काठमाडौँ: हाल देशमा पश्चिमी वायुको साथै स्थानीय वायुको सामान्य प्रभाव रहेको छ। मौसम पूर्वानुमान महाशाखाका अनुसार सोमबार कोशी प्रदेश, बागमती प्रदेश र गण्डकी प्रदेशका पहाडी भू-भागमा आंशिकदेखि सामान्य बदली तथा बाँकी भू-भागमा आंशिक बदली देखि मौसम सामान्यतया सफा रहनेछ। कोशी प्रदेश, बागमती प्रदेश र गण्डकी प्रदेशका पहाडी भू-भागका थोरै स्थानहरूमा तथा बाँकी प्रदेशका पहाडी भू-भागका एक वा दुई स्थानमा मेघगर्जन र चट्याङसहित हल्का वर्षाको सम्भावना रहेको छ। कोशी प्रदेश र मधेस प्रदेशको तराईका केही स्थानहरूमा हावा-हुरीको समेत सम्भावना रहेको छ ।
Author: महेन्द्रनगर पोष्ट
डडेल्धुरा: सामान्यतया तपाईंले फोटोकपी गरेको कति रुपैयाँ तिर्नुहुन्छ ? बढीमा ५ रुपैयाँ हैन त ! तर, अचम्म लाग्दो कुरा डडेल्धुरामा एक व्यापारीले एकप्रति फोटोकपी गरेको ५ को दोब्बर १० हैन २० रुपैयाँसम्म असुल्ने गरेको पाइएको छ। उसै त पीडित, त्यसैमाथि यस्तो असुलीले हैरान बनेका छन् डडेल्धुराको शिवशिखर सहकारीका सदस्यहरु। जिल्ला प्रहरी कार्यालय डडेल्धुराले शिवशिखरविरुद्ध जाहेरी दिन भनेपछि ती व्यापारीका त ‘दिन आए’ जस्तै भएको छ। अस्ति मात्रै जिल्ला प्रहरी कार्यालय डडेल्धुराले शिवशिखर बहुउद्देश्यीय सहकारी संस्थाविरुद्ध जाहेरी दिन आग्रह गरेको थियो। सो सहकारीको जिल्ला शाखाले बचतकर्ताको बचत रकम, सावाँ, ब्याज फिर्ता नगरेको वा ठगी गरेको भए उजुरी दिन आग्रह गरेको हो।…
धनगढी: बझाङमा यार्चागुम्बा सङ्कलनका लागि गएकी एक महिलाको शव फेला परेको छ। आज (आइतबार) जिल्लाको सुर्मा गाउँपालिका र साईपाल गाउँपालिकाको सिमाना अन्तर्गत पर्ने धनसेरी हिमालक्षेत्रमा हिमपहिरो गएको थियो। उक्त हिमपहिरोमा परेर अहिलेसम्म १ महिलाको मृत्यु भएको र २ जना घाइते भएको जानकारी आएको जिल्ला प्रहरी कार्यालय बझाङका डिएसपी जागेश्वर भण्डारीले बताए। उनका अनुसार मृत्यु हुने र घाइते हुनेमा सुर्माकै स्थानीय श्रीमान-श्रीमती रहेको र एकजना अर्का पनि घाइते बनेका छन्। टेलिफोन सम्पर्क हुन नसक्दा उनीहरुको परिचय भने नखुलेको डिएसपी भण्डारीले बताए। यस्तै अन्य २ जना अझै सम्पर्कविहीन रहेको र प्रहरी टोली घटनास्थलतर्फ गएको बताइएको छ।आइतबार बिहान ९ बजेतर्फ यार्चागुम्बा सङ्कलनका लागि…
धनगढी: बझाङमा हिमपहिरोमा परेर दुई जना घाइते छन् भने तीन जना बेपत्ता भएका छन् । आइतबार बिहान सुर्मा गाउँपालिका वडा नम्बर २ को धानशेरा भन्ने ठाउँमा हिमपहिरो जादा दुई जना घाइते र तीन जना बेपत्ता भएको खबर प्राप्त भएको प्रहरीले जनाएको छ। जिल्ला प्रहरी कार्यालयका प्रमुख प्रहरी नायब उपरीक्षक(डीएसपी) जागेश्वर भण्डारीले हिमपहिरोमा पुुरिएर तीन जना बेपत्ता र दुई जना घाइते भएको खबर प्राप्त भएपछि घटनास्थलतर्फ प्रहरी टोली हिडेको जानकारी दिए तर घटनास्थल निकै टाढा भएकाले टोली पुग्न समय लाग्ने उनी बताउँछन्। उनकाअनुसार जिल्ला प्रहरी कार्यालयका प्रहरी निरीक्षक जनक ढुंगानाको नेतृत्वमा प्रहरी टोली परिचालन भएको छ भने सशस्त्र प्रहरीका सशस्त्र प्रहरी…
धनगढीः कैलालीको कर्णाली नदीमा डुबेर एक किशोरको मृत्यु भएको छ। टीकापुर नगरपालिका–५ प्रेमनगरका १७ वर्षीय किशोर अमृत चौधरीको कर्णाली नदीमा नुहाउने क्रममा डुबेर शनिबार दिउँसो मृत्यु भएको हो। कर्णाली नदीमा डुबेर उनी बेपत्ता भएको भन्ने खबर प्राप्त भएपछि प्रहरी चौकी सत्तीबाट खटिएको प्रहरीले आफन्तहरुको सहयोगमा खोजी गर्ने क्रममा दौलतपुरस्थित नदी किनारमा उनको शव फेला परेको हो।
धनगढी: कैलाली प्रहरीले त्रिनगर भन्सार क्षेत्रबाट ब्राउनसुगरसहित एक भारतीयलाई पक्राउ गरेको छ। भारत पलिया बस्ने २४ वर्षीय मनोज सिंहलाई शनिबार राति अवैध लागूऔषध ब्राउनसुगर एक सय ७० मिलिग्रामसहित प्रहरीले पक्राउ गरेको छ। प्रहरी चौकी त्रिनगरबाट खटिएको प्रहरीले उनलाई उक्त ब्राउनसुगरसहित फेला पारी पक्राउ गरेको हो।
धनगढीः सुदूरपश्चिम प्रदेशका मुख्यमन्त्री कमलबहादुर शाहले शनिवार सरकार विस्तार गरे। नेपाली काँग्रेसका दलका नेतासमेत रहेका शाहले आफू नियुक्त भएको एक सय दिनपछि सरकार विस्तार गरेका हुन्। तर, अझै सरकार भने पूर्ण हुन सकेको छैन। सत्ता साझेदार दलको रुपमा रहेको रेशमलाल चौधरी संस्थापक रहेको नागरिक उन्मुक्ति पार्टी सरकारमा नगएपछी सरकार अपूर्ण बनेको हो। सो पार्टीले मुख्यमन्त्रीसमक्ष सामाजिक विकास मन्त्रालय, भूमि व्यवस्था कृषि तथा सहकारी मन्त्रालयसहित एक राज्यमन्त्रीको डिमाण्ड गरेका थिए। तर त्यसमा भागवण्डाका क्रममा उनीहरुको माग पूरा हुन सकेन। त्यसै कारण उनीहरुले आफ्नो पार्टी सरकारमा नगएको बताएका छन्।भागवण्डाका क्रममा गठबन्धनभित्र सामाजिक विकास मन्त्रालय माओवादी केन्द्रले लिएपछि नागरिक उन्मुक्ति चिढिएको हो। नागरिक उन्मुक्ति पार्टीका…
काठमाडौँ: एमाले अध्यक्ष केपी शर्मा ओलीले नीति तथा कार्यक्रममा लोकतन्त्रको आत्मा नरहेको टिप्पणी गरेका छन् । आइतबारको प्रतिनिधि सभा बैठकमा नीति तथा कार्यक्रममाथिको छलफलमा भाग लिँदै उनले यस्तो बताएका हुन् । न्याय र समृद्धिको योगफल नै लोकतन्त्र भएको बताउँदै उनले नीति तथा कार्यक्रममा लोकतन्त्रको आत्मा नरहेको टिप्पणी गरेका हुन् । त्यस्तै, उनले नीति तथा कार्यक्रम फिर्ता लिएर पुनर्लेखन गर्न माग पनि माग गरेका छन् ।
काठमाडौँ: परराष्ट्रमन्त्री एनपी साउदले राहदानी विभागको अनुगमन गरेका छन् । सर्वसाधरणले राहदानीका लागि लाइन लाग्ने गरेको कुरा चर्चामा आएपछि मन्त्री साउदले विभागको अनुगमन गरेका हुन् । अनुगमनका क्रममा उनले कर्मचारीहरुसँग छलफल गर्दै सेवाग्राहीलाई समयमै सेवा उपलब्ध गराउन निर्देशन दिएका छन् ।
काठमाडौँ: नेकपा एमालेका अध्यक्ष केपी शर्मा ओलीले सरकारबाट मातृभूमिको रक्षा हुन कठिन देखिएको टिप्पणी गरेका छन् । उनले नीति तथा कार्यक्रमको १८५ नम्बर बुँदामा संविधानको अनुसूचीमा रहेको नेपालको नक्सा अटाउन नसकेको बताउँदै यो सरकारबाट मातृभूमिको रक्षा हुन कठिन देखिएको बताएका हुन् । ‘यो सरकारबाट मातृभूमिको रक्षा हुन कठिन छ । लिम्पियाधुरा, लिपुलेक र कालापानी नेपालमा पर्छ कि पर्दैन ? यो सरकारलाई थाहा भएको देखिएन । प्रस्तावित नीति तथा कार्यक्रमको बुँदा १८५ मा संविधानको अनुसूचीमा रहेको नेपालको नक्सा अटाउन सकेको छैन’, उनले भने ।