Author: महेन्द्रनगर पोष्ट

डोटी: डोटीको एक घरमा आगलागी भएको छ । जिल्लाको बोगटान फुड्सिल गाउँपालिका–१ मडाका अम्मर बोहराको एकतले काठले बनेको जस्ता र खरले छाएको घरमा आगलागी भएको हो । घरमा कोही नभएको अवस्थामा बोहराकै बच्चाहरुले आगो खेल्दा घर आंशिक रुपमा जलेको प्रहरीले जनाएको छ । प्रहरीका अनुसार आगलागीबाट दुई लाख चार हजार रुपैयाँ बराबरको क्षति भएको छ ।

कञ्चनपुर: कञ्चनपुरमा बयलगाडाले च्यापियर नाबालकको मृत्यु भएको छ । जिल्लाको बेलौरी नगरपालिका–५ रामनगरमा अमरसिंह चौधरीका दुई वर्षीय छोरा रेगमसिंह चौधरीको बयलगाडाले च्यापिएर मृत्यु भएको हो । प्रहरीका अनुसार आफ्नै घर आँगनमा राखिएको बयलगाडामा खेल्दा बयलगाडाको अगाडिको भाग उठ्न गई पछाडीको भागमुनी च्यापिएर रेगम घाइते भएका थिए । उनलाई उपचारका लागि धनगढीस्थित निर्सग अस्पताल पुर्याइएको थियो । उपचारकै क्रममा उनको मृत्यु भएको प्रहरीले जनाएको छ । इलाका प्रहरी कार्यालय बेलौरीले आवश्यक अनुसन्धान गरिरहेको बताएको छ ।

काठमाडौँ: भारत भ्रमणमा रहेका प्रधानमन्त्री पुष्पकमल दाहाल ‘प्रचण्ड’ शुक्रबार मध्य प्रदेशको इन्दौर पुगेका छन् । प्रधानमन्त्री प्रचण्डलाई मध्य प्रदेशका मुख्यमन्त्री शिवराज सिंह चौहानले स्वागत गरेका छन् । सो अवसरमा मुख्यमन्त्री चौहानले ढाका टोपी लगाएका थिए । प्रधानमन्त्री प्रचण्ड नेतृत्वको टोली इन्दौरबाट उज्जैनका लागि प्रस्थान गरेको छ । उज्जैन भारतको धेरै पुरानो सांस्कृतिक सहर हो। जहाँ राजा विक्रमादित्यले शासन गरेका थिए । उनै राजाले विक्रम सम्बत को सुरुवात गरेका थिए ।

काठमाडौँ: राष्ट्रिय योजना आयोगका पूर्वउपाध्यक्ष डा. पुष्पराज कँडेलले बजेटमा अर्थतन्त्रको स्थितिलाई सम्बोधन गर्ने प्रयास गरिएको बताएका छन् । अर्थमन्त्री डा. प्रकाशशरण महतबाट सङ्घीय संसद्मा प्रस्तुत आर्थिक वर्ष २०८०/८१ को बजेटबारे सञ्चारकर्मीसँग प्रतिक्रिया दिँदै डा. कँडेलले उक्त बजेट विकासको मूल ‘ओरियन्टेसन’ मा गाँसिन र पुँजीगत खर्च वृद्धिमा ध्यान दिन असमर्थ रहने हो कि भन्ने चिन्ता व्यक्त गरे । रु तीन खर्ब दुई अर्बको पुँजीगत रकममा त्योभन्दा बढी ऋण रहेको स्थितिमा विकासको गन्तव्य र राजस्वका लक्ष्य हासिल गर्नु चुनौतीपूर्ण रहेको उनको भनाइ थियो । “ठेक्का प्रणालीमा सुधार ल्याउन कात्तिकभित्र ठेक्का लगाइसक्ने समयसीमा प्रस्ताव सकारात्मक हो तर यसको कार्यान्वयन हुने सम्भावना छैन ।…

नयाँ दिल्ली: भारतको भ्रमणमा रहेका प्रधानमन्त्री पुष्पकमल दाहाल ‘प्रचण्ड’ले आफ्नो भ्रमण ऐतिहासिक रहेको बताएका छन् । नयाँ दिल्लीस्थित आफू बसेको होटल आइटिसी मौर्यमा आज बिहान नेपालका सञ्चारकर्मीसँगको कुराकानीमा उनले ऊर्जा व्यापारका क्षेत्रमा ‘ब्रेक थ्रु’ भएको बताए । नेपालको विद्युत् व्यापार, पारवहन, पेट्रोलिमय पाइपलाइन विस्तार, आर्थिक पूर्वाधार निर्माणका लागि दुई देशबीच विभिन्न समझदारी भएको उल्लेख गर्दै प्रधानमन्त्री दाहालले जलविद्युत् क्षेत्रमा महत्वपूर्ण उपलब्धि हासिल भएको बताए । “जलविद्युत् क्षेत्रमा लगानीका लागि महत्वपूर्ण आधार तयार भएको छ”, उनले भने, “नेपालको विद्युत् बङ्गलादेशसम्म निर्यात गर्नका लागि महत्वपूर्ण सहमति भयो ।” महाकाली सन्धिअनुसार पञ्चेश्वर बहुउद्देश्यीय आयोजना निर्माणका लागि तीन महिनाभित्र विस्तृत परियोजना प्रतिवेदन ९डिपिआर० बनाउने…

