Author: महेन्द्रनगर पोष्ट

काठमाडौं: जिल्ला प्रहरी परिसर काठमाडौंले बैंकिङ कसुरका फरार प्रतिवादीलाई पेस्तोलसहित पक्राउ गरेको छ । एसपी सिताराम रिजालका अनुसार सिन्धुपाल्चोक इन्द्रावती गाउँपालिका–३ बस्ने ३२ वर्षीय रमेश बानिया पक्राउ परेका हुन् । उनी प्रहरीको भ्यान देख्ने बित्तिकै आफूले बोकेको कालो झोला सडकमा फालेर भागेका थिए । उक्त झोलाभित्रबाट एउटा पेस्तोल, म्यागजीन र ११ वटा गोली बरामद भएको बताइएको छ । उनी बुधबार राति पौने १० बजे भक्तपुर नयाँ ठिमीबाट पक्राउ परेका हुन् । बैंकिङ कसुरमा उच्च अदालत पाटनले उनीविरूद्ध गत चैत १८ गते पक्राउ पुर्जी जारी गरेको थियो । उनीविरूद्ध बैंकिङ कसुर तथा हातहतियार खरखजानासम्बन्धी मुद्दामा थप अनुसन्धान अघि बढाएको एसपी रिजालले…

धनगढी: नेपाल प्रहरीका २७ प्रहरी नायव उपरीक्षक (डिएसपी) को सरुवा भएको छ। जसअनुसार कैलालीको टीकापुर र अछामका डिएसपीद्वयको पनि सरुवा भएको छ। टीकापुरका डिएसपी उद्दवसिंह भाटको सरुवा भएकोमा उनको ठाउँमा काठमाडौं उपत्यका विशेष सुरक्षा प्रहरी गणका तुल्सीराम अर्याल आउने भएका छन्। भाटको नेपाल प्रहरी विषेश सुरक्षा गण सुनवल सरुवा भएको छ। यस्तै अछामका डिएसपी नारायण डाँगीको सरुवा भएकोमा त्यहाँ सन्तोष पाठक जाने भएका छन्। पाठक जिल्ला प्रहरी कार्यालय पूर्वी नवलपरासीमा कार्यरत थिए भने डागीको जिल्ला प्रहरी कार्यालय बाँकेमा सरुवा भएको छ। प्रहरी महानिरीक्षकको २०८० जेठ ३२ गतेको निर्णयानुसार डीएसपीहरूको सरुवा गरिएको हो। सरुवा भएको दरबन्दीबाट तलबभत्ता खान पाउने गरी उनीहरूको…

काठमाडौँ: नेपाल प्रहरीमा जनपदतर्फ हालै प्रहरी निरीक्षक (इन्स्पेक्टर) बाट प्रहरी नायब उपरीक्षक (डीएसपी) मा बढुवा भएका ४६ जना अधिकृतहरूको पदस्थापन भएको छ। नेपाल सरकार गृह मन्त्रालय (सचिवस्तर) को जेठ २९ गतेको निर्णयअनुसार बढुवा भएका उनीहरूको प्रहरी प्रधान कार्यालयले बिहीबार पदस्थापन गरेको हो। cn_10316_dsp_padasthapanDownload

कैलाली: कैलालीमा एक घरबाट प्रहरीले भरुवा बन्दुकसहितका अवैध खरखजाना बरामद गरेको छ । बिहीवार जिल्लाको कैलारी गाउँपालिका–८ पृथ्वीपुरका ५५ वर्षीय दयाराम चौधरीको घरबाट प्रहरीले दुई थान एकनाले भरुवा बन्दुकसहित चार डिब्बा बारुद, ३६ थान गोली, २४ वटा सिसा, आठवटा केप र एक थान कम्पास लुकाइछिपाई राखेको अवस्थामा फेला पारी बरामद गरेको हो । प्रहरीले चौधरीलाई नियन्त्रणमा लिएर अनुसन्धान गरिरहेको जनाएको छ ।

