डडेल्धुरा: डडेल्धुराको जंगलमा घातक बम फेला परेको छ। जिल्लाको आलितालको आलिताल गाउँपालिका–१ रतनटुडास्थित चित्रकुट सामुदायिक वनभित्र उक्त विष्पोटक बस्तु फेला परेको हो। उक्त बम स्थानीय ४५ वर्षीय भक्तबहादुर बोहराले देखेपछि प्रहरीलाई खबर गरेका थिए। बाख्रा चराउन वनमा गएका बोहराको खबर पाएपछि घटनास्थल गएको प्रहरीले फेला परेको बम ८१ मोटर सेलको रहेको पहिचान गरेको थियो। अहिले दह ब्यारेगबाट सेनाको टोली उक्त स्थानमा पुगेको जिल्ला प्रहरी कार्यालय डडेल्धुराले जनाएको छ। उनीहरुले बम डिस्पोज गर्ने तयारी गरेको डडेल्धुराका डिएसपी मनोहर भट्टले जानकारी दिए।
Author: महेन्द्रनगर पोष्ट
काठमाडौँ: सामुदायिक विद्यालयमा कार्यरत विद्यालय कर्मचारीहरुले आन्दोलन स्थगित गरेका छन् । नेपाल विद्यालय कर्मचारी युनियन, नेपाल सामुदायिक विद्यालय कर्मचारी संघ र नेपाल विद्यालय कर्मचारी परिषद्ले आज संयुक्त विज्ञप्ति जारी गर्दै आन्दोलनको कार्यक्रम फिर्ता लिएको जनाएको हो । शिक्षा विज्ञान तथा प्रविधि मन्त्राललयले सरकारको तर्फबाट वार्ता टोली गठन गरी संवादको वातावरण निर्माण गर्दै वार्तामा आउन आहृवान गरिएको र आम जनभावनाको उच्च कदर गर्दै विद्यालय बन्दको कार्यक्रम तत्कालका लागि स्थगन गरिएको विज्ञप्तिमार्फत जनाइएको छ । सामुदायिक विद्यालयमा कार्यरत विद्यालय कर्मचारीहरुलाई हालसम्म पनि ८ हजार, १३हजार ५ सय रुपैयाँ मासिक पारिश्रमिकमा काम गर्न वाध्य पारिएकोले विभिन्न सेवा सुविधासहित पेशागत स्थायित्वको माग राख्दै आन्दोलनमा…
भारतीय प्रधानमन्त्री नरेन्द्र मोदी आगामी बुधबारदेखि अमेरिकाको औपचारिक भ्रमणमा जाँदै छन् । उनको भ्रमण न्युयोर्कस्थित संयुक्त राष्ट्र संघ मुख्यालयमा आयोजना गरिने अन्तर्राष्ट्रिय योगा दिवसबाट औपचारिक शुरुवात हुने बताइएको छ । संयुक्त राष्ट्र संघले योगालाई सन् २०१४ देखि जुन २१ का दिन अन्तर्राष्ट्रिय दिवसको रुपमा मनाउन थालेको हो । स्थानीय समयअनुसार प्रधानमन्त्री मोदी त्यहाँबाट लगत्तै राजधानी वाशिंगटन डिसी जाने कार्यक्रम छ । भोलिपल्ट ह्वाइट हाउसमा राष्ट्रपति जो बाइडेनले मोदीको सम्मानमा रात्रिभोजको आयोजना गर्ने कार्यक्रम छ । त्यसअघि दिउँसो अमेरिकी राष्ट्रपति र भारतीय प्रधानमन्त्रीबीच द्विपक्षीय वार्ता र मोदीले अमेरिकी संसद कंग्रेसको संयुक्त सभालाई सम्बोधन गर्ने कार्यक्रम तय भएको भारतीय विदेश मन्त्रालयले जनाएको…
धनगढीः भारतको बरेलीमा रहेको श्री राम मुर्ती स्मारक ईन्स्टिच्युट अफ मेडिकल साइन्सेजले नेपाली बिरामीलाई निःशुल्क उपचार सेवा दिइरहेको छ। अस्पतालले जेठ ३२ देखि एक हप्तासम्मका लागि निःशुल्क उपचार सेवा दिइरहेको हो। अस्पतालमै निःशुल्क स्वास्थ्य शिविर सञ्चालन गरेर नेपालका बिरामीको शल्यक्रियासहितको उपचार भइरहेको छ।अस्पतालका मार्केटिङ म्यानेजर डाक्टर आइए खानले जेठ ३२ देखि एक हप्तासम्मका लागि नेपाली बिरामीको उपचार गर्न निःशुल्क स्वास्थ्य शिविर लागेको बताएका हुन्। स्वास्थ्य शिविरमा हर्निया, एपेन्डिक्स, पत्थरी, पाइल्स जस्ता रोगको निःशुल्क शल्यक्रिया भइरहेको उनले बताए। एक हजार शय्याको अस्पतालश्री राम मुर्ती स्मारक अस्पताल ट्रष्टद्वारा सञ्चालित मेडिकल कलेज हो। मेडिकल कलेजमा १ हजार शय्या छन् भने ११ वटा विभाग…
