कञ्चनपुर: कञ्चनपुरमा करेन्ट लागेर एक जनाको मृत्यु भएको छ। शनिबार राति कृष्णपुर नगरपालिका–४ मछेली नदी किनारमा करेन्ट लागेर ३४ वर्षीय प्रताप खुनाको मृत्यु भएको हो। हावाहुरीले विद्युतको पोल ढल्दा साइकलमा यात्रा गरिरहेका उनलाई करेन्ट लगेको थियो। इलाका प्रहरी कार्यालय झलारीका प्रहरी निरीक्षक सुर्यबहादुर शाहीका अनुसार अहिले प्रहरी र जनप्रतिनिधिको टोली घटना स्थलमा छ। स्थानीयले क्षतिपूर्ति, मृतका परिवारलाई रोजगारी र विद्युत पोलहरु व्यवस्थित गर्नुपर्ने माग राखेका छन्।
Author: महेन्द्रनगर पोष्ट
काठमाडाैँ: नेकपा एमालेका उपमहासचिव तथा एमाले प्रचार विभाग प्रमुख विष्णु रिमालले धरान उपमहानगरपालिका प्रमुख हर्क साम्पाङ राईलाई बौलाहा मेयर भनेपछि राईले प्रतिक्रिया दिएका छन्। मेयर राईले रिमाललाई लक्षित गर्दै एमालेको भुसुनोको रूपमा चित्रण गरेका हुन् । उनले सामाजिक सञ्जालमा लेखेका छन् -‘एमालेको एउटा भुसुनोले मुखबाट गोबर उकेलेछ।अब आउने चुनावमा यसलाई जनताले देखाइदिनेछन्।’ शनिबार अखिल नेपाल महिला सङ्घ अनेमसंघको दोस्रो पूर्ण बैठकमा उपमहासचिव रिमालले धरानका प्रमुख हर्क साम्पाङलाई ‘बौलाहा मेयर’ को रूपमा चित्रण गरेका थिए ।
काठमाडौं: प्रेम प्रस्ताव अस्वीकार गर्दा युवतीको हत्या गरेको भन्दै एक युवकविरुद्ध जिल्ला प्रहरी कार्यालयमा जाहेरी परेको छ। कोहलपुर–६ रझेनाकी २२ वर्षीया सुमद रानी थारूले बर्दियास्थित राजापुर ८ कोइरी गाउँका २६ वर्षीय शैलेन्द्र चौधरीको प्रेम प्रस्ताव अस्वीकार गर्दा उनको बीभत्स हत्या भएको दाबी जाहेरीमा गरिएको छ। चौधरीविरुद्ध जिल्ला प्रहरी कार्यालयमा जाहेरी परेको हो। सुमद रानीका भाइ निरेनले जाहेरी दर्ता गरेका हुन्।वैशाख २९ गते नेपालगन्जस्थित कोठामै ती युवती मृत अवस्थामा भेटिएको जिल्ला प्रहरी कार्यालय बाँकेले जनाएको छ। भेरी प्राविधिक शिक्षालय नेपालगन्जमा कम्प्युटरसम्बन्धी डिप्लोमा कोर्सका लागि उनी भाइ निरेनसँगै बस्दै आएकी थिइन्। बाँके प्रहरीका अनुसार जाहेरीमा सुमद रानी मृत फेला परेको कोठामा चौधरीले…
झापा :भद्रपुरस्थित चन्द्रगढी विमानस्थलमा सेनेटरी प्याडभित्र प्रतिबन्धित लागूऔषध ब्राउन सुगर लुकाएर लैजाने खोज्ने एक युवती पक्राउ परेका छन्। पक्राउ पर्नेमा झापा जिल्ला कमल गाउँपालिका- ७ घर भई हाल काठमाडौँ नारायण थान डेरा गरी बस्ने २६ वर्षीया एन्जल राई रहेको जिल्ला प्रहरी कार्यालय झापाका डीएसपी खगेन्द्रप्रसाद रिजालले जानकारी दिए। शनिवार