिरहेको पाइएको छ।पछिल्लो समय सुदूरपश्चिम प्रदेश सभाका सभामुख भीमबहादुर भण्डारीले प्रदेश सरकारविरुद्ध फायर खोलिरहेको पाइएको हो। माओवादीबाट सभामुख बनेका भण्डारीले प्रदेश सरकार असमावेशी भएकोदेखि प्रदेश सभालाई काम नदिएर गैरजिम्मेवार बनाएकोसमेत दाबी गरेका छन्। अस्तिको शुक्रबार उनले प्रदेश सभामै म सुन्ने, केही नबोल्ने सभामुख हुन चाहन्न, मैले भनेको कुरा लेख्नुस् भन्दै पत्रकारलाई भनेका थिए। उनले प्रदेशसभा सचिवालयमा सुदूरपश्चिमको विषय जोड्दै यहाँ नौ जिल्ला छन्, सरकारमा पनि नौ मन्त्री छन् तर त्यसमा पनि एउटै जिल्लाका पाँच मन्त्री छन् अनि कसरी सरकार समावेशी भयो त ? एउटा महिलामन्त्री पनि छैन, राज्यमन्त्रीमा थन्क्याइएको भनेर झोक्किएका थिए। हुन पनि कैलाली–२…
कञ्चनपुरः कञ्चनपुरमा लागुऔषधसहित दुई जना पक्राउ परेका छन्। जिल्लाको भीमदत्त नगरपालिका ५ शिवमन्दिर नजिकबाट ०.१८ ग्राम लागूऔषधसहित दुई जना बिहीवार पक्राउ परेका हुन्। पक्राउ पर्नेमा भीमदत्त ४ का २५ वर्षीय सन्तोष तिरुवासहित दुई जना रहेको जिल्ला प्रहरी कार्यालयले जनाएको छ। सम्बन्धमा प्रहरीले थप अनुसन्धान गरिरहेको कञ्चनपुर प्रहरीले बताएको छ।
काठमाडौ्: प्रधानमन्त्री पुष्पकमल दाहाल आज बझाङ जाँदैैछन्। भूकम्प प्रभावित क्षेत्रको अवलोकनका लागि उनी बिहान १० बजेपछि नेपाली सेनाको हेलिकप्टरबाट त्यसतर्फ जान लागेको प्रधानमन्त्रीको सचिवालयले जनाएको छ। प्रधानमन्त्री दाहालले भूकम्प प्रभावित केही क्षेत्रको अवलोकन गर्ने कार्यक्रम रहेको बझाङका प्रमुख जिल्ला अधिकारी नारायण पाण्डेयले जानकारी दिए। जिल्ला विपद् व्यवस्थापन समितिसँग अन्तरक्रिया र पीडितहरुलाई राहत हस्तान्तरणको कार्यक्रम पनि रहेको पाण्डेले बताए। गत मंगलबार गएको भूकम्पले बझाङमा एक जनाको मृत्यु भएको थियो भने दर्जनौं मानिस घाइते भएका छन्। भूकम्पले थुप्रै घर र केही विद्यालय भवन पनि भत्किएका छन्। यसैबीच, मंगलबार ६ दशमलब ३ रेक्टरको शक्तिशाली भूकम्पपछि परकम्प जाने क्रम अझै रोकिएको छैन।
बैतडी: चाडपर्वलाई लक्षित गरेर बैतडीका पाँच स्थानमा यात्रु सहायता कक्ष र एक ठाउँमा नागरिक सहायता कक्ष सञ्चालनमा ल्याएको छ। दसैंतिहार जस्ता चाडपर्वलाई लक्षित गरेर यात्रु सहायता कक्ष र नागरक सहायता कक्ष सञ्चालनमा ल्याइएको जिल्ला प्रहरी कार्यालयका प्रवक्ता प्रहरी निरीक्षक योगेश खत्रीले बताए। जिल्लाको खोड्पे, पाटन, सतबाँझ, गोकुलेश्वर र गोठलापानीमा यात्रु सहायता कक्ष सञ्चालनमा ल्याइएको छ भने सीमा नाका झुलाघाटमा नागरिक सहायता कक्ष सञ्चालनमा ल्याइएको प्रहरी निरीक्षक खत्रीले बताए। तोकिएको भाडा भन्दा बढी लिन नदिने, क्षमताभन्दा बढी यात्रुहरु बोक्न नदिने र समस्यामा परेका यात्रुहरुलाई गन्तव्य सम्म पुगाउने कार्य यात्रु सहायता कक्षबाट गरिने प्रहरी निरीक्षक खत्रीले बताए । यस्तै सीमा नाका झुलाघाटमा…
कैलाली: कैलालीमा रहेको गेटा अस्पतालका लागि ३१ अधिकृतसहित १४१ स्वास्थ्यकर्मी तथा प्रशासनका लागि आवश्यक पर्ने कर्मचारीको दरबन्दी स्विकृत भएको छ। अस्ति बसेको मन्त्रीपरिषदको बैठकले आर्थीक वर्ष २०८०–८१ का लागि गेटा अस्पताल संचालन गर्न विशेषज्ञ चिकित्सकदेखि, नर्स तथा अन्य कर्मचारीसहित १४१ जना जनशक्तिको अस्थायी दरबन्दीको स्वीकृती दिएको हो। यो दरबन्दी स्विकृतसँगै अब अस्पतालबाट छिटै सेवा सञ् चालन हुने गेटा अस्पतालका निर्देशक डा. प्रमोद जोशीले जानकारी दिए। ओपिडी सञ्चालनका लागि आवश्यक स्वास्थ्य सामग्री स्वास्थ्य मन्त्रलयबाट पाइसकेको र दरबन्दी अनुसारका चिकित्सक तथा कर्मचारी आउने बित्तिकै सेवा सुचारु हुने उनले बताए। डा. जोशीले अहिले अस्पताल १०० शय्याबाट सुरु गर्ने र पुर्वाधार सम्पन्न हुँदै तथा…