काठमाडौं: संघीय संसद् अन्तर्गतको प्रतिनिधिसभाको बैठक आज बस्दै छ । बैठक बिहान ११ बजे संघीय संसद् भवन नयाँ बानेश्वरमा बस्नेछ । आजको बैठकमा प्रधानमन्त्री पुष्पकमल दाहाल ‘प्रचण्ड’ले सांसदहरूले राखेको प्रश्नको जवाफ दिने सम्भावित कार्यसूची रहेको संसद् सचिवालयले जनाएको छ । आजको बैठकमा प्रधानमन्त्री प्रचण्डले ‘राज्यका निर्देशक सिद्धान्त, नीति र दायित्व कार्यान्वयनका सम्बन्धमा गरेका काम र प्राप्त उपलब्धिसहितको आ.व. २०७८/०७९ को वार्षिक प्रतिवेदन’ पेस गर्ने पनि सम्भावित कार्यसूची रहेको छ ।
Author: महेन्द्रनगर पोष्ट
काठमाडौँ: हाल देशमा पश्चिमी वायुको साथै स्थानीय वायुको सामान्य प्रभाव रहेको छ। जसको प्रभावले हाल देशभर आंशिक देखि सामान्य बदली रहेको छ। आज दिउँसो कोशी, बागमती, गण्डकी प्रदेशका केही स्थानहरूमा तथा बाँकी प्रदेशका पहाडी भू-भागमा चट्याङ्गसहित हल्का वर्षाको सम्भावना रहेको छ। राति भने कोशी प्रदेशका थोरै स्थानहरूमा र गण्डकी प्रदेशका पहाडी भू-भागका एक/दुई स्थानमा चट्याङ्गसहित क्षणिक वर्षाको संभावना रहेको महाशाखाले जनाएको छ।
कैलाली: गृह मन्त्रालयले अछामसहित ६ जिल्लाका प्रमुख जिल्ला अधिकारी परिवर्तन गरेको छ। सहसचिवको दरबन्दी रहने ६ जिल्लाका सिडिओहरूको सरुवा गरिएको हो। हाल सरुवा भएका सिडिओहरूमा धादिङमा बद्रीनाथ गैह्रे, ललितपुरमा रुद्र प्रसाद पण्डित, कास्कीमा वासुदेव घिमिरे, अछाममा शिवराज न्यौपाने, अर्घाखाँचीमा कमल राज ढकाल र गुल्मीमा टेक बहादुर केसी रहेका छन्। सरुवा भएकामध्ये टेक बहादुर केसी यसअघि कास्की जिल्लाको प्रमुख जिल्ला अधिकारी थिए। अन्य सहसचिवहरूको हकमा झक्कप्रसाद आचार्यलाई राष्ट्रिय परिचयपत्र तथा पञ्जीकरण विभागको महानिर्देशक बनाइएको छ भन्व तुल बहादुर श्रेष्ठ र जयनारायण आचार्यलाई गृह मन्त्रालयमा सरुवा गरिएको छ ।
बैतडी: बैतडीमा मदिरा पसलमा भेटेनरी सेवा सञ्चालन गरेको पाइएको छ । जिल्लाको पञ्चेश्वर गाउँपालिकामा मदिरा पसलमा भेटेरेनरी सञ्चालन गरेर औषधी विक्रिवितरण हुने गरेको पाइएको हो । मंगलवार गरिएको अनुगमनका क्रममा लाइसेन्स अर्कैको नाममा त्यसमाथि मदिराको कारोबारसंगै भेटेनरी सेवा समेत प्रवाह गरेका गाउँपालिकाको वडा नम्बर ३ र ४ भित्रका अधिकांश पसलमा अनुगमन गरेर जरिवान काटिएको गाउँपालिकाले जनाएको छ । त्यस्तै, ती वडामा नियमविपरित सञ्चलनमा रहेका पसलहरुमा ८२ हजार जरीवाना असुल गरिएको र तीन ओटा पसल सिल गरिएका जनाइएको छ । अन्य पसलहरुमा समेत अनुगन गरेर ५१ हजार मूल्य बराबरका म्याद नाघेका सामग्री बरामद गरी नष्ट गरिएको छ ।
कञ्चनपुर: कञ्ञ्चनपुरका किसान मल नपाएर हैरान भएका छन् । मल नपाएर हैरान भएका जिल्लाको कृष्णपुर नगरपालिका २ का किसानको सहकारी कार्यालयमा भिड लागेको छ । उक्त वडाको वाणीस्थित चुरे लालझाडी जैविक मार्ग संरक्षण कृषि सहकारी संस्थामा किसानहरुको भिड लागेको हो । खेतीपाती गर्ने समयमा मल नपाउन थालेपछि किसान चिन्तित बनेका छन् । कुनै एउटा वडा वा स्थानीय तह मात्र नभई सुदूरपश्चिममा नै सधैँ मल अभाव हुने गरेको छ । सरकारले नै मल आपूर्ति गर्न सकेको छैन । जसका कारण किसानहरु मर्कामा पर्ने गरेका छन् ।