काठमाडौँ: सांसदहरुले बढ्दो सवारी दुर्घटना न्यूनीकरणका लागि सभामुखमार्फत सरकारको ध्यानाकर्षण गराएका छन् । प्रतिनिधिसभाको आजको बैठकमा शून्य समयमा बोल्ने सांसदहरुले सवारी दुर्घटनाको तथ्याङ्क प्रस्तुत गर्दै न्यूनीकरणका लागि ध्यानाकर्षण गराए । सांसद शिशिर खनालले नेपालमा सडकमा हुने दुर्घटनामा ज्यान गुमाउनेको सङ्ख्या बढिरहेको बताए । “पछिल्लो एक दशकमा १९ हजारले सडक दुर्घटनामा ज्यान गुमाएका छन् । जुन १० वर्षीय सशस्त्रद्वन्द्वमा मारिनेकोभन्दा बढी सङ्ख्या हो”, उनले भने, “गत वर्ष भएका २४ हजारभन्दा बढी सवारी दुर्घटनाको ९० प्रतिशत कारण चालकको लापरबाही देखिएको छ ।” उनले चालक लाइसेन्सको प्रणाली र सुरक्षित ड्राइभिङको संस्कृतिमा सुधार गर्नुपर्नेमा जोड दिए । सांसद सिता मिजारले सवारी दुर्घटनाको तथ्याङ्क प्रस्तुत…

आर.एस भट्ट, काठमाडौंः स्थानीय तह निर्वाचन २०७९ अगाडि नै बहुत चर्चामा आएका पात्र हुन बालेन्द्र साह उर्फ बालेन। काठमाडौं महानगरपालिकाको मेयरमा उम्मेदवार बनेदेखि नै उनको चर्चा सुरु भएको थियो। स्वतन्त्र रुपमा उम्मेदवारी दिएका बालेनले निर्वाचन पनि जिते। त्यसपछि उनको चर्चा लोकप्रियतामा परिणत भयो। कार्यकालको पहिलो वर्षमा नै बालेनले विभिन्न काम गरेर निकै चर्चा कमाएका छन्। तर उनको पछिल्लो एक निर्णय भने लोकहितका विपरीत छ। यसले उनलाई विवादमा ल्याउने संकेत देखिएको छ। काठमाडौंको सार्वजनिक सवारी साधनका सवालमा महानगरपालिकाले एक सार्वजिक सूचना जारी गरेको छ। असार १ गतेदेखि लागू हुने गरि महानगरपालिकाले सार्वजनिक सूचना जारी गरेको हो। यात्रुवाहक सवारी साधनहरु नयाँ बसपार्कबाट…

धनगढी: सुकुम्बासी समस्या समाधान आयोगका पूर्व अध्यक्ष एवम् तत्कालीन कञ्चनपुर जिल्ला विकास समिति सभापति ऋषिराज लुम्साली नेपाल संस्कृत विश्व विद्यालयबाट दीक्षित भएका छन् । ७६ वर्षीय लुम्साली संस्कृत विश्वविद्यालयबाट आचार्य (स्नातकोत्तर) तह पूरा गरी दीक्षित भएका हुन्। उनले संस्कृत भाषाको सर्वदर्शन विषयमा सर्वोत्कृष्ट भई नेपाल संस्कृत विश्व विद्यालयबाट आचार्य (स्नातकोत्तर) तह पूरा गरी दीक्षित भएका हुन्। उनी सामुदायिक रेडियो शुक्लाफाँटा एफएमका संस्थापक अध्यक्षका साथै सकृय उद्यमी, समाजसेवी पनि हुन्। वामपन्थी पृष्ठभुमिका उनलाई प्रधानमन्त्री पुष्पकमल दाहाल प्रचण्डले दीक्षित गरेका थिए। २०५३ सालमा सुकुम्बासी समस्या आयोगको आधी बनेका लुम्साली २०५४ देखि ५९ सम्म कञ्चनपुर जिल्ला विकास समितिको सभापति रहेका थिए। उनको पत्रकारिता…