बिहान ११:०५ बजेको समयमा विमानस्थलमा खटिएका सुरक्षाकर्मीले शरीर चेकजाँच गर्ने क्रममा राईलाई १५ ग्राम ६६० मिलिग्राम ब्राउन सुगरसहित पक्राउ गरेको हो। उनी यति एयरलाइन्स चढेर काठमाडौँ जान लागेकी थिइन्। राईले लगाएको भित्रीबस्त्र (पेन्टी) मा प्याडको बीच भागमा प्लास्टिकमा पोको पारी ब्राउन सुगर लैजान खोजेका थिए। उनको साथमा रहेको नागरिकता र रेडमी…
काठमाडौं: नेपाली राष्ट्रिय क्रिकेट टिमका सदस्य सन्दीप लामिछानेको मुद्दाको अन्तिम बहसको पेशी आज आइतबारलाई तोकिएको छ। जिल्ला अदालत काठमाडौंमा आज मुद्दाको पेशी रहेको छ । गत ११ वैशाखमा मुद्दाको अन्तिम बहस सुरु भए पनि लगातार सुनुवाइ हुन सकेको थिएन। बलात्कार आरोप लागेका लामिछानेको मुद्दाको चाँडो किनारा लगाउन सर्वोच्चले आदेश दिएको भए पनि विभिन्न कारणले मुद्दाको अन्तिम सुनुवाइ प्रभावित हुँदै आएको छ। सन्दीपलाई काठमाडौँ जिल्ला अदालतले प्रारम्भिक सुनुवाइमा पुर्पक्षका लागि जेल चलान गरेको थियो। तर पाटन उच्च अदालतले उनलाई थुनामुक्त गरेको थियो भने विदेश जान रोक लगाएको थियो।
धनगढी: आज पूर्व राजा ज्ञानेन्द्र शाह कैलालीको धनगढी आउने कार्यक्रम रहेको छ। पूर्व राजपरिवार आजै धनगढी पुग्ने र ८ गते नागरिक अभिनन्दन गरिने नागरिक अभिनन्दन मूल समारोह समितिले जनाएको छ। पूर्व राजाको नागरिक अभिनन्दन ८ गते सोमवार दिउँसो ३ बजे धनगढी रङ्गशाला अर्थात् कभर्ड हलमा हुनेछ। यसअघि जेठ ६ गते धनगढी रङ्गशालामा पूर्वराजाको नागरिक अभिनन्दन कार्यक्रम हुने तय भएको थियो। तर, नागरिक उन्मुक्ति पार्टीले नेपाल बन्द र आन्दोलन घोषणा गरेकाले भ्रमण स्थगित भएको थियो। आयोजकले राजपरिवार सडक मार्ग हुँदै आइतवार नै धनगढी पुग्ने र सोमवार नागरिक अभिनन्दन गर्ने तयारी थालेको जनाएको छ।
धनगढी: नवनियुक्त उद्योग, पर्यटन वन तथा वातावरण मन्त्री रमेशसिंह धामीले पहिलो दिनमै आफ्नो क्षेत्रअधिकार भित्र परेका कामहरूलाई प्राथमिकताका साथ पुरा गर्ने बाचा गरेका छन्। उनी हिजो(शनिबार) मात्रै मुख्यमन्त्री कमलबहादुर शाहको नेतृत्वको सरकारमा सहभागी भएका हुन्। माओवादी केन्द्रबाट कैलाली क्षेत्र नम्बर ५ को (१) बाट चुनाव जितेका धामी २०३८ साल कात्तिक २३ गते दार्चुलाको साविकको धापा गाउँ विकास समिति– ३ बाजमा जन्मेको हुन्। उनले माध्यमिक शिक्षा मालिकार्जुन माध्यमिक विद्यालयबाट पूरा गरेका थिए। उनले २०५४ सालबाट अनेरास्ववियु प्रारम्भिक कमिटीबाट राजनीतिमा प्रवेश गरे। २०५६ सालमा कैलाली बहुमुखी क्याम्पसमा प्रारम्भिक कमिटी हुँदै २०५७ सालमा अनेरास्ववियुबाट सदस्य पदको उम्मेदवार भएका थिए। २०५८ सालमा उनी अनेरास्ववियु छाडेर…