धनगढी: सुदूरपश्चिमका मुख्यमन्त्री कमलबहादुर र विश्व खाद्य कार्यक्रम नेपालका लागि प्रतिनिधि तथा निर्देशक रोबर्ट कास्काबीच वार्तालाप भएको छ । दुबै जनाबीच मुख्यमन्त्रीको कार्यकक्षमा विशेष वार्तालाप भएको बताइएको छ । भेटमा सुदूरपश्चिमको खाद्य अवस्था र आवश्यक समन्वयको बारेमा छलफल भएको बताइएको छ।
बैतडीः बैतडीको दशरथचन्द नगरपालिका वडा नम्बर–१० का किसानलाई बाख्रा वितरण गरिएको छ । प्रदेश सरकारको सहयोगमा वडाका सय जना किसानलाई १/१ ओटा खरिजातका बाख्रा वितरण गरिएको हो । किसानहरुलाई आत्मनिर्भर बनाउन वडामा प्रदेशको बजेटबाट सञ्चालित कार्यक्रम मार्फत बाख्रा वितरण गरिएको वडा अध्यक्ष त्रिलोक सिंह विष्टले बताए । यस्तै, दुई ओटा समूहमा बोका पनि वितरण गरिएका छन् । दुई समूहलाइ दुई बोका वितरण गरिएको बताइएको छ । यसअघि पनि वडामा बाख्रा वितरण गरिएको थियो । अहिले छुटेका किसानलाई बाख्रा वितरण गरिएको वडा अध्यक्ष विष्टल बताए ।
कञ्चनपुर: कञ्चनपुरको भीमदत्त नगरपालिका–४ गोबरियाका दमन चन्द फलफूलका बिरुवा उत्पादन गरेर मनग्य आम्दानी गरिरहेका छन् । तीन कट्ठा जमिनमा नर्सरी बनाएर फलफूलका बिरुवा उत्पादन गरेर विक्री गर्दा उनले मासिक ६० हजार रुपैयाँसम्म आम्दानी हुने गरेको बताए । उनी इच्छाशक्ति भए थोरै जमिनमा पनि मनग्य आम्दानी गर्न सकिन्छ भन्ने उदाहरण बनेका छन् । पाँच वर्षयता तीन कठ्ठा जमिनमा फलफूल नर्सरी सञ्चालन गरिरहेका चन्दले कारोबारको ५० प्रतिशत मुनाफा हुने गरेको बताएका छन् । फलफूलका बिरुवा उत्पादन गरी विक्री वितरणका साथै माग गरेको स्थानमा ग्रिनहाउस, होटल, प्यालेसको सजावट तथा स्थानीय पालिकामा नर्सरी बनाउन जाने गरेका चन्दले सोही व्यवसायबाट भएको आम्दानीले जीविका चलाउने गरेको…
काठमाडौं: नागरिक उन्मुक्ति पार्टीका वरिष्ठ उपाध्यक्ष दामोदर पण्डितले रेशमलाल चौधरी हत्यारा भए फाँसी दिन भनेका छन् । उनले पत्रकार सम्मेलनमा यदि रेशमलाल चौधरीलगायतका राजबन्दी हत्यारा हुन भने फासिदिने ऐन बनाएर फाँसी दिन माग गरेका हुन् । सर्वोच्च अदालतले नाउपाका संरक्षक रेशम चौधरीलाई जन्मकैदको फैसला सदर गरेपछि उक्त पार्टी अहिले आन्दोलित बनेको हो । वरिष्ठ उपाध्यक्ष पण्डितले सरकारसँग लाल आयोगको प्रतिवेदन सार्वजनिक गर्न पनि माग गरे । यसअघि सीके राउतदेखि विप्लवसम्मको आन्दोलन राजनीतिक बन्दा ०७२ सालमा टीकापुरमा घटेको घटना किन राजनीतिक बनेन ? भनेर सरकारलाई प्रश्न गरे । उनले भने, ‘हिजोका सम्मानित आदलतको फैसला न्यायमुर्तिहरुका निर्णय स्वीकार्य त छ तर यो…
धनगढी: धनगढीमा पछिल्लो समयम गर्मी निकै बढिरहेको छ । मंगलवार ३७ डिग्री सेल्सियस मापन गरिएको धनगढीको तापक्रम बुधवार पनि सोही अनुपातमा रहेको मौसम विभागले जनाएको छ । गर्मीको समयमा शरिरमा विभिन्न प्रकारका समस्या देखिने भएकाले दिउँसोको समयमा बाहिर ननिस्कन र निस्किनु परे छाता तथा पूरा शरिर छाप्ने लुगा लगाउन चिकित्सकले सुझाएका छन् । लु तथा गर्मी मौसममा हुन सक्ने अन्य रोगहरुबाट बच्न अत्याधिक मात्रामा पानी पिउनुपर्ने भनिएको छ ।