धनगढी: सुदूरपश्चिम प्रदेश सरकारले भोलि ४ बजे बजेट ल्याउने भएको छ। बजेटमा निर्वाचन क्षेत्र पूर्वाधार विकास कार्यक्रमका लागि ३२ निर्वाचन क्षेत्रका सांसदलाई तीन/तीन करोडका दरले बजेट विनियोजन भएको स्रोतले जनाएको छ। सुदूरपश्चिम प्रदेश सरकारले माननीयले खर्च गर्न पाउने गरि सो रकम विनियोजन गर्न लागेको हो। चालू आर्थिक वर्षमा सुदूरपश्चिम सरकारले प्रदेश निर्वाचन क्षेत्र पूर्वाधार साझेदार कार्यक्रम स्थगित गरेको थियो। तर, संघले भने कार्यक्रम लागू गरेपछि प्रदेश सरकार पनि लागू गर्ने चरणमा पुगेको हो। विगतमा पनि पूर्वाधार विकास कार्यक्रमअन्तर्गत प्रत्यक्ष निर्वाचित प्रदेश सभा सदस्यले छनोट गरेका योजनामा खर्च गर्ने गरी हरेक निर्वाचन क्षेत्रमा तीन करोडका दरले बजेट विनियोजन गर्ने गरिएको थियो।…

काठमाडौँ: प्रतिनिधिसभाको आजको बैठकमा सांसदहरुले नागरिकताविहीन बनेका नेपालीलाई तत्काल नागरिकता प्राप्त गर्न न्यायलयले मार्ग प्रशस्त गरिदिनुपर्नेमा जोड दिएका छन् । बैठकको आकस्मिक समयमा उनीहरुले नागरिकतासम्बन्धी विषयलाई न्यायालयले छिनो निरुपण गरिदिनुपर्ने बताए । नागरिकता नपाउँदा शिक्षा, रोजगारीलगायत आधारभूत अधिकारबाट वञ्चित भएको जनाउँदै उनीहरुले सङ्घर्षमा उत्रिएका नागरिकताविहीन नागरिकका आवाज सुन्न सबै पक्षको ध्यानाकर्षण गराए। सांसद अब्दुल खानले नागरिकताविहीन नागरिकलाई तत्काल नागरिकता दिन सबैले पहल गर्नुपर्ने बताए । “नागरिकताबाट वञ्चित भएका सन्तानले काठमाडौँलगायत देशैभर आत्मदाह गर्ने प्रयास गरिरहेका छन्, यो रोकिएन भने भोलि सामूहिक आत्मदाह गर्न सक्छन्, यसको जिम्मेवारी कसले लिने ? नेपाल सरकारले लिने कि न्यायालयले लिने ?”, उनले प्रश्न गरे, “के…

झापा: झापाको मेचीनगर सीमाक्षेत्रमा भएको सशस्त्र प्रहरी बलका सुरक्षाकर्मीबीचको झडप घटनाबारे सशस्त्र प्रहरी बल मुख्यालयले छानबिन समिति बनाएको छ । सशस्त्र प्रहरी अतिरिक्त महानिरीक्षक (एआईजी) चन्द्रप्रकाश गौतमको अध्यक्षतामा मुख्यालयले छानबिन समिति बनाएको हो । झापा मेचीनगर-४ स्थित नेपाल भारत सीमा नकलबन्दामा मंगलवार राति ड्युटीमा रहेका सशस्त्र प्रहरी बलका कर्मचारीलाई सादा पोशाकमा खटिएका प्रहरी निरीक्षकसहितको टोलीले कुटपिट गरेको थियो । सो घटनामा संलग्न सशस्त्र प्रहरी निरीक्षक नमप्रभाव राई र जवानहरू रामसुन्दर तामाङ तथा जीवन बाँस्तोलालाई निलम्बनको प्रक्रिया अघि बढाइएको मुख्यालयले जनाएको छ । राई नम्बर १ बराह बाहिनीबाट निरीक्षणका लागि सादा पोशाकमा खटिएको खुलेको छ । राईले ड्युटी राम्रो नगरेको भन्दै…