काठमाडौँ: आज सुनको मूल्य तोलामा एक लाख १३ हजार ३ सय रुपैयाँ पुगेको छ । यो हिजोको भन्दा तोलामा आठ सय रुपैयाँले धेरै हो । हिजो पनि तोलामा ५ सय रुपैयाँले बढेर एक लाख १२ हजार ५ सय रुपैयाँ पुगेको थियो । नेपाल सुन चाँदी व्यवसायी महासङ्घका पूर्व अध्यक्ष तेजरत्न शाक्यका अनुसार सुनको मूल्य अझै बढ्ने सम्भावना छ । उनका अनुसार अन्तर्राष्ट्रिय बजारमा सुनको मूल्य बढिरहेको र सुनको आयातमा लाग्ने भन्सार दर समेत सरकारले बढाएकाले मूल्य अझै बढ्ने सम्भावना छ । आज चाँदीको मूल्य पनि तोलामा २५ रुपैयाँले बढेर एक हजार चार सय ३५ रुपैयाँमा कारोबार भइरहेको छ ।

बैतडी: बैतडीको सुर्नया गाउँपालिका-५ को रडीगाउँमा लिफ्ट प्रणालीबाट खानेपानी पुगेको छ । गाउँपालिकाका इन्जिनियर कपिलदेव भट्टका अनुसार मुहानबाट झण्डै १८० मिटर उचाइमा रहेको गाउँमा आकुडी खोलाबाट खानेपानी पुर्याइएको हो । आकुडी खोला लिफ्ट खानेपानी योजनाबाट सुर्नया ५ को रडीगाउँ र धुलिधारमा खानेपानीको व्यवस्था गर्ने योजना रहेको छ । मुहानमा ३५ हजार लिटर क्षमताको ट्यांकी निर्माण गरिएको छ । गाउँपालिकाका सब इन्जिनियर शेरसिंह विष्टले रडीगाउँमा पनि ३५ हजार लिटर क्षमताकै ट्यांकी निर्माण गर्ने योजना रहेको बताए । सुदूरपश्चिम प्रदेश सरकार र सुर्नया गाउँपालिकाको संयुक्त लगानीमा सो खानेपानी योजना निर्माण भइरहेको हो । ४० लाखको लागतमा निर्माण भइरहेको योजना अन्तर्गत रडीगाउँका घरघरमा…

धनगढी: हालै मात्र रिहा भएका रेशमलाल चौधरीले सरकारी सवारीको दुरुपयोग गरेको पाइएको छ। नागरिक उन्मुक्ति पार्टीका संस्थापक समेत रहेका चौधरीले टिकापुर नगरपालिकाको गाडी प्रयोग गर्दै आएका हुन्। अस्ती बुधबार कैलाली कारागारमा टीकापुर घटनाका बन्दीलाई भेट्न उनी नगरपालिकाकै से १ झ २९४ नम्बरको गाडी गाडीमा गएका थिए। टीकापुर हत्याकाण्डमा दोषी ठहर भई जेल सजाय भोगिरहेका रेशम चौधरी सोमबार बिहान रिहा भएका थिए। राष्ट्रपतिले आममाफी दिएपछि उनी सोमबार बिहान डिल्लीबजार जेलबाट रिहा भएका हुन्। थरुहट थारुवान संघर्ष समितिले २०७२ साल भदौ ७ गते कैलालीको टिकापुरमा गरेको प्रदर्शनले हिंसात्मक रुप लिँदा नेपाल प्रहरीका एसएसपी लक्षमण न्यौपानेसहित ८ जनाको मृत्यु भएको थियो। सोही घटनामा…

काठमाडौं: राष्ट्रपति रामचन्द्र पौडेलले बुधबार प्रमाणीकरण गरेको नागरिकता विधेयक राजपत्रमा प्रकाशित भएको छ। राजपत्रमा प्रकाशित भएको नागरिकतासम्बन्धी नयाँ ऐनमा नेपालभित्र फेला परेका तर बाबु वा आमा पत्ता नलागेसम्म उनीहरूलाई नेपाली नागरिक मान्ने प्रावधान राखिएको छ। उनीहरूले १६ वर्ष उमेर पूरा गरेपछि वंशजको आधारमा नेपालको नागरिकता लिन सक्ने व्यवस्था ऐनमा राखिएको छ। https://drive.google.com/file/d/1zXINAYbu1_4sPlRZWf3dVCVPz-DK6M3v/view?usp=drivesdk

काठमाडौँ:  नारायणहिटी दरबार हत्याकाण्ड भएको आज २२ वर्ष पुरा भएको छ । १९ जेठ २०५८ मा राजदरबारभित्रै तत्कालीन राजा वीरेन्द्र शाहको वंशनाश भएको थियो । नियमित पारिवारिक जमघटका बेला तत्कालीन राजा वीरेन्द्रसहित रानी ऐश्वर्य, युवराज दीपेन्द्र र निराजन, राजकुमारी श्रुति, राजकुमार धीरेन्द्र, राजकुमारी जयन्ती, राजकुमारी शान्ति, राजकुमारी शारदा, कुमार खड्कासहित राजपरिवारका अन्य सदस्यहरूको गोली हानी हत्या भएको थियो । उच्चस्तरीय छानबिन समितिले उक्त घटनामा तत्कालीन युवराज दीपेन्द्रले परिवारका सदस्यहरूलाई गोली हानेर पछि आफैँलाई गोली हानेको भन्ने प्रतिवेदन सार्वजनिक गरेको थियो । तर, यो प्रतिवेदनप्रति आम नागरिकले विश्वास जताउन सकेका छैनन् ।  नारायणहिटी राजदरबारमा २०५८ जेठ १९ गते भएको घटना सम्बन्धमा…