धनगढीः धनगढीको एक क्लिनिकमा लागुऔषध फेला परेको छ । प्रहरीका अनुसार डोटीको आदर्श गाउँपालिका-१ का ३० वर्षीय गणेश बागले सञ्चालन गरेको क्लिनिकमा लागुऔषध फेला परेको हो । धनगढी उपमहानगरपालिका १३ एयरपोर्ट मोडमा रहेको गेटा मेडिको क्लिनिकमा त्रिंगा सफ्ट नामक लागुऔषध ४७ ट्याब्लेट र एन्टिकफ ४८ फेला परेको सुदूरपश्चिम प्रदेश प्रहरी कार्यालय धनगढीले बताएको छ । उक्त लागुऔषधसहित क्लिनिक सञ्चालक बागलाई पक्राउ गरी थप अनुसन्धान गरिरहेको प्रहरीले जनाएको छ ।
बिमल बाेहरा, डडेल्धुरा: डडेल्धुरामा विगत ३ दिनदेखि पेट्रोल अभाव भएको छ। जिल्लामा रहेला २ वटै पेट्रोल पम्पमा शुक्रबार नै पेट्रोल सकिएको थियो। अहिले दुई वटै पेट्रोल पम्पमा ‘पेट्रोल छैन’ भन्ने बोर्ड राखिएको छ। पम्पहरुमा पेट्रोल नहुँदा सवारी चालकहरु समस्यामा परेका छन्। डडेल्धुरामा पेट्रोल नपाएपछि धनगढीबाट ग्यालेनमा मगाएको कारधनी नरेशबहादुर बिष्टले बताए। शुक्रबार धनगढीस्थित नेपाल आयल निगमको डिपोबाट ट्याङ्कर लाेड नभएकाे र हिजाे शनिबार परेकाले समस्या भएकाे बिर बेताल पेट्रोल पम्पका सञ्चालक राजु ऎरले बताए। आज ट्याङ्कर लाेड भए भाेलि बिहान १० बजेदेखि पेट्रोल वितरण हुने उनले बताए। डडेल्धुरामा विगतदेखि नै पेट्रोल अभाव हुँदै आएको छ। पम्पहरुमा आएको पेट्रोल बजारका व्यापारीहरुले…
धनगढीः कञ्चनपुरमा एक गाई गोठमा आगलागी भएको छ । प्रहरीका अनुसार जिल्लाको बेलडाँडी गाउँपालिका-५ कालिका टोलका गणेशबहादुर सिँहको गाई गोठमा आगलागी भएको हो । आगलागीबाट पाँच लाखको क्षति भएको बताइएको छ । चौपाया भने मरेका छैनन् । स्थानीयको सहयोगमा आगो नियन्त्रणमा लिइएको प्रहरीले जनाएको छ ।
भुटानकी महारानी जेट्सुन पेमा तेस्रो सन्तानको तयारीमा रहेकी छन् । सामाजिक सञ्जाल इन्स्टाग्राममा दिइएको जानकारीअनुसार ४३ वर्षे राजा जिग्मे खेसार नाम्ग्याल वाङचुक र ३३ वर्षीया रानी जेट्सुन पेमाको आगामी शरद ऋतुुमा तेस्रो सन्तान हुन लागेको छ । रानी जेट्सुन गत महिना बेलायतका नरेश चार्ल्स तृतीयको राज्याभिषेक समारोहमा सहभागी हुन जाँदा र त्यसपछि जोर्डनमा आयोजित शाही परिवारको विवाह समारोहमा भाग लिन जाँदा फोटो पत्रकारहरुले उनी गर्भवती भएको अनुमान लगाएका थिए । त्यतिबेला रानीले लगाएको पोशाकमा उनको पेट केही उठेको देखिएको थियो । उनीहरुको पहिलो सन्तान सन् २०१६ मा र अर्को छोरा सन् २०२० मा जन्मेका थिए ।
पाँचथर: पाँचथरमा पहिरोमा पुरिएकी बालिकाको जीवितै उद्धार गरिएकोृ छ । फालेलुङ गाउँपालिका-३ खोलाघारीमा मनप्रसाद राईको घरमा पुरिएकी जुना सावदेनको आज बिहान स्थानीयले जीवितै उद्धार गरेका हुन् । मध्यरातमा घर माथिबाट खसेको पहिरोले मनप्रसादको घर बगाएको थियो । मनप्रसाद र उनकी श्रीमती भागेर ज्यान बचाउन सफल भएका थिए भने सुतिरहेकी जुना पहिरोमा फसेकी थिइन् । बालिकाको बिहान जीवितै उद्वार गरिएको गाउँपालिकाका अध्यक्ष वीरविक्रम थाम्सुहाङले बताए।
धनगढी: कैलालीका प्रमुख जिल्ला अधिकारी युवराज कट्टेलकाे गाडी दुर्घटनामा परेको छ। बिहीबार सुर्खेतबाट फर्कने क्रममा कोहलपुर क्षेत्रमा उनको गाडी दुर्घटना भएको हो। प्रहरीका अनुसार उनको गाडी मिनी बससँग ठोक्किएको थियो। स्रोतका अनुसार सिडिओ अन्तर जिल्ला बैठकबाट फर्किने क्रममा गाडी दुर्घटनामा परेकाे हो। तर गाडीमा सवार चालकसहित सबैजना सकुसल रहेको बताइएको छ। घटना बिहिवारको भएपनि आज सार्वजनिक भएको हो।