धनगढी: अछामको भाटाकाटियाबाट आएका झपटबहादुर साउद हिजो सुदूरपश्चिम प्रदेश सरकारको सामाजिक विकास मन्त्री भएका छन्। अछाम क्षेत्र नम्बर १ को (२)बाट निर्वाचित सांसद साउद २०३७ असार २४ गते साविकको भाटाकाटिया गाउँ विकास समिति-६ मा जन्मेका हुन्। उनले २०५४ सालमा महेन्द्र माध्यमिक विद्यालय बयालपाटा माध्यमिक शिक्षा अध्ययनको राजनीतिक यात्रा सुरु गरेका थिए। त्योबेला उनी अखिल क्रान्तिकारीको सदस्य बनेका थिए। उनले २०५५ सालमा वाइसिएलको वैधानिक टोल कमिटीको अध्यक्ष भएर काम गरे। २०५७ सालमा भने उनले भाटाकटेनी सेल सेक्रेटरीको जिम्मेवारी पाए। त्यसपछि साउदले २०५८ देखि अखिल क्रान्तिकारी अछामको अध्यक्ष हुँदै दुई कार्यकालको जिम्मेवारी पूरा गरेका थिए। २०५९ सालमा अछाम, कालिकोट र बाजुराको जिल्ला इन्चार्जको जिम्मेवारी पनि…
धनगढी: बझाङको लुयाटामा जन्मिएका पृथ्वीबहादुर सिंह सुदूरपश्चिम प्रदेश सरकारको आन्तरिक मामिला तथा कानुन मन्त्री बनेका छन्। शनिबार मात्रै उनले पदभार ग्रहण गरेका छन्। सिंह बझाङको निर्वाचन क्षेत्र नम्बर १ को (१) बाट निर्वाचित भएका थिए। २०१५ साल माघ १७ गते जन्मिएका उनले बझाङको पाण्डु प्राथमिक विद्यालय र घचाया प्राथमिक विद्यालय हुँदै सत्यवादी माध्यमिक विद्यालयबाट एसएलसी पास गरेका थिए। बीएल महेन्द्र बहुमुखी क्याम्पस नेपालगन्जबाट पुरा गरेका सिंहले कानुनकै विद्यार्थी भएकाले प्रदेशको हित हुने नीति निर्माणमा जोड दिने बताएका छन्। उनको राजनीतिक यात्र २०३१ सालमा एसएलसी सकेर भएको थियो। त्योबेला देखिनै उनी नेविसंघमा आवद्ध भएका थिए। नेपालगन्ज हुँदा २०३५ सालतिर उनी महेन्द्र…
धनगढीः सुदूरपश्चिम प्रदेशको नाम परिवर्तन गर्न माग गरिएको छ।प्रदेश सभा सदस्य लक्ष्मणकिशोर चौधरीले सुदूरपश्चिम प्रदेशको नाम परिवर्तन गर्न माग गरेका हुन्। उनले सुदूरपश्चिम प्रदेशको नाम खप्तड–थारु प्रदेश राख्न माग गरेका छन्। प्रदेश सभाको बैठकमा सम्बोधन गर्दै उनले भने, ‘सुदूरपश्चिम प्रदेशलाई पछाडि पारिएको छ। नामैले पछाडि परेको लाग्छ। टाढा लाग्छ। सर्वप्रथम त यो प्रदेशको नाम परिवर्तन गरिनुपर्छ। यहाँको पहिचान झल्किने किसिमले नामाकरण गर्नुपर्छ। प्रदेश स्वायत्त हुने किसिमले पार्टीले निर्धारण गरेको छ, प्रदेशको नाम खप्तड–थारु प्रदेश राख्नुपर्